نُبذَةٌ فِي العَقِيدَةِ الإِسْلَامِيَّة (شَرْحُ أُصُولِ الإِيمَانِ)

ߛߌ߬ߟߡߊ߬ߦߊ߫ ߛߌ߬ߘߌ߲߬ߒߞߣߐ߬ߟߌ ߓߊߕߐߡߐ߲߫

بِقَلَم فَضِيلَة الشَّيخ العَلَّامَة

مُحَمَّدِ بْنِ صَالِحٍ العُثَيمِين

غَفَرَ اللَّهُ لَهُ وَلِوَالِدَيْهِ وَلِلْمُسْلِمِين

ߗߍ߬ߡߐ߯ ߞߏ߲߬ߓߏ߬ߟߋ߲߫ ߝߌ߬ߛߊ߬ߡߊ߲ߒ߬ߕߋ ߓߟߏ߫

ߡߎ߬ߤ߭ߊߡߡߊߘ ߓߎߣ ߛ߫ߐ߯ߟߌߤ߭ ߊߟߑߊ߳ߺߎߛ߳ߊߦߑߡߌ߯ߣ

ߊߟߡߊ߫ ߜߊ߲ߞߎߣߊ߫ ߞߍ߫ ߘߴߊ߬ ߣߴߊ߬ ߡߏߦߌߓߊ߮ ߝߌ߬ߟߊ ߣߌ߫ ߛߌ߬ߟߊ߬ߡߊ ߟߎ߬ ߦߋ߫

بِسْمِ اللَّهِ الرَّحْمَنِ الرَّحِيمِ

ߛߌ߬ߟߡߊ߬ߦߊ߫ ߛߌ߬ߘߌ߲߬ߒߞߣߐ߬ߟߌ ߓߊߕߐߡߐ߲߫

ߊߟߊ߫ ߡߊ߬ߤߌ߬ߣߊ߬ߟߊ߫ ߤߌߣߟߊ ߕߐ߯ ߟߊ߫

ߢߍߛߓߍ

ߕߊ߲߬ߘߏ ߊߟߊ߫ ߦߋ߫ ߸ ߊ߲ ߧߴߏ߬ ߟߋ ߕߊ߲߬ߘߏ߬ ߟߊ߫ ߸ ߞߊ߬ ߘߍ߬ߡߍ߲ ߧߌߣߌ߲ ߊ߬ ߟߊ߫ ߸ ߞߊ߬ ߖߝߊ߬ߕߙߊ ߢߌߣߌ߲߫ ߊ߬ ߝߍ߬ ߸ ߞߊ߬ ߒ߬ ߞߐߛߊ߬ߦߌ߫ ߊ߬ ߡߊ߬ ߞߴߊ߲ ߞߎ߲߭ߞߊ߬ߙߌ߬ߝߊ߫ ߊ߬ ߟߊ߫ ߞߊ߬ ߓߐ߫ ߒ߬ ߣߌ ߟߊ߫ ߖߎ߯ߦߊ ߡߊ߬ ߸ ߊ߬ ߣߌ߫ ߒ߬ ߠߊ߬ ߓߊ߯ߙߊ ߟߎ߬ ߘߐ߫ ߖߎ߯ߡߊ߲ ߡߊ߬ ߸ ߊߟߊ߫ ߓߊ߫ ߡߍ߲ ߞߊ߲ߘߊ߫ ߟߊ߬ߝߟߌ߬ߓߊ߮ ߕߴߏ߬ ߟߊ߫ ߸ ߣߴߊ߬ ߘߏ߲߬ ߞߊ߬ ߡߍ߲ ߠߊߝߟߌ߬ ߞߊ߲ߘߊߓߊ߮ ߕߴߏ߬ ߝߣߊ߫ ߟߊ߫ ߸ ߒ ߓߘߊ߫ ߛߙߋߕߋߕߋߦߊ߫ ߕߌ߰ ߜߘߍ߫ ߕߍ߫ ߊߟߊ߫ ߞߐ߫ ߊ߬ ߞߋߟߋ߲߫ ߔߋ ߟߋ߬ ߜߙߊ߬ߢߐ߲߯ ߕߴߊ߬ ߟߊ߫ ߒ ߓߘߊ߫ ߛߙߋߕߋߕߋߦߊ߫ ߞߏ߫ ߡߎ߬ߤ߭ߊߡߡߊߘ ߦߋ߫ ߊߟߊ߫ ߟߊ߫ ߖߐ߲߭ ߣߴߊ߬ ߟߊ߫ ߞߋߟߊ ߟߋ߬ ߘߌ߫ ߸ ߞߛߌ ߣߌ߫ ߣߍߡߊ ߦߴߊ߬ ߣߴߊ߬ ߞߐߙߍ߫ ߣߴߊ߬ ߘߍ߬ߢߐ߲߮ ߠߎ߬ ߣߴߊ߬ ߟߓߊ߬ߕߏ߬ߓߊ߰ ߓߘߍ ߟߎ߬ ߦߋ߫ ߸ ߞߛߌ ߘߝߊߣߍ߲ ߠߊ߫

ߏ߬ ߕߊ߬ߡߌ߲߬ߣߍ߲ ߞߐ߫: ( ߊߟߊ߫ ߞߋ߬ߟߋ߲߬ߓߊ߰ߦߊ ߟߐ߲ߞߏ) ߟߋ߬ ߦߋ߫ ߟߐ߲ߞߏ ߟߎ߬ ߘߐ߫ ߝߌ߬ߛߊ߬ߡߊ߲ߒ߬ߕߋ ߘߌ߫ ߸ ߊ߬ߟߋ ߟߋ߬ ߘߊߙߌߦߊ ߞߊߓߏ߲߬ ߸ ߊ߬ ߟߐ߲ߠߌ߲ ߦߋ߫ ߛߋ߲ߛߋߘߋ߲ ߠߋ߬ ߘߌ߫ ߸ ߞߵߊ߬ ߡߊߛߐ߬ߘߐ߲߬ ߏ߬ ߦߋ߫ ߊߟߊ߫ ߞߘߐߕߊ߬ߣߍ߲߬ߓߊ ߟߐ߲ ߠߋ߬ ߘߌ߫ ߊ߬ ߣߴߊ߬ ߕߐ߮ ߟߎ߬ ߣߴߊ߬ ߡߊ߲߬ߞߕߎ ߠߎ߬ ߣߴߊ߬ ߤߊߞߍ ߟߎ߬ ߸ ߊ߬ ߟߊ߫ ߖߐ߲߭ ߠߎ߬ ߞߊ߲߬ ߸ ߓߊߏ߬ ߞߏߢߌ߲ ߠߋ߬ ߞߊ߬ ߕߊ߯ ߊߟߊ߫ ߟߐ߲ ߛߌߟߊ߫ ߞߊ߲߬ ߸ ߊ߬ ߣߴߊ߬ ߟߊ߫ ߞߎ߬ߙߎ߲߬ߘߎ ߟߎ߬ ߓߊߖߎ߰ߞ߮ ߟߋ߬.

ߏ߬ ߘߐ߫: ߞߋߟߊߘߋ߲ ߠߎ߬ ߓߍ߲߬ ߘߊ߫ ߢߐ߲߮ ߡߊ߬ ߞߟߌߟߌ ߘߐ߫ ߸ ߊߟߊ߫ ߞߘߐߕߊ߬ߣߍ߲߬ߓߊ  ߞߵߊ߬ ߝߐ߫ ߞߏ߫:

﴿وَمَآ أَرۡسَلۡنَا مِن قَبۡلِكَ مِن رَّسُولٍ إِلَّا نُوحِيٓ إِلَيۡهِ أَنَّهُۥ لَآ إِلَٰهَ إِلَّآ أَنَا۠ فَٱعۡبُدُونِ25﴾

{ ߊ߲ ߡߊ߫ ߞߋߟߊ߫ ߛߌ߫ ߗߋ߫ ߌߟߋ ߢߍ߫ ߞߘߐ߬ߡߊ߲߫ ߸ ߝߏ߫ ߊ߲ ߧߋ߫ ߦߟߌߘߏ߲ ߟߐ߬ ߏ ߡߊ߬ ߞߏ߫ ߡߊ߰ߙߌ߬ ߜߘߍ߫ ߕߍ߫ ߒߠߋ ߞߐ߫ ߸ ߊߟߎ߫ ߦߋ߫ ߒߠߋ ߟߋ߫ ߓߊ߬ߕߏ߫ ߘߋ߬} [ ߟߊ߬ߝߐ߬ߓߊ߮ ߟߎ߬ ߝߐߘߊ ߟߝ: ߂߅]

ߊߟߊ߫ ߞߘߐߕߊ߬ߣߍ߲߬ߓߊ ߛߙߋߦߊߣߍ߲ ߊ߬ ߖߍ߬ߘߍ ߟߊ߫ ߞߋ߬ߟߋ߲߬ߧߊ ߡߊ߬ ߸ ߊ߬ ߟߊ߫ ߞߋ߲ߛߐ߲ ߠߎ߬ ߣߌ߫ ߟߐ߲ߞߏߕߌ߮ ߟߎ߬ ߝߣߊ߫ ߛߙߋߦߊߣߍ߲ ߏ߬ ߟߋ߫ ߡߊ߬ ߸ ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫:

﴿شَهِدَ ٱللَّهُ أَنَّهُۥ لَآ إِلَٰهَ إِلَّا هُوَ وَٱلۡمَلَٰٓئِكَةُ وَأُوْلُواْ ٱلۡعِلۡمِ قَآئِمَۢا بِٱلۡقِسۡطِۚ لَآ إِلَٰهَ إِلَّا هُوَ ٱلۡعَزِيزُ ٱلۡحَكِيمُ 18﴾

{ ߊߟߊ߫ ߛߙߋߦߊߣߍ߲߫ ߞߏ߫ ߡߊ߰ߙߌ߬ ߜߘߍ߫ ߕߍ߫ ߊ߬ߟߋ߬ ߞߐ߫، ߊ߬ ߣߌ߫ ߞߋ߲ߛߐ߲ ߠߎ߬ ߣߌ߫ ߟߐ߲ߞߏߕߌ߮ ߟߎ߬ ( ߛߙߋߦߊߣߍ߲߫ )، ߊ߬ ߟߐ߬ ߓߟߏ ߡߊ߬ ( ߊ߬ ߟߊ߫ ߘߊ߲ߝߋ߲ ߠߎ߬ ߘߊ߲ ߞߏߢߊ ߟߊ߫) ߕߋߟߋ߲ߓߊ߯ߦߊ ߟߊ߫، ߡߊ߰ߙߌ߬ ߜߘߍ߫ ߕߍ߫ ߊ߬ߟߋ߬ ߞߐ߫، ߣߌ߬ߣߌ߬ߟߊ߫ ߟߋ߬ ߸ ߥߘߋ߬ߥߘߋ߬ߟߌ߬ߟߊ߫ ߟߋ߬ } [ߌߡߑߙߣߊ ߞߐߙߍ، ߟ:߁߈]

ߌߞߏߡߌ߲߬ ߊߟߊ߫ ߞߋ߬ߟߋ߲߬ߓߊ߰ߦߊ ߞߏ ߟߋ߫ ߸ ߊ߬ ߦߋ߫ ߛߋ߲ߛߋߘߋ߲߫ ߠߋ߬ ߘߌ߫ ߛߌ߬ߟߊ߬ߡߊ ߓߍ߯ ߞߊ߲߬ ߞߵߊ߬ ߘߐ߬ߘߏ߲ ߊ߬ ߟߐ߲ߠߌ߲ ߠߴߊ߬ ߟߊ߬ߞߊ߬ߙߊ߲߬ߠߌ߲ ߸ ߣߴߊ߬ ߡߙߌߘߐ ߣߴߊ߬ ߖߛߎ߬ߞߎ߲߬ ߠߊߛߘߌ ߟߊ߫ ߸ ߊ߬ ߟߊ߫ ߘߌ߯ߣߊ ߦߋ߫ ߟߐ߬ ߜߘߌ߫ ߢߌߡߊ ߞߊ߲߬ ߸ ߣߌ߫ ߖߐ ߣߌ߫ ߘߍ߲߬ߞߣߍ߬ߦߊ ߘߝߊߣߍ߲߫ ߘߐ߫ ߸ ߖߐ߲߬ߛߴߊ߬ ߘߌ߫ ߞߎ߲߬ߠߊ߬ߘߌߦߊ ߣߌ߫ ߖߋ߬ߓߌ ߛߐ߬ߘߐ߲߬ ߊ߬ ߣߝߊ ߟߊ߫

ߊߟߊ߫ ߟߋ߬ ߓߍ߲߬ߒ߬ߛߋ߲߬ߡߊ ߕߌ߱ ߘߌ߫

ߛߓߍߦߟߊ

ߛߌ߬ߟߡߊ߬ߦߊ߬ ߘߌ߯ߣߊ

ߛߌ߬ߟߡߊ߬ߦߊ߬ ߘߌ߯ߣߊ : ߏ߬ ߦߋ߫ ߘߌ߯ߣߊ߫ ߟߋ߬ ߘߌ߫ ߊߟߊ߫ ߞߊ߬ ߡߎ߬ߤ߭ߊߡߡߊߘ ߗߋ߫ ߡߍ߲ ߘߌ߫ ߞߛߌ ߣߌ߫ ߣߍߡߊ ߦߴߊ߬ ߢߍ߫ ߸ ߊߟߊ߫ ߞߊ߬ ߘߌ߯ߣߊ߫ ߓߍ߯ ߟߊߓߊ߲߫ ߊ߬ߟߋ߬ ߟߋ߬ ߡߊ߬ ߸ ߞߴߊ߬ ߘߊߝߴߊ߬ ߟߊ߫ ߖߐ߲߭ ߠߎ߬ ߦߋ߫ ߸ ߊ߬ ߞߊ߬ ߣߍߡߊ ߘߝߊ߫ ߊ߬ߟߎ߫ ߞߊ߲߬ ߸ ߞߊ߬ ߘߌ߬ߢߍ߬ ߊ߬ߟߎ߬ ߦߋ߫ ߘߌ߯ߣߊ ߘߌ߫߸ ߒ߬ߓߵߊ߬ ߕߍ߫ ߡߐ߰ ߛߌ߫ ߟߊ߫ ߘߌ߯ߣߊ߫ ߜߘߍ ߟߊߡߌ߬ߣߊ߬ ߟߊ߫ ߡߎ߬ߕߎ߲߬߸ ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫:

﴿مَّا كَانَ مُحَمَّدٌ أَبَآ أَحَدٖ مِّن رِّجَالِكُمۡ وَلَٰكِن رَّسُولَ ٱللَّهِ وَخَاتَمَ ٱلنَّبِيِّـۧنَۗ وَكَانَ ٱللَّهُ بِكُلِّ شَيۡءٍ عَلِيمٗا 40﴾

{ ߡߊ߬ߡߊߘߌ߫ ߕߍ߫ ߡߐ߰ ߛߌ߫ ߝߊ߬ ߘߌ߫ ߊߟߎ ߗߍ߭ ߟߎ߬ ߘߐ߫ ߸ ߞߏ߬ߣߌ߲߬ ߊߟߊ߫ ߟߊ߫ ߞߋߟߊ ߟߋ߬ ߸ ߊ߬ ߣߌ߫ ߟߊ߬ߝߐ߬ߓߊ߮ ߟߎ߬ ߟߊߓߊ߲ ߠߋ߬ ، ߊߟߊ߫ ߞߍߣߍ߲߫ ߞߏ ߓߍ߯ ߟߐ߲ߓߊ߮ ߟߋ߬ ߘߌ߫} [ ߞߙߎߞߊ ߟߎ߬ ߝߐߘߊ ߟ ߄߀]

ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫:

﴿...ٱلۡيَوۡمَ أَكۡمَلۡتُ لَكُمۡ دِينَكُمۡ وَأَتۡمَمۡتُ عَلَيۡكُمۡ نِعۡمَتِي وَرَضِيتُ لَكُمُ ٱلۡإِسۡلَٰمَ دِينٗا...﴾

{ ߓߌ߬ ߞߊ߬ߣߌ߲ ߸ ߒ ߓߘߴߊߟߎ߫ ߘߌ߯ߣߊ ߘߝߴߊߟߎ߫ ߦߋ߫ ߞߐ߲، ߊ߬ ߣߌ߫ ߒ ߓߘߊ߫ ߒ ߠߊ߫ ߣߍߡߊ ߞߎ߲߬ߘߏ߲߬ ߊߟߎ߫ ߦߋ߫، ߊ߬ ߣߌ߫ ߒ ߓߘߊ߫ ߘߌ߬ߢߍ߬ ߊߟߎ߫ ߦߋ߫ ߖߘߍ߬ߞߟߏ߬ߦߊ ߡߊ߬ ߊߟߎ߫ ߟߊ߫ ߣߊߡߎ߲ ߘߌ߫} [ ߛߎ߬ߡߊ߲߬ߝߍ ߝߐߘߊ : ߟ ߃]

ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫:

﴿إِنَّ ٱلدِّينَ عِندَ ٱللَّهِ ٱلۡإِسۡلَٰمُ...﴾

{ ߘߌ߯ߣߊ ߡߍ߲ ߦߋ߫ ߊߟߊ߫ ߓߟߏ߫ ߸ ߏ߬ ߟߋ ߖߘߍ߬ߞߟߏ߬ߦߊ ߘߌ߫} [ ߌߡߎ߬ߙߊ߲߬ ߞߐߙߍ ߝߐߘߊ ߟ: ߁߉]

ߊߟߊ߫ ߞߘߐߕߊ߬ߣߍ߲߬ߓߊ ߞߴߊ߬ ߝߐ߫ ߞߏ߫:

﴿وَمَن يَبۡتَغِ غَيۡرَ ٱلۡإِسۡلَٰمِ دِينٗا فَلَن يُقۡبَلَ مِنۡهُ وَهُوَ فِي ٱلۡأٓخِرَةِ مِنَ ٱلۡخَٰسِرِينَ 85﴾

{ ߡߍ߲ ߓߊ߯ ߢߌߣߌ߲߫ ߛߌ߬ߟߡߊ߬ߦߊ ߕߊ߬ߣߊ߫ ߡߊ߬ ( ߞߵߏ߬ ߞߴߊ߬ ) ߘߌ߯ߣߊ ߘߌ߫ ߸ ߏ߬ ߕߍ߫ ߡߌ߬ߘߊ߫ ߏ߬ ߟߊ߫ ߡߎ߰ߡߍ߫، ߏ ߘߏ߲߬ ߞߍߕߐ߫ ߟߊߞߌߙߊ߫ ߓߣߐ߬ߓߊ߮ ߟߎ߬ ߘߏ߫ ߟߋ߬ ߘߌ߫} [ ߌߡߎ߬ߙߊ߲߬ ߞߐߙߍ ߝߐߘߊ ߟ: ߈߅]

ߊߟߊ߫ ߞߘߐߕߊ߬ߣߍ߲߬ߓߊ ߓߘߴߊ߬ ߘߌߦߊߜߏߦߊ߫ ߡߐ߱ ߓߍ߯ ߡߊ߬ ߞߐߘߍ߫ ߸ ߞߏ߫ ߞߊ߬ ߖߎ߬ߟߎ ߕߊ߬ ߊߟߊ߫ ߞߘߐߕߊ߬ߣߍ߲߬ߓߊ ߡߊ߬ ߸ ߊ߬ ߞߵߊ߬ ߝߐ߫ ߞߎߡߊ ߢߍߛߌ߲߫ ߘߐ߫ ߞߋߟߊ ߡߊ߬ ߞߛߌ ߣߌ߫ ߣߍߡߊ ߦߴߊ߬ ߢߍ߫ ߞߏ߫:

﴿قُلۡ يَٰٓأَيُّهَا ٱلنَّاسُ إِنِّي رَسُولُ ٱللَّهِ إِلَيۡكُمۡ جَمِيعًا ٱلَّذِي لَهُۥ مُلۡكُ ٱلسَّمَٰوَٰتِ وَٱلۡأَرۡضِۖ لَآ إِلَٰهَ إِلَّا هُوَ يُحۡيِۦ وَيُمِيتُۖ فَـَٔامِنُواْ بِٱللَّهِ وَرَسُولِهِ ٱلنَّبِيِّ ٱلۡأُمِّيِّ ٱلَّذِي يُؤۡمِنُ بِٱللَّهِ وَكَلِمَٰتِهِۦ وَٱتَّبِعُوهُ لَعَلَّكُمۡ تَهۡتَدُونَ 158﴾

{ ߊ߬ ߝߐ߫ ߞߏ߫ ߤߍ߲߬ ߊߟߎ߬ ߡߐ߱ ߟߎ߬ ߸ ߒߠߋ ߦߋ߫ ߊߟߊ߫ ߟߊ߫ ߞߋߟߊ ߟߋ߬ ߘߌ߫ ߊߟߎ߫ ߓߍ߯ ߟߊߘߍ߬ߣߍ߲ ߡߊ߬، ߛߊ߲ ߠߎ߬ ߣߌ߫ ߘߎ߱ ߡߊ߲߬ߛߊ߬ߦߊ ߦߋ߫ ߡߍ߲ ߓߟߏ߫ ߞߊ߬ߣߌ߲߫، ߡߊ߰ߙߌ߬ ߜߘߍ߫ ߕߍ߫ ߏ߬ ߟߋ ߞߐ߫، ߊ߬ߟߋ ߟߋ߫ ߟߊ߬ߣߌ߬ߡߦߊ߬ߟߌ ߣߌ߫ ߛߊ߬ߟߌ ߞߍ߫ ߟߊ߫، ߒ߬ߓߵߊߟߎ߯ ߟߴߊߟߊ߫ ߟߊ߫߸ ߊ߬ ߣߴߊ߬ ߟߊ߫ ߞߋߟߊ߫ ߟߊ߬ߝߐ߬ߓߊ߯ ߞߎ߲߬ߝߌ߲ ߠߊ߫߸ ߏ߬ ߡߍ߲ ߟߊߣߍ߲߫ ߊߟߊ߫ ߣߴߊ߬ ߟߊ߫ ߞߎߡߊ ߟߎ߬ ߟߊ߫، ߊߟߎ߯ ߏ߬ ߟߊߓߊ߬ߕߏ߬ ߛߴߊߟߎ߫ ߘߌ߫ ߞߊ߲ߘߊ߫} [ ߕߓߊߞߘߐߣߍ߲߫ ߝߐߘߊ ߟ: ߁߅߈]

ߊ߬ ߦߋ߫ ߡߎ߬ߛߑߟߌߡ ߟߊ߫ ߔߌߦߐߔߌߦߐ ߘߐ߫ ߸ ߞߴߊ߬ ߡߌ߬ߘߊ߬ ߊ߬ߓߌ߰ ߤߎߙߊߦߑߙߕߊ߬ ߡߊ߬ ߞߵߊ߬ ߡߌ߬ߘߊ߬ ߊߟߊ߫ ߟߊ߫ ߞߋߟߊ ߡߊ߬ ߞߛߌ ߣߌ߫ ߣߍߡߊ ߦߴߊ߬ ߦߋ߫ ߞߏ߫:

«وَالَّذِي ‌نَفْسُ ‌مُحَمَّدٍ ‌بِيَدِهِ ‌لَا ‌يَسْمَعُ بِي أَحَدٌ مِنْ هَذِهِ الْأُمَّةِ يَهُودِيٌّ وَلَا نَصْرَانِيٌّ، ثُمَّ يَمُوتُ وَلَمْ يُؤْمِنْ بِالَّذِي أُرْسِلْتُ بِهِ إِلَّا كَانَ مِنْ أَصْحَابِ النَّارِ».

<< ߒ ߓߘߊ߫ ߒ ߞߊ߬ߟߌ߬ ߝߋ߲߫ ߠߊ߫ ߒ ߣߌ ߦߴߏ߬ ߡߍ߲߫ ߓߟߏ߫ ߡߐ߰-ߐ-ߡߐ߰ ߞߊ ߒ ߞߏߡߍ߲ ߡߊ߲߬ߕߏ߲ ߠߎ߬ ߘߐ߫ ߏ߬ ߞߍ߫ ߘߊ߫ ߦߊ߬ߤߎ߬ߘߌߦߊ ߘߌ߫ ߥߟߊ߫ ߣߊ߲߬ߛߊ߯ߙߊ ߘߌ߫ ߏ߬ ߞߐߝߍ߬ ߞߊ߬ ߛߊ߬ ߞߊ߬ ߕߘߍ߬ ߊ߬ ߡߊ߫ ߘߍ߲߬ߞߣߍ߬ߦߊ߫ ߝߋ߲߫ ߡߊ߫ ߒ ߗߋ߫ ߟߊ߫ ߣߍ߲߫ ߡߍ߲ ߘߌ߫ ߸ ߝߵߏ߬ ߕߌ߱ ߦߋ߫ ߞߍ߫ ߕߊߥߋ߲߯ߓߋ ߘߏ߲߰ߞߏ ߘߏ߫ ߘߌ߫ >>

ߞߊ߬ ߘߍ߲߬ߞߣߍ߬ߦߴߊ߬ ߡߊ߬ : ߏ߬ ߦߴߊ߬ ߕߎ߬ߢߊ߲߬ߕߋ߬ߦߊ ߟߋ߬ ߘߌ߫ ߞߊ߬ ߛߐ߲߬ ߊ߬ ߡߊ߫ ߞߴߊ߬ ߟߊߕߊ߲߬ߞߊ߫ ߸ ߘߊߟߊ߫ ߘߍ߲߬ߞߣߍ߬ߦߊ ߘߐߙߐ߲߫ ߕߍ߫ ߸ ߏ߬ ߟߋ ߞߵߊ߬ ߞߍ߫ ߊ߬ߓߎ߫ ߕߊ߯ߟߌߓߌ߫ ߡߊ߫ ߘߍ߲߬ߞߣߍ߬ߦߊ߫ ߞߋߟߊ ߡߊ߬ ߞߛߌ ߣߌ߫ ߣߍߡߊ ߦߴߊ߬ ߦߋ߫ ߸ ߞߴߊ߬ ߕߘߍ߬ ߊ߬ ߘߍ߲߬ߞߣߍ߬ߦߊ߬ߣߍ߲߫ ߕߘߍ߬ ߏ߬ ߣߊ߬ߟߌ߬ ߝߋ߲ ߡߊ߬ ߸ ߊ߬ ߛߙߋߦߊߣߍ߲ ߝߣߊ߫ ߞߏ߫ ߊ߬ ߦߋ߫ ߘߌ߯ߣߊ ߟߎ߬ ߘߐ߫ ߢߌ߬ߡߊ ߘߏ߫ ߟߋ߬ ߘߌ߫

ߛߌ߬ߟߡߊ߬ߦߊ߬ ߘߌ߯ߣߊ : ߢߊ߬ߞߏ ߓߍ߯ ߦߴߊ߬ ߘߐ߫ ߡߍ߲ ߠߎ߬ ߕߘߍ߬ ߦߋ߫ ߘߌ߯ߣߊ߫ ߞߘߐ ߟߎ߬ ߘߐ߫߸ ߊ߬ ߘߏ߲߬ ߘߊ߲߬ߝߘߊ߬ߓߐ ߟߋ߬ ߞߏߛߐ߲߬ ߊ߬ ߓߍ߲߬ߣߍ߲߫ ߕߎ߬ߡߊ ߓߍ߯ ߣߌ߫ ߦߙߐ ߓߍ߯ ߣߌ߫ ߡߌ߬ߙߌ߲߬ߘߌ ߓߍ߯ ߡߊ߬ ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߊ߬ ߟߊ߫ ߞߋߟߊ ߢߍ߫ ߞߎߡߊ߫ ߓߟߏ߫ ߡߊ߬ ߞߏ߫:

﴿وَأَنزَلۡنَآ إِلَيۡكَ ٱلۡكِتَٰبَ بِٱلۡحَقِّ مُصَدِّقٗا لِّمَا بَيۡنَ يَدَيۡهِ مِنَ ٱلۡكِتَٰبِ وَمُهَيۡمِنًا عَلَيۡهِ...﴾

{ ߊ߲ ߞߊ߬ ߟߍߙߊ ߟߊߖߌ߰ ߌߟߋ ߝߣߊ߫ ߡߊ߬ ߕߎ߬ߢߊ ߟߋ߬ ߟߊ߫߸ ߞߵߊ߬ ߞߴߊ߬ ߢߍ߫ ߟߍߙߊ ߟߊߛߙߋߦߊߟߊ߲ ߘߌ߫ ߸ ߊ߬ ߣߴߊ߬ ߡߊߞߊ߲ߞߊ߲ߓߊ߮߮ ߘߌ߫ } [ ߛߎ߬ߡߊ߲߬ߝߍ ߝߐߘߊ ߟ :߄߈]

ߊ߬ ߓߊ߫ ߝߐ߫ ߞߏ߫ ߥߊ߯ߕߌ ߓߍ߯ ߦߙߐ ߓߍ߯ ߊ߬ ߣߌ߫ ߖߡߊ߬ߣߊ ߓߍ߯ ߏ ߞߘߐ ߟߋ߬ ߞߏ߫ : ߓߟߏ߫ ߞߍ߫ ߊ߬ ߟߊ߬ ߸ ߊ߬ ߕߍ߫ ߡߊ߲߬ߕߙߐ߬ ߟߊߛߋ߫ ߟߊ߫ ߖߡߊ߬ߣߊ ߡߊ߬ ߕߎ߬ߡߊ߬ ߛߌ߫ ߥߟߊ߫ ߦߙߐ߫ ߛߌ߫ ߟߊ߫ ߸ ߊ߬ ߖߍ߬ߘߍ ߦߋ߫ ߣߊ߬ߝߊ ߟߋ߫ ߟߊߛߋ߫ ߟߴߊ߬ ߡߊ߬ ߸ ߏ߬ ߕߴߊ߬ ߦߌ߬ߘߊ߬ ߟߊ߫ ߞߏ߫ ߊ߬ ߞߟߏߣߍ߲߫ ߕߎ߬ߡߊ ߓߍ߯ ߣߌ߫ ߦߙߐ ߓߍ߯ ߣߌ߫ ߡߌ߬ߙߌ߲߬ߘߌ ߓߍ߯ ߡߊ߬ ߸ ߦߏ߫ ߘߏ߫ ߟߎ߫ ߦߴߊ߬ ߝߍ߬ ߢߊ ߡߍ߲߫.

ߛߌ߬ߟߡߊ߬ߦߊ ߘߌ߯ߣߊ ߦߋ߫ : ߘߌ߯ߣߊ ߕߎ߬ߢߊ߬ߡߊ ߟߋ߬ ߘߌ߫ ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ ߖߘߍ߬ ߓߟߏߡߟߊ߫ ߘߌ߫ ߡߐ߰ ߡߊ߬ ߡߍ߲ ߣߘߐߣߍ߲߫ ߊ߬ ߟߊ߫ ߸ ߞߏ߫ ߊ߬ ߘߴߊ߬ ߘߍ߬ߡߍ߲߬ ߊ߬ ߣߌ߫ ߞߊ߬ ߛߋ߫ ߘߴߊ߬ ߡߴߊ߬ ߢߐ߲߮ ߓߍ߯ ߞߊ߲߬ ߸ ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ ߞߏ߫:

﴿هُوَ ٱلَّذِيٓ أَرۡسَلَ رَسُولَهُۥ بِٱلۡهُدَىٰ وَدِينِ ٱلۡحَقِّ لِيُظۡهِرَهُۥ عَلَى ٱلدِّينِ كُلِّهِۦ وَلَوۡ كَرِهَ ٱلۡمُشۡرِكُونَ 9﴾

{ ߊ߬ߟߋ ߟߋ߫ ߞߵߊ߬ ߟߊ߫ ߞߋߟߊ ߗߋ߫ ߞߊ߲ߘߦߊ ߘߌ߫ ߊ߬ ߣߌ߫ ߕߎ߬ߢߊ ߘߌ߯ߣߊ ߘߌ߫ ߸ ߛߴߊ߬ ߘߴߏ߬ ߟߊ߲ߞߣߍߡߊ߫ ߘߌ߯ߣߊ ߓߍ߯ ߞߊ߲߬ ߤߟߴߊ߬ ߜߏߦߊ߫ ߘߊ߫ ߡߊ߰ߙߌ߬ߜߙߊ߬ߟߊ ߟߎ߬ ߦߋ߫} [ ߟߐ߬ߖߟߎ߬ߡߊ ߝߐߘߊ ߟ:߉]

ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ :

﴿وَعَدَ ٱللَّهُ ٱلَّذِينَ ءَامَنُواْ مِنكُمۡ وَعَمِلُواْ ٱلصَّٰلِحَٰتِ لَيَسۡتَخۡلِفَنَّهُمۡ فِي ٱلۡأَرۡضِ كَمَا ٱسۡتَخۡلَفَ ٱلَّذِينَ مِن قَبۡلِهِمۡ وَلَيُمَكِّنَنَّ لَهُمۡ دِينَهُمُ ٱلَّذِي ٱرۡتَضَىٰ لَهُمۡ وَلَيُبَدِّلَنَّهُم مِّنۢ بَعۡدِ خَوۡفِهِمۡ أَمۡنٗاۚ يَعۡبُدُونَنِي لَا يُشۡرِكُونَ بِي شَيۡـٔٗاۚ وَمَن كَفَرَ بَعۡدَ ذَٰلِكَ فَأُوْلَٰٓئِكَ هُمُ ٱلۡفَٰسِقُونَ 55﴾

{ ߊߟߊ߫ ߓߘߴߊߟߎ߫ ߘߐ߫ ߟߊߒߠߦߊߓߊ߯ ߢߌ߬ߡߊ߬ ߞߍ߬ߟߊ ߟߎ߬ ߦߟߌߡߊߘߌߦߊ߫ ߸ ߞߏ߫ ߊ߬ ߘߴߊ߬ߟߎ߬ ߞߍ߫ ߣߘߐ߬ߛߌ߮ ߟߎ߬ ߘߌ߫ ߘߎ߱ ߞߊ߲߬ ߦߏ߫ ߊ߬ ߞߵߊ߬ߟߎ߬ ߢߍߓߊ߮ ߟߎ߬ ߞߍ߫ ߣߘߐ߬ߛߌ߮ ߟߎ߬ ߘߌ߫ ߢߊ ߡߍ߲ ߸ ߊ߬ ߣߴߊ߬ ߘߴߊ߬ߟߎ߬ ߟߊ߫ ߘߌ߯ߣߊ ߡߝߴߊ߬ߟߎ߬ ߦߋ߫ ߊ߬ ߘߌ߬ߢߍ߬ߣߍ߲߫ ߏ߬ ߡߍ߲ ߡߵߊ߬ߟߎ߬ ߦߋ߫ ߸ ߊ߬ ߣߴߊ߬ ߘߴߊ߬ߟߎ߬ ߟߊ߫ ߛߌߟߊ߲ ߝߊ߬ߟߋ߲߫ ߊ߬ߟߎ߬ ߦߋ߫ ߞߎ߲߬ߠߊ߬ߝߎߟߋ߲ ߠߊ߫ ߸ ߊ߬ߟߎ߬ ߦߋ߫ ߒ ߓߊ߬ߕߏ߫ ߟߋ߬ ߊ߬ߟߎ߬ ߞߊߣߊ߬ ߝߏߦߌ߫ ߝߙߊ߬ ߒ ߡߊ߬ ߏ߬ ߘߐ߫. ߡߍ߲ ߓߊ߯ ߓߊ߲߬ߓߊ߰ߦߊ ߞߍ߫ ߏ߬ ߞߐ߫ ߏ߬ ߟߎ߫ ߟߋ߬ ߔߊߟߊ߲ߞߊߓߊ߮ ߟߎ߬ ߘߌ߫ }

[ ߦߋߟߋ߲ ߝߐߘߊ ߟ: ߅߅]

ߛߌ߬ߟߡߊ߬ߦߊ ߘߌ߯ߣߊ ߦߋ߫ : ߖߛߎ߬ߞߎ߲߬ ߠߊߛߘߌ ߟߋ߬ ߘߌ߫ ߸ ߛߊߙߌߦߊ ߟߋ߬ ߸ ߊ߬ ߛߣߐ߬ߡߍ߬ߘߐ߬ߞߏ ߣߴߊ߬ ߛ߭ߊߙߌߦߊ ߟߎ߬ ߘߝߊߣߍ߲߫ ߠߋ߬

߁- ߊ߬ ߦߋ߫ ߖߡߊ߬ߙߟߌ ߞߍߟߊ߫ ߊߟߊ߫ ߞߘߐߕߊ߬ߣߍ߲߬ߓߊ ߞߋ߬ߟߋ߲߬ߧߊ ߟߋ߬ ߟߊ߫ ߞߊ߬ ߝߊߕߊ߲ߕߟߌ ߞߍ߫ ߡߊ߰ߙߌ߬ ߜߙߊ߫ ߡߊ߬

߂- ߞߊ߬ ߖߡߊ߬ߙߌ߬ߟߌ߫ ߞߍ߫ ߕߎ߬ߢߊ߬ߝߐ ߟߊ߬ ߞߊ߬ ߝߊߕߊ߲ߕߟߌ ߞߍ߫ ߥߎߦߊ ߡߊ߬

߃- ߞߊ߬ ߖߡߊ߬ߙߌ߬ߟߌ ߞߍ߫ ߕߋߟߋ߲ ߠߊ߫ ߸ ߞߊ߬ ߝߊߕߊ߲ߕߟߌ ߞߍ߫ ߕߐ߬ߢߍ߲߮ ߡߊ߬ ߸ ߕߋߟߋ߲ ߦߋ߫ ߟߊ߬ߞߢߊ߬ߟߌ ߟߋ߬ ߘߌ߫ ߡߎߣߎ߲ߧߊߟߌ ߟߎ߬ ߣߌ߫ ߘߊ߲߬ߝߘߊ߬ߓߐ߫ ߟߊ߫ ߝߘߏ߬ߢߐ߲߰ߡߊ ߟߎ߬ ߕߍ߫ ߸ ߕߋߟߋ߲ߓߊ߯ߦߊ ߕߍ߫ ߟߊ߬ߞߢߊ߬ߟߌ߫ ߟߊߓߌ߬ߟߊ߬ߣߍ߲ ߘߌ߫ ߘߋ߬ ߦߏ߫ ߡߐ߱ ߘߏ߫ ߟߎ߫ ߦߴߊ߬ ߝߐ߫ ߟߊ߫ ߢߊ ߡߍ߲ ߕߎ߬ߡߊ ߡߍ߲ ߣߴߊ߬ ߝߐ߫ ߘߊ߫ ߞߏ߫: ߛߌ߬ߟߡߊ߬ߦߊ ߘߌ߯ߣߊ ߦߋ߫ ߟߊ߬ߞߢߊ߬ߟߌ ߘߌ߯ߣߊ ߟߋ߬ ߘߌ߫ ߸ ߊ߬ ߘߏ߲߬ ߦߋ߫ ߘߊ߲߬ߠߊ߬ߕߍ߰ߟߌ ߟߋ߬ ߘߌ߫߸ ߓߊߏ߬ ߟߊ߬ߞߢߊ߬ߟߌ ߸ ߝߘߏ߬ߢߐ߲߰ߒߡߊ ߟߎ߬ ߕߍ߫ ߸ ߏ߬ ߦߋ߫ ߕߐ߬ߢߍ ߟߋ߬ ߘߌ߫ ߛߌ߬ߟߊ߬ߡߊ߬ߦߊ ߕߍ߫ ߛߐ߲߬ ߡߍ߲ ߡߊ߬ ߸ ߡߍ߲߫ ߞߍߓߊ߮ ߕߍ߫ ߕߊ߲ߘߏ߫ ߟߊ߫

߄- ߊ߬ ߦߋ߫ ߖߡߊ߬ߙߌ߫ߟߌ ߞߍ߫ ߟߊ߫ ߟߊߣߊ߲ߕߋ߬ߦߊ ߟߊ߫ ߸ ߞߊ߬ ߝߊߕߊ߲ߕߟߌ ߞߍ߫ ߖߊ߲߬ߝߊ ߡߊ߬

߅- ߞߊ߬ ߖߡߊ߬ߙߌ߬ߟߌ ߞߍ߫ ߟߊߒߠߊߒߕߋߦߊ ߟߊ߫ ߞߊ߬ ߝߊߕߊ߲ߕߟߌ ߞߍ߫ ߖߊ߲߬ߝߊ ߡߊ߬

߆- ߞߊ߬ ߖߡߊ߬ߙߌ߬ߟߌ ߞߍ߫ ߡߏߦߌߓߊ߮ ߓߏߢߊ ߟߊ߫ ߞߊ߬ ߸ ߝߊߕߊ߲ߕߟߌ ߞߍ߫ ߡߏߦߌߓߊ߯ ߛߐߛߐ ߡߊ߬ߐ

߇- ߞߊ߬ ߖߡߊ߬ߙߌ߬ߟߌ ߞߍ߫ ߛߌ߲ߖߌ߫ ߕߎ߲߭ ߡߊ߬ ߸ ߞߊ߬ ߝߊߕߊ߲ߕߟߌ ߞߍ߫ ߛߌ߲ߖߌ߫ ߕߍ߯ ߡߊ߬

߈- ߞߊ߬ ߖߡߊ߬ߙߌ߬ߟߌ ߞߍ߫ ߛߌ߰ߢߐ߲߰ߦߊ ߘߐߘߌߦߊ ߸ ߞߊ߬ ߝߊߕߊ߲ߕߟߌ ߞߍ߫ ߛߌ߰ߢߐ߲߰ߦߊ ߘߐߜߏߦߊ ߡߊ߬

ߝߘߏ߬ߓߊ߬ ߝߐ߬ߟߌ ߓߟߏߡߊ߬ : ߞߏ߫ (ߛߌ߬ߟߡߊ߬ߦߊ ) ߦߋ߫ ߡߐ߱ ߖߡߊ߬ߙߌ߬ ߟߊ߫ ߖߏ߫ ߢߌߡߊ ߓߍ߯ ߟߋ߬ ߟߊ߫ ߸ ߞߊ߬ ߝߊߕߊ߲ߕߟߌ ߞߍ߫ ߖߏ߯ߖߎ ߓߍ߯ ߡߊ߬. ߞߊ߬ ߖߡߊ߬ߙߌ߬ߟߌ ߞߍ߫ ߓߊ߯ߙߊ߫ ߢߌߡߊ ߓߍ߯ ߟߊ߫ ߸ ߞߊ߬ ߝߊߕߊ߲ߕߟߌ ߞߍ߫ ߓߊ߯ߙߊ߫ ߖߎ߮ ߓߍ߫ ߡߊ߬

ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫:

﴿إِنَّ ٱللَّهَ يَأۡمُرُ بِٱلۡعَدۡلِ وَٱلۡإِحۡسَٰنِ وَإِيتَآيِٕ ذِي ٱلۡقُرۡبَىٰ وَيَنۡهَىٰ عَنِ ٱلۡفَحۡشَآءِ وَٱلۡمُنكَرِ وَٱلۡبَغۡيِۚ يَعِظُكُمۡ لَعَلَّكُمۡ تَذَكَّرُونَ 90﴾

{ ߊߟߊ߫ ߦߋ߫ ߟߐ߬ ߞߍ߫ ߟߊ߫ ߕߋߟߋ߲ ߣߌ߫ ߢߊ߬ߟߌ ߣߌ߫ ߡߊ߬ߛߎ߬ߘߎ߲߬ߧߊ߬ߓߊ߮ ߟߎ߬ ߛߐ ߟߋ߬ ߟߊ߫ ߸ ߞߊ߬ ߜߍ߲ߠߌ߲ ߞߍ߫ ߞߏߙߏ߲ߧߊ ߣߌ߫ ߞߐ߲ߞߏ ߣߌ߫ ߓߊ߰ߒߡߊ ߡߊ߬ ، ߊ߬ ߦߴߊߟߎ߫ ߞߊ߬ߥߊ߲߬ߘߌ߬ ߟߊ߫ ߟߋ߬ ߛߴߊߟߎ߫ ߘߴߊߟߎ߫ ߕߊ߰ߛߌ߫} [ߟߞߌߛߍ، ߟ:߉߀]

ߛߌ߬ߟߡߊ߬ߦߊ ߕߎ߲ߞߎ߲ ߠߎ߬

ߛߌ߬ߟߡߊ߬ߦߊ ߛߡߊ߬ߛߋ߲ : ߊ߬ ߟߐ߬ߣߍ߲߫ ߖߎ߬ߓߌߟߊ ߟߏ߯ߟߎ߫ ߟߋ߬ ߘߌ߫:

مَذْكُورَةٌ فِيمَا رَوَاهُ ابْنُ عُمَرَ رَضِيَ اللَّهُ عَنْهُمَا، عَنِ النَّبِيِّ صَلَّى اللَّهُ عَلَيْهِ وَسَلَّمَ، أَنَّهُ قَالَ: «بُنِيَ الْإِسْلَامُ عَلَى خَمْسٍ: عَلَى أَنْ يُوَحَّدَ اللَّهُ -وَفِي رِوَايَةٍ: عَلَى خَمْسٍ-: شَهَادَةِ أَنْ لَا إِلَهَ إِلَّا اللَّهُ، وَأَنَّ مُحَمَّدًا عَبْدُهُ وَرَسُولُهُ، وَإِقَامِ الصَّلَاةِ، وَإِيتَاءِ الزَّكَاةِ، وَصِيَامِ رَمَضَانَ، وَالْحَجِّ». فَقَالَ رَجُلٌ: الْحَجُّ، وَصِيَامُ رَمَضَانَ؟ قَالَ: «لَا، صِيَامُ رَمَضَانَ، وَالْحَجُّ». هَكَذَا سَمِعْتُهُ مِنْ رَسُولِ اللَّهِ صَلَّى اللَّهُ عَلَيْهِ وَسَلَّمَ.

ߊ߬ ߞߏߝߐ߫ ߘߊ߫ ߌߓߎߣ ߎߡߊߙ ߟߊ߫ ߝߐߟߌ ߘߐ߫߸ ߊߟߡߊ߬ ߤߌߣߊ߫ ߞߍ߫ ߘߴߊ߬ ߣߴߊ߬ ߝߊ߬ ߟߊ߫ ߸ ߞߵߊ߬ ߡߌߘߊ߬ ߞߋߟߊ ߡߊ߬ ߞߛߌ ߣߌ߫ ߣߍߡߊ ߦߴߊ߬ ߦߋ߫ ߞߏ߫ : << ߛߌ߬ߟߡߊ߬ߦߊ߫ ߓߊߖߎ ߛߌ߰ߣߍ߲߫ ߟߏ߯ߟߎ߫ ߟߋ߬ ߞߊ߲߬: ߞߊ߬ ߊߟߊ߫ ߞߋ߬ߟߋ߲߬ߓߊ߰ߦߊ߫ ߸ ߟߞߊ߬ߟߌ߬ ߜߘߍ ߘߐ߫ ߟߏ߯ߟߎ߫ ߞߊ߲߬ : ߞߊ߬ ߛߙߋߕߋߕߋߦߊ ߞߏ ߓߊ߬ߕߏ߬ߕߊ߬ ߜߘߍ߫ ߕߍ߫ ߊߟߊ߫ ߞߐ߫ ߸ ߞߏ߫ ߡߎ߬ߤ߭ߊߡߡߊߘ ߦߴߊߟߊ߫ ߟߊ߫ ߖߐ߲߭ ߣߴߊ߬ ߟߊ߫ ߞߋߟߊ ߟߋ߬ ߘߌ߫ ߸ ߞߊ߬ ߛߊߟߌ߫ ߟߐ߬ ߸ ߞߊ߬ ߖߞߊ߫ ߓߐ߫ ߸ ߞߊ߬ ߛߎ߲ߞߊߙߏ߫ ߛߎ߲ ߸ ߞߊ߬ ߤߖߌ߫ >> ߗߍ߭ ߘߏ߫ ߞߵߊ߬ ߝߐ߫ ߞߏ߫ : ߤߖߌ ߣߌ߫ ߛߎ߲ߞߊߙߏ ߛߎ߲ ؟ ߊ߬ ߞߊ߲߫ ߞߏ߫ :<< ߍ߲߬ߍ߲ߍ߲߬ ߸ ߛߎ߲ߞߊߙߏ ߛߎ߲ ߸ ߊ߬ ߣߌ߫ ߤߖߌ >> ߒߠߋ ߞߵߊ߬ ߡߍ߲߫ ߊߟߊ߫ ߟߊ߫ ߞߋߟߊ ߟߊ߫ ߕߋ߲߬ ߠߋ߬.

߁-ߛߙߋߕߋߕߋߦߊ߫ ߞߏ߫ ߡߊ߰ߙߌ߬ ߜߘߍ߫ ߕߍ߫ ߊߟߊ߫ ߞߐ߫ ߸ ߞߏ߫ ߡߎ߬ߤ߭ߊߡߡߊߘ ߦߋ߫ ߊߟߊ߫ ߟߊ߫ ߖߐ߲߭ ߣߴߊ߬ ߟߊ߫ ߞߋߟߊ ߟߋ߬ ߘߌ߫ ߏ߬ ߦߋ߫ : ߟߊߒߠߦߊ ߓߊ߲ߓߊ߲ߣߍ߲߫ ߠߋ߬ ߘߌ߫ ߡߍ߲ ߦߌ߬ߘߊ߬ߣߍ߲߫ ߛߙߋߦߊ ߣߌ߲߬ ߘߐ߫ ߘߊߘߝߐߟߌ ߘߐ߫ ߸ ߊ߬ ߞߍߣߍ߲߫ ߦߏ߫ ߊ߬ ߟߊߣߍ߲߫ ߊ߬ ߟߊ߫ ߞߏ߫ ߊ߬ ߦߴߊ߬ ߡߊߝߟߍ߫ ߟߊ߫߸ ߒ ߞߊ߬ ߛߙߋߦߊ߫ ߡߍ߲߬ ߞߍ߫ ߓߊ߬ߙߌ߬ ߡߊ߬ ߞߋߟߋ߲ ߠߋ߬ ߘߌ߫ ߸ ߛߙߋ ߛߌߦߊߡߊ߲߫ ߦߋ߫

ߥߟߊ߫ : ߞߵߊ߬ ߡߊߛߐ߬ߘߐ߲߬ ߞߋߟߊ ߞߛߌ ߣߌ߫ ߣߍߡߊ ߦߴߊ߬ ߦߋ߫ ߸ ߊ߬ ߦߋ߫ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߗߋߘߋ߲ ߠߋ߬ ߘߌ߫ ߸ ߞߊ߬ ߛߙߋߦߊ߫ ߊ߬ ߟߊ߫ ߖߐ߲߰ߧߊ ߣߴߊ߬ ߟߊ߫ ߗߋߛߓߍ ߡߊ߬ ߸ ߏ߬ ߟߋ߬ ߦߋ߫ ߛߙߋߦߊ߫ ߘߝߊߣߍ߲ ߘߌ߫ ߞߏ߫ ߡߊ߰ߙߌ߬ ߜߘߍ߫ ߕߍ߫ ߝߏ߫ ߊߟߊ߫.

ߥߟߊ߫ : ߞߵߊ߬ ߡߊߛߐ߬ߘߐ߲߬ ߛߙߋߕߋߕߋߦߊ߫ ߝߌ߬ߟߊ ߣߌ߲߬ ߠߋ߬ ߓߊ߯ߙߊ ߟߎ߬ ߓߘߍ߬ߦߊ ߣߴߊ߬ߟߎ߬ ߟߊߘߌ߬ߢߍ߬ߟߌ ߖߎ߬ߓߌߟߊ ߘߌ߫ ߸ ߞߊ߯ߙߌ ߓߊ߯ߙߊ ߛߌ߫ ߕߍ߫ ߓߍ߲߬ ߥߟߊ߫ ߞߊ߬ ߡߌ߬ߘߊ߬ ߸ ߝߏ߫ ߊ߬ ߦߋ߫ ߞߙߍߞߙߍ ߊߟߊ߫ ߞߘߐߕߊ߬ߣߍ߲߬ߓߊ ߢߍ߫ ߊ߬ ߣߌ߫ ߞߵߊ߬ ߓߍ߲߬ ߊ߬ ߟߊ߫ ߗߋߘߋ߲ ߕߊ ߡߊ߬ ߞߛߌ ߣߌ߫ ߣߍߡߊ ߦߴߊ߬ ߦߋ߫.

ߛߙߋߕߋߕߋߦߊ ߦߊ ߦߋ߫ ߕߎ߬ߢߊ߬ߒ߬ߕߋ߬ߦߊ߬ ߟߊ߫ ߞߙߍߞߙߍߟߌ ߟߋ߬ ߟߊ߫ ߊߟߊ߫ ߦߋ߫ : ߞߏ߫ ߓߊ߬ߕߏ߬ߕߊ߬ ߜߘߍ߫ ߕߍ߫ ߊߟߊ߫ ߞߐ߫ ߸ ߝߣߊ߫ ߛߙߋߕߋߕߋߦߊ ߦߋ߫ ߕߎ߬ߢߊ߬ߒ߬ߕߋ߬ߦߊ߬ ߟߊ߫ ߞߏ ߟߎ߬ ߓߍ߲߭ ߠߋ߬ ߘߐ߫ ߊߟߊ߫ ߟߊ߫ ߞߋߟߊ ߕߊ ߡߊ߬ ߞߏ߫ : ߡߎ߬ߤ߭ߊߡߡߊߘ ߦߋ߫ ߊߟߊ߫ ߟߊ߫ ߖߐ߲߭ ߣߴߊ߬ ߟߊ߫ ߞߋߟߊ ߟߋ߬ ߘߌ߫.

ߛߙߋߦߊ߫ ߓߟߋߓߟߋ ߣߌ߲߬ ߕߐ߬ߣߐ ߟߎ߬ ߘߏ߫ ߟߋ߬ : ߞߊ߬ ߛߣߐ߬ߡߍ ߣߌ߫ ߣߌ ߟߊߘߍ߬ ߞߊ߬ ߓߐ߫ ߘߊ߲ߝߋ߲ ߠߎ߬ ߟߊ߫ ߖߐ߲߬ߧߊ ߡߊ߬ ߸ ߊ߬ ߣߌ߫ ߞߊ߬ ߓߐ߫ ߡߐ߰ ߜߘߍ߫ ߟߎ߫ ߟߊߓߊ߬ߕߏ ߡߊ߬ ߡߍ߲ ߠߎ߬ ߕߍ߫ ߛߌ߬ߟߊ߬ߡߊ ߟߎ߬ ߝߋ߲߫ ߘߌ߫

ߒ߬ߓߊ߬ ߸ ߛߊߟߌ ߟߊ߫ ߟߐ߭ ߛߊ߫ : ߏ߬ ߦߋ߫ ߊߟߊ߫ ߞߘߐߕߊ߬ߣߍ߲߬ߓߊ ߓߊ߬ߕߏ ߟߋ߬ ߘߌ߫ ߸ ߞߵߊ߬ ߞߍ߫ ߕߋߟߋ߲ߓߊ߯ߦߊ ߣߌ߫ ߘߝߊߣߍ߲ ߘߌ߫ ߊ߬ ߕߎ߬ߡߊ ߟߎ߬ ߣߴߊ߬ ߦߙߐ ߟߎ߬ ߣߴߊ߬ ߞߍ߫ ߝߊߘߌ ߘߐ߫

ߊ߬ ߕߐ߬ߣߐ ߘߏ߫ ߟߋ߬ : ߖߛߎ߬ߞߎ߲߬ ߠߊߝߎߟߋ߲߫ ߸ ߣߌ߫ ߢߊ ߣߌߛߐߘߌߦߊ ߘߌ߫ ߸ ߊ߬ ߣߌ߫ ߞߊ߬ ߝߊߕߊ߲ߕߟߌ ߞߍ߫ ߞߊ߬ ߓߐ߫ ߖߏ߰ߛߏ߬ߖߊ߯ߛߊ߫ ߣߌ߫ ߢߊߘߐߖߊ߫ ߡߊ߬

߃- ߖߊߞߊ ߓߐ ߞߏߢߊ ߘߐ߫: ߏ߬ ߦߋ߫ ߊߟߊ߫ ߞߘߐߕߊ߬ߣߍ߲߬ߓߊ ߓߊ߬ߕߏ ߟߋ߬ ߘߌ߫ ߖߊߞߊ߫ ߣߊ߲ߝߟߏ ߡߍ߲ ߞߊ߫ ߞߊ߲߫ ߞߊ߬ ߘߴߊ߬ ߡߊ߬.

ߊ߬ ߕߐ߬ߣߐ ߘߏ߫ ߟߋ߬ : ߞߊ߬ ߣߌ ߛߊߣߌ߲ߧߊ߫ ߞߊ߬ ߓߐ߫ ߖߏ߯ߖߎ߯ߦߊ ( ߖߎ߯ߡߊ߲ߒߕߋߦߊ߫) ߡߊ߬ ߸ߛߌ߬ߟߡߊ߬ߦߊ ߣߌ߫ ߛߌ߬ߟߊ߬ߡߊ ߟߎ߬ ߡߊ߬ߞߏ ߟߎ߬ ߘߝߊ߫.

ߛߎ߲ߞߊߙߏ ߛߎ߲ ߞߏߢߊ ߘߐ߫ : ߏ߬ ߦߋ߫ ߊߟߊ߫ ߞߘߐߕߊ߬ߣߍ߲߬ߓߊ ߓߊ߬ߕߏ ߟߋ߬ ߘߌ߫ ߸ ߞߴߌ ߖߘߍ߬ ߘߐߡߌ߬ߘߊ߬ ߞߊ߬ ߓߐ߫ ߛߎ߲ ߕߌߢߍ߫ ߞߏ ߟߎ߬ ߡߊ߬ ߛߎ߲ߞߊߙߏ ߕߋ߬ߟߋ߫ ߘߐ߫

ߊ߬ ߕߐ߬ߣߐ ߘߏ߫ ߟߋ߬ : ߞߊ߬ ߣߌ ߞߟߍ߬ ߞߊ߬ ߓߐ߫ ߊ߬ ߞߊ߲߬ߣߌ߬ ߝߋ߲ ߠߎ߬ ߡߊ߬ ߸ ߊߟߊ߫ ߡߊ߲߬ߛߊ߬ ߜߌߟߌ߲ ߡߊ߲߬ߛߊ߬ ߞߘߐߕߊ߬ߣߍ߲ ߠߊ߫ ߘߌ߬ߢߍ߫ ߞߊߡߊ߬

ߓߏ߲ ߤߖߌ ߞߏ ߢߊ ߘߐ߫ : ߏ߬ ߦߋ߫ ߊߟߊ߫ ߞߘߐߕߊ߬ߣߍ߲߬ߓߊ ߓߊ߬ߕߏ ߟߋ߬ ߘߌ߫ ߸ ߓߏ߲߫ ߛߊߣߌ߲ߡߊ߲ ߣߌ߲߬ ߞߏߢߊ ߟߊ߫ ߸ ߖߐ߲߬ߛߊ߫ ߞߊ߬ ߤߖߌ ߟߊ߲߬ߘߊ߫ ߟߎ߬ ߞߍ߫

ߊ߬ ߕߐ߬ߣߐ ߘߏ߫ ߟߋ߬ : ߞߊ߬ ߣߌ ߟߊߘߋ߬ߙߌ߬ ߛߍ߬ߘߏ߲߬ߠߊ ߣߊ߲߬ߝߟߏ߬ߞߏ ߣߌ߫ ߝߊ߬ߘߌ߬ߞߟߏ ߘߐ߫ ߸ ߊߟߊ߫ ߞߘߐߕߊ߬ߣߍ߲߬ߓߊ ߞߊ߲ߠߊߓߊߕߏ ߟߊ߫ ߸ ߏ߬ ߟߋ ߞߵߊ߬ ߞߍ߫ ߤߖߌ߫ ߞߍ߫ ߘߊ߫ ߖߊ߬ߤߊ߬ߘߌ ߛߎ߮ ߘߏ߫ ߘߌ߫ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߛߌߟߊ ߞߊ߲߬

ߊ߲ ߞߊ߬ ߕߐ߬ߣߐ ߡߍ߲ ߠߎ߬ ߞߏߝߐ߫ ߖߎ߬ߓߌߟߊ ߢߌ߲߬ ߠߎ߬ ߘߐ߫ ߸ ߊ߲ ߡߊ߫ ߡߍ߲ ߠߎ߬ ߞߏߝߐ߫ ߸ ߏ߬ ߟߎ߬ ߦߋ߫ ߖߡߊ߬ߣߊ ߞߍ߫ ߟߊ߫ ߛߌ߬ߟߡߊ߬ ߖߡߊߣߊ߫ ߛߊߣߌ߲ߡߊ߲ ߠߋ߬ ߘߌ߫ ߸ ߡߍ߲ ߦߋ߫ ߕߎ߬ߢߊ ߘߌ߯ߣߊ ߖߟߎ߬ߡߍ߬ߣߍ߲߬ߕߌ߮ ߘߌ߫ ߊߟߊ߫ ߡߊ߬ ߸ ߊ߬ ߣߌ߫ ߞߊ߬ ߡߐ߱ ߟߎ߬ ߡߌ߬ߘߊ߬ ߕߋߟߋ߲ߓߊ߯ߦߊ ߣߌ߫ ߕߎ߬ߢߊ ߟߊ߫. ߓߊߏ߬ ߛߌ߬ߟߡߊ߬ߦߊ ߞߎ߬ߙߎ߲߬ߘߎ߬ ߕߐ߭ ߟߎ߬ ߦߋ߫ ߟߊߢߊ߬ ߟߊ߫ ߟߋ߬ ߖߎ߬ߓߌߟߊ ߢߌ߲߬ ߠߎ߬ ߟߊߢߊ߬ߟߌ ߛߌߟߊ ߝߍ߬، ߖߡߊ߬ߣߊ ߗߏ߯ߦߊ ߟߎ߬ ߝߣߊ߫ ߟߊߢߊ߬ߣߍ߲߫ ߊ߬ ߟߊ߫ ߘߌ߯ߣߊ ߞߏߢߊ ߟߎ߬ ߟߊߢߊ߬ߟߌ ߟߋ߬ ߟߊ߫߸  ߊ߬ ߘߏ߲߬ ߘߌ߫ ߖߍ߲߬  ߊ߬ ߟߊ߫ ߘߌ߯ߣߊߞߏ ߟߎ߬ ߟߢߊ߬ߟߌ ߡߊ߬ ߸  ߤߊ߲߯ ߊ߬ ߓߘߊ߫ ߖߍ߲߫ ߊ߬ ߟߊ߫ ߘߌ߯ߣߊ ߞߏߢߊ ߟߎ߬ ߟߢߊ߬ߟߌ ߟߊ߫.

ߡߍ߲ ߦߴߊ߬ ߝߍ߬ ߞߊ߬ ߣߌ߲߬ ߘߐߞߣߍ߫߸ ߏ߬ ߕߌ߱ ߦߋ߫ ߊߟߊ߫ ߞߘߐߕߊ߬ߣߍ߲߬ߓߊ ߞߎߡߊߞߊ߲ ߧߌ߲߬ ߞߊ߬ߙߊ߲߬ :

﴿وَلَوۡ أَنَّ أَهۡلَ ٱلۡقُرَىٰٓ ءَامَنُواْ وَٱتَّقَوۡاْ لَفَتَحۡنَا عَلَيۡهِم بَرَكَٰتٖ مِّنَ ٱلسَّمَآءِ وَٱلۡأَرۡضِ وَلَٰكِن كَذَّبُواْ فَأَخَذۡنَٰهُم بِمَا كَانُواْ يَكۡسِبُونَ 96 أَفَأَمِنَ أَهۡلُ ٱلۡقُرَىٰٓ أَن يَأۡتِيَهُم بَأۡسُنَا بَيَٰتٗا وَهُمۡ نَآئِمُونَ 97 أَوَأَمِنَ أَهۡلُ ٱلۡقُرَىٰٓ أَن يَأۡتِيَهُم بَأۡسُنَا ضُحٗى وَهُمۡ يَلۡعَبُونَ 98 أَفَأَمِنُواْ مَكۡرَ ٱللَّهِۚ فَلَا يَأۡمَنُ مَكۡرَ ٱللَّهِ إِلَّا ٱلۡقَوۡمُ ٱلۡخَٰسِرُونَ 99﴾

{ ߣߌ߫ ߘߎ߱ ߏ߬ ߟߎ߫ ߘߏ߲߬ߞߏ ߟߎ߫ ߕߎ߲߬ ߞߍ߫ ߘߊ߫ ߟߊߒߠߦߊߓߊ߯ ߟߎ߫ ߘߌ߫ ߞߵߊ߬ߟߎ߬ ߝߊ߲ߕߊ߲߬ߞߊ߫߸ ߊ߲ ߕߎ߲߬ ߘߌ߫ ( ߊ߬ߟߎ߫ ) ߢߊ߬ߞߏ ߟߎ߬ ߘߟߊߞߵߊ߬ߟߎ߬ ߦߋ߫ ߞߊ߬ ߓߐ߫ ߛߊ߲ߘߐ߫ (ߛߊ߲ߖߌ ߟߎ߬ ߘߌ߫ )߸ ߊ߬ ߣߌ߫ ߘߎ߱ ߘߐ߫ ( ߝߍߘߍ߲ߕߊ߫ ߢߌߡߊ ߟߎ߬ ߘߌ߫ )، ߞߏ߬ߣߌ߲߬ ߊ߬ߟߎ߫ ߞߊ߬ ߡߊ߬ߛߐ߬ߛߐ߬ߟߌ ߞߍ߫ ߟߋ߬ ߸ ߏ ߞߵߊ߬ߟߎ߫ ߡߌ߬ߘߴߊ߬ߟߎ߬ ߗߋߥߊߟߌ ߟߎ߬ ߟߊ߫ ߏ߬ ߟߋ ߘߐ߫ ߷ ߊ߬ ߝߐ߫ ߘߎ߱ ߢߌ߲߬ ߠߎ߫ ߘߏ߲߬ߞߏ ߟߎ߬ ߘߌ߫ ߞߎ߲߬ߠߊ߬ߝߎߟߋ߲߫ ߓߊ߬ ߞߏ߫ ߊ߲ ߠߊ߫ ߜߟߍ߬ߦߊ ߕߍߣߵߊ߬ߟߎ߫ ߡߊ߬ ߛߎߛߌ߫ ߕߎߡߊ ߞߵߊ߬ ߕߘߍ߬ ߊ߬ߟߎ߬ ߦߋ߫ ߛߎ߬ߣߐ߮ ߘߐ߫؟ ߷ ߥߟߊ߫ ߘߎ߱ ߢߌ߲߬ ߠߎ߫ ߘߏ߲߬ߞߏ ߟߎ߬ ߘߌ߫ ߞߎ߲߬ߠߊ߬ߝߎߟߋ߲߫ ߓߊ߬ ߞߏ߫ ߊ߲ ߠߊ߫ ߜߟߍ߬ߦߊ ߕߍߣߵߊ߬ߟߎ߫ ߡߊ߬ ߛߎ߲߰ߕߟߋ ߟߊ߫ ߞߵߊ߬ ߕߘߍ߬ ߊ߬ߟߎ߬ ߦߋ߫ ߢߣߊߕߍ߮ ߟߊ߫؟߷ ߌ߬ߦߏ߯ ߊ߬ߟߎ߬ ߘߌ߫ ߞߎ߲߬ߠߊ߬ߝߎߟߋ߲߫ ߊߟߊ߫ ߟߊ߫ ߝߍ߬ߙߍ ߡߊ߬؟ ߡߐ߰ ߛߌ߫ ߘߏ߲߬ ߕߍ߫ ߞߎ߲߬ߠߊ߬ߝߎߟߋ߲߫ ߠߴߊߟߊ߫ ߟߊ߫ ߝߍ߬ߙߍ ߡߊ߬ ߝߏ߫ ߡߌ߬ߙߌ߲߬ߘߌ߫ ߓߣߐ߬ߣߍ߲} [ ߕߓߊߞߘߐߣߍ߲߫ ߝߐߘߊ ߟ: ߉߆-߉߉]

ߊ߬ ߦߋ߫ ߡߐ߰ ߟߎ߫ ߘߐ߬ߝߐ ߡߊߝߟߍ߫ ߡߍ߲ ߠߎ߫ ߣߊ߬ߣߍ߲߫ ߞߊ߬ ߞߐ߲߰ ߊ߬ߟߎ߬ ߢߍ߫߸ ߕߊ߯ߙߌߞߎ ߦߋ߫ ߥߟߊ߬ߘߊ ߟߋ߬ ߘߌ߫ ߤߊߞߟߌߡߊ ߟߎ߬ ߢߍ߫ ߸ ߊ߬ ߣߌ߫ ߦߋߟߌ߫ ߢߊ ߦߋ߫ ߡߍ߲ ߡߊ߬߸ ߞߏ߬ߣߌ߲߬ ߥߊ߯ ߕߍ߫ ߊ߬ ߛߣߐ߬ߡߍ ߟߊ߫ ߸ ߊߟߊ߫ ߟߋ ߘߍ߬ߡߍ߲߬ߓߊ߮ ߘߌ߫

*

ߛߌ߬ߟߡߊ߬ߦߊ ߖߛߎ߬ߞߎ߲߬ߠߊߛߘߌ ߖߎ߬ߓߌߟߊ ߟߎ߬

ߛߌ߬ߟߡߊ߬ߦߊ߬ ߘߌ߯ߣߊ : ߦߏ߫ ߊ߲ ߞߵߊ߬ ߢߊߝߐ߫ ߢߊ ߡߍ߲ ߞߘߐ߬ߡߊ߲߫ - ߛߣߐ߬ߡߍ߬ߘߐ߬ߦߊ ߣߌ߫ ߞߎ߬ߙߎ߲߬ߘߎ ߸ ߊ߲ ߞߵߊ߬ ߞߎ߬ߙߎ߲߬ߘߎ ߘߏ߫ ߟߎ߫ ߦߌ߬ߘߊ߬ ߸ ߞߵߊ߬ ߛߡߊ߬ߛߋ߲ ߠߎ߬ ߞߏߝߐ߫ ߡߍ߲ ߠߎ߬ ߦߋ߫ ߖߊ߬ߕߋ߬ ߟߊ߫ ߞߎ߬ߙߎ߲߬ߘߎ ߟߎ߬ ߓߊߖߎ ߘߌ߫.

ߒ߬ߓߊ߬ ߛߌ߬ߟߊ߬ߡߦߊ߫ ߛߣߐ߬ߡߍ߬ߘߐ߬ߦߊ ߓߊߖߎ ߦߏ߫ : ߘߍ߲߬ߞߣߍ߬ߦߊ߫ ߟߋ߬ ߘߴߊߟߊ߫ ߡߊ߬ ߸ ߊ߬ ߣߴߊ߬ ߟߊ߫ ߞߋ߲ߛߐ߲ ߠߎ߬ ߣߴߊ߬ ߟߊ߫ ߞߊ߬ߝߊ ߟߎ߬ ߣߴߊ߬ ߟߊ߫ ߞߋߘߋ߲ ߠߎ߬ ߣߌ߫ ߟߏ߲߫ ߠߊߓߊ߲ ߸ ߣߌ߫ ߟߊ߰ߕߍ : ߢߎ߬ߡߊ ߣߌ߫ ߖߎ߯ߡߊ߲

ߖߎ߬ߓߌߟߊ ߢߌ߲߬ ߠߎ߬ ߦߌ߬ߘߊ߬ߣߍ߲߫ ߊߟߊ߫ ߟߊ߫ ߟߍߙߊ ߣߴߊ߬ ߟߊ߫ ߞߋߟߊ ߟߊ߫ ߛߙߊ߬ߣߎ߲ ߠߎ߬ ߘߐ߫ ߸ ߞߛߌ ߣߌ߫ ߣߍߡߊ ߦߴߊ߬ ߢߍ߫

ߊ߬ ߦߋ߫ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߟߍߙߊ ߘߐ߫ ߞߏ߫:

﴿لَّيۡسَ ٱلۡبِرَّ أَن تُوَلُّواْ وُجُوهَكُمۡ قِبَلَ ٱلۡمَشۡرِقِ وَٱلۡمَغۡرِبِ وَلَٰكِنَّ ٱلۡبِرَّ مَنۡ ءَامَنَ بِٱللَّهِ وَٱلۡيَوۡمِ ٱلۡأٓخِرِ وَٱلۡمَلَٰٓئِكَةِ وَٱلۡكِتَٰبِ وَٱلنَّبِيِّـۧنَ...﴾

{ ߢߌ߬ߡߊ߬ߦߊ ߕߍ߫ ߊߟߎ߫ ߢߊߛߌ߲ ߘߌ߫ ߕߟߋ߬ߓߐ ߣߌ߫ ߕߟߋ߬ߓߋ ߝߊ߲߭ ߠߎ߫ ߡߊ߬، ߞߏ߬ߣߌ߲߬ ߢߌ߬ߡߊ߬ߦߊ ߦߋ߫ ߡߍ߲ ߘߌ߫ ߸ ߡߍ߲ ߓߊ߯ ߟߴߊߟߊ߫ ߟߊ߫߸ ߟߏ߲ߠߊߓߊ߲ ߠߊ߫߸ ߡߟߍ߬ߞߊ ߟߎ߬ ߟߊ߫߸ ߟߍߙߊ ߟߊ߫߸ ߟߊ߬ߝߐ߬ߓߊ߮ ߟߎ߬ ߟߊ߫} [ ߣߛߌ߬ߡߛߏ ߝߐߘߊ ߟ: ߁߇߇] ߊ߬ ߦߴߊ ߝߐ߫ ߟߊ߫ ߟߊ߬ߕߍ߮ ߘߐ߫ :

﴿إِنَّا كُلَّ شَيۡءٍ خَلَقۡنَٰهُ بِقَدَرٖ 49 وَمَآ أَمۡرُنَآ إِلَّا وَٰحِدَةٞ كَلَمۡحِۭ بِٱلۡبَصَرِ 50﴾

{ ߊ߲ߠߎ߫ ߘߏ߲߬ ߣߊ߬ ߝߋ߲ ߓߍ߯ ߘߊ߲߫ ߠߊ߫ ߘߡߊ߬ߦߌߙߊ ߟߋ߬ ߟߊ߫ ߷ ߊ߲ ߠߊ߫ ߟߐ߬ߟߌ ߕߍ߫ ߘߏ߫ ߜߘߍ߫ ߘߌ߫ ߝߏ߫ ( ߟߐ߬ߞߏ߬ ) ߞߋߟߋ߲߫ ߔߋ߫ ( ߞߏ ߟߊ߫ )، ߏ߬ ߝߣߊ߫ ߦߋ߫ ߟߋ߬ ߦߏ߫ ߢߞߊߘߌ߫ ߞߏ߫ ߞߋߟߋ߲߫ ߓߍ߫ ߢߊ ߟߊ߫} [ ߞߊߙߏ ߝߐߘߊ

ߟ: ߄߉-߅߀]

ߊ߬ ߦߋ߫ ߞߋߟߊ ߟߊ߫ ߛߙߊ߬ߣߎ߲ ߞߣߐ߫ ߸ ߞߛߌ ߣߌ߫ ߣߍߡߊ ߦߴߊ߬ ߢߍ߫ ߸ ߟߊ߬ߝߐ߬ߓߊ߮ ߦߴߊ߬ ߝߐ߫ ߟߊ߫ ߖߌ߬ߓߙߌ߬ߟߎ߫ ߖߋ߬ߓߌ ߘߐ߫ ߊ߬ ߢߌ߬ߣߌ߲߬ߞߊ߬ߣߍ߲ ߞߐߝߍ߬ ߏ߬ ߓߟߏ߫ ߘߍ߲߬ߞߣߍ߬ߦߊ߫ ߡߊ߬ :

«الْإِيمَانُ: أَنْ تُؤْمِنَ بِاللَّهِ، وَمَلَائِكَتِهِ، وَكُتُبِهِ، وَرُسُلِهِ، وَالْيَوْمِ الْآخِرِ، وَتُؤْمِنَ بِالْقَدَرِ: خَيْرِهِ وَشَرِّهِ ».

<< ߘߍ߲߬ߞߣߍ߬ߦߊ : ߞߊ߬ ߟߊ߫ ߊߟߊ߫ ߣߴߊ߬ ߟߊ߫ ߞߋ߲ߛߐ߲ ߠߎ߬ ߣߴߊ߬ ߟߊ߫ ߞߊ߬ߝߊ ߟߎ߬ ߣߌ߫ ߗߋߘߋ߲ ߠߎ߬ ߣߌ߫ ߟߏ߲߫ ߠߊߓߊ߲ ߣߌ߫ ߟߊ߰ߕߍ ߡߊ߬ : ߢߎ߬ߡߊ ߣߌ߫ ߖߎ߯ߡߊ߲ >>

*

ߘߍ߲߬ߞߣߍ߬ߦߊ ߊߟߊ߫ ߞߘߐߕߊ߬ߣߍ߲߬ߓߊ ߡߊ߬

ߞߊ߬ ߘߍ߲߬ߞߣߍ߬ߦߊ߫ ߊߟߊ߫ ߡߊ߬ ߸ߏ߬ ߟߊ߬ߡߐ߲߬ߠߌ߲߫ ߞߍ߫ ߟߊ߫ ߞߏߢߊ߫ ߣߊ߯ߣߌ߲ ߠߋ߬ ߟߊ߫:

ߞߏߢߊ߫ ߝߟߐ: ߞߊ߬ ߘߍ߬ߞߣߍ߬ߦߊ߬ ߞߏ߫ ߊߟߊ߫ ߞߘߐߕߊ߬ߣߍ߲߬ߓߊ ߦߋ߫ ߦߋ߲߬

ߛߎ߲ߞߎ߲ ߣߌ߫ ߦߟߌ ߣߌ߫ ߛߊߙߌߦߊ ߣߌ߫ ߛߏ߬ߓߌ ߞߊ߬ ߦߌ߬ߘߊ߬ߟߌ ߞߍ߫ ߊߟߊ߫ ߞߍ߫ ߟߊ߫ ߦߋ߲߬

߁- ߛߎ߲ߞߎ߲ ߕߐ߰ߡߊ߬ߛߙߋ

ߦߋ߫ ߊߟߊ߫ ߞߘߐߕߊ߬ߣߍ߲߬ߓߊ ߡߊ߲߬ߛߊ߫ ߛߊߣߌ߲ ߦߋߟߌ ߦߌ߬ߘߊ߬ ߟߊ߫ : ߘߊ߲ߝߋ߲ ߓߍ߯ ߘߊ߲߫ ߘߊ߫ ߟߋ߬ ߛߴߊ߬ ߘߌ߫ ߟߊ߫ ߊ߬ ߘߊ߲ߓߊ߮ ߟߊ߫ ߞߵߊ߬ ߕߘߍ߬ ߊ߬ ߡߊ߫ ߡߙߌ߫ ߡߎߣߎ߲߬ ߸ ߥߟߊ߫ ߟߊ߬ߞߟߏ߬ߞߟߏ߬ߟߌ ߸ ߡߐ߰ ߛߌ߫ ߕߴߊ߬ ߡߊߘߏ߲߬ ߠߊ߫ ߛߎ߲ߞߎ߲ ߣߌ߲߬ ߢߌߣߌ߲ߞߏ ߟߎ߬ ߟߊ߫ ߝߏ߫ ߝߋ߲߫ ߦߋ߫ ߡߍ߲ ߓߟߏ߫ ߡߍ߲ ߘߴߊ߬ ߡߊߘߏ߲߬ ߊ߬ ߟߊ߫.

«‌مَا ‌مِنْ ‌مَوْلُودٍ إِلَّا يُولَدُ عَلَى الْفِطْرَةِ، فَأَبَوَاهُ يُهَوِّدَانِهِ أَوْ يُنَصِّرَانِهِ أَوْ يُمَجِّسَانِهِ».

ߞߊ߬ ߓߍ߲߬ ߞߋߟߊ ߟߊ߫ ߞߎߡߊ ߡߊ߬ ߞߛߌ ߣߌ߫ ߣߍߡߊ ߦߴߊ߬ ߢߍ߫ :<< ߡߐ߰ ߛߌ߫ ߕߍ߫ ߡߏߦߌ߫ ߟߊ߫ ߝߏ߫ ߣߴߊ߬ ߡߏߦߌ߫ ߘߊ߫ ߞߊ߬ ߓߍ߲߬ ߛߎ߲ߞߎ߲ ߡߊ߬߸ ߊ߬ ߡߏߦߌߓߊ߮ ߟߎ߬ ߟߴߊ߬ ߞߍ߫ ߟߊ߫ ߦߊ߬ߤߎ߯ߘߎߦߊ ߘߌ߫ ߥߟߊ߫ ߣߊ߲߬ߛߊ߯ߙߊ ߘߌ߫ ߸ ߥߟߊ߫ ߡߊ߬ߖߎ߬ߛ>>

߂- ߤߊ߲ߞߟߌ ߟߊ߫ ߘߊ߬ߟߎ ߡߍ߲ ߦߵߊ߬ ߦߌ߬ߘߊ߬ ߟߊ߫ ߞߏ߫ ߊߟߊ߫ ߞߘߐߕߊ߬ߣߍ߲߬ߓߊ ߦߋ߫ ߦߋ߲߬ ߏ߬ ߟߋ߫ ߦߋ߫ ߘߊ߲ߝߋ߲ ߠߎ߬ ߘߌ߫ : ߊ߬ ߢߍߓߊ߮ ߣߴߊ߬ ߣߐ߬ߟߊ߬ߓߊ߮ ߸ ߝߏ߫ ߊ߬ ߡߊ߬ߞߏ ߦߋ߫ ߞߍ߫ ߘߊ߲ߓߊ߮ ߟߋ߬ ߟߊ߫ ߡߍ߲ ߞߵߊ߬ ߘߊ߲߫ ߸ ߓߊߏ߬ ߊ߬ ߕߍ߫ ߛߴߊ߬ ߖߘߍ߬ ߘߊ߲߫ ߠߊ߫߸ ߝߣߊ߫ ߊ߬ ߕߍ߫ ߛߋ߫ ߘߊ߲ ߠߊ߫ ߓߍ߲߬ߒ߬ߛߋ߲߬ߡߊ߬ߓߟߏߡߊ߬

ߊ߬ ߖߍ߬ߘߍ ߕߍ߫ ߛߋ߫ ߊ߬ ߖߘߍ߬ ߛߐ߬ߘߐ߲߬ ߠߊ߫ ߸ ߓߊߏ߬ ߝߋ߲ ߛߌ߫ ߕߴߊ߬ ߖߘߍ߬ ߘߊ߲߫ ߠߊ߫ ߸ ߓߊߏ߬ ߞߊ߬ ߞߐ߲߰ ߊ߬ ߘߊ߲߫ ߧߍ߫ ߊ߬ ߕߘߍ߬ ߦߋ߫ ߝߐߦߊ ߟߋ߬ ߘߐ߫ ߸ ߏ߬ ߞߍߕߐ߫ ߘߊ߲ߓߊ߮ ߘߌ߫ ߢߊ ߖߐ߲߫ ߡߊ߬ ؟

ߊ߬ ߕߴߛߋ߫ ߞߍ߫ ߟߊ߫ ߓߍ߲߬ߒ߬ߛߋ߲߬ߡߊ߬ߓߟߏߡߊ߬ ߸ ߓߊߏ߬ ߞߏ ߓߍ߯ ߞߎ߲ ߞߊߞߊ߲ ߞߊ߬ ߞߍ߫ ߦߋ߲߬. ߓߊߏ߬ ߊ߬ ߞߌߟߌ ߦߋ߲߬ ߏ߬ ߛߌ߲ߛߌ߲ߣߍ߲߫ ߞߊ߲ߞߋ߫ ߡߊߞߓߊߣߍ߲ ߣߌ߲߬ ߠߋ߬ ߟߊ߫߸ ߊ߬ ߣߌ߫ ߓߍ߲߬ߢߐ߲߰ߡߊ߬ߟߌ ߣߌ߫ ߜߋ߲߬ߞߘߎ߬ߢߐ߲߰ߠߊ߫ ߖߐ߲ߖߐ߲ ߡߍ߲ ߠߎ߬ ߦߋ߫ ߞߎ߲߭ ߠߎ߬ ߣߴߊ߬ߟߎ߬ ߞߎ߲߭ ߠߎ߬ ߕߍ߫ ߸ ߊ߬ ߣߌ߫ ߡߐ߱ ߟߎ߬ ߣߌ߫ ߢߐ߲߮ ߕߍ߫߸ ߊ߬ ߟߊߕߐ߲ߣߍ߲߫ ߠߋ߬ ߞߏ߫ ߊ߬ߟߎ߬ ߦߋ߫ ߞߍ߫ ߓߍ߲߬ߢߐ߲߰ߡߊ ߟߋ߬ ߘߌ߫߸ ߌߞߏߡߌ߲߬ ߝߋ߲ ߡߍ߲ ߦߋ߫ ߦߋ߲߬ ߓߍ߲߬ߒ߬ߛߋ߲߬ߡߊ߬ߓߟߏߡߊ߬߸ ߏ߬ ߕߍ߫ ߘߏ߲߬ߖߟߎ߬ߡߊ߬ ߟߊ߫ ߊ߬ ߓߊߖߎ ߘߐ߫ ߸ ߊ߬ ߘߌ߫ ߛߋ߫ ߘߏ߲߬ߖߟߎ߬ߡߊ߬ ߟߊ߫ ߘߌ߬ ߝߏ߬ߣߌ߫ ߊ߬ ߕߏ߫ ߘߊ߫ ߞߵߊ߬ ߥߙߎߞߌ߫؟

ߣߌ߫ ߘߊ߲ߝߋ߲ ߢߌ߲߬ ߠߎ߬ ߖߍ߬ߘߍ ߕߴߛߋ߫ ߞߍ߫ ߟߴߊ߬ߟߎ߫ ߖߘߍ߬ߡߊ߬ ߸ ߊ߬ߟߎ߬ ߕߍ߫ ߞߍ߫ ߞߎ߲߬ߝߍ߬ ߸ ߝߏ߫ ߘߊ߲ߓߊ߮ ߦߋ߫ ߞߍ߫ ߟߴߊ߬ ߟߊ߫ ߸ ߏ߬ ߟߋ߬ ߊߟߊ߫ ߘߌ߫ ߖߊ߯ߓߊ ߟߎ߬ ߡߊ߰ߙߌ ߘߌ߫

ߊߟߊ߫ ߞߘߐߕߊ߬ߣߍ߲߬ߓߊ ߞߊ߬ ߦߌߘߊ߬ߟߌ ߞߍ߫ ߞߏ߫ ߦߟߌߡߊߞߏ ߣߌ߫ ߦߌ߬ߘߊ߬ߞߏ߬ ߟߊߕߍ߰ߣߍ߲ ߞߏߝߐ߫ ߞߐ߲߬ߞߍ ߝߐߘߊ ߘߐ߫ ߞߏ߫:

﴿أَمۡ خُلِقُواْ مِنۡ غَيۡرِ شَيۡءٍ أَمۡ هُمُ ٱلۡخَٰلِقُونَ 35﴾

{ ߥߟߴߊ߬ߟߎ߬ ߘߊ߲ߣߍ߲߫ ߠߋ߫ ߓߊ߬ ߝߋ߲߫ ߣߐ߬ ߕߍ߫؟ ߤߊߡߊ߲ߕߍ߫ ߊ߬ߟߎ ߟߋ߬ ߘߊ߲ߠߌ߲ߠߊ ߟߎ߬ ߘߌ߫؟} [ ߞߐ߲߬ߞߍ ߝߐߘߊ

ߟ ߃߅] ߏ߬ ߟߊ߬ߢߌߣߌ߲ ߠߋ߬ ߞߏ߫: ߊ߬ߟߎ߬ ߡߊ߫ ߘߊ߲߫ ߣߌ߫ ߘߊ߲ߓߊ߯ ߕߍ߫ ߸ ߊ߬ߟߎ߫ ߘߏ߲߬ ߡߴߊ߬ߟߎ߫ ߖߍ߬ߘߍ߫ ߘߊ߲߫ ߝߣߊ߫ ߸ ߏ߬ ߟߋ ߞߵߊ߬ ߞߍ߫ ߊ߬ߟߎ߬ ߘߊ߲ߓߊ߮ ߟߊ߫ ߞߏ߫ ߟߊ߲ߞߣߍߡߦߊ߫ ߘߊ߫ ߸ ߞߏ߫ ߊ߬ߟߎ߬ ߘߊ߲ߓߊ߮ ߦߋ߫ ߊߟߊ߫ ߓߊ߲ߓߊ߲ߣߍ߲߫ ߞߘߐߕߊ߬ߣߍ߲߬ߓߊ ߟߋ߬ ߘߌ߫߸ ߏ߬ ߟߋ ߞߏߛߐ߲߬ ߸ ߖߎ߬ߓߊߦߑߙߎ ߓߎߣ ߡߎߕ߭ߑߌߡ ߞߵߊ߬ ߡߍ߲߫ ߞߋߟߊ ߟߊ߫ ߞߛߌ ߣߌ߫ ߣߍߡߊ ߦߴߊ߬ ߦߋ߫ ߸ ߊ߬ ߦߋ߫ ߞߐ߲߬ߞߍ ߝߐߘߊ ߞߊ߬ߙߊ߲߬ ߠߊ߫ ߊ߬ ߛߋ߫ ߘߊ߫ ߟߝߊߙߌ ߡߍ߲߬߭ ߠߎ߬ ߡߊ߬:

﴿أَمۡ خُلِقُواْ مِنۡ غَيۡرِ شَيۡءٍ أَمۡ هُمُ ٱلۡخَٰلِقُونَ 35 أَمۡ خَلَقُواْ ٱلسَّمَٰوَٰتِ وَٱلۡأَرۡضَۚ بَل لَّا يُوقِنُونَ 36 أَمۡ عِندَهُمۡ خَزَآئِنُ رَبِّكَ أَمۡ هُمُ ٱلۡمُصَۜيۡطِرُونَ 37﴾

{ ߥߟߴߊ߬ߟߎ߬ ߘߊ߲ߣߍ߲߫ ߠߋ߫ ߓߊ߬ ߝߋ߲߫ ߣߐ߬ ߕߍ߫؟ ߤߊߡߊ߲ߕߍ߫ ߊ߬ߟߎ ߟߋ߬ ߘߊ߲ߠߌ߲ߠߊ ߟߎ߬ ߘߌ߫؟ ߷ ߥߟߴߊ߬ߟߎ ߟߋ߫ ߣߊ߬ ߛߊ߲ ߠߎ߬ ߣߌ߫ ߘߎ߱ ߘߊ߲߫ ߠߊ߫ ߓߊ߬؟ ߍ߲߬ߍ߲߫ ߊ߬ߟߎ߬ ߕߍ߫ ߟߊߒߠߦߊߓߊ߯ ߟߋ߬ ߘߌ߫߷ ߥߟߊ߫ ߌ ߡߊ߰ߙߌ ߟߊ߫ ߡߣߐ߬ߓߏ߲ ߠߎ߫ ߟߴߊ߬ߟߎ߬ ߓߟߏ߫ ߓߊ߬؟ ߥߟߴߊ߬ߟߎ ߟߋ߬ ߛߋߓߊ߯ߓߊ ߟߎ߬ ߘߌ߫؟} [ ߞߐ߲߬ߞߍ ߝߐߘߊ ߟ: ߃߅-߃߇]

ߖߎ߬ߓߊߦߑߙߎ ߕߘߍ߬ ߦߋ߫ ߝߌ߬ߟߊ߬ߒ߬ߞߊߝߏ ߟߋ߬ ߘߌ߫ ߏ߬ ߟߏ߲ : ߊ߬ ߞߵߊ߬ ߝߐ߫ ߞߏ߫:<< ߊ߬ ߕߏߘߊ߫ ߘߏ߯ߣߌ߲߫ ߒ ߖߛߎ߬ߞߎ߲ ߦߴߊ߬ ߜߊ߲߸ ߕߎ߬ߡߊ߫

ߡߍ߲߫ ߘߍ߲߬ߞߣߍ߬ߦߊ ߝߟߐ ߘߊ߫ ߞߐ߲ߞߐ߲ߠߌ߲ ߠߊ߫ ߒ ߖߛߎ߬ߞߎ߲ ߘߐ߫

ߊ߲ ߧߋ߫ ߟߊ߲ߡߊ߫ ߘߏ߫ ߕߊ߬ ߡߍ߲ ߧߴߏ߬ ߘߐߞߣߍ߫ ߟߊ߫ : ߣߌ߫ ߘߏ߫ ߞߊ߬ ߡߊ߲߬ߛߊ߫ ߞߎߓߋ ߘߏ߫ ߟߐ߬ ߞߵߏ߬ ߝߐ߫ ߌ ߦߋ߫ ߸ ߡߍ߲߫ ߞߏ߬ߙߌ߬ߣߍ߲ ߣߊߞߐ ߟߎ߬ ߟߊ߫ ߸ ߞߐ߬ߢߊ ߟߎ߬ ߦߋ߫ ߓߏ߬ߙߌ߬ ߟߊ߫ ߡߍ߲߫ ߟߎ߬ ߞߘߐ߫ ߸ ߊ߬ ߝߊߣߍ߲߫ ߘߏ߬ߝߙߏ ߟߎ߬ ߣߌ߫ ߟߊߝߋ߲ ߠߎ߬ ߣߌ߫ ߝߊߘߌߦߊߓߐ ߟߎ߬ ߟߊ߫ ߸ ߊ߬ ߡߊߛߘߌ߬ߣߍ߲߫ ߡߊ߬ߛߘߌ ߓߎ߲ߓߎ߲߫ ߓߐߣߍ߲ߢߐ߲߰ߡߊ ߟߎ߫ ߟߋ߬ ߟߊ߫ ߊ߬ ߣߌ߫ ߘߝߊߟߊ߲ ߠߎ߬ ߊ߬ ߞߵߊ߬ ߝߐ߫ ߌ ߦߋ߫: ߞߏ߫ ߞߎߓߋ ߡߍ߲߬ ߠߴߊ߬ ߞߣߐ߫ ߓߍ߯ ߟߋ߬ ߞߵߊ߬ ߖߘߍ߬ ߟߐ߬ ߸ ߥߟߴߊ߬ ߛߐ߬ߘߐ߲߬ ߘߊ߫ ߓߍ߲߬ߒ߬ߛߋ߲߬ߡߊ߬ߓߟߏߡߊ߬ ߸ ߣߌ߫ ߛߌ߲ߘߌߓߊ߮ ߕߍ߫ ߸ ߒߠߋ ߕߎ߲߬ ߓߍߣߵߊ߬ ߡߊߛߐ߬ߛߐ߬ ߞߵߊ߬ ߥߎߦߊߒߕߋߦߊ߫ ߸ ߒߠߋ ߞߵߊ߬ ߟߊ߫ ߞߎߡߊ ߖߊ߬ߕߋ߬ ߟߊ߫ ߣߊߟߏ߲ߡߦߊ ߟߋ߬ ߘߌ߫.߸ ߦߊ߯ߟߴߊ߬ ߘߌ ߘߊ߬ߤߊ ߞߏ߫ ߘߎߢߊ߫ ߘߐߦߙߌߥߊߣߍ߲ ߣߌ߲߬ ߠߴߊ߬ ߘߎ߱ ߞߟߏ ߣߴߊ߬ ߛߊ߲ߞߟߏ ߣߌ߫ ߊ߬ ߜߟߎߞߘߎ ߟߎ߬ ߣߴߊ߬ ߗߏ߯ߦߊ ߟߎ߬ ߣߴߊ߬ ߞߊ߲ߞߋ߫ ߞߓߊߞߏߡߊ ߡߍ߲ ߦߋ߫ ߢߊߞߘߐ ߓߐ߫ ߟߊ߫ ߸ ߞߴߏ߬ ߟߋ߫ ߞߵߊ߬ ߖߘߍ߬ ߘߊ߲߫ ߸ ߥߟߊ߫ ߞߊ߬ ߛߐ߬ߘߐ߲߬ ߓߍ߲߬ߒ߬ߛߋ߲߬ߡߊ߬ߓߟߏߡߊ߬ ߣߌ߫ ߛߌ߲ߘߌߓߊ߮ ߕߍ߫ ؟

߃- ߡߍ߲߫ ߓߍ߲߬ߣߍ߲߫ ߛߊ߬ߙߌ߬ߦߊ ߕߊ߫ ߘߊ߬ߟߎ ߡߊ߬ ߞߏ߫ ߊߟߊ߫ ߞߘߐߕߊ߬ߣߍ߲߬ߓߊ ߦߋ߫ ߦߋ߲߬ : ߓߊߏ߬ ߛߊ߲ߡߊ߫ ߞߝߊ ߟߎ߬ ߓߍ߯ ߞߴߏ߬ ߝߐ߫ ߸ ߞߕߌ߫ ߕߋߟߋ߲ߣߍ߲ ߡߍ߲ ߠߎ߬ ߦߋ߫ ߘߊ߲ߠߌ߲ ߢߊ߬ߞߏ ߟߎ߬ ߟߊߞߊ߬ߝߏ߬ ߟߊ߫ ߏ߬ ߟߎ߬ ߦߋ߫ ߦߌ߬ߘߊ߬ߞߏ ߟߎ߫ ߟߋ߬ ߘߌ߫ ߞߏ߫ ߊ߬ ߝߘߊߣߍ߲߫ ߸ ߞߊ߬ ߝߘߊ߫ ߡߊ߰ߙߌ ߥߘߋ߬ߥߘߋ߬ߟߌ߬ߟߊ ߟߋ߬ ߟߊ߫ ߡߍ߲ ߞߵߊ߬ ߟߊ߫ ߘߊ߲ߝߋ߲ ߠߎ߬ ߢߊ߬ߞߏ ߟߐ߲߫4 ߊ߬ ߣߊ߬ߣߍ߲߫ ߖߊ߯ߓߊ߫ ߖߊ߲߬ߖߏ߲ ߡߍ߲ ߠߎ߬ ߘߌ߫ ߸ ߕߎ߬ߢߊ ߦߋ߫ ߡߍ߲ ߛߙߋߦߊ߫ ߟߊ߫߸ ߏ߬ ߦߋ߫ ߦߌ߬ߘߊ߬ߞߏ ߟߋ߬ ߘߌ߫ ߞߴߏ߬ ߓߐߣߍ߲߫ ߡߊ߰ߙߌ߬ ߛߋߓߊ߯ߦߊ ߕߌ߱ ߟߋ߬ ߓߟߏ߫߸

߄- ߡߍ߲߫ ߓߍ߲߬ߣߍ߲߫ ߛߏ߬ߓߌ߬ߟߊ߲ ߦߌ߬ߘߊ߬ߞߏ ߡߊ߬ ߞߏ߫ ߊߟߊ߫ ߦߋ߫ ߦߋ߲߬ ߸ ߏ߬ ߦߋ߫ ߦߌߟߡߊ߫ ߝߌ߬ߟߊ ߟߋ߬ ߘߌ߫ :

ߊ߬ ߝߌ߬ߟߊ ߝߟߐߡߊ߲: ߊ߲ ߧߋ߫ ߥߟߋߟߌߟߊ ߟߎ߬ ߟߊ߫ ߖߋ߬ߓߌ߬ߟߌ ߡߍ߲߫ ߠߊ߫ ߞߵߊ߬ ߦߋ߫ ߸ ߊ߬ ߣߌ߫ ߞߊ߬ ߕߙߐߓߊ߯ߕߐ ߟߎ߬ ߟߊߝߙߍ߫ ߸ ߏ߬ ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߊߟߊ߫ ߞߘߐߕߊ߬ߣߍ߲߬ߓߊ ߦߋ߫ ߦߋ߲߬ ߸ ߊߟߊ߫ ߛߊߣߌ߲ ߞߴߊ߬ ߝߐ߫:

﴿وَنُوحًا إِذۡ نَادَىٰ مِن قَبۡلُ فَٱسۡتَجَبۡنَا لَهُۥ...﴾

{ ߊ߬ ߣߌ߫ ߣߎߤߊ߲߫ ߝߣߊ߫ ߸ ߏ ߞߊ߬ ߒ߬ ߞߟߌ߫ ߢߌ߲߬ ߠߎ߬ ߢߍ߫ ߡߍߞߍ߭ ߸ ߊ߲ ߞߵߊ߬ ߟߊߡߌ߬ߘߊ߫ } [ ߟߊ߬ߝߐ߬ߓߊ߮ ߟߎ߬ ߝߐߘߊ ߟ: ߇߆] ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߕߎ߲߯ ߞߏ߫ { ߊߟߎ߫ ߞߊ߬ ߘߍ߬ߡߍ߲߬ߠߌ߲߬ ߢߌߣߌ߲ ߞߍ߫ ߊߟߎ߫ ߡߊ߰ߙߌ ߟߊ߫ ߕߎ߬ߡߊ ߏ߬ ߟߋ ߟߊ߫߸ ߊ߬ ߘߏ߲߬ ߞߵߊߟߎ߫ ߟߊߡߌ߬ߘߊ߬ } [ ߞߐ߲ߛߐ߲ ߠߎ߬ ߝߐߘߊ ߟ:߉]

ߊ߬ ߦߋ߫ ߓߎߞߊ߬ߙߌ ߟߊ߫ ߔߌߦߐߔߌߦߐ ߘߐ߫ ߞߵߊ߬ ߡߌ߬ߘߊ߬ ߡߊߟߞߌ߫ ߘߋ߲ߞߍ ߊߣߊߛ ߡߊ߬ ߊߟߡߊ߫ ߘߌ߬ߢߍ߬ ߞߍ߫ ߘߴߊ߬ ߡߊ߬ ߸ ߞߏ߫: ߞߏ߲ߞߏ߫ ߞߣߐߡߐ߮ ߘߏ߫ ߘߏ߲߬ ߘߊ߫ ߛߌ߬ߣߌ߲߬ߟߏ߲ (ߖߎߡߊ߫ ߟߏ߲) ߡߊ߬ ߞߵߊ߬ ߕߘߍ߬ ߟߊ߬ߝߐ߬ߓߊ߮ﷺ ߸ ߏ߬ ߦߋ߫ ߓߋߟߋ߲ߠߊ ߞߊ߲߬ ߸ ߊ߬ ߞߊ߲߫ ߞߏ߫ : (( ߋ߯ ߊߟߊ߫ ߟߊ߫ ߞߋߟߊ ߸ ߣߊ߲߬ߝߟߏ ߓߘߊ߫ ߕߌߢߍ߫ ߸ ߘߋ߲ߣߍ߲ ߠߎ߬ ߓߘߊ߫ ߞߐ߲ߞߐ߫ ߸ ߏ߬ ߘߐ߫ ߊߟߊ߫ ߞߟߌ ߒ߬ ߞߏߛߐ߲߬߸ ߊ߬ ߞߵߊ߬ ߓߟߏ߫ ߞߘߐߕߊ߬ ߞߊ߬ ߊߟߊ߫ ߥߟߋ߫ ߸ ߓߘߌߞߊ ߟߎ߬ ߥߟߌ߬ ߘߊ߫ ߦߏ߫ ߞߎ߬ߙߎ ߟߎ߬߸ ߝߏ߫ ߒ ߞߊ߬ ߛߊ߲ߖߌ ߦߋ߫ ߊ߬ ߓߏ߲߬ߓߏ߲߬ߓߏ߲ ߠߊ߫

ߛߌ߬ߣߌ߲߬ߟߏ߲( ߖߎߡߊ߫ ߟߏ߲ ) ߝߌߟߊߣߊ߲ ߠߊ߫ ߸ ߓߋ߬ߘߎ߰ ߏ߬ ߥߟߊ߫ ߡߐ߰ ߜߘߍ߫ ߥߟߌ߬ ߘߊ߫ ߞߵߊ߬ ߝߐ߫ ߞߏ߫: ߋ ߊߟߊ߫ ߞߋߟߊ ߸ ߓߏ߲ ߠߎ߬ ߓߘߊ߫ ߓߋ߬ ߸ ߞߊ߬ ߣߊ߬ߝߟߎ ߟߎ߬ ߓߘߊ߫ ߕߏ߫ ߖߌ ߘߐ߫ ߸ ߊߟߊ߫ ߕߙߊ߫ ߊ߲ ߧߋ߫ ߸ ߊ߬ ߞߴߊ߬ ߝߐ߫ ߞߛߌ ߣߌ߫ ߣߍߡߊ ߦߴߊ߬ ߢߍ߫ : ߞߏ߫ << ߒ ߡߊ߰ߙߌ ߊ߬ ߟߊ߫ ߣߊ߬ ߊ߲ ߠߊ߫ ߡߌߣߌ߲߫ ߘߐ߫ ߸ ߊ߲ ߠߎ߬ ߞߏ ߕߍ߫ >> ߊ߬ ߡߊ߫ ߞߐߙߍߦߊߟߌ ߞߍ߫ ߝߊ߲߬ ߛߌ߫ ߟߊ߫ ߝߏ߫ ߏ߬ ߦߋ߫ ߝߏߘߏ߲߫

ߢߌ߬ߣߌ߲߬ߞߊ߬ߟߌ߬ߟߊ ߟߎ߬ ߖߋ߬ߓߌ ߦߋ߫ ߛߙߋߦߊ߫ ߟߊ߫ ߤߊ߲߯ ߓߌ߬ ߡߐ߰ ߟߎ߫ ߟߋ߬ ߦߋ߫ ߡߍ߲ ߠߎ߬ ߦߴߊ߬ߟߎ߬ ߡߊߘߏ߲߬ ߠߊ߫ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߸ ߊ߬ ߞߊ߬ ߖߋ߬ߓߌ߬ߟߌ ߛߙߊߕߌ ߟߎ߬ ߘߝߊ߫

ߝߌߟߊߣߊ߲ : ߟߊ߬ߝߐ߬ߓߊ߮ ߟߎ߬ ߟߊ߫ ߞߓߊߞߏ߫ ߟߎ߬ ߡߍ߲߫ ߠߎ߬ ߦߋ߫ ߡߊ߲߬ߕߊ߬ߣߌ߲߬ߡߊ߬ ߞߏ ߟߎ߬ ߘߌ߫ ߣߌ߫ ߡߐ߱ ߟߎ߬ ߛߙߋߦߊ߫ ߘߴߊ߬ ߡߊ߬ ߸ ߥߟߊ߫ ߞߊ߬ ߞߏ ߡߍ߲߫ ߸ ߏ߬ ߦߋ߫ ߦߌ߬ߘߊ߬ߞߏ ߕߍ߰ߒ߬ߞߊ߲߬ߡߊ ߟߋ߬ ߘߌ߫ ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߊ߬ ߗߋߓߊ߮ ߦߋ߫ ߦߋ߲߬ ߸ ߏ߬ ߟߋ ߦߋ߫ ߊߟߊ߫ ߞߘߐߕߊ߬ߣߍ߲߬ߓߊ ߘߌ߫ ߸ ߓߊߏ߬ ߏ߬ ߦߋ߫ ߝߋ߲ ߠߎ߬ ߟߋ߬ ߘߌ߫ ߸ ߡߍ߲ ߠߎ߬ ߕߍ߫ ߡߐ߱ ߟߊ߫ ߛߋߞߏߦߊ ߘߌ߫ ߸ ߊߟߊ߫ ߞߘߐߕߊ߬ߣߍ߲߬ߓߊ ߘߴߏ߬ ߞߍ߫ ߸ ߊ߬ ߟߊ߫ ߞߋߟߊߘߋ߲ ߠߎ߬ ߘߍ߬ߡߍ߲߬ ߠߴߊ߬ߟߎ߬ ߟߊߥߛߊ߬ ߞߊ߲ߡߊ߬

ߏ߬ ߡߌ߬ߛߊ߬ߟߌ ߘߏ߫ ߟߋ߬ : ߡߎߛߊ߫ ߟߊ߫ ߕߐ߰ߡߊ߬ߛߙߋ ߸ ߞߛߌ ߦߴߊ߬ ߡߊ߬ ߸ ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ ߟߐ߬ ߞߏ߫ ߊ߬ ߦߋ߫ ߓߊ ߜߊ߬ߛߌ߬ ߊ߬ ߟߊ߫ ߜߟߋ߬ߞߋ ߟߊ߫ ߸ ߊ߬ ߞߵߊ߬ ߜߊ߬ߛߌ߬ ߸ ߛߌߟߊ߫ ߖߊߙߊ߲߫ ߕߊ߲߫ ߣߌ߫ ߝߌ߬ߟߊ߫ ߝߘߊ ߘߊ߫ ߸ ߖߌ ߡߍ߲ ߦߴߊ߬ߟߎ߬ ߕߍ߫ ߸ ߏ߬ ߞߍߣߍ߲߫ ߦߏ߫ ߞߎ߬ߙߎ ߟߎ߬ ߸ ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫:

﴿فَأَوۡحَيۡنَآ إِلَىٰ مُوسَىٰٓ أَنِ ٱضۡرِب بِّعَصَاكَ ٱلۡبَحۡرَۖ فَٱنفَلَقَ فَكَانَ كُلُّ فِرۡقٖ كَٱلطَّوۡدِ ٱلۡعَظِيمِ 63﴾

{ ߊ߲ ߞߊ߬ ߦߟߌߘߏ߲ ߟߐ߬ ߡߎߛߊ߫ ߡߊ߬ ߸ ߒ ߞߏ߫ ߓߊ ߜߊ߬ߛߌ߬ ߌ ߟߊ߫ ߘߐ߬ߞߐ ߟߊ߫ ، ߏ߬ ߞߍ ‹ ߓߊ › ߝߙߊ߫ ߘߊ߫، ߊ߬ ߖߓߌߟߌ߲ߓߌߟߌ߲ ߞߋ߬ߟߋ߲߬ߞߋ߬ߟߋ߲߬ߠߊ ߞߍ߫ ߘߊ߫ ߦߏ߫ ߕߌ߲ߘߌ߫ ߓߟߋߓߟߋ ߟߋ߬ } [ ߛߞߎ߬ߦߊ߬ߟߊ ߟߎ߬ ߝߐߘߊ ߟ: ߆߃]

ߡߌ߬ߛߊ߬ߟߌ ߝߌߟߊߣߊ߲ : ߌߛߊ߫ ߟߊ߫ ߕߐ߰ߡߊ߬ߛߙߋ ߞߛߌ ߦߴߊ߬ ߢߍ߫ ߸ ߊ߬ ߕߘߍ߬ ߛߎ߭ ߟߎ߬ ߟߊߞߎߣߎ߲߫ ߠߊ߫ ߸ ߞߵߊ߬ߟߎ߬ ߟߊߓߐ߫ ߊ߬ߟߎ߬ ߟߊ߫ ߛߊ߬ߙߌ ߟߎ߬ ߞߣߐ߫ ߣߌ߫ ߊߟߊ߫ ߟߊ߫ ߘߌ߬ߢߍ ߟߊ߫߅ ߸ ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ ߊ߬ ߟߊ߫ ߞߏ ߘߐ߫ :

﴿...وَأُحۡيِ ٱلۡمَوۡتَىٰ بِإِذۡنِ ٱللَّهِ...﴾

{ ߊ߬ ߣߌ߫ ߞߊ߬ ߛߎ߭ ߟߎ߬ ߟߊߞߎߣߎ߲߫ ߊߟߊ߫ ߟߊ߫ ߘߌ߬ߢߍ ߟߊ߫} [ ߌߡߎ߬ߙߊ߲߬ ߞߐߙߍ ߝߐߘߊ ߟ: ߄߉] ߊ߬ ߞߵߊ߬ ߝߐ߫:

﴿...وَإِذۡ تُخۡرِجُ ٱلۡمَوۡتَىٰ بِإِذۡنِي...﴾

{ ߊ߬ ߣߴߌ ߕߍ߬ߘߍ߫ ߛߎ߭ ߟߎ߬ ߟߊߥߟߌ߬ ߟߊ߫ ߒ ߠߊ߫ ߘߌ߬ߢߍ ߟߊ߫ } [ ߛߎ߬ߡߊ߲߬ߝߍ ߝߐߘߊ ߟ:߁߁߀]

ߊ߬ ߟߊ߲ߡߊ߫ ߛߓߊߣߊ߲ : ߡߍ߲ ߞߍ ߘߊ߫ ߡߎ߬ߤ߭ߊߡߡߊߘ ߴߢߍ߫ ߞߛߌ ߣߌ߫ ߣߍߡߊ ߦߴߊ߬ ߦߋ߫ ߸ ߕߎ߬ߡߊ ߡߍ߲ ߞߎߙߊߦߑߛ߭ߌ ߟߎ߬ ߞߊ߬ ߕߐ߰ߡߊ߬ߛߙߋ ߘߏ߫ ߢߌߣߌ߲߫

ߊ߬ ߝߍ߫ ߸ ߊ߬ ߞߵߊ߬ ߢߊߛߌ߲߫ ߞߊߙߏ ߡߊ߬ ߸ ߏ߬ ߕߟߊ߫ ߘߊ߫ ߝߌ߬ߟߊ߫ ߘߌ߬ ߸ ߡߐ߱ ߟߎ߫ ߞߵߊ߬ ߦߋ߫ ߸ ߏ߬ ߟߋ ߞߏߛߐ߲߬ ߊ߬ ߦߋ߫ ߞߘߐߕߊ߬ߣߍ߲߬ߓߊ ߞߎߡߊߞߊ߲ ߘߐ߫ ߞߏ߫:

﴿ٱقۡتَرَبَتِ ٱلسَّاعَةُ وَٱنشَقَّ ٱلۡقَمَرُ 1 وَإِن يَرَوۡاْ ءَايَةٗ يُعۡرِضُواْ وَيَقُولُواْ سِحۡرٞ مُّسۡتَمِرّٞ2﴾

{ ( ߟߐ߬ߓߊ ) ߕߎ߬ߡߊ ߓߘߊ߫ ߛߎ߬ߘߎ߲߬ߧߊ߫ ߝߏ߫ ߞߊߙߏ ߓߘߊ߫ ߛߍ߲ߞߍ߫ ߷ ߊ߬ߟߎ߬ ߓߊ߯ ߕߐ߰ߡߊ߬ߛߙߋ ߝߋ߲-ߋ-ߝߋ߲߫ ߦߋ߫ ߊ߬ߟߎ߬ ߘߴߊ߬ߟߎ߬ ߡߙߎ߫ ߞߵߊ߬ ߝߐ߫ ߞߏ߫ ߛߎߓߊ߯ߦߊ߫ ߞߎߘߊߦߌ ߘߏ߫ ߟߴߏ߬ ߘߌ߫ } [ ߞߊߙߏ ߝߐߘߊ

ߟ : ߁-߂]

ߊߟߊ߫ ߞߘߐߕߊ߬ߣߍ߲߬ߓߊ ߦߋ߫ ߕߐ߰ߡߊ߬ߛߙߋ߬ ߡߊ߬ߕߊ ߡߍ߲ ߠߎ߬ ߞߍ߫ ߟߊ߫ ߸ ߊ߬ ߟߊ߫ ߞߋߟߊߘߋ߲ ߠߎ߬ ߘߍ߬ߡߍ߲߬ ߞߊߡߊ߬ ߸ ߊ߬ ߣߌ߫ ߞߊ߬ ߟߥߊ߬ߛߊ ߘߴߊ߬ߟߎ߬ ߡߊ߬ ߸ ߏ߬ ߦߋ߫ ߦߌ߬ߘߊ߬ߞߏ ߟߋ߬ ߘߌ߫ ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߊߟߊ߫ ߞߘߐߕߊ߬ߣߍ߲߬ߓߊ ߦߋ߫ ߦߋ߲߬.

ߞߏߢߊ ߝߌߟߊߣߊ߲ ߡߍ߲߫ ߓߍ߲߬ ߕߐ߫ ߘߍ߲߬ߞߣߍ߬ߦߊ ߡߊ߬ ߊߟߊ߫ ߡߊ߬ : ߞߊ߬ ߘߍ߲߬ߞߣߍ߬ߦߊ߫ ߊߟߊ߫ ߟߊ߫ ߕ߰ߞߊ߲߬ߞߋ߬ߦߊ ߡߊ߬

ߕߌ߱: ߘߊ߲ߠߌ߲ ߣߌ߫ ߡߊ߲߬ߛߦߊ ߣߌ߫ ߖߡߊߙߌ ߦߋ߫ ߡߍ߲߫ ߕߊ ߘߌ߫ ߕߍ߫ ߡߍ߲ ߓߟߏ߫߸ ߘߊ߲ߓߊ߯ ߕߴߦߋ߲߬ ߝߏ߫ ߊߟߊ߫ ߸ ߕߌ߰ ߛߌ߫ ߕߴߦߋ߲߬ ߝߏ߫ ߊ߬ߟߋ߸ ߖߡߊ߬ߙߌ߫ ߛߌ߫ ߕߍ߫ ߊ߬ߟߋ߬ ߕߊ ߞߐ߫߸

﴿...أَلَا لَهُ ٱلۡخَلۡقُ وَٱلۡأَمۡرُ...﴾

{ ߞߏ߬ߞߏ߫ ߊ߬ߟߋ ߟߋ߬ ߕߊ߫ ߦߋ߫ ߘߊߟߌ ߣߌ߫ ߟߐ߬ߒ߬ߞߏ߬ߟߊ ߘߌ߫ ߞߍ߬؟ } [ ߕߓߊߞߘߐߣߍ߲߫ ߝߐߘߊ

ߟ: ߅߄] ߊ߬ ߞߊ߲߫ ߌߞߐ߫ :

﴿...ذَٰلِكُمُ ٱللَّهُ رَبُّكُمۡ لَهُ ٱلۡمُلۡكُۚ وَٱلَّذِينَ تَدۡعُونَ مِن دُونِهِۦ مَا يَمۡلِكُونَ مِن قِطۡمِيرٍ﴾

{ ߏ߬ ߟߎ߬ ߦߋ߫ ߊߟߊ߫ ( ߟߊ߫ ߞߏ ) ߟߋ߬ ߘߌ߫ ߊߟߎ߫ ߡߊ߰ߙߌ ߞߊ߬ߣߌ߲߫ ، ߏ߬ ߟߋ ߕߊ߫ ߦߋ߫ ߡߊ߬ߙߊ ߘߌ߫ ߸ ߊߟߎ ߘߏ߲߬ ߦߋ߫ ߡߍ߲ ߠߎ߬ ߞߟߌ߫ ߟߊ߫ ߞߵߊ߬ߟߋ߬ ߕߏ߫ ߏ߬ ߟߎ߬ ߕߍ߫ ߕߌ߲߬ߖߐ߲ ߝߏ߬ߟߏ߲߬ߣߍ߲߫ ߢߐ߲߰ ߡߙߊ߬ ߟߊ߫ } [ ߛߌ߲ߘߌߓߊ߮ ߝߐߘߊ ߟ:߁߃]

ߝߊ߲ߞߋߟߋ߲ ߛߌ߫ ߡߊ߫ ߟߐ߲߫ ߡߍ߲ ߞߊ߬ ߊߟߊ߫ ߛߍ߲ߓߍߡߊ ߟߊ߫ ߡߊ߰ߙߌ߬ߦߊ ߡߊߛߐ߬ߛߐ߬ ߸ ߝߏ߫ ߣߴߊ߬ ߞߍ߫ ߘߊ߫ ߖߘߍ߬ߓߏ߲߬ߧߊ߬ ߟߊ߫ ߘߌ߬ ߸ ߊ߬ ߘߏ߲߬ ߡߊ߫ ߟߴߊ߬ ߟߊ߫ ߞߎߡߊ ߟߊ߫ ߸ ߌ ߣߵߊ߬ ߝߐ߫ ߊ߬ ߞߍ߫ ߘߊ߫ ߝߋߙߊߥߎ߲߫ ߠߊ߫ ߢߊ ߡߍ߲߸ ߊ߬ ߞߵߊ߬ ߝߐ߫ ߊ߬ ߡߌ߬ߙߌ߲߬ߘߌ ߦߋ߫:{ ߞߵߊ߬ ߟߊߛߋ߫ ߏ߬ ߘߐ߫ ߞߏ߫ ߒߠߋ ߟߴߊߟߎ߫ ߡߊ߰ߙߌ߬ ߞߘߐߕߊ߬ߣߍ߲߬ߓߊ ߘߌ߫ }[ ߓߏ߬ߛߟߌ߬ߟߊ ߟߎ߬ ߝߐߘߊ ߟ:߂߄]߸ ߊ߬ ߞߊ߲߫ ߌߞߐ߫ :{ ߤߍ߲߬ ߊߟߎ߬ ߞߏߟߊߕߍ߮ ߟߎ߬ ߸ ߒߠߋ ߡߊ߫ ߡߊ߰ߙߌ߬ ߜߘߍ߫ ߟߐ߲߫ ߊߟߎ߫ ߟߊ߫ ߣߌ߫ ߒߠߋ ߕߍ߫}[ ߘߊ߲߬ߕߍ߰ߟߌ ߝߐߘߊ ߟ:߃߈]߸ ߒ߬ߓߊ߬ ߏ߬ ߕߍ߫ ߛߣߐ߬ߡߍ߬ߘߐ߬ߦߊ ߘߌ߫ ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߬ :{ ߊ߬ߟߎ߫ ߞߵߊ߬ ߡߊߛߐ߬ߛߐ߫ ߞߵߊ߬ߟߎ߬ ߟߊߣߍ߲ ߕߏ߫ ߊ߬ ߟߊ߫ ߊ߬ߟߎ߬ ߞߣߐߘߐ߫ ߕߐ߬ߢߍ߮ ߣߌ߫ ߖߘߍ߬ߕߊ ߡߊ߬}[ ߡߣߍߡߣߍ ߝߐߘߊ ߟ:߁߄] ߊߟߊ߫ ߞߊ߬ ߡߍ߲ ߝߐ߫ ߡߎߛߊ߫ ߦߋ߫ ߞߵߊ߬ ߦߴߏ߬ ߝߐ߫ ߝߋߙߊߥߎ߲߫ ߦߋ߫:{ ߡߎߛߊ߫ › ߞߊ߲߫ ߞߏ߫ ߌ ߞߵߊ߬ ߟߐ߲߫ ߞߋ߲߫ ߞߏ߫ ߝߏߦߌ߬ ߡߊ߫ ߢߌ߲߬ ߠߎ߬ ߟߊߖߌ߰ ߞߵߊ߬ߟߎ߬ ߞߍ߫ ߢߟߊߞߊߞߏ ߟߎ߬ ߘߌ߫ ߝߏ߫ ߛߊ߲ ߠߎ߬ ߣߌ߫ ߘߎ߱ ߡߊ߰ߙߌ، ߒߠߋ ߘߏ߲߬ ߦߴߌߟߋ ߝߙߊߥߎ߲߫ ߖߌ߰ ߟߊ߫ ߕߏߒߘߐߓߊ߯ߕߐ ߟߋ߬ ߘߌ߫}[ ߛߎߘߐߛߣߍߡߊ ߝߐߘߊ ߟ:߁߀߂] ߏ߬ ߟߋ ߞߏߛߐ߲߬ ߝߌ߬ߟߊ߲߬ߞߊߝߏ ߞߊ߬ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߡߊ߰ߙߌ߬ߦߊ ߟߊߛߓߊ߬ߕߌ߫ ߸ ߞߵߊ߬ ߕߘߍ߬ ߝߌ߬ߟߊ߲߬ߞߊߝߏ ߟߎ߬ ߦߴߊ߬ߟߎ߬ ߘߌ߫ ߊ߬ ߓߊ߬ߕߏ ߘߐ߫ ߸ ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫:

﴿قُل لِّمَنِ ٱلۡأَرۡضُ وَمَن فِيهَآ إِن كُنتُمۡ تَعۡلَمُونَ 84 سَيَقُولُونَ لِلَّهِۚ قُلۡ أَفَلَا تَذَكَّرُونَ85 قُلۡ مَن رَّبُّ ٱلسَّمَٰوَٰتِ ٱلسَّبۡعِ وَرَبُّ ٱلۡعَرۡشِ ٱلۡعَظِيمِ 86 سَيَقُولُونَ لِلَّهِۚ قُلۡ أَفَلَا تَتَّقُونَ 87 قُلۡ مَنۢ بِيَدِهِۦمَلَكُوتُ كُلِّ شَيۡءٖ وَهُوَ يُجِيرُ وَلَا يُجَارُ عَلَيۡهِ إِن كُنتُمۡ تَعۡلَمُونَ 88 سَيَقُولُونَ لِلَّهِۚ قُلۡ فَأَنَّىٰ تُسۡحَرُونَ 89﴾

{ ߊ߬ ߝߐ߫ ߞߏ߫ ߘߎ߱ ߣߴߊ߬ ߞߣߐߝߋ߲ ߠߎ߬ ߦߋ߫ ߖߍߣߍ߲ ߕߊ߫ ߘߌ߫ ߣߴߊߟߎ߫ ߣߐ߬ ߞߍ߫ ߘߴߏ߬ ߟߐ߲߫ ߠߊ߫؟ ߊ߬ߟߎ߬ ߘߌߣߵߊ߬ ߝߐ߫ ߟߋ߬ ߘߍ߯ ߞߏ߫ ߊߟߊ߫ ߟߋ߬ ߕߊ߫ ߦߋ߫ ، ߊ߬ ߝߐ߫ ߞߏ߫ ߊߟߎ߫ ߕߍ߫ ߊߟߎ߫ ߕߊ߰ߛߌ߬ ߟߊ߫ ߟߋ߫ ߓߊ߬؟ ߝߐ߫ ߞߏ߫ ߖߍߣߍ߲ ߦߋ߫ ߛߊ߲߫ ߥߐߙߐ߲ߥߌ߬ߟߊ ߡߊ߰ߙߌ ߘߌ߫ ߸ ߊ߬ ߣߌ߫ ߛߡߍ߬ ߓߟߋߓߟߋ ߡߊ߰ߙߌ ߘߌ߫؟ ߊ߬ߟߎ߬ ߘߴߊ߬ ߝߐ߫ ߟߋ߬ ߘߍ߯ ߞߏ߫ ߊߟߊ߫ ߟߋ߬ ߦߴߏ߬ ߘߌ߫ ، ߊ߬ ߝߐ߫ ߞߏ߫ ߊߟߎ߫ ߕߍ߫ ߊߟߎ߫ ߝߊ߲ߕߊ߲߬ߞߊ߬ ߟߊ߫ ߟߋ߫ ߓߊ߬؟ ߊ߬ ߝߐ߫ ߞߏ߫ ߝߋ߲ ߓߍ߯ ߡߙߊ߬ ߡߊ߲߬ߛߊ߬ߦߊ ߦߋ߫ ߖߍߣߍ߲ ߓߟߏ߫ ߸ ߣߴߊ߬ ߦߋ߫ ߟߊ߬ߞߛߌ߬ߟߌ ߞߍ߫ ߟߊ߫߸ ߟߊ߬ߞߛߌ߬ߟߌ߫ ߕߍ߫ ߞߍ߫ ߟߴߊ߬ߟߋ߬ ߟߊ߫ ߣߴߊߟߎ߫ ߣߐ߬ ߞߍ߫ ߘߴߊ߬ ߟߐ߲߫ ߠߊ߫؟ ߢ ߊ߬ߟߎ߬ ߘߴߊ߬ ߝߐ߫ ߞߴߏ߬ ߦߋ߫ ߊߟߊ߫ ߟߋ߬ ߓߟߏ߫ ، ߊ߬ ߝߐ߫ ߞߏ߫ ߊߟߎ߫ ߢߟߊߝߣߌ߬ߝߣߊ߬ߕߐ߫ ߏ߬ ߘߐ߫ ߘߌ߬ ߓߏ߬؟ [ ߘߍ߲߬ߞߣߍ߬ߦߊ߬ߓߊ߮ ߟߎ߬ ߝߐߘߊ ߟ: ߈߄-߈߉]

ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ :

﴿وَلَئِن سَأَلۡتَهُم مَّنۡ خَلَقَ ٱلسَّمَٰوَٰتِ وَٱلۡأَرۡضَ لَيَقُولُنَّ خَلَقَهُنَّ ٱلۡعَزِيزُ ٱلۡعَلِيمُ 9﴾

{ ߣߴߌ ߞߵߊ߬ߟߎ߫ ߢߌ߬ߣߌ߲߬ߞߊ߬ ߞߏ߫ ߖߍߣߍ߲ ߞߊ߬ ߛߊ߲ ߠߎ߬ ߣߌ߫ ߘߎ߱ ߘߊ߲߫؟ ߊ߬ߟߎ߬ ߘߴߊ߬ ߝߐ߫ ߟߋ߬ ߘߍ߯ ߞߏ߫ ߣߌ߬ߣߌ߬ߟߊ ߟߋ߫ ߞߵߊ߬ߟߎ߬ ߘߊ߲߫ ߸ ߟߐ߲ߠߌ߲ߠߊ ߟߋ߬ } [ ߡߊ߬ߖߐ߯ߙߊ߲ ߝߐߘߊ ߟ: ߉]

ߛߍ߲ߓߍߡߊ ߞߊ߲:

﴿وَلَئِن سَأَلۡتَهُم مَّنۡ خَلَقَهُمۡ لَيَقُولُنَّ ٱللَّهُۖ فَأَنَّىٰ يُؤۡفَكُونَ 87﴾

{ ߣߴߌ ߞߵߊ߬ߟߎ߫ ߢߌ߬ߣߌ߲߬ߞߊ߬ ߞߏ߫ ߖߍߣߍ߲ ߞߵߊ߬ߟߎ߬ ߘߊ߲߫؟ ߊ߬ߟߎ߬ ߘߴߊ߬ ߝߐ߫ ߞߏ߫ ߊߟߊ߫ ߞߍ߬، ߊ߬ߟߎ߬ ߦߋ߫ ߞߕߐߡߊߛߊ߬ߦߌ߬ ߟߊ߫ ߘߌ߬ ߏ߬ ߘߐ߫ ߓߏ߲߰؟} [ ߡߊ߬ߖߐ߯ߙߊ߲ ߝߐߘߊ ߟ:߈߇]

ߊߟߊ߫ ߣߌ߬ߣߌ߬ߟߊ ߟߊ߫ ߟߐ߬ߒ߬ߗߋ߬ߟߊ ߦߋ߫ ߖߊ߯ߓߊߞߏ ߣߌ߫ ߞߎ߬ߙߎ߲߬ߘߎ߬ߞߏ ߟߋ߬ ߘߌ߫߸ ߌߞߏߡߌ߲߬ ߖߊ߯ߓߊ ߟߎ߫ ߞߎ߲߬ߕߌ߮ ߡߍ߲ ߦߴߊ߬ ߞߕߌ߫ ߟߴߊ߬ ߘߌߦߊߣߊ߲ߕߊ ߟߊ߫ ߞߊ߬ ߓߍ߲߬ ߊ߬ ߟߊ߫ ߥߘߋ߬ߥߘߋ߬ߟߌ ߡߊ߬ ߸ ߊ߬ߟߋ ߟߋ߬ ߦߴߊ߬ ߡߊߡߙߊ߬ ߟߊ߫ ߓߊ߬ߕߏ߬ ߞߎ߬ߙߎ߲߬ߘߎ ߟߎ߬ ߣߌ߫ ߝߙߋ߬ߟߌ ߟߎ߫ ߞߕߌ߫ ߘߌ߫، ߦߏ߫ ߊ߬ ߟߊ߫ ߥߘߋ߬ߥߘߋ߬ߟߌ ߢߌߣߌ߲ߣߍ߲߫ ߢߊ ߡߍ߲. ߡߍ߲ ߓߊ߯ ߊߟߊ߫ ߞߘߐߕߊ߬ߣߍ߲߬ߓߊ ߡߌ߬ߘߊ߫ ߛߊ߬ߙߌ߬ߦߊ߬ߟߊ ߘߌ߫ ߓߊ߬ߕߏ ߓߊ߯ߙߊ ߟߎ߬ ߘߐ߫߸ ߥߟߊ߫ ߊߟߓߊ߯ ߘߌ߫ ߓߊ߯ߙߊߢߐ߲߯ߦߊ ߟߎ߬ ߘߐ߫߸ ߒ߬ߓߊ߬ ߏ߬ ߕߌ߱ ߓߘߊ߫ ߝߌ߬ߟߊ߲߬ߞߊߝߏ ߊ߬ ߡߊ߬ ߸ ߊ߬ ߕߌ߱ ߝߣߊ߫ ߟߊ߫ ߘߍ߲߬ߞߣߍ߬ߦߊ ߡߊ߫ ߛߓߊ߬ߕߌ߫

ߞߊ߬ ߘߍ߲߬ߞߣߍ߬ߦߊ߫ ߊߟߊ߫ ߡߊ߬ ߸ ߏ߬ ߦߋ߫ ߟߊߞߊ߬ߝߏ߬ߟߌ ߞߍ߫ ߟߊ߫ ߞߏߢߊ߬ ߛߓߊߣߊ߲ ߡߍ߲ ߠߊ߫: ߞߊ߬ ߘߍ߬ߞߣߍ߬ߦߊ߬ ߊߟߊ߫ ߟߊ߫ ߓߊ߬ߕߏ߬ߕߊ߬ߦߊ ߡߊ߬ ߏ߬ ߞߘߐ߫ ߟߋ߬ ߞߏ߫ ߓߊ߬ߕߏ߬ߕߊ ߜߘߍ ߕߍ߫ ߕߎ߬ߢߊ߬ ߓߟߏߡߊ߬ ߝߏ߫ ߊ߬ ߞߋߟߋ߲ߔߋ߫ ߜߙߊ߬ߢߐ߲߮ ߕߴߊ߬ ߟߊ߫ ߸ ߞߵߊ߬ ߝߐ߫( ߊߟߊ߫)ߏ߬ ߞߘߐ߫ ߟߋ߬ ߞߏ߫( ߓߊ߬ߕߏ߬ߝߋ߲ ) ߏ߬ ߞߘߐ߫ ߟߋ߬ ߞߏ߫( ߓߊ߬ߕߏ߬ߕߊ ) ߞߊ߬ߣߌ߲ ߣߌ߫ ߓߏ߬ߢߊ߮ ߟߊ߫ ߍߥߍ߫

ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ :{ ߊߟߎ߫ ߡߊ߰ߙߌ ߦߋ߫ ߡߊ߰ߙߌ߬ ߞߋߟߋ߲߫ ߔߋ߫ ߟߋ߬ ߘߌ߫ ߸ ߡߊ߰ߙߌ߬ ߜߘߍ߫ ߕߍ߫ ߏ߬ ߟߋ ߞߐ߫ ߸ ߡߊ߬ߤߌ߬ߣߊ߬ߟߊ߫ ߟߋ߬ ߤߌߣߟߊ߫ ߟߋ߬ }[ ߣߛߌ߬ߡߛߏ ߝߐߘߊ ߟ: ߁߆߃]

﴿شَهِدَ ٱللَّهُ أَنَّهُۥ لَآ إِلَٰهَ إِلَّا هُوَ وَٱلۡمَلَٰٓئِكَةُ وَأُوْلُواْ ٱلۡعِلۡمِ قَآئِمَۢا بِٱلۡقِسۡطِۚ لَآ إِلَٰهَ إِلَّا هُوَ ٱلۡعَزِيزُ ٱلۡحَكِيمُ 18﴾

ߊ߬ ߞߊ߲߫ ߌߞߐ߫ :{ߊߟߊ߫ ߛߙߋߦߊߣߍ߲߫ ߞߏ߫ ߡߊ߰ߙߌ߬ ߜߘߍ߫ ߕߍ߫ ߊ߬ߟߋ߬ ߞߐ߫، ߊ߬ ߣߌ߫ ߞߋ߲ߛߐ߲ ߠߎ߬ ߣߌ߫ ߟߐ߲ߞߏߕߌ߮ ߟߎ߬ ( ߛߙߋߦߊߣߍ߲߫ )، ߊ߬ ߟߐ߬ ߓߟߏ ߡߊ߬ ( ߊ߬ ߟߊ߫ ߘߊ߲ߝߋ߲ ߠߎ߬ ߘߊ߲ ߞߏߢߊ ߟߊ߫) ߕߋߟߋ߲ߓߊ߯ߦߊ ߟߊ߫، ߡߊ߰ߙߌ߬ ߜߘߍ߫ ߕߍ߫ ߊ߬ߟߋ߬ ߞߐ߫، ߣߌ߬ߣߌ߬ߟߊ߫ ߟߋ߬ ߸ ߥߘߋ߬ߥߘߋ߬ߟߌ߬ߟߊ߫ ߟߋ߬ }[ ߌߡߎ߬ߙߊ߲߬ ߞߐߙߍ ߝߐߘߊ ߟ :߁߈] ߡߐ߱-ߐ-ߡߐ߰ ߞߊ߬ ߝߋ߲߫ ߜߘߍ ߝߙߊ߬ ߊߟߊ߫ ߞߊ߲߬ ߸ ߞߴߏ߬ ߝߙߴߊ߬ ߞߊ߲߬ ߊ߬ ߓߊ߬ߕߏ ߘߐ߫ ߸ ߒ߬ߓߵߏ߬ ߟߊ߫ ߓߊ߬ߕߏ߬ߕߊ߬ߦߊ ߦߋ߫ ߥߎߦߊ ߟߋ߬ ߘߌ߫ ߸ ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ :

﴿ذَٰلِكَ بِأَنَّ ٱللَّهَ هُوَ ٱلۡحَقُّ وَأَنَّ مَا يَدۡعُونَ مِن دُونِهِۦ هُوَ ٱلۡبَٰطِلُ وَأَنَّ ٱللَّهَ هُوَ ٱلۡعَلِيُّ ٱلۡكَبِيرُ 62﴾

{ ߏ߬ ߟߋ ߘߐ߫ ߊߟߊ߫ ߟߋ߬ ߕߎ߬ߢߊ ߘߌ߫ ، ߊߟߎ߫ ߦߋ߫ ߝߋ߲ ߡߍ߲ ߠߎ߬ ߞߟߌ߫ ߟߊ߫ ߞߵߊߟߊ߫ ߕߏ߫ ߸ ߏ߬ ߟߋ ߡߣߊ߬ߡߣߊ ߘߌ߫ ، ߊ߬ ߣߌ߫ ߞߏ߫ ߊߟߊ߫ ߸ ߔߏ߲ߞߌ߲ ߟߋ߬ ߸ ߘߊ߲߬ߞߙߐ߬ߓߊ ߟߋ߬}[ ߡߊ߬ߓߊߕߏ ߝߐߘߊ ߟ:߆߂] ߞߴߏ߬ ߟߎ߬ ߞߟߌ߫ ߞߏ߫ ߓߊ߬ߕߏ߬ߕߊ ߏ߬ ߕߍ߫ ߡߊ߰ߙߌߦߊ ߖߏ ߘߌ߫ ߟߴߊ߬ߟߎ߫ ߡߊ߬߸ ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ:(ߟߊ߯ߕߊ ߣߌ߫ ߎߖ߭ߖ߭ߊ ߣߌ߫ ߡߊ߬ߣߊ߯ߕߊ):

﴿إِنۡ هِيَ إِلَّآ أَسۡمَآءٞ سَمَّيۡتُمُوهَآ أَنتُمۡ وَءَابَآؤُكُم مَّآ أَنزَلَ ٱللَّهُ بِهَا مِن سُلۡطَٰنٍ...﴾

{ߏ߬ ߟߎ߬ ߕߍ߫ ߝߏߦߌ߬ ߘߌ߫ ߝߏ߫ ߕߐ߯ ߟߎ߫ ߊߟߎ߫ ߣߴߊߟߎ߫ ߝߊ߬ ߟߎ߫ ߞߊ߬ ߡߍ߲ ߠߎ߬ ߕߐ߯ߟߊ߫ ߸ ߊߟߊ߫ ߡߊ߫ ߞߎ߲߬ ߛߌ߫ ߟߊߖߌ߰ ߊ߬ߟߎ߬ ߟߊ߫} [ߟߏ߬ߟߏ ߝߐߘߊ ߟ:߂߃]

ߊ߬ ߞߊ߲߫ ߤߎߘ ߟߊ߫ ߞߏ ߘߐ߫ ߞߛߌ ߦߴߊ߬ ߢߍ߫ ߸ ߞߏ߫ ߊ߬ ߞߵߊ߬ ߝߐ߫ ߊ߬ ߡߌ߬ߙߌ߲߬ߘߌ ߦߋ߫:

﴿...أَتُجَٰدِلُونَنِي فِيٓ أَسۡمَآءٖ سَمَّيۡتُمُوهَآ أَنتُمۡ وَءَابَآؤُكُم مَّا نَزَّلَ ٱللَّهُ بِهَا مِن سُلۡطَٰنٖ...﴾

{ ߌ߬ߦߏ߯ ߊߟߎ߫ ߦߋ߫ ߒߠߋ ߘߊߘߐߖߊ߬ ߟߴߊߟߎ߫ ߣߴߊߟߎ߫ ߝߊ߬ ߟߎ߬ ߟߊ߫ ߝߋ߲߫ ߕߐ߯ߟߊߣߍ߲ ߠߎ߫ ߟߋ߫ ߝߍ߬ ߣߌ߲߬ ߊߟߊ߫ ߡߊ߫ ߞߎ߲߬ ߛߌ߫ ߟߊߖߌ߰ ߡߍ߲ ߠߊ߫؟} [ ߕߓߊߞߘߐߣߍ߲߫ ߝߐߘߊ:߇߁]

ߦߎߛߎߝߎ߫ ߞߛߌ ߦߴߊ߬ ߢߍ߫ ߡߊ߬߸ ߞߵߊ߬ ߝߐ߫ ߊ߬ ߥߛߎ ߝߘߊߖߌ߲ߠߊߢߐ߲߯ ߝߌ߬ߟߊ ߦߋ߫ :

﴿يَٰصَٰحِبَيِ ٱلسِّجۡنِ ءَأَرۡبَابٞ مُّتَفَرِّقُونَ خَيۡرٌ أَمِ ٱللَّهُ ٱلۡوَٰحِدُ ٱلۡقَهَّارُ 39 مَا تَعۡبُدُونَ مِن دُونِهِۦٓ إِلَّآ أَسۡمَآءٗ سَمَّيۡتُمُوهَآ أَنتُمۡ وَءَابَآؤُكُم مَّآ أَنزَلَ ٱللَّهُ بِهَا مِن سُلۡطَٰنٍ...﴾

{ ߞߏ߫ ߒ ߝߘߊߖߌ߲ߠߊߢߐ߲߯ ߝߌ߬ߟߊ ߸ ߦߊ߯ߟߊ߫ ߕߌ߰ ߛߌߦߊߡߊ߲߫ ߓߐߣߍ߲߫ ߢߐ߲߰ߡߊ ߟߎ߫ ߟߋ߫ ߝߌ߬ߛߊ߫ ߓߊ߬ ߥߟߊ߫ ( ߊߟߊ߫ ) ߞߎ߲߬ߞߋߟߋ߲߫ ߞߘߊߡߊߟߌߟߊ؟߸ ߊߟߎ߫ ߕߍ߫ ߝߏߦߌ߫ ߓߊ߬ߕߏ߬ ߟߊ߫ ߞߵߊ߬ߟߋ߬ ߕߏ߫ ߸ ߝߏ߫ ߕߐ߯ ߟߎ߫ ߊߟߎ߫ ߣߴߊߟߎ߫ ߝߊ߬ ߟߎ߫ ߣߊ߬ ߡߍ߲ ߠߎ߬ ߕߐ߯ߟߊ߫ ߟߊ߫، ߊߟߊ߫ ߘߏ߲߬ ߡߊ߫ ߞߎ߲߬ ߛߌ߫ ߟߊߖߌ߰ ߏ߬ ߟߊ߫ ߥߍ߫} [ ߦߛߎߝߎ߫ ߝߐߘߊ ߟ:߃߉-߄߀]

ߏ߬ ߟߋ ߞߏߛߐ߲߬ ߞߋߟߊ ߟߎ߬ ߕߘߍ߫ ߊ߬ ߝߐ߫ ߟߊ߫ ߊ߬ߟߎ߫ ߡߌ߬ߙߌ߲߬ߘߌ ߟߎ߬ ߦߋ߫ ߞߏ߫ :

﴿...ٱعۡبُدُواْ ٱللَّهَ مَا لَكُم مِّنۡ إِلَٰهٍ غَيۡرُهُ...﴾

{ ߊߟߎ߯ ߊߟߊ߫ ߓߊ߬ߕߏ߬ ߸ ߡߊ߰ߙߌ߬ ߜߘߍ߫ ߕߍ߫ ߊߟߎ߫ ߟߊ߫ ߏ߬ ߡߍ߲ ߞߐ߫} [ ߕߓߊߞߘߐߣߍ߲߫ ߝߐߘߊ ߟ:߅߉] ߞߐ߬ߣߌ߲߬ ߝߌ߬ߟߊ߬ߒ߬ߞߊߝߏ ߟߎ߬ ߞߵߊ߬ߟߎ߫ ߓߊ߲߬ ߏ߬ ߡߊ߬߸ ߊ߬ߟߎ߫ ߞߊ߬ ߡߊ߰ߙߌ߬ ߜߘߍ߫ ߟߎ߫ ߘߐߡߌ߬ߘߊ߬ ߡߍ߲ ߕߴ ߊߟߊ߫ ߘߌ߫ ߸ ߊ߬ߟߎ߬ ߦߴߏ߬ ߟߎ߬ ߓߊ߬ߕߏ߫ ߟߊ߫ ߞߊ߬ ߝߙߊ߬ ߣߌ߬ߣߌ߬ߟߊ߫ ߞߘߐߕߊ߬ߣߍ߲߬ߓߊ ߟߋ߬ ߡߊ߬ ߸ ߝߣߊ߫ ߊ߬ߟߎ߬ ߦߋ߫ ߘߍ߬ߡߍ߲ ߣߌ߫ ߘߡߊߞߊߛߌ ߢߌߣߌ߲ ߠߴߊ߬ߟߎ߬ ߝߍ߬ ߸

ߊߟߊ߫ ߞߘߐߕߊ߬ߣߍ߲߬ߓߊ ߓߘߊ߫ ߝߌ߬ߟߊ߲߬ߞߊߝߏ ߟߎ߬ ߟߊ߫ ߡߊ߰ߙߌ ߢߌ߲߬ ߠߎ߬ ߟߊ߫ ߓߊ߯ߙߊ ߕߌߢߍ߫ ߦߟߌߟߊ߫ ߦߌ߬ߘߊ߬ߞߏ߫ :ߝߌ߬ߟߊ߫ ߟߋ߬ ߟߊ߫

ߝߟߐߡߊ : ߞߵߊ߬ ߡߊߛߐ߬ߘߐ߲߬ ߞߍߙߍ߲ߞߍߙߍ߲ߞߏ ߛߌ߫ ߕߍ߫ ߡߊ߰ߙߌ ߢߌ߲߬ ߠߎ߬ ߟߊ߫ ߡߍ߲ ߦߋ ߓߊ߬ߕߏ ߡߊ߲߬ߞߕߎ ߠߎ߬ ߘߌ߫ ߸ ߊ߬ ߦߋ߫ ߘߊ߲ߝߋ߲߫ ߠߋ߬ ߘߌ߫ ߸ ߊ߬ ߕߍ߫ ߘߊ߲ߠߌ߲ ߞߍ߫ ߟߊ߫ ߸ ߊ߬ ߕߍ߫ ߣߝߊ߬ ߛߌ߫ ߘߌ߫ ߊ߬ ߓߊ߬ߕߏ߬ߓߊ߮ ߟߎ߬ ߡߊ߬ ߸ ߊ߬ ߕߍ߫ ߡߊ߲߬ߕߙߐ߬ ߟߊߛߴߊ߬ ߟߎ߬ ߸ ߢߣߊߡߦߊ߫ ߥߟߊ߫ ߛߊ߬ߦߊ߬ ߕߴߊ߬ߟߎ߬ ߓߟߏ߫ ߸ ߝߏߦߌ߬ ߕߍ߫ ߊ߬ߟߎ߬ ߓߟߏ߫ ߡߍ߲ ߦߋ߫ ߛߊ߲ ߠߎ߬ ߘߐ߫߸ ߊ߬ߟߎ߫ ߘߏ߲߬ ߕߍ߫ ߕߘߍ߬ ߟߴߏ߬ ߘߐ߫.

ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߬ :{ ߊ߬ߟߎ߫ ߣߵߊ߬ߟߎ߬ ߓߟߏߞߍ߫ ߟߊ߫ ߡߊ߰ߙߌ߬ ߟߎ߫ ߟߋ߬ ߟߊ߫ ߞߵߊ߬ߟߋ߬ ߕߏ߫ ߡߍ߲ ߠߎ߬ ߕߍ߫ ߝߏߦߌ߬ ߘߊ߲߫ ߠߊ߫߸ ߏ߬ ߟߎ߫ ߖߍ߬ߘߍ ߘߊ߲ߣߍ߲߫ ߠߋ߬ ، ߊ߬ߟߎ߫ ߘߏ߲߬ ߕߍ߫ ߡߊ߲߬ߕߙߐ߫ ߣߌ߫ ߢߊ߬ߞߏ߬ ߛߌ߫ ߡߙߊ߬ ߟߴߊ߬ߟߎ߫ ߖߘߍ߬ ߦߋ߫ ߸ ߊ߬ ߣߴߊ߬ߟߎ߬ ߕߍ߫ ߛߦߊ߬ ߣߌ߫ ߢߣߊߡߦߊ߫ ߣߌ߫ ߥߟߌ߫ ߛߌ߫ ߡߙߊ߬ ߟߊ߫

ߞߘߐߕߊ߬ߣߍ߲߬ߓߊ ߞߊ߲߫ ߌߞߐ߫ :{ ߊ߬ ߝߐ߫ ߞߏ߫ ߊߟߎ߫ ߦߋ߫ ߡߍ߲ ߠߎ߬ ߜߊߟߏ߲ߕߐߦߊ ߞߍ߫ ߟߊ߫ ߞߵߊߟߊ߫ ߕߏ߫ ߊߟߎ߯ ߏ߬ ߟߎ߬ ߞߟߌ߫ ߸ ߏ߬ ߟߎ߬ ߕߍ߫ ߝߕߌ ߖߌߘߊ߲ߣߍ߲߫ ߡߙߊ߬ ߟߊ߫ ߛߊ߲ ߠߎ߬ ߣߌ߫ ߘߎ߱ ߛߌ߫ ߘߐ߫ ߸ ߜߙߊ߬ߢߐ߲߯ ߕߍ߫ ߊ߬ߟߎ߬ ߓߟߴߏ߬ ߝߌ߬ߟߊ ߝߣߊ߫ ߘߐ߫ ߸ ߞߐߡߊߓߌ߲ߓߌ߲ߓߊ߯ ߝߣߊ߫ ߕߍ߫ ߊߟߊ߫ ߟߴߊ߬ߟߎ߬ ߘߐ߫ ߷ ߊ߬ ߝߐ߫ ߞߏ߫ ߊߟߎ߫ ߦߋ߫ ߡߍ߲ ߠߎ߬ ߜߊߟߏ߲ߕߐߦߊ ߞߍ߫ ߟߊ߫ ߞߵߊߟߊ߫ ߕߏ߫ ߊߟߎ߯ ߏ߬ ߟߎ߬ ߞߟߌ߫ ߸ ߏ߬ ߟߎ߬ ߕߍ߫ ߝߕߌ ߖߌߘߊ߲ߣߍ߲߫ ߡߙߊ߬ ߟߊ߫ ߛߊ߲ ߠߎ߬ ߣߌ߫ ߘߎ߱ ߛߌ߫ ߘߐ߫ ߸ ߜߙߊ߬ߢߐ߲߯ ߕߍ߫ ߊ߬ߟߎ߬ ߓߟߴߏ߬ ߝߌ߬ߟߊ ߝߣߊ߫ ߘߐ߫ ߸ ߞߐߡߊߓߌ߲ߓߌ߲ߓߊ߯ ߝߣߊ߫ ߕߍ߫ ߊߟߊ߫ ߟߴߊ߬ߟߎ߬ ߘߐ߫ }[ ߛߓߊߌ߲ߞߊ ߟߎ߬ ߝߐߘߊ ߟ: ߂߂-߂߃]

وقال تعالى: ﴿أَيُشۡرِكُونَ مَا لَا يَخۡلُقُ شَيۡـٔٗا وَهُمۡ يُخۡلَقُونَ 191 وَلَا يَسۡتَطِيعُونَ لَهُمۡ نَصۡرٗا وَلَآ أَنفُسَهُمۡ يَنصُرُونَ 192﴾

ߞߘߐߕߊ߬ߣߍ߲߬ߓߊ ߞߊ߲߫ ߌߞߐ߫ :{ ߊ߬ ߝߐ߫ ߊ߬ߟߎ߬ ߘߌ߫ ߝߋ߲߫ ߜߙߊ߬ ( ߊߟߊ߫ ߡߊ߬ )߸ ߡߍ߲ ߕߍ߫ ߝߏߦߌ߬ ߘߊ߲߫ ߠߊ߫ ߝߏ߫ ߊ߬ߟߎ߫ ߖߍ߬ߘߍ ߟߋ߬ ߦߋ߫ ߘߊ߲߫ ߠߊ߫؟ ߷ ߊ߬ߟߎ߬ ߕߍ߫ ߘߍ߬ߡߍ߲߬ߠߌ߲߬ ߟߊߣߐ߬ ߟߴߊ߬ߟߎ߬ ߦߋ߫ ߸ ߊ߬ߟߎ߫ ߘߏ߲߬ ߕߴߊ߬ߟߎ߫ ߖߘߍ߬ ߡߊߘߍ߬ߡߍ߲߬ ߠߊ߫؟}[ ߁߉߁-߁߉߂]

ߣߌ߫ ߣߌ߲߬ ߞߍ߫ ߘߊ߫ ߡߊ߰ߙߌ ߢߌ߲߬ ߠߎ߬ ߟߊ߫ ߞߏ ߘߌ߫߸ ߞߵߊ߬ߟߎ߬ ߞߍ߫ ߡߊ߰ߙߌ ߟߎ߬ ߘߌ߫߸ ߏ߬ ߦߋ߫ ߡߊ߬ߟߏ߬ߦߊ߬ߞߏ߫ ߣߊߟߏ߲ߡߊ ߟߋ߬ ߘߌ߫߸ ߊ߬ ߣߌ߫ ߞߊ߬ ߥߎߦߊ ߘߐߝߎߟߋ߲߫.

ߝߌߟߊߣߊ߲ : ߝߌ߬ߟߊ߬ߒ߬ߞߊߝߏ ߢߌ߲߬ ߠߎ߫ ߞߵߊ߬ ߟߊߟߐ߬ ߞߏ߫ ߊߟߊ߫ ߞߘߐߕߊ߬ߣߍ߲߬ߓߊ ߞߋߟߋ߲߫ ߔߋ߫ ߟߋ߬ ߘߊ߲ߓߊ߮ ߘߌ߫߸ ߝߋ߲ ߓߍ߯ ߡߊ߲߬ߛߊ߬ߦߊ ߦߋ߫ ߡߍ߲ ߓߟߏ߫߸ ߊ߬ߟߋ ߟߋ߬ ߟߊߞߛߌ߬ߟߌ ߞߍ߫ ߟߊ߫ ߸ ߟߊ߬ߞߛߌ߬ߓߊ߮ ߕߴߊ߬ ߟߊ߫ ߸ ߒ߬ߓߊ߬ ߏ߬ ߢߌߣߌ߲ߠߍ߲ ߠߋ߬ ߊ߬ߟߎ߬ ߝߍ߫ ߞߏ߫ ߞߵߊ߬ ߞߋ߬ߟߋ߲߬ߧߴߊ߬ ߓߊ߬ߕߏ ߘߐ߫ ߸ ߦߏ߫ ߊ߬ߟߎ߬ ߦߴߊ߬ ߞߋ߬ߟߋ߲߬ߧߊ ߟߊ߫ ߊ߬ ߟߊ߫ ߡߊ߰ߙߌ߬ߦߊ ߘߐ߫ ߢߊ ߡߍ߲

﴿يَٰٓأَيُّهَا ٱلنَّاسُ ٱعۡبُدُواْ رَبَّكُمُ ٱلَّذِي خَلَقَكُمۡ وَٱلَّذِينَ مِن قَبۡلِكُمۡ لَعَلَّكُمۡ تَتَّقُونَ21 ٱلَّذِي جَعَلَ لَكُمُ ٱلۡأَرۡضَ فِرَٰشٗا وَٱلسَّمَآءَ بِنَآءٗ وَأَنزَلَ مِنَ ٱلسَّمَآءِ مَآءٗ فَأَخۡرَجَ بِهِۦ مِنَ ٱلثَّمَرَٰتِ رِزۡقٗا لَّكُمۡۖ فَلَا تَجۡعَلُواْ لِلَّهِ أَندَادٗا وَأَنتُمۡ تَعۡلَمُونَ 22﴾

ߌߞߏߡߌ߲߬ ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ :{ ߤߍ߲߬ ߊߟߎ߬ ߡߐ߱ ߟߎ߬ ߸ ߊߟߎ߫ ߦߴߊߟߎ߫ ߡߊ߰ߙߌ ߓߊ߬ߕߏ߬ ߸ ߏ߬ ߡߍ߲ ߞߵߊߟߎ߫ ߣߴߊߟߎ߫ ߢߍߓߊ߮ ߟߎ߬ ߘߊ߲߫ ߛߴߊߟߎ߫ ߘߌ߫ ߝߊ߲ߕߊ߲߬ߞߊ߫ ߷ߡߍ߲ ߞߊ߬ ߘߎ߱ ߞߍ߫ ߊߟߎ߫ ߦߋ߫ ߣߊ߲߬ߞߊ߲ ߘߌ߫ ߞߊ߬ߣߌ߲߫، ߞߊ߬ ߛߊ߲ ߞߍ߫ ߓߟߌ ߘߌ߫، ߞߊ߬ ߖߌ ߟߊߖߌ߰ ߞߊ߬ ߓߐ߫ ߡߐ߲ߕߐ߲ ߘߐ߫ ߸ ߞߊ߬ ߦߙߌߘߋ߲ ߠߎ߬ ߟߊߝߍߘߍ߲߫ ߏ߬ ߟߊ߫ ߊߟߎ߫ ߓߊߟߏ ߘߌ߫، ߒ߬ߓߵߊߟߎ߫ ߞߊߣߊ߬ ߢߐ߲߰ߘߐ߬ ߜߘߍ߫ ߟߎ߫ ߞߍ߫ ߊߟߊ߫ ߟߊ߫ ߡߎ߬ߕߎ߲߫ ߘߋ߬ ߞߵߊ߬ ߕߘߍ߬ ߊߟߎ߫ ߞߵߊ߬ ߟߐ߲߫ ( ߢߌ߲߬ ߠߎ߬ ߞߍߓߊ߮ ߘߌ߫ ) }[ ߂߁-߂߂]

ߞߘߐߕߊ߬ߣߍ߲߬ߓߊ ߞߊ߲߫ ߌߞߐ߫ :{ ߣߴߌ ߞߵߊ߬ߟߎ߫ ߢߌ߬ߣߌ߲߬ߞߊ߬ ߞߏ߫ ߖߍߣߍ߲ ߞߵߊ߬ߟߎ߬ ߘߊ߲߫؟ ߊ߬ߟߎ߬ ߘߴߊ߬ ߝߐ߫ ߞߏ߫ ߊߟߊ߫ ߞߍ߬، ߊ߬ߟߎ߬ ߦߋ߫ ߞߕߐߡߊߛߊ߬ߦߌ߬ ߟߊ߫ ߘߌ߬ ߏ߬ ߘߐ߫ ߓߏ߲߰؟}[ ߡߊ߬ߖߐ߯ߙߊ߲ ߝߐߘߊ ߟ:߈߇]

ߞߘߐߕߊ߬ߣߍ߲߬ߓߊ ߞߊ߲߫ ߕߎ߲߯ߣߌ߲߫ :{ ߊ߬ ߝߐ߫ ߞߏ߫ ߖߐ߲߫ ߦߴߊߟߎ߫ ߤߊ߬ߙߌ߬ߖߍ߰ ߟߊ߫ ߞߊ߬ ߓߐ߫ ߡߐ߲ߕߐ߲ ߘߐ߫ ߊ߬ ߣߌ߫ ߘߎ߱ ߘߐ߫؟ ߥߟߊ߫ ߖߐ߲ߕߌ߰ ߦߋ߫ ߕߟߏߘߋ߲ ߠߎ߬ ߣߌ߫ ߢߊߞߌߛߍ ߟߎ߫ ߡߙߊ߬ ߟߊ߫؟ ߊ߬ ߣߌ߫ ߖߍߣߍ߲ ߦߋ߫ ߣߌߡߊ ߟߊߓߐ߫ ߟߊ߫ ߛߎ߭ ߘߐ߫ ߞߊ߬ ߛߎ߭ ߟߊߓߐ߫ ߣߌߡߊ ߘߐ߫؟ ߊ߬ ߣߌ߫ ߖߘߋ ߦߋ߫ ߥߊߟߋߦߊ ߟߎ߫ ߖߊ߬ߕߋߛߌ߰ ߟߊ߫؟ ߊ߬ߟߎ߬ ߘߌߣߵߊ߬ ߝߐ߫ ߟߋ߬ ߘߍ߯ ߞߏ߫ ߊߟߊ߫ ߞߍ߬، ߒ߬ߓߵߊ߬ ߝߐ߫ ߞߏ߫ ߊߟߎ߫ ߕߍ߫ ߊߟߎ߫ ߝߊ߲ߕߊ߲߬ߞߊ߬ ߟߊ߫ ߟߋ߫ ߓߊ߬ ߷ߒ߬ߓߊ߬ ߏ߬ ߟߋ ߊߟߊ߫ ߘߌ߫ ߸ ߊߟߎ߫ ߡߊ߰ߙߌ߬ ߓߘߍ ߞߊ߬ߣߌ߲߫، ߡߎ߲߬ ߜߘߍ߫ ߘߏ߲߬ ߦߋ߫ ߕߎ߬ߢߊ ߞߐ߫ ߣߌ߫ ߝߌ߬ߟߌ ߕߍ߫؟ ߊߟߎ߫ ߦߴߊߟߎ߫ ߞߎ߲߬ߠߊߛߊ߬ߦߌ߬ ߟߴߏ߬ ߘߐ߫ ߘߌ߫ ߓߏ߲߰؟}[ ߃߁-߃߂]

ߞߏߢߊ ߣߊߣߌ߲ߣߊ߲ ߊߟߊ߫ ߡߊ߫ ߘߍ߲߬ߞߣߍ߬ߦߊ ߦߋ߫ ߟߊߞߊ߬ߝߏ߬ ߟߊ߫ ߝߋ߲߫ ߡߍ߲ ߠߎ߬ ߡߊ߬ : ߞߊ߬ ߘߍ߲߬ߞߣߍ߬ߦߴߊ߬ ߕߐ߮ ߣߴߊ߬ ߡߊ߲߬ߞߕߎ߫ ߠߎ߬ ߡߊ߬

ߏ߬ ߞߘߐ߫ ߟߋ߬ ߞߊ߬ ߝߋ߲ ߠߊ߫ ߛߓߊ߬ߕߌ߫ ߊߟߊ߫ ߞߊ߬ ߡߍ߲߫ ߠߊ߫ ߛߓߊ߬ߕߌ߫ ߊ߬ ߟߊ߫ ߟߍߙߊ ߞߣߐ߫ ߸ ߥߟߊ߫ ߊ߬ ߟߊ߫ ߞߋߘߋ߲ ߞߛߌ ߣߌ߫ ߣߍߡߊ ߦߴߊ߬ ߢߍ߫ ߞߊ߬ ߡߍ߲ ߠߊ߫ ߛߓߊ߬ߕߌ߫ ߊ߬ ߟߊ߫ ߛߙߊ߬ߣߎ߲ ߞߣߐ߫ ߞߊ߬ ߓߐ߫ ߊ߬ ߕߐ߯ ߣߴߊ߬ ߡߊ߲߬ߞߕߎ߫ ߠߎ߬ ߘߐ߫ ߸ ߊ߬ ߓߍ߲߬ߣߍ߲߬ ߗߏ߯ߦߊ ߡߊ߬߸ ߣߌ߫ ߢߡߊߕߌߢߍ߫ ߣߌ߫ ߕߙߐߟߌ ߣߌ߫ ߟߊ߬ߓߍ߲߬ߢߐ߲߰ߡߦߊ߬ߟߌ ߣߌ߫ ߞߐߦߌߘߊߟߌ߫ ߕߍ߫ ߸ ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ :{ ߕߐ߯ ߢߌߡߊ ߜߊ߲߬ߛߊ߲ ߠߋ߬ ߊߟߊ߫ ߟߊ߫߸ ߊߟߎ߫ ߦߴߊ߬ ߞߟߌ߫ ߏ߬ ߟߎ߬ ߟߊ߫߸ ߊߟߎ߫ ߦߋ߫ ߡߐ߱ ߟߎ߬ ߕߏ߫ ߦߋ߲߬ ߡߍ߲ ߠߎ߬ ߦߋ߫ ߡߊ߬ߝߘߏ߬ߟߌ ߞߍ߫ ߟߴߊ߬ ߕߐ߯ߞߏ ߘߐ߫߸ ߏ߬ ߟߎ߫ ߛߙߊ߬ߕߐ߫ ߟߴߊ߬ߟߎ߬ ߗߋߥߊߟߌ ߟߎ߫ ߡߊ߬}[ ߕߓߊߞߘߐߣߍ߲߫ ߝߐߘߊ ߟ :߁߈߀]

﴿...وَلَهُ ٱلۡمَثَلُ ٱلۡأَعۡلَىٰ فِي ٱلسَّمَٰوَٰتِ وَٱلۡأَرۡضِۚ وَهُوَ ٱلۡعَزِيزُ ٱلۡحَكِيمُ﴾

﴿...لَيۡسَ كَمِثۡلِهِۦ شَيۡءٞۖ وَهُوَ ٱلسَّمِيعُ ٱلۡبَصِيرُ﴾

ߞߘߐߕߊ߬ߣߍ߲߬ߓߊ ߞߊ߲߫ ߌߞߐ߫ :{ ߡߊ߲߬ߞߕߎ߬ ߞߘߐߕߊ߬ߣߍ߲ ( ߏ߬ ߟߎ߬ ) ߦߴߊ߬ߟߋ ߟߋ߬ ߟߊ߫ ߛߊ߲ ߠߎ߬ ߣߌ߫ ߘߎ߱ ߘߐ߫ ، ߊ߬ߟߋ ߟߋ߫ ߣߌ߬ߣߌ߬ߟߊ ߘߌ߫ ߸ ߥߘߋ߬ߥߘߋ߬ߟߌ߬ߟߊ ߟߋ߬ }[ߙߎ߯ߡߎ߲ ߠߎ߬ ߝߐߘߊߟ:߂߇]

ߞߘߐߕߊ߬ߣߍ߲߬ߓߊ ߞߊ߲߫ ߌߞߐ߫ ߕߎ߲߯ :{ ߝߏߦߌ߬ ߕߍ߫ ߊ߬ߟߋ߬ ߓߐߢߐ߲߯ߞߏ߫ ߘߌ߫ ߸ ߊ߬ߟߋ ߟߋ߬ ߡߍ߲ߠߌ߲ߠߊ ߘߌ߫ ߸ ߦߋߟߌߟߊ ߟߋ߬ }[ ߞߏߟߊߒߞߘߐߢߐ߲߯ߦߊ ߝߐߘߊߟ:߁߁]

ߞߙߎ߫ ߝߌ߬ߟߊ߬ ߓߘߊ߫ ߝߟߌ߬ ߞߏߢߊ ߣߌ߲߬ ߘߐ߫:

ߏ߬ ߟߎ ߘߐ߫ ߞߋߟߋ߲ :( ߡߎ߬ߊ߳ߺߊߺߕ߭ߌߟߊ߫) : ߡߍ߲߫ ߠߎ߬ ߞߊ߬ ߊߟߊ߫ ߕߐ߮ ߣߴߊ߬ ߡߊ߲߬ߞߕߎ߫ ߠߎ߬ ߡߊߛߐ߬ߛߐ߬ ߸ ߥߟߊ߫ ߏ߬ ߘߏ߫ ߟߎ߬ ߸ ߞߵߊ߬ ߝߐ߫ ߞߏ߫ ߞߵߊ߬ ߓߊ߲ߓߊ߲߫ ߊߟߊ߫ ߡߊ߬ ߏ߬ ߢߌߣߌ߲ߣߍ߲߫ ߡߎߣߎ߲ߡߦߊ ߟߋ߫ ߡߊ߬߸ ߏ߬ ߞߘߐ ߟߋ߬ ߞߏ߫: ߞߵߊߟߊ߫ ߞߘߐߕߊ߬ߣߍ߲߬ߓߊ ߟߊߢߐ߲߯ߡߊ߫ ߊ߬ ߟߊ߫ ߘߊ߲ߝߋ߲ ߡߊ߬߸ ߏ߬ ߘߍ߬ߡߍ߲߬ߘߌ߬ߟߌ ߦߋ߫߸ ߢߊ ߛߌߦߊߡߊ߲߫ ߡߊ߬ ߦߏ߫ :ߝߊ߬ߣߌ߬ߦߊ ߟߋ߬ ߘߌ߫

ߝߟߐߡߊ : ߞߵߊ߬ ߟߊ߫ ߝߊ߬ߣߌ߬ߦߊ ߟߊߛߓߊ߬ߕߌ߫߸ ߌ ߣߵߊ߬ ߝߐ߫ ߛߌ߬ߣߊ߬ߦߊ ߡߍ߲ ߦߋ߫ ߊߟߊ߫ ߣߌ߬ߣߌ߬ߟߊ ߟߊ߫ ߞߎߡߊߞߊ߲ ߠߎ߬ ߘߐ߫߸ ߞߴߊ߬ ߡߊߛߐ߬ߘߐ߲߬ ߊߟߊ߫ ߞߘߐߕߊ߬ߣߍ߲߬ߓߊ ߓߘߊ߫ ߕߐ߮ ߟߎ߬ ߣߌ߫ ߡߊ߲߬ߞߕߎ ߟߎ߬ ߟߊߛߓߊ߬ߕߌ߫ ߊ߬ ߖߘߍ߬ ߦߋ߫߸ ߞߵߊ߬ ߓߐߢߐ߲߯ߞߏ߫ ߞߏ ߓߍ߯ ߥߎߦߊߒߕߋߦߊ߫ ߤߊߟߌ߬ ߣߴߊ߬ ߓߊ߲ߓߊ߲ߠߌ߲ ߢߌߣߌ߲ߣߍ߲߫ ߡߎߣߎ߲ߡߦߊ ߟߋ߬ ߡߊ߬، ߛߐ߬ߛߐ߬ߟߌ ߡߊ߬ߞߏ ߦߋ߫ ߊߟߊ߫ ߟߊ߫ ߞߎߡߊ ߟߎ߬ ߘߐ߫߸ ߊ߬ ߘߏ߫ ߟߎ߫ ߦߋ߫ ߢߐ߲߮ ߛߐ߬ߛߐ߬ ߟߊ߫ ߟߋ߬.

ߝߌߟߊߣߊ߲ : ߓߍ߲߬ߒ߬ߡߊ߬ߞߊ߲ ߡߍ߲ ߦߋ߫ ߝߋ߲߫ ߝߌ߬ߟߊ ߕߍ߫ ߕߐ߮ ߘߏ߫ ߘߐ߫ ߥߟߊ߫ ߡߊ߲߬ߞߕߎ ߘߏ߫ ߘߐ߫ ߸ ߏ߬ ߕߍ߫ ߢߊ߬ߒ߬ߞߐ߬ߓߊߟߌ߫ ߘߌ߫ ߞߴߏ߬ ߟߎ߬ ߦߋ߫ ߞߋߟߋ߲߫ ߘߌ߫߸ ߌ ߦߴߊ߬ ߦߋ߫ ߟߊ߫ ߞߏ߫ ߡߐ߰ ߝߌ߬ߟߊ ߓߍ߲߬ߣߍ߲߫ ߊ߬ ߡߊ߬ ߟߋ߬ ߞߏ߫ ߊ߬ߟߎ߬ ߞߋߟߋ߲ߞߋߟߋ߲ ߓߍ߯ ߦߋ߫ ߡߍ߲ߠߌ߲ߠߊ߫ ߣߌ߫ ߦߋߟߌߟߊ ߣߌ߫ ߞߎߡߟߊ ߟߋ߬ ߘߌ߫߸ ߢߊ߬ߒ߬ߞߐ߬ߓߊߟߌ ߕߍ߫ ߊ߬ߟߎ߬ ߦߋ߫ ߞߍ߫ ߞߋߟߋ߲߫ ߘߌ߫ ߡߐ߱ ߞߏ ߟߎ߬ ߣߌ߫ ߕߟߏߡߊߟߐ ߣߌ߫ ߦߋߟߌ ߣߌ߫ ߞߎߡߊ ߘߐ߫.

ߌ ߦߴߊ߬ ߦߋ߫ ߟߊ߫ ߞߏ߫ ߓߟߏ ߟߎ߬ ߣߌ߫ ߛߋ߲߭ ߠߎ߬ ߣߌ߫ ߢߊ ߟߎ߬ ߦߋ߫ ߓߌߦߊ߲ ߠߎ߬ ߟߊ߫߸ ߒ߬ߞߊ߬ ߓߍ߲߬ߒ߬ߡߊ߬ߞߊ߲ ߣߌ߲߬ ߕߍ߫ ߢߊ߬ߒ߬ߞߐ߬ߓߊߟߌ߫ ߘߌ߫ ߞߏ߫ ߊ߬ ߓߟߏ ߟߎ߬ ߣߴߊ߬ ߛߋ߲߭ ߠߎ߬ ߣߴߊ߬ ߢߊ ߟߎ߬ ߦߋ߫ ߞߍ߫ ߞߋߟߋ߲߫ ߘߌ߫

ߣߌ߫ ߘߊ߲߬ߝߘߊ߬ߓߐ߫ ߞߍ߫ ߘߊ߫ ߘߊ߲ߝߋ߲ ߠߎ߬ ߕߍ߫ ߊ߬ߟߎ߬ ߕߐ߮ ߟߎ߬ ߥߟߊ߫ ߡߊ߲߬ߞߕߎ ߟߎ߬ ߘߐ߫، ߘߊ߲߬ߝߘߊ߬ߓߐ ߡߍ߲ ߦߋ߫ ߘߊ߲ߓߊ߮ ߣߌ߫ ߘߊ߲ߝߋ߲ ߕߍ߫ ߸ ߏ߬ ߦߋ߫ ߔߊߞߌߛߊ ߟߋ߬ ߘߐ߫ ߡߍ߲ ߞߊߓߏ߲߬

ߞߙߎ ߝߌߟߊߣߊ߲ :( ߛߌߞߊߓߊ߯ߕߐ): ߡߍ߲ ߠߎ߬ ߞߊ߬ ߊߟߊ߫ ߞߘߐߕߊ߬ߣߍ߲߬ߓߊ ߕߐ߯ ߣߴߊ߬ ߡߊ߲߬ߞߕߎ߫ ߠߎ߬ ߟߊߛߓߊ߬ߕߌ߫ ߊ߬ ߟߊ߫ ߟߊߡߎߣߎ߲ߧߊ ߡߊ߬ ߊ߬ ߟߊ߫ ߘߊ߲ߝߋ߲ ߠߎ߬ ߟߊ߫ ߸ ߞߵߊ߬ ߝߐ߫ ߞߏ߫ ߣߌ߲߬ ߢߌߣߌ߲ߣߍ߲߫ ߞߟߏߜߍ ߟߎ߬ ߞߘߐ ߟߋ߫ ߡߊ߬߸ ߓߊߏ߬ ߊߟߊ߫ ߞߘߐߕߊ߬ߣߍ߲߬ߓߊ ߦߋ߫ ߞߎߡߊ߫ ߟߴߊ߬ ߟߊ߫ ߖߐ߲߭ ߠߎ߬ ߦߋ߫ ߊ߬ߟߎ߬ ߟߊ߫ ߝߊ߰ߡߎ߲߬ߞߏ ߟߎ߫ ߟߋ߬ ߟߊ߫߸ ߒ߬ߓߊ߬ ߘߍ߬ߡߍ߲߬ߘߌ߬ߟߌ ߏ߬ ߦߋ߫ ߥߎߦߊ ߟߋ߬ ߘߌ߫ ߸ ߢߊ ߛߌߦߊߡߊ߲߫ ߡߊ߬߸ ߊ߰ ߏ߬ ߘߐ߫ :

ߝߟߐߡߊ : ߊߟߊ߫ ߞߘߐߕߊ߬ߣߍ߲߬ߓߊ ߣߴߊ߬ ߟߊ߫ ߘߊ߲ߝߋ߲ ߡߎߣߎ߲ߧߊ ߦߋ߫ ߞߏ ߟߋ߬ ߘߌ߫ ߦߟߌ ߣߌ߫ ߛߊߙߌߦߊ ߡߊ߫ ߛߐ߲߬ ߡߍ߲ ߡߊ߫ ߸ ߞߎ߬ߙߊ߬ߣߊ ߣߌ߫ ߛߙߊ߬ߣߎ߲ ߞߟߏߜߍ ߟߎ߬ ߕߍ߫ ߛߋ߫ ߞߍ߫ ߟߊ߫ ߥߎߦߊ ߘߌ߫ ߡߍ߬ߡߍ߫.

ߝߌߟߊߣߊ߲ : ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ ߟߊ߫ ߖߐ߲߭ ߠߎ߬ ߞߎߡߊߢߐ߲߯ߦߊ߫ ߢߊ߫ ߞߊ߲߬ ߸ ߊ߬ߟߎ߬ ߦߴߊ߬ ߢߊߦߋ߫ ߟߊ߫ ߡߍ߲ ߘߐ߫ ߞߘߐ ߓߐߛߎ߲ ߘߐ߫ ߸ ߞߏ߬ߣߌ߲߬ ߕߎ߬ߢߊ ߣߌ߫ ߞߘߐ ߣߌ߲߬ ߛߍ߲߬ߓߍ߬ߣߍ߲߫ ߡߍ߲ ߞߊ߲߬ ߸ ߏ߬ ߦߋ߫ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߟߐ߲ߠߌ߲ ߘߏ߫ ߟߋ߬ ߘߌ߫ ߊ߬ ߓߊߖߎ ߣߴߊ߬ ߡߊ߲߬ߞߕߎ ߟߎ߬ ߘߐ߫.

ߣߌ߫ ߊߟߊ߫ ߞߵߊ߬ ߟߊߛߓߊ߬ߕߌ߫ ߊ߬ ߖߘߍ߬ ߦߋ߫ ߞߏ ߊ߬ߟߋ ߦߋ߬ ߡߍ߲ߠߌ߲ߠߊ ߟߋ߬ ߘߌ߫ ߸ ߡߍ߲ߠߌ߲ ߟߐ߲ߣߍ߲߫ ߞߘߐ ߓߐߛߎ߲ ߠߋ߬ ߘߐ߫( ߏ߬ ߦߋ߫ ߡߊ߲߬ߞߊ߲ ߠߎ߬ ߟߊߝߏ߬ߟߌ ߟߋ߬ ߘߌ߫)ߒ߬ߓߊ߬ ߕߎ߬ߢߊ ߡߊ߫ ߟߐ߲߫ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߟߊߡߍ߲ߠߌ߲ ߘߐ߫߸

ߣߌ߫ ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߊ߬ ߖߘߍ߬ ߞߊ߲߬ ߞߏ߫ ߊ߬ ߘߐߞߢߊߣߍ߲߫ ߊ߬ ߟߊ߫ ߛߍ߬ߡߍ ߞߊ߲߬ ߸ ߘߐ߬ߞߢߊ߬ߟߌ ߞߘߐ ߓߐߛߎ߲ ߡߊ߬߸ ߏ߬ ߟߐ߲ߣߍ߲߫ ߠߋ߬، ߞߏ߬ߣߌ߲߬ ߘߐ߬ߞߢߊ߬ߟߌ ߕߎ߬ߢߊ߬ߡߊ ߡߍ߲ ߦߋ߫߸ ߏ߬ ߡߊ߫ ߟߐ߲߫ ߊ߲ ߓߟߏ߫ ߞߊ߬ ߓߍ߲߬ ߊߟߊ߫ ߟߊ߫ ߘߐ߬ߞߢߊ߬ߟߌ ߡߵߊ߬ ߟߊ߫ ߛߍ߬ߡߍ ߞߊ߲߬߸ ߓߊߏ߬ ߟߊ߬ߞߢߊߟߌ ߜߍߘߐߕߊ ߝߘߏ߬ߣߍ߲߫ ߢߐ߲߮ ߡߊ߬ ߘߊ߲ߝߋ߲ ߠߎ߫ ߡߊ߬߸ ߟߊ߬ߞߢߊ߬ߟߌ ߕߍ߫ ߛߌ߰ߟߊ߲߫ ߓߊߛߌ߰ߣߍ߲߬ ߘߌ߫߸ ߌ ߣߵߊ߬ ߝߐ߫ ߞߊ߬ ߛߌ߰ ߢߐ߯ߡߍ߫ ߞߙߌ ߞߊ߲߬߸ ߏ߬ ߜߍ߬ߟߍ߲߬ߡߊ߲߫߸ ߊ߬ ߘߏ߲߬ ߢߡߊߘߏ߲߰ߣߍ߲߫ ߠߋ߬߸ ߣߌ߫ ߘߊ߲߬ߝߘߊ߬ߓߐ߫ ߞߍ߫ ߘߊ߫ ߘߊ߲ߝߋ߲ ߖߏ ߟߎ߬ ߕߍ߫ ߸ ߒ߬ߓߊ߬ ߘߊ߲߬ߝߘߊ߬ߓߐ ߡߍ߲߫ ߦߋ߫ ߘߊ߲ߓߊ߮ ߣߴߊ߬ ߟߊ߫ ߘߊ߲ߝߋ߲ ߠߎ߬ ߕߍ߫ ߏ߬ ߔߊߞߌߛߦߊ ߞߊߓߏ߲߬ ߝߋߝߋ߫.

ߘߍ߲߬ߞߣߍ߬ߦߊ߫ ߊߟߊ߫ ߞߘߐߕߊ߬ߣߍ߲߬ߓߊ ߡߊ߬ ߝߋ߲߫ ߠߊ߫ ߦߏ߫ ߊ߲ ߞߵߊ߬ ߡߊ߲߬ߞߕߎ߬ ߢߊ ߡߍ߲ ߸ ߊ߬ ߦߋ߫ ߣߝߊ߬ߓߊ߮ ߘߌ߫ ߘߍ߲߬ߞߣߍ߬ߦߊ߬ߓߊ߮ ߟߎ߬ ߢߍ߫ ߦߏ߫ :

ߝߟߐߡߊ : ߞߊ߬ ߊߟߊ߫ ߞߘߐߕߊ߬ߣߍ߲߬ߓߊ ߞߋ߬ߟߋ߲߬ߓߊ߰ߦߊ ߟߊߛߓߊ߬ߕߌ߫ ߸ ߛߴߊ߲ ߖߌ߱ ߞߊߣߊ߬ ߛߌ߰ ߊ߬ ߢߐ߲߰ ߜߘߍ߫ ߝߏߦߌ߬ ߟߊ߫ ߸ ߥߟߊ߫ ߛߌߟߊ߲߫ ߥߟߊ ߞߵߊ߬ ߢߐ߲߰ ߜߘߍ ߓߊ߬ߕߏ߬

ߝߌߟߊߣߊ߲ : ߊߟߊ߫ ߞߘߐߕߊ߬ߣߍ߲߬ߓߊ ߞߊ߬ߣߌ߲߬ ߣߴߊ߬ ߓߏ߲߬ߧߊ ߘߝߊߟߌ ߞߵߊ߬ ߓߍ߲߬ ߊ߬ ߕߐ߯ ߢߌߡߊ ߟߎ߬ ߣߴߊ߬ ߡߊ߲߬ߞߕߎ߫ ߛߊ߲ߘߐߕߊ ߟߎ߬ ߡߊ߬.

ߛߓߊߣߊ߲ :ߊ߬ ߓߊ߬ߕߏ ߜߋ߲ߜߋ߲ߦߊ ߸ ߊ߬ ߟߊ߫ ߖߡߊ߬ߙߌ ߟߎ߬ ߞߍߟߌ ߘߐ߫ ߸ ߊ߬ ߣߌ߫ ߡߊ߬ߓߐ߬ߟߌ ߝߋ߲߫ ߠߊ߫ ߸ ߊ߬ ߞߊ߬ ߟߊ߬ߕߐ߲߬ߠߌ ߞߍ߫ ߞߊ߬ ߓߐ߫ ߡߍ߲ ߡߊ߬.

*

ߞߊ߬ ߘߍ߲߬ߞߣߍ߬ߦߊ߬ ߞߋ߲ߛߐ߲ ߠߎ߬ ߡߊ߬

ߞߋߛߐ߲ ߠߎ߬( ߡߟߍ߬ߞߊ ߟߎ߬ ߞߊ߬ߣߌ߲߫ ) : ߘߎߢߊ߫ ߦߋߓߊߟߌ ߟߎ߬ ߘߏ߫ ߟߋ߬ ߸ ߘߊ߲ߝߋ߲ ߠߎ߬ ߸ ߊߟߊ߫ ߞߘߐߕߊ߬ߣߍ߲߬ߓߊ ߓߊ߬ߕߏ߬ߓߊ߮ ߟߎ߬߸ ߡߊ߰ߙߌ߬ߦߊ ߥߟߊ߫ ߓߊ߬ߕߏ߬ߕߊ߬ߦߊ ߡߊ߲߬ߞߕߎ߬ ߛߌ߫ ߕߴߊ߬ߟߎ߬ ߟߊ߫߸ ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ߟߎ߬ ߘߊ߲߫ ߣߐ߯ߙߐ ߟߋ߬ ߘߐ߫ ߸ ߊ߬ ߞߊ߬ ߖߘߍ߬ߞߟߏ߬ߦߊ߬ ߘߝߊߣߍ߲ ߘߌ߫ ߊ߬ߟߎ߬ ߦߋ߫ ߊ߬ ߟߊ߫ ߖߊ߬ߡߊߙߌ ߢߍ߫߸ ߊ߬ ߣߌ߫ ߝߊ߲߬ߞߊ ߟߊ߫ ߟߊߓߊ߯ߙߊ ߘߐ߫. ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ :{ ߡߍ߲ ߠߎ߬ ߦߴߊ߬ ߕߍ߰ߟߊ ߘߐ߫ ߏ߬ ߟߎ߬ ߕߍ߫ ߊ߬ߟߎ߫ ߖߘߍ߬ߘߐߓߏ߲߬ߧߊ߬ ߟߴߊ߬ ߓߊ߬ߕߏ ߡߊ߬ ߸ ߊ߬ߟߎ߫ ߘߏ߲߬ ߕߍ߫ ߛߍ߰ ߟߊ߫ ߷ ߊ߬ߟߎ߬ ߦߋ߫ ߛߊߣߌ߲ߧߊ ߝߐ߫ ߟߊ߫ ߛߎ߫ ߣߌ߫ ߕߋ߬ߟߋ߬ ߸ ߊ߬ߟߎ߬ ߕߍ߫ ߝߊ߬ߘߌ߬ߘߐߝߊ߰ ߟߊ߫}[ ߟߊ߬ߝߐ߬ߓߊ߮ ߟߎ߬ ߝߐߘߊ ߟ:߁߉-߂߀]

ߊ߬ߟߎ߬ ߖߊ߬ߕߋ ߞߊߛߌߦߊ߫ ߸ ߊߟߊ߫ ߞߘߐߕߊ߬ߣߍ߲߬ߓߊ ߞߋߟߋ߲߫ ߠߋ߬ ߞߴߊ߬ ߟߐ߲߫ ߸ ߊ߬ ߓߊ߲ߓߊ߲ߘߊ߫ ߘߊ߫ ߔߌߦߐߔߌߦߐ ߝߌ߬ߟߊ ߘߐ߫ ߞߊ߬ ߓߐ߫ ߊߣߊߛߌ ߌߥߋ߫ (ߊߟߡߊ߫ ߘߌ߬ߢߍ߬ ߞߍ߫ ߘߴߊ߬ ߡߊ߬ ( ߟߊ߫ ߛߙߊ߬ߣߎ߲ ߘߐ߫ ߸ ߟߊ߬ߝߐ߬ߓߊ߮ﷺ ߸ߓߏ߲ ߠߊߡߍ߲߬ߛߍ߲߬ߦߊ߬ߣߍ߲(ߓߊߦߑߕߎߟߑߡߊߊ߳ߑߡߎ߯ߙ) ߞߘߐߕߊ߬ ߘߊ߫ ߊ߬ ߢߍ߫ ߛߊ߲ ߞߣߐ߫ ߸ ߞߋ߲ߛߐ߲ ߥߊ߯ ߗߡߍ߬ ߦߋ߫ ߡߊ߬ߓߊ߬ߕߏ߬ߟߌ߫ ߞߍ߫ ߟߊ߫ ߦߋ߲߬ ߟߏ߯-ߏ-ߟߏ߲߬ ߸ ߣߴߏ߬ ߟߎ߬ ߓߐ߫ ߘߊ߫ ߦߋ߲߬ ߸ ߏ߬ ߟߎ߬ ߕߴߛߋ߫ ߟߊ߫ ߦߋ߲߬ ߏ߬ ߞߐ߫

ߞߊ߬ ߘߍ߲߬ߞߣߍ߬ߦߊ߬ ߞߋ߲ߛߐ߲ ߠߎ߬ ߡߊ߬ ߏ߬ ߦߋ߫ ߟߊߞߊ߬ߝߏ߬ߟߌ ߞߍ߫ ߟߊ߫ ߞߏ ߣߊ߯ߣߌ߲ ߠߋ߬ ߟߊ߫:

ߝߟߐߡߊ : ߞߊ߬ ߘߍ߬ߞߣߍ߬ߦߊ߬ ߞߏ߫ ߊ߬ߟߎ߬ ߦߋ߫ ߦߋ߲߬

ߝߌߟߊߣߊ߲ : ߞߊ߬ ߘߍ߬ߞߣߍ߬ߦߊ߬ ߊ߲ ߧߋ߫ ߡߍ߲߬ ߠߎ߬ ߕߐ߮ ߟߐ߲߫ ߊ߬ߟߎ߬ ߘߐ߫ ߏ߬ ߟߎ߫ ߕߐ߮ ߟߋ߬ ߟߊ߫ (ߦߏ߫ ߖߌ߬ߓߙߌ߬ߟߎ߫ )߸ ߊ߲ ߘߏ߲߬ ߡߊ߫ ߡߍ߲ ߠߎ߬ ߕߐ߮ ߟߐ߲߫߸ ߊ߲ ߟߊߣߍ߲߫ ߊ߬ߟߎ߬ ߓߍ߯ ߟߋ߬ ߟߊ߫.

ߛߓߊߣߊ߲ : ߞߊ߬ ߘߍ߬ߞߣߍ߬ߦߴߊ߬ߟߎ߫ ߡߊ߲߬ߞߕߎ߬ ߠߎ߬ ߡߊ߬( ߦߏ߫ ߖߌ߬ߓߙߌ߬ߟߎ߫) ߟߊ߬ߝߐ߬ߓߊ߮ ( ߞߛߌ ߣߌ߫ ߣߍߡߊ ߦߴߊ߬ ߢߍ߫ )ߞߴߊ߲ ߞߌ߬ߓߊ߬ߙߏ߬ ߞߏ߫ ߊ߬ ߞߵߊ߬ ߦߋ߫ ߦߏ߫ ߊ߬ ߘߊ߲߫ ߘߊ߫ ߢߊ ߡߍ߲߸ ߞߊ߬ߡߊ߲߬ ߗߡߍ߬ ߥߐ߯ߙߐ߫ ߟߋ߬ ߦߴߊ߬ ߟߊ߫ ߡߍ߲ ߦߋ߫ ߢߊߡߌߟߏ ߘߊߕߎ߲߯ ߠߊ߫.

ߞߋ߲ߛߐ߲ ߘߌ߫ ߛߋ߫ ߦߟߍ߬ߡߊ߲߬ ߠߊ߫ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߟߐ߬ߒ߬ߗߋ߬ߟߊ ߡߊ߬ ߞߊ߬ ߞߍ߫ ߡߐ߰ ߘߌ߫

كَمَا حَصَلَ لِجِبْرِيلَ حِينَ أَرْسَلَهُ اللَّهُ تَعَالَى إِلَى مَرْيَمَ، فَتَمَثَّلَ لَهَا بَشَرًا سَوِيًّا، وَحِينَ جَاءَ إِلَى النَّبِيِّ صَلَّى اللَّهُ عَلَيْهِ وَسَلَّمَ وَهُوَ جَالِسٌ فِي أَصْحَابِهِ، جَاءَهُ بِصِفَةِ رَجُلٍ شَدِيدِ بَيَاضِ الثِّيَابِ، شَدِيدِ سَوَادِ الشَّعْرِ، لَا يُرَى عَلَيْهِ أَثَرُ السَّفَرِ، وَلَا يَعْرِفُهُ أَحَدٌ مِنْ أَصْحَابِهِ، فَجَلَسَ إِلَى النَّبِيِّ صَلَّى اللَّهُ عَلَيْهِ وَسَلَّمَ، فَأَسْنَدَ رُكْبَتَيْهِ إِلَى رُكْبَتَيْهِ، وَوَضَعَ كَفَّيْهِ عَلَى فَخِذَيْهِ، وَسَأَلَ النَّبِيَّ صَلَّى اللَّهُ عَلَيْهِ وَسَلَّمَ عَنِ الْإِسْلَامِ، وَالْإِيمَانِ، وَالْإِحْسَانِ، وَالسَّاعَةِ، وَأَمَارَاتِهَا؛ فَأَجَابَهُ النَّبِيُّ صَلَّى اللَّهُ عَلَيْهِ وَسَلَّمَ، فَانْطَلَقَ، ثُمَّ قَالَ صَلَّى اللَّهُ عَلَيْهِ وَسَلَّمَ: هَذَا جِبْرِيلُ؛ أَتَاكُمْ يُعَلِّمُكُمْ دِينَكُمْ.

ߦߏ߫ ߊ߬ ߞߍ߫ ߘߊ߫( ߖߌ߬ߓߙߌ߬ߟߎ߫ ߟߊ߫ ) ߢߊ ߡߍ߲ ߕߎ߬ߡߊ ߡߍ߲ ߠߊ߫ ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ ߗߋ߫ ߡߊߙߌߦߡߊ߫ ߡߊ߬ ߏ߬ ߓߐ߫ ߘߴߊ߬ ߦߋ߫ ߡߐ߰ ߟߊߞߢߊߣߍ߲߫ ߘߌ߫߸ ߊ߬ ߣߌ߫ ߕߎ߬ߡߊ ߡߍ߲ ߊ߬ ߣߊ߬ ߘߊ߫ ߟߊ߬ߝߐ߬ߓߊ߮ ߞߛߌ ߣߌ߫ ߣߍߡߊ ߦߴߊ߬ ߢߍ߫ ߕߘߍ߬ ߊ߬ ߘߍ߬ߢߐ߲߮ ߠߎ߬ ߕߍ߫ ߡߊ߬ ߸ ߊ߬ ߣߊ߬ ߘߊ߫ ߡߊ߬ ߗߍ߭ ߘߏ߫ ߟߋ߬ ߕߐ߰ߡߊ߬ߛߙߋ ߟߊ߫ ߡߍ߲ ߞߎ߲߬ߛߌ ߝߌ߬ߣߌ߲ ߞߘߌߞߘߌ߫ ߸ ߊ߬ ߕߍ߫ ߕߊ߯ߡߊ ߕߐ߰ߡߊ߬ߛߙߋ ߟߎ߬ ߦߋ߫ ߟߴߊ߬ ߞߊ߲߬߸ ߊ߬ߟߎ߬ ߛߌ߫ ߡߴߊ߬ ߟߐ߲߫߸ ߊ߬ ߞߵߊ߬ ߛߌ߰ ߟߊ߬ߝߐ߬ߓߊ߮ ߞߍ߬ߙߍߝߍ߬߸ ߞߛߌ ߣߌ߫ ߣߍߡߊ ߦߴߊ߬ ߢߍ߫߸ ߊ߬ ߞߵߊ߬ ߞߎ߲ߓߋߙߋ߲ߞߘߎ ߛߍ߲߬ߓߍ߫ ߊ߬ ߞߎ߲ߓߋߙߋ߲ߞߘߎ ߟߊ߫߸ ߞߵߊ߬ ߕߍ߮ ߟߎ߫ ߓߌ߬ߟߊ߬ ߊ߬ ߜߏ߲ߘߏ ߟߎ߫ ߞߊ߲߬߸ ߞߵߊ߬ ߟߊ߬ߝߐ߬ߓߊ߮ ߡߊ߬ ߞߛߌ ߣߌ߫ ߣߍߡߊ ߦߴߊ߬ ߢߍ߫ ߢߌ߬ߣߌ߲ߞߊ߬ ߛߌ߬ߟߡߊ߬ߦߊ߫ ߣߌ߫ ߘߍ߲߬ߞߣߍ߬ߦߊ ߣߌ߫ ߢߊ߬ߟߌ ߣߌ߫ ߥߟߌ ߥߊ߯ߕߌ ߣߴߊ߬ ߕߐ߰ߡߊ߬ߛߙߋ ߡߊ߬ ߸ ߟߊ߬ߝߐ߬ߓߊ߮ ߞߵߊ߬ ߖߋ߬ߓߌ߬ ߞߛߌ ߣߌ߫ ߣߍߡߊ ߦߴߊ߬ ߢߍ߫ ߸ ߊ߬ ߥߊ߫ ߘߊ߫ ߏ߬ ߞߐߝߍ߬ ߞߋߟߊ ߞߛߌ ߣߌ߫ ߣߍߡߊ ߦߴߊ߬ ߢߍ߫ ߞߴߊ߬ ߝߐ߫ ߞߏ߫ :<<ߖߌ߬ߓߙߌ߬ߟߎ߫ ߟߋ߬ ߸ ߊ߬ ߣߊ߬ߣߍ߲߫ ߊߟߎ߫ ߞߊ߬ߙߊ߲߬ ߞߊ߲ ߠߋ߬ ߡߊ߬ ߊߟߎ߫ ߟߊ߫ ߘߌ߯ߣߊ ߟߊ߫ >>

ߊ߰ ߏ߬ ߢߊ ߟߋ߬ ߡߊ߬ ߊߟߊ߫ ߞߘߐߕߊ߬ߣߍ߲߬ߓߊ ߟߋ ߞߊ߬ ߞߋ߲ߛߐ߲ ߠߎ߬ ߗߋ߫ ߌߓߎ߬ߙߊ߬ߤߌߡߊ߫ ߸ ߣߌ߫ ߟߎ߯ߕߌ ߡߊ߬ ߗߍ߬ߦߊ߬ ߛߊߥߎߙߊ ߘߐ߫

ߊ߬ ߣߊ߯ߣߌ߲ߣߊ߲߫ ߡߍ߲ ߓߍ߲߬ ߕߐ߲߫ ߘߍ߲߬ߞߣߍ߬ߦߊ߫ ߡߊ߬ ߞߋ߲ߛߐ߲ ߠߎ߬ ߡߊ߬ : ߞߊ߬ ߘߍ߬ߞߣߍ߬ߦߊ߫ ߊ߬ߟߎ߬ ߟߊ߫ ߓߊ߯ߙߊ ߟߎ߬ ߡߊ߬ ߊ߲ ߞߊ߬ ߡߍ߲ ߠߎ߬ ߡߊߟߐ߲߫ ߊ߬ߟߎ߬ ߦߋ߫ ߡߍ߲ ߠߎ߬ ߞߍ߫ ߟߊ߫ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߖߡߊ߬ߙߌ߬ߟߌ ߟߊ߫ ߸ ߌߞߏߡߌ߲߬ ߞߵߊ߬ ߕߊ߲߬ߘߏ߬ ߸ ߊ߬ ߣߌ߫ ߞߊ߬ ߓߊ߬ߕߏ߬ ߛߎ ߣߌ߫ ߕߋ߬ߟߋ ߘߐ߫ ߣߌ߫ ߖߘߐ߬ ߕߍ߫ ߥߟߊ߫ ߝߊ߬ߘߌ߬ߘߐ߬ߕߍ߮

ߊ߬ ߘߏ ߟߎ߬ ߟߊ߫ ߓߊ߯ߙߊ ߓߴߛߋ߫ ߞߊ߬ ߞߙߍߞߙߍ

ߦߏ߫ :ߖߌ߬ߓߙߌ߬ߟߎ߫ ߡߍ߲ ߦߋ߫ ߟߊߒߠߦߊߓߊ߮ ߘߌ߫ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߦߟߌߘߏ߲ ߸ ߊߟߊ߫ ߦߴߊ߬ ߗߋ߫ ߟߊ߫ ߟߊ߬ߝߐ߬ߓߊ߮ ߟߎ߬ ߣߌ߫ ߞߋߟߊ ߟߎ߬ ߡߊ߬.

ߦߏ߫ : ߡߌ߬ߞߊ߬ߺߌ߯ߟߎ߫ : ߏ߬ ߡߍ߲ ߞߙߍߞߙߍߣߍ߲߫ ߛߊ߲ߖߌ ߦߋ߫߸ ߏ߬ ߞߘߐ ߟߋ߬ ߛߊ߲ߖߌ ߣߌ߫ ߝߍߘߍ߲ߝߋ߲ ߠߎ߬ ߘߌ߫.

ߦߏ߫: ߌ߬ߛߑߙߊ߬ߝߌ߯ߟ: ߡߍ߲ ߟߐ߲߬ߒ߬ߗߋ߬ߟߊ߬ߣߍ߲߫ ߓߘߎ߫ ߝߍ߫ ߟߊ߫ ߸ ߣߌ߫ ߕߎ߬ߡߊ ߛߋ߫ ߘߊ߫ ߸ ߊ߬ ߣߌ߫ ߞߊ߬ ߘߊ߲ߝߋ߲ ߠߎ߬ ߟߊߥߟߌ߬.

ߦߏ߫ : ߢߙߊ߬ߖߟߎ߫ ( ߛߊ߬ߦߊ ߡߟߍ߬ߞߊ ) ߣߌߡߊ ߟߎ߬ ߕߊ߬ߟߌ ߞߙߊ߬ߛߌ߬ߣߍ߲ ߡߍ߲ ߛߦߊ߬ ߕߎߡߊ ߟߊ߫

ߦߏ߫ : ߡߊ߯ߟߞߌ߫ : ߡߍ߲ ߓߌ߬ߟߊ߬ߣߍ߲߫ ߕߊ߫ ߥߋ߲߯ߓߋ ߞߎ߬ߣߊ߬ ߸ ߊ߬ ߘߏ߲߬ ߊ߬ߟߋ ߟߋ߬ ߥߋ߲߯ߓߋ ߞߣߐ߬ߜߍ߲߬ߓߊ߮ ߘߌ߫

ߦߏ߫ : ߞߋ߲ߛߐ߲ ߡߍ߲ ߠߎ߬ ߟߐ߲߬ߒ߬ߗߋ߬ߟߊ߬ߣߍ߲߫ ߢߋߙߌ߲ ߠߎ߬ ߟߊ߫ ߞߏ ߟߊ߫ ߘߋ߲ߛߏ ߘߐ߫ ߸ ߕߎ߬ߡߊ ߡߍ߲߫ ߣߌ߫ ߡߐ߰ߣߍ߲ ߞߊ߬ ߞߊߙߏ߫ ߣߊ߯ߣߌ߲߫ ߘߝߴߊ߬ ߣߴߊ߬ ߞߣߐ ߘߐ߫ ߸ ߊߟߊ߫ ߘߌ߫ ߞߋ߲ߛߐ߲ ߘߏ߫ ߗߋ߫ ߊ߬ ߡߊ߬ ߞߵߏ߬ ߖߡߊ߬ߙߌ߬ ߊ߬ ߤߊ߬ߙߌ߬ߖߍ ߣߴߊ߬ ߛߌ߰ ߣߴߊ߬ ߟߊ߫ ߓߊ߯ߙߊ ߣߴߊ߬ ߟߊ߫ ߞߎ߲߬ߠߊ߬ߜߏߦߊ ߣߴߊ߬ ߟߊ߫ ߞߎ߲߬ߣߊ߬ߘߌߦߊ ߞߏ߫ ߛߓߍ߫.

ߦߏ߫ : ߞߋ߲ߛߐ߲ ߡߍ߲ ߠߎ߬ ߟߐ߬ߣߍ߲߫ ߊߘߡߊߘߋ߲ ߠߎ߬ ߟߊ߫ ߓߊ߯ߙߊ ߟߊߕߊ߲߬ߞߊ߫ ߣߌ߫ ߣߴߊ߬ ߛߓߍ ߟߊ߫ ߸ ߞߋ߲ߛߐ߲ ߝߌ߬ߟߊ߬ ߦߋ߫ ߡߐ߱ ߓߍ߯ ߞߐ߫ ߸ ߞߋߟߋ߲ ߦߴߊ߬ ߓߟߏߞߌߣߌ߲ ߝߍ߬ ߸ ߊ߬ ߕߐ߬ ߞߋߟߋ߲ ߦߴߊ߬ ߣߎߡߊ߲ ߝߍ߬

ߦߏ߫ : ߞߋ߲ߛߐ߲ ߡߍ߲ ߠߎ߬ ߟߐ߬ߣߍ߲߫ ߛߎ߭ ߢߌ߬ߣߌ߲߬ߞߊ߬ߟߌ ߟߊ߬ ߣߵߊ߬ ߓߙߌ߫ ߘߊ߫ ߝߎ߬ߙߎ߲߬ߞߎߡߍ ߘߐ߫߸ ߞߋ߲ߛߐ߲ ߝߌ߬ߟߊ߬ ߘߌ߫ ߣߴߊ߬ ߡߊ߬ ߞߵߊ߬ ߢߌ߬ߣߌ߲߬ߞߊ߬ ߊ߬ ߡߊ߰ߙߌ ߣߴߊ߬ ߟߊ߫ ߘߌ߯ߣߊ߫ ߣߵߊ߬ ߟߊ߫ ߟߊ߬ߝߐ߬ߓߊ߮ ߡߊ߬

ߘߍ߲߬ߞߣߍ߬ߦߊ߫ ߞߋ߲ߛߐ߲ ߠߎ߬ ߡߊ߬ ߏ߬ ߦߋ߫ ߣߝߊ߬ߓߊ߮ ߟߋ߬ ߟߊ߫ ߛߋ߫ ߟߊ߫ ߡߐ߱ ߡߊ߬ ߸ ߦߏ߫ :

ߝߟߐߡߊ : ߞߊ߬ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߓߏ߲߬ߧߊ ߣߴߊ߬ ߟߊ߫ ߝߊ߲߬ߞߊ ߣߴߊ߬ ߟߊ߫ ߝߊ߰ߡߊ߬ߦߊ ߟߐ߲߫ ߸ ߓߊߏ߬ ߘߊ߲ߝߋ߲ ߠߊߓߏ߬ߢߊ ߦߋ߫ ߘߊ߲ߓߊ߮ ߟߊ߫ ߓߏ߲߬ߧߊ ߟߋ߬ ߦߌ߬ߘߊ߬ ߟߊ߫

ߝߌߟߊߣߊ߲ : ߊߟߊ߫ ߞߘߐߕߊ߬ߣߍ߲߬ߓߊ ߕߊ߲߬ߘߏ ߘߐ߫ ߊ߬ ߣߴߊ߬ ߟߊ߫ ߡߊ߬ߞߏ߬ ߘߏ߲ ߘߐ߫ ߊߘߡߊߘߋ߲ ߠߎ߬ ߟߊ߫ ߸ ߏ߬ ߞߋ߲ߛߐ߲ ߓߍ߯ ߞߊ߬ ߡߐ߱ ߘߏ߫ ߟߋ߬ ߛߎߥߊ߲ߘߌ߫ ߊ߬ߟߎ߬ ߟߊߕߊ߲߬ߞߊ ߘߐ߫߸ ߞߵߊ߬ߟߎ߬ ߟߊ߫ ߓߊ߯ߙߊ ߟߎ߬ ߣߴߊ߬ߟߎ߬ ߢߊ߬ߞߏ߬ ߜߘߍ߫ ߟߎ߫ ߛߓߍ߫

ߛߓߊߣߊ߲ : ߞߊ߬ ߞߋ߲ߛߐ߲ ߠߎ߬ ߟߊߘߌߦߊߒߢߍ߫ ߝߋ߲߫ ߘߐ߫ ߊ߬ߟߎ߬ ߞߊ߬ ߡߍ߲߫ ߞߍ߫ ߞߘߐߕߊ߬ߣߍ߲߬ߓߊ ߓߊ߬ߕߏ߬ ߘߐ߫.

ߖߛߎ߬ߞߎ߲߬ ߖߊ߲ߞߊߙߏߕߌ ߘߏ߫ ߟߎ߫ ߞߵߊ߬ ߡߊߛߐ߬ߛߐ߬ ߸ ߞߋ߲ߛߐ߲ ߠߎ߬ ߞߍ߫ ߘߐ߫ ߝߊ߬ߘߌ߬ߞߟߏ߬ߡߊ ߟߎ߬ ߘߌ߫ ߸ ߊ߬ߟߎ߬ ߞߵߊ߬ ߝߐ߫ ߞߏ߫: ߏ߬ ߦߋ߫ ߢߌ߬ߡߊ߬ߦߊ ߝߊ߲߬ߞߊ ߟߎ߬ ߟߋ߬ ߞߐߦߌ߬ߘߊ߬ ߟߊ߫ ߡߍ߲ ߠߎ߬ ߦߋ߫ ߘߊ߲ߝߋ߲ ߠߎ߬ ߘߐ߫߸ ߏ߬ ߦߋ߫ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߟߍߙߊ ߡߊߛߐ߬ߛߐ ߟߋ߬ ߘߌ߫߸ ߊ߬߬  ߣߌ߫ ߊ߬ ߟߊ߫ ߞߋߟߊ ߟߊ߫ ߛߙߊ߬ߣߎ߲ ߸ ߞߛߌ ߣߌ߫ ߣߍߡߊ ߦߴߊ߬ ߢߍ߫ ߸ ߊ߬ ߣߌ߫ ߛߌ߬ߟߊ߬ߡߊ ߟߎ߬ ߟߊ߫ ߓߍ߲߬ߡߊ.

ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ :{ ߕߊ߲߬ߘߏ ߊߟߊ߫ ߦߋ߫ ߛߊ߲ ߠߎ߬ ߣߌ߫ ߘߎ߱ ߛߌ߲ߘߌߓߊ߮ ߸ ߡߟߍ߬ߞߊ ߟߎ߬ ߞߍߓߊ߮ ߗߋߘߋ߲ ߠߎ߬ ߘߌ߫ ߸ ߞߊ߬ߡߊ߲߬ ߝߌ߬ߟߊ߬ߡߊ ߣߌ߫ ߛߓߊ߬ߡߊ ߣߌ߫ ߣߊ߯ߣߌ߲ߡߊ}[ ߛߌ߲ߘߌߓߊ߮ ߝߐߘߊ ߟ:߁]

ߊ߬ ߞߊ߲߫ ߌߞߐ߫ :{ ߤߊ߲߫߸ ߣߴߌ ߕߎ߲߬ ߓߴߊ߬ ߦߋ߫ ߟߊ߫ ߞߋ߲ߛߐ߲ ߠߎ߬ ߦߋ߫ ߓߊ߲߬ߓߊ߮ ߟߎ߬ ߛߏߡߊߦߟߍߡߊ߲߫ ߠߊ߫ ߕߎ߬ߡߊ ߡߍ߲ ߸ ߊ߬ߟߎ߬ ߦߴߊ߬ߟߎ߫ ߝߊ߲߬ߕߊ߬ߣߌ߲߬ ߠߴߊ߬ߟߎ߬ ߢߘߊ ߟߎ߬ ߣߴߊ߬ߟߎ߬ ߞߕߐߟߊ ߟߎ߬ ߘߐ߫}[ ߞߐ߲ߛߐ߲ ߠߎ߬ ߝߐߘߊ ߟ:߅߀]

ߞߘߐߕߊ߬ߣߍ߲߬ߓߊ ߞߊ߲߫ ߕߎ߲߯ߣߌ߲߫{ ߤߊ߲߫߸ ߣߴߌ ߓߍ߫ ߕߐ߬ߢߍ߰ߒߕߋ ߟߎ߬ ߦߋ߫ ߟߊ߫ ߛߊ߬ߦߊ ߜߛߏ ߠߎ߬ ߟߊ߫߸ ߞߵߊ߬ ߕߘߍ߬ ߞߋ߲ߛߐ߲ ߠߎ߬ ߕߍ߮ ߘߐߝߎߟߋ߲ߣߍ߲߫ ߊ߬ߟߎ߬ ߦߋ߫ ߸ ߞߏ߫ ߊߟߎ߫ ߦߴߊߟߎ߫ ߣߌ ߟߎ߬ ߓߐ߫ ߞߍ߬}[ ߞߟߏߝߋ߲ ߠߎ߬ ߝߐߘߊ ߟ: ߉߃]

ߞߘߐߕߊ߬ߣߍ߲߬ߓߊ ߞߊ߲߫ ߌߞߐ߫ :{ ߤߊ߲߯ ߞߎ߲߬ߡߊ߬ߜߊ߲ ߦߋ߫ ߓߐ߫ ߊ߬ߟߎ߫ ߛߣߐ߬ߡߍ ߟߊ߫ ߕߎ߬ߡߊ ߡߍ߲ ߸ ߊ߬ߟߎ߬ ߘߴߊ߬ ߝߐ߫ ߞߏ߫ ߊߟߎ߫ ߡߊ߰ߙߌ ߣߐ߬ ߡߎ߲߬ ߝߐ߫ ߟߊ߫؟ ߊ߬ߟߎ߬ ߘߴߊ߬ ߝߐ߫ ߞߏ߫ ߕߎ߬ߢߊ߬ ߘߐߙߐ߲߫ ߸ ߊ߬ߟߋ ߟߋ߬ ߔߏ߲ߞߌ߲ ߘߌ߫ ߸ ߘߊ߲߬ߞߙߐ߬ߓߊ ߟߋ߬}[ ߛߓߊߌ߲ߞߊ ߟߎ߬ ߝߐߘߊ ߟ:߂߃]

ߊ߬ ߞߊ߲߫ ߊ߬ߙߌ߬ߖߣߍ߫ ߘߏ߲߬ߞߏ ߟߎ߬ ߡߊ߬ :{ ߞߋ߲ߛߐ߲ ߠߎ߬ ߦߋ߫ ߘߏ߲߬ ߠߴߊ߬ߟߎ߫ ߞߊ߲߬ ߘߊ ߓߍ߯ ߟߊ߫ ߷ ߊߟߎ߫ ߣߌ߫ ߖߐ߫ ߞߊ߬ߡߊߛߐ߬ߘߐ߲߬ ߊߟߎ߫ ߞߊ߬ ߡߎ߬ߢߎ߲ ߡߍ߲ ߞߍ߫ ߸ ߛߏ ߞߏߟߊߓߊ߲ ߢߊ߬ߣߍ߲߫ ߠߋ߬ ߞߟߋ߫ ( ߞߏ߫ )}[ ߛߊ߲ߜߊߟߌߡߊ ߝߐߘߊ ߟ: ߂߃-߂߄]

ߊ߬ ߦߋ߫ ߓߎߞߊ߬ߙߌ ߟߊ߫ ߔߌߦߐߔߌߦߐ ߞߣߐ߫ ߞߵߊ߬ ߡߌ߬ߘߊ߬ ߊ߬ߓߎ߫ ߤߎ߬ߙߊߦߌߙߊ߫ ߡߊ߬ ߊߟߡߊ߫ ߘߌ߬ߢߍ߬ ߞߍ߫ ߘߴߊ߬ ߡߊ߬ ߞߴߊ߬ ߡߌ߬ߘߊ߬ ߟߊ߬ߝߐ߬ߓߊ߮ ߡߊ߬ ߞߛߌ ߣߌ߫ ߣߍߡߊ ߦߴߊ߬ ߢߍ߫ ߊ߬ ߞߊ߲߫ :<<ߣߌ߫ ߊߟߊ߫ ߞߵߊ߬ ߟߊ߫ ߖߐ߲߬ ߞߊ߬ߣߌ߲߬ ߸ ߊ߬ ߘߌ߫ ߖߌ߬ߓߙߌ߬ߟߎ߫ ߥߋ߯ߟߋ߫ : ߊߟߊ߫ ߓߘߊ߫ ߞߊ߬ߘߌ߬ߛߊ߫ ߞߊ߬ߣߌ߲߬ ߌ ߝߣߊ߫ ߦߴߊ߬ ߞߊ߬ߣߌ߲߬ ߸ ߏ߬ ߓߊ߫ ߞߍ߫ ߊ߬ ߘߌ߫ ߘߌߦߊ߫ ߖߌ߬ߓߙߌ߬ߟߎ߫ ߢߍ߫ ߸ ߖߌ߬ߓߙߌ߬ߟߎ߫ ߝߣߊ߫ ߘߌ߫ ߛߊ߲ ߡߟߍ߬ߞߊ߬ ߥߋ߯ߟߋ߫ ߞߏ߫ :ߞߊ߬ߘߌ߬ߛߊ߫ ߓߘߊ߫ ߘߌߦߊ߫ ߊߟߊ߫ ߢߍ߫ ߊ߬ߟߎ߫ ߝߣߊ߫ ߦߴߊ߬ ߞߊ߬ߣߌ߲߬ ߸ ߏ߬ ߓߊ߫ ߞߍ߫ ߛߊ߲ ߡߟߍ߬ߞߊ߬ ߟߎ߬ ߘߴߊ߬ ߞߊ߬ߣߌ߲߬ ߸ ߏ߬ ߞߐߝߍ߬ ߟߊ߬ߛߣߍ߬ߟߌ ߟߐ߬ ߊ߬ ߡߊ߬ ߘߎ߱ ߞߊ߲߬

ߊ߬ ߦߴߊ߬ ߘߐ߫ ߝߣߊ߫ ߞߵߊ߬ ߡߌ߬ߘߊ߬ ߊ߬ߓߎ߫ ߤߎ߬ߙߊߦߌߙߕߊ߫ ߡߊ߬ ߊߟߡߊ߫ ߘߌ߬ߢߍ߬ ߞߍ߫ ߘߴߊ߬ ߡߊ߬ ߊ߬ ߞߊ߲ ߞߏ: ߟߊ߬ߝߐ߬ߓߊ߮ ߞߊ߲߫ :

«إِذَا كَانَ يَوْمُ الْجُمُعَةِ كَانَ عَلَى كُلِّ بَابٍ مِنْ أَبْوَابِ الْمَسْجِدِ الْمَلَائِكَةُ يَكْتُبُونَ الْأَوَّلَ فَالْأَوَّلَ، فَإِذَا جَلَسَ الْإِمَامُ طَوَوْا الصُّحُفَ وَجَاءُوا يَسْتَمِعُونَ الذِّكْرَ».

ߣߌ߫ ߛߌ߬ߣߌ߲߬ߟߏ߲ ߞߍ߫ ߘߊ߫ ( ߖߎߡߊ߫ ߞߊ߬ߣߌ߲߫ ) ߸ ߞߋ߲ߛߐ߲ ߠߎ߬ ߘߌ߫ ߛߓߍߟߌ ߞߍ߫ ߕߌ߲ߓߌߘߌ߲ߘߊ ߘߊ ߓߍ߯ ߟߊ߫߸ ߞߊ߬ ߛߓߍߟߌ ߟߊߝߟߐ ߝߟߐߡߊ ߟߎ߫ ߡߊ߬ ߸ ߏ߬ ߞߐ߫߸ ߊ߬ߟߎ߬ ߦߋ߫ ߝߐ߰ߓߍ߬ߝߐ߯ߓߍ ߟߎ߬ ߘߐߞߎ߲ߓߍ߲߫ ߠߊ߫߸ ߞߊ߬ ߣߊ߬ ߖߎ߬ߞߘߎ ߕߟߏߡߊߟߐ߬ ߟߊ߫ >>.

ߒ߬ߓߊ߬ ߞߟߏߜߍ ߡߍ߲ ߠߎ߬ ߦߴߊ߬ ߦߌ߬ߘߊ߬ ߟߊ߫ ߞߏ߫ ߞߋ߲ߛߐ߲ ߠߎ߬ ߦߋ߫ ߝߊ߬ߘߌ߬ߞߟߏ߬ߡߊ ߟߎ߬ ߟߋ߬ ߘߌ߫ ߞߏ߫ ߝߊ߬ߞߊ߲߬ ߛߟߐߡߌ߲ߡߊ ߟߎ߬ ߕߍ߫ ߸ ߛߌ߬ߟߊ߬ߡߊ ߟߎ߬ ߓߍ߯ ߓߍ߲߬ߣߍ߲߫ ߊ߬ ߡߊ߬ ߞߊ߬ ߓߍ߲߬ ߞߟߏߜߍ ߢߌ߲߬ ߠߎ߫ ߡߊ߬.

*

ߞߊ߬ ߘߍ߬ߞߣߍ߬ߦߊ߬ ߟߍߙߊ ߟߎ߬ ߡߊ߬

ߞߊ߬ߝߊ ߟߎ߬: ߏ߬ ߞߋ߬ߟߋ߲߬ߧߊ߫ ߕߐ߮ ߟߋ߬( ߞߊ߬ߝߊ) : ߏ߬ ߞߘߐ߫ ߟߋ߬( ߡߍ߲ ߛߓߍߣߍ߲ )

ߏ߬ ߞߘߐ߫ ߟߋ߫ ߦߊ߲߬ : ߊߟߊ߫ ߞߘߐߕߊ߬ߣߍ߲߬ߓߊ ߞߊ߬ ߞߊ߬ߝߊ ߡߍ߲ ߠߎ߬ ߟߊߖߌ߰ ߊ߬ ߟߊ߫ ߞߋߘߋ߲ ߠߎ߬ ߡߊ߬ ߤߌߣߊ߫ ߘߌ߫ ߘߊ߲ߝߋ߲ ߠߎ߬ ߦߋ߫ ߸ ߞߴߊ߬ߟߎ߬ ߞߊ߲ߘߊ߫ ߊ߬ ߟߊ߫ ߸ ߖߐ߲߬ߛߴߊ߬ߟߎ߬ ߘߌ߫ ߞߎ߲߬ߠߊ߬ߘߌߦߊ߫ ߘߎߢߊ߫ ߣߌ߫ ߟߊ߯ߞߌߙߊ߫

ߞߊ߬ ߘߍ߲߬ߞߣߍ߬ߦߊ߬ ߟߍߙߊ ߟߎ߬ ߡߊ߬ ߸ ߏ߬ ߦߋ߫ ߟߊߞߊ߬ߝߏ߬ߟߌ ߞߍ߫ ߟߊ߫ ߞߏߢߊ߫ ߣߊ߯ߣߌ߲ ߠߋ߬ ߟߊ߫:

ߝߟߐߡߊ : ߞߊ߬ ߘߍ߬ߞߣߍ߬ߦߊ߬ ߞߏ߫ ߊ߬ ߖߌ߰ߣߍ߲ ߞߊ߬ ߓߐ߫ ߊߟߊ߫ ߟߋ߬ ߝߍ߬ ߕߎ߬ߢߊ ߟߊ߫

ߝߌߟߊߣߊ߲ : ߞߊ߬ ߘߍ߬ߞߣߍ߬ߦߊ߬ ߊ߲ ߟߐ߲߫ ߟߎ߬ ߡߊ߬ ߊ߬ߟߎ߬ ߕߐ߯ ߡߊߟߐ߲ߣߍ߲߫ ߠߎ߬ ߡߊ߬߸ ߦߏ߫ ߞߎ߬ߙߊ߬ߣߊ ߡߍ߲ ߠߊߖߌ߰ߣߍ߲ ߡߎ߬ߤ߭ߊߡߡߊߘ ߡߊ߬ ߞߛߌ ߣߌ߫ ߣߍߡߊ ߦߴߊ߬ ߢߍ߫ ߊ߬ ߣߌ߫ ߕߊ߬ߎ߬ߙߊߕߌ ߡߍ߲ ߠߊߖߌ߰ߣߍ߲ ߡߎ߯ߛߊ߫ ߞߛߌ ߦߴߊ߬ ߢߍ߫ ߡߊ߬ ߊ߬ ߣߌ߫ ߟߌ߲߬ߖߌ߯ߟߌ߬ ߡߍ߲ ߠߊߖߌ߰ߣߍ߲ ߌߛߊ߫ ߡߊ߬ ߞߛߌ ߦߴߊ߬ ߢߍ߫ ߡߊ߬ ߊ߬ ߣߌ߫ ߖ߭ߊ߬ߓߎ߯ߙߑ ߡߍ߲ ߘߌ߫ ߘߊ߫ ߘߊߎߘߊ߫ ߡߊ߬ ߞߛߌ ߦߴߊ߬ ߦߋ߫ ߸ ߒ߬ߓߊ߬ ߒ߬ ߡߊ߫ ߡߍ߲ ߠߎ߬ ߕߐ߮ ߟߐ߲߫ ߸ ߊ߲ ߘߍ߲߬ߞߣߍ߬ߦߊ߬ߣߍ߲߫ ߏ߬ ߓߍ߯ ߡߊ߬ ߞߐߘߍ߫.

ߛߓߊߣߊ߲ : ߞߊ߬ ߟߴߊ߫ ߟߊ߬ ߝߋ߲߫ ߘߐ߫ ߞߊ߬ ߓߐ߫ ߊ߬ ߖߊ߲߬ߖߏ߲ ߠߎ߬ ߘߐ߫ ߸ ߣߌ߫ ߞ ߦߏ߫ ߞߎ߬ߙߊ߬ߣߊ ߖߊ߲߬ߖߏ߲ ߠߎ߬، ߊ߬ ߣߌ߫ ߖߊ߲߬ߖߏ߲ ߡߍ߲ ߠߎ߬ ߡߊ߫ ߡߊߦߟߍ߬ߡߊ߲߫ ߥߟߊ߫ ߞߊ߬ ߡߊߦߟߍ߬ߡߊ߲߬ ߟߍߙߊ ߕߊ߬ߡߌ߲߬ ߠߎ߬ ߘߐ߫.

ߣߊ߯ߣߌ߲ߣߊ߲߫: ߞߊ߬ ߓߊ߯ߙߊ ߞߍ߫ ߞߕߌ߫ ߟߎ߬ ߟߊ߫ ߡߍ߲ ߠߎ߬ ߡߊ߫ ߟߊߥߟߌ߬ ߸ ߞߊ߬ ߥߛߊ߬ ߞߍ߫ ߊ߬ߟߎ߬ ߟߊ߫ ߸ ߊ߬ ߣߌ߫ ߞߊ߬ ߛߐ߲߬ ߏ߬ ߟߎ߫ ߡߊ߬ ߸ ߊ߲ ߞߵߊ߬ ߟߊ߫ ߥߘߋ߬ߥߘߋ߬ߟߌ ߝߊ߰ߡߎ߲߫ ߓߊ߬ ߥߟߊ߫ ߒ߬ ߡߴߊ߬ ߝߊ߰ߡߎ߲߬ ߸ ߞߊ߬ߝߊ߫ ߕߊ߬ߡߌ߲߬ߣߍ߲ ߠߎ߬ ߓߍ߯ ߟߊߝߌ߬ߦߊ߬ߣߍ߲߫ ߞߎ߬ߙߊ߬ߣߊ ߓߟߋߓߟߋ ߟߋ߬ ߓߟߏ߫.

﴿وَأَنزَلۡنَآ إِلَيۡكَ ٱلۡكِتَٰبَ بِٱلۡحَقِّ مُصَدِّقٗا لِّمَا بَيۡنَ يَدَيۡهِ مِنَ ٱلۡكِتَٰبِ وَمُهَيۡمِنًا عَلَيۡهِۖ...﴾

ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ :{ ߊ߲ ߞߊ߬ ߟߍߙߊ ߟߊߖߌ߰ ߌߟߋ ߝߣߊ߫ ߡߊ߬ ߕߎ߬ߢߊ ߟߋ߬ ߟߊ߫߸ ߞߵߊ߬ ߞߴߊ߬ ߢߍ߫ ߟߍߙߊ ߟߊߛߙߋߦߊߟߊ߲ ߘߌ߫ }[ ߛߎ߬ߡߊ߲߬ߝߍ ߝߐߘߊ ߟ:߄߈] ߏ߬ ߞߘߐ߫ ߟߋ߬( ߞߊ߬ ߓߊ߯ߙߊ߫ ߊ߬ ߟߊ߫ )

ߏ߬ ߓߟߏ߰ߡߊ߬: ߊ߬ ߕߍ߫ ߓߍ߲߬ ߞߊ߬ ߓߊ߯ߙߊ߫ ߟߍߙߊ߫ ߕߊ߬ߡߌ߲߬ߣߍ߲ ߠߎ߬ ߞߕߌ߫ ߛߌ߫ ߟߊ߫ ߝߏ߫ ߡߍ߲߫ ߓߊ߯ ߟߊߜߍߦߴߊ߬ ߘߐ߫ ߊ߬ ߣߌ߫ ߞߎ߬ߙߣߊ ߓߍ߲߬ ߘߴߊ߬ ߡߊ߬.

ߞߊ߬ ߘߍ߬ߞߣߍ߬ߦߊ߫ ߞߊ߬ߝߊ ߟߎ߬ ߡߊ߬ ߏ߬ ߦߋ߫ ߣߝߊ߬ߓߊ߮ ߟߋ߬ ߟߊ߫ ߛߋ߫ ߟߊ߫ ߡߐ߱ ߡߊ߬ ߸ ߏ߬ ߘߏ߫ ߟߋ߬ :

ߝߟߐߡߊ : ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߖߊ߲߬ߕߏ߬ߒ߬ߘߐ߬ߕߊ ߟߐ߲ߠߌ߲ ߊ߬ ߟߊ߫ ߖߐ߲߭ ߠߎ߬ ߟߊ߫ ߸ ߊ߬ ߞߊ߬ ߞߊ߬ߝߊ ߘߏ߫ ߟߊߖߌ߰ ߡߍ߲ ߘߐ߫ ߡߌ߬ߙߌ߲߬ߘߌ ߓߍ߯ ߡߊ߬ ߞߵߏ߬ ߞߊ߲ߘߊ߫ ߏ߬ ߘߐ߫.

ߝߌߟߊߣߊ߲ : ߊߟߊ߫ ߣߌ߬ߣߌ߬ߟߊ ߟߊ߫ ߥߘߋ߬ߥߘߋ߬ߟߌ ߟߐ߲ߠߌ߲ ߊ߬ ߟߊ߫ ߞߎ߬ߙߎ߲߬ߘߎ ߞߣߐ߫߸ ߊ߬ ߞߊ߬ ߝߋ߲߫ ߟߊߕߍ߰ ߡߐ߰ ߞߋߟߋ߲ߞߋߟߋ߲ ߓߍ߯ ߦߋ߫ ߡߍ߲ ߓߍ߲߬ߣߍ߲߫ ߊ߬ ߓߍ߲߬ߒ߬ߡߊ߬ߞߏ ߟߎ߬ ߡߊ߬

﴿...لِكُلّٖ جَعَلۡنَا مِنكُمۡ شِرۡعَةٗ وَمِنۡهَاجٗا...﴾

ߌߞߏߡߌ߲߬ ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ ߢߊ ߡߍ߲{ ߊ߲ ߞߵߊߟߎ߫ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߛߐ߫ ߊ߬ ߕߊ߫ ߝߏ߲߬ߘߏ߫ ߕߋ߬ߣߍ߲߫ ߣߌ߫ ߢߍߥߟߊ߫ ߟߋ߬ ߟߊ߫ ( ߣߊߡߎ߲ߞߏ ߣߌ߫ ߕߎ߬ߢߊ ߘߐߞߣߍߢߊ ߘߐ߫ )}[ ߛߎ߬ߡߊ߲߬ߝߍ ߝߐߘߊ ߟ :߄߈]

ߛߓߊߣߊ߲: ߞߊ߬ ߊߟߊ߫ ߟߊ߫ ߦߌߟߌ߲ ߓߊߙߌߞߊ ߓߐ߫.

*

ߞߊ߬ ߘߍ߬ߞߣߍ߬ߦߊ߬ ߞߋߘߋ߲ ߠߎ߬ ߡߊ߬

ߞߋߘߋ߲ ߠߎ߬ : ߏ߬ ߞߋ߬ߟߋ߲߬ߧߊ߫ ߟߋ߬ ( ߞߋߘߋ߲ ߘߌ߫ ) ߏ߬ ߞߘߐ߫ ߟߋ߬ ߞߏ߫ ( ߡߍ߲ ߗߋߣߍ߲ ) ߏ߬ ߟߊ߬ߢߌߣߌ߲ ߠߋ߬ ߞߏ߫ ߡߍ߲ ߗߋߣߍ߲߫ ߞߏ ߘߏ߫ ߟߊߛߋ߫ ߞߊ߲ߡߊ߬.

ߏ߬ ߟߊ߬ߢߌߣߌ߲߫ ߠߋ߬ ߦߊ߲߬ : ߡߍ߲ ߦߟߌߘߏ߲߬ߠߍ߲ ߡߐ߱ ߟߎ߬ ߘߐ߫ ߞߎ߬ߙߎ߲߬ߘߎ ߘߏ߫ ߟߊ߫ ߞߊ߬ߓߊ߲߫ ߞߵߊ߬ ߖߡߊ߬ߙߌ߬ ߊ߬ ߟߊߛߋ߫ ߟߊ߬ ߸

ߞߋߘߋ߲ ߠߎ߬ ߝߟߐ߫ ߦߋ߫ ߣߎߤߊ߲߫ ߠߋ߬ ߘߌ߫ ߸ ߊ߬ߟߎ߬ ߟߊߓߊ߲߫ ߠߋ߬ ߡߎ߬ߤ߭ߊߡߡߊߘ ߘߌ߫ ߞߛߌ ߣߌ߫ ߣߍߡߊ ߦߴߊ߬ ߦߋ߫

ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ :{ ߊ߲ ߣߐ߬ ߦߟߌߘߏ߲ ߟߐ߬ ߟߴߌ ߡߊ߬ ߟߋ߬ ߦߏ߫ ߊ߲ ߞߊ߬ ߦߟߌߘߏ߲ ߟߐ߬ ߣߎߤߊ߲߫ ߡߊ߬ ߢߊ ߡߍ߲ ߊ߬ ߣߌ߫ ߟߊ߬ߝߐ߬ߓߊ߮ ߟߎ߫ ߡߊ߬ ߊ߬ߟߋ߬ ߞߐ߫ ߸}[ ߡߏ߬ߛߏ ߟߎ߬ ߝߐߘߊߟ:߁߆߃]

ߊ߬ ߦߋ߫ ߓߎߞߊ߬ߙߌ߬ߞߊ߫ ߟߊ߫ ߔߌߦߐߔߌߦߐ ߞߣߐ߫ ߞߵߊ߬ ߡߌ߬ߘߊ߬ ߡߊߟߞߌ߫ ߘߋ߲ߞߍ߫ ߊߣߊߛߑ ߡߊ߬ ߊߟߡߊ߫ ߘߌ߬ߢߍ߬ ߞߍ߫ ߘߴߊ߬ ߡߊ߬ ߛߟߏ߬ߣߊ߬ߟߌ ߛߙߊ߬ߣߎ߲ ߘߐ߫ ߸ ߞߏ߫ ߊߟߊ߫ ߟߊ߫ ߟߊ߬ߝߐ߬ߓߊ߮ ߞߛߌ ߣߌ߫ ߣߍߡߊ ߦߴߊ߬ ߢߍ߫ :

«ذُكِرَ أَنَّ النَّاسَ يَأْتُونَ إِلَى آدَمَ؛ لِيَشْفَعَ لَهُمْ، فَيَعْتَذِرُ إِلَيْهِمْ وَيَقُولُ: ائْتُوا نُوحًا أَوَّلَ رَسُولٍ بَعَثَهُ اللَّهُ» وذكر تمام الحديث.

<< ߊ߬ ߞߏߝߐ߫ ߘߊ߫ ߞߏ ߡߐ߱ ߟߎ߬ ߘߌ߫ ߥߊ߫ ߊߘߡߊ߫ ߕߘߍ߬ ߸ ߞߵߊ߬ ߦߋ߫ ߛߟߏ߬ߣߊ߬ߟߌ߫ ߞߍ߫ ߊ߬ߟߎ߬ ߦߋ߫ ߸ ߊ߬ ߘߌ߫ ߟߐ߬ߦߙߌ߬ ߝߐ߫ ߞߏ߫ ߊߟߎ߫ ߦߋ߫ ߕߊ߯ ߣߎߤߊ߲߫ ߝߍ߬ ߸ ߊߟߊ߫ ߟߊ߫ ߞߋߟߊ߫ ߝߟߐ ߞߋߟߊߦߊߣߍ߲߫ ߣߴ ߏ߬ ߘߌ߫} ߊ߬ ߞߊ߬ ߤߊ߬ߘߌ߫ߛߊ߫ ߘߝߊ ߞߏߝߐ߫.

ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ ߡߊ߬ߡߊ߬ߘߌ߬( ߡߎ߬ߤ߭ߊߡߡߊߘ ) ߞߛߌ ߣߌ߫ ߣߍߡߊ ߦߴߊ߬ ߢߍ߫ ߡߊ߬ :

﴿مَّا كَانَ مُحَمَّدٌ أَبَآ أَحَدٖ مِّن رِّجَالِكُمۡ وَلَٰكِن رَّسُولَ ٱللَّهِ وَخَاتَمَ ٱلنَّبِيِّـۧنَ...﴾

{ ߡߊ߬ߡߊߘߌ߫ ߕߍ߫ ߡߐ߰ ߛߌ߫ ߝߊ߬ ߘߌ߫ ߊߟߎ ߗߍ߭ ߟߎ߬ ߘߐ߫ ߸ ߞߏ߬ߣߌ߲߬ ߊߟߊ߫ ߟߊ߫ ߞߋߟߊ ߟߋ߬ ߸ ߊ߬ ߣߌ߫ ߟߊ߬ߝߐ߬ߓߊ߮ ߟߎ߬ ߟߊߓߊ߲ ߠߋ߬}[ߞߙߎߞߊ ߟߎ߬ ߝߐߘߊ]

ߡߊ߲߬ߕߏ߲߬ ߛߌ߫ ߕߍ߫ ߦߋ߲߬ ߝߏ߫ ߊߟߊ߫ ߞߘߐߕߊ߬ߣߍ߲߬ߓߊ ߦߋ߫ ߞߋߘߋ߲ ߘߏ߫ ߗߋ߫ ߊ߬ ߟߊ߫ ߛ߭ߊ߬ߙߌ߬ߦߊ ߘߍ߲ߖߘߍߟߊ ߘߌ߫ ߊ߬ ߟߊ߫ ߡߐ߱ ߟߎ߬ ߡߊ߬ ߥߟߊ߫ ߟߊ߬ߝߐ߬ߓߊ߮ ߘߏ߫ ߸ ߛ߭ߊߙߌߦߊ ߘߏ߫ ߟߊ߲ߞߣߍߡߊ߫ ߘߊ߫ ߡߍ߲ ߡߊ߬ ߊ߬ ߢߍ߫߸ ߞߵߊ߬ ߟߊߞߎߘߦߊ߫߸ ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ :

﴿وَلَقَدۡ بَعَثۡنَا فِي كُلِّ أُمَّةٖ رَّسُولًا أَنِ ٱعۡبُدُواْ ٱللَّهَ وَٱجۡتَنِبُواْ ٱلطَّٰغُوتَ...﴾

{ ߒ߬ߠߎ߫ ߞߊ߬ ߞߋߟߊ ߘߏ߫ ߟߊߥߌ߬ߟߌ߫ ߡߊ߲߬ߕߏ߲ ߓߍ߯ ߘߐ߫ ߟߋ߬ ߸ ߒ ߞߏ߫ ߊߟߎ߯ ߊߟߊ߫ ߓߊ߬ߕߏ߫ ߞߵߊߟߎ߫ ߡߊߓߐ߫ ߞߏ߲ߞߏߓߊ ߟߊ߫}[ ߟߞߌߛߍ ߟߎ߬ ߝߐߘߊ ߟ:߃߆]

ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ ߌߞߐ߫ :{ ߡߊ߲߬ߕߏ߲߬ ߛߌ߫ ߕߴߦߋ߲߬ ߖߊ߬ߛߙߋ߬ߡߊ߬ߟߌ߬ߟߊ߫ ߡߊ߫ ߕߊ߬ߡߌ߲߬ ߡߍ߲ ߘߐ߫ ߞߘߐ߬ߡߊ߲߫}[ ߛߌ߲ߘߌߓߊ߮ ߝߐߘߊߟ:߂߄]

ߞߘߐߕߊ߬ߣߍ߲߬ߓߊ ߞߊ߲߫ :{ ߊ߲ߠߎ߫ ߟߋ߫ ߞߊ߬ ߕߊ߬ߥߎ߬ߙߊߕߌ ߟߊߖߌ߰ ߸ ߞߊ߲ߘߦߊ ߣߌ߫ ߦߋߟߋ߲ ߦߴߏ߬ ߞߣߐ߫، ߟߊ߬ߝߐ߬ߓߊ߮ ߡߍ߲ ߠߎ߫ ߞߵߊ߬ߟߎ߫ ߖߘߍ߬ߞߟߏ߫ ߏ߬ ߟߎ߬ ߦߋ߫ ߦߊ߬ߤߎ߯ߘߎ ߟߎ߬ ߟߊ߫ ߞߕߌ ߕߍ߰ ߟߴߏ߬ ߟߋ ߡߊ߬،}[ ߛߎ߬ߡߊ߲߬ߝߍ ߝߐߘߊ ߟ :߄߄]

ߞߋߘߋ߲ ߠߎ߬ ߦߋ߫ ߊߘߡߊ߫ ߟߎ߬ ߟߋ߬ ߘߌ߫ ߡߍ߲ ߠߎ߬ ߘߊ߲ߣߍ߲߫ ߕߌ߰ߦߊ ߥߟߊ߫ ߓߊ߬ߕߏ߬ߕߊ߬ߦߊ ߡߊ߲߬ߞߕߎ߬ ߛߌ߫ ߕߴߊ߬ߟߎ߬ ߟߊ߫ ߸ ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߊ߬ ߟߊ߫ ߟߊ߬ߝߐ߬ߓߊ߮ ߡߎ߬ߤ߭ߊߡߡߊߘ ߟߊ߫ ߞߏ߫ ߘߐ߫ ߏ߬ ߡߍ߲ ߦߋ߫ ߞߋߘߋ߲ ߠߎ߬ ߛߟߊߕߌ߮ ߘߌ߫ ߸ ߣߴߊ߬ߟߎ߬ ߘߐ߫ ߟߐ߬ߘߎ߰ߕߌ߬ ߓߟߋߓߟߋ ߘߌ߫ ߊߟߊ߫ ߓߘߊ߫ :

﴿قُل لَّآ أَمۡلِكُ لِنَفۡسِي نَفۡعٗا وَلَا ضَرًّا إِلَّا مَا شَآءَ ٱللَّهُۚ وَلَوۡ كُنتُ أَعۡلَمُ ٱلۡغَيۡبَ لَٱسۡتَكۡثَرۡتُ مِنَ ٱلۡخَيۡرِ وَمَا مَسَّنِيَ ٱلسُّوٓءُۚ إِنۡ أَنَا۠ إِلَّا نَذِيرٞ وَبَشِيرٞ لِّقَوۡمٖ يُؤۡمِنُونَ 188﴾

{ ߊ߬ ߝߐ߫ ߞߏ߫ ߒߠߋ ߕߍ߫ ߝߏߦߌ߫ ߡߙߊ߬ ߟߊ߫ ߒ ߖߘߍ߬ ߦߋ߫ ߢߊ߬ߞߏ߫ ߣߌ߫ ߕߙߐߞߏ߫ ߘߐ߫ ߝߏ߫ ߡߍ߲ ߓߊ߯ ߊߟߊ߫ ߘߌߦߊ߫، ߣߌ߫ ߒ ߕߎ߲߬ ߓߍ߫ ߞߏ߫ ߘߏ߲߰ߣߍ߲ ߟߐ߲߫ ߠߊ߫ ߒ ߕߘߍ߬ ߘߌ߫ ߤߙߊ ߟߊߛߌߦߊߦߊ߫ ߒ ߖߘߍ߬ ߦߋ߫ ߸ ߖߎ߯ߡߊ߲߫ ߛߌ߫ ߕߎ߲߬ ߕߍ߫ ߡߊ߰ ߒ ߠߊ߫ ߏ߬ ߘߐ߫، ߒ߬ߞߊ߬ ߒߠߋ ߕߍ߫ ߘߏ߫ ߜߘߍ߫ ߘߌ߫ ߝߏ߫ ߖߊ߬ߛߙߋ߬ߡߊ߬ߟߌ߬ߟߊ ߣߌ߫ ߘߟߊߝߎߟߊ ߡߌ߬ߙߌ߲߬ߘߌ߬ ߟߊߒߠߦߊߓߊ߮ ߟߎ߬ ߦߋ߫ }[ ߕߓߊߞߘߐߣߍ߲߫ ߝߐߘߊ ߟ:߁߈߈]

ߞߘߐߕߊ߬ߣߍ߲߬ߓߊ ߞߊ߲߫ ߌߞߐ߫ :{ ߟߊߛߋ߫ ߞߏ߫ ߒߠߋ ߕߍ߫ ߡߊ߲߬ߕߙߐ߬ ߣߌ߫ ߤߙߊ߫ ߛߌ߫ ߡߙߊ߬ ߟߴߊߟߎ߫ ߦߋ߫ ߷ ߟߊߛߋ߫ ߞߏ߫ ߒߠߋ ߸ ߝߏߦߌ߬ ߞߋߟߋ߲߫ ߕߍ߫ ߒ ߠߊߞߛߌ߫ ߊߟߊ߫ ߡߊ߬ ߸ ߒ ߘߏ߲߬ ߕߍߣߊ߫ ߛߍ߲߬ߓߍ߬ ߦߌߟߊ߫ ߛߐ߬ߘߐ߲߬ ߠߴߊߟߊ߫ ߡߊ߬ ( ߒ ߢߡߊߘߏ߲߰ߞߏ ߘߐ߫ )}[ ߥߐ߬ߞߎߟߐ ߟߎ߬ ߝߐߘߊ ߟ:߂߁-߂߂]

ߊߘߡߊߘߋ߲ߦߊ ߡߊ߲߬ߞߕߎ ߟߎ߫ ߟߋ߬ ߦߴߊ߬ߟߎ߬ ߣߐ߬ ߟߊ߫ ߟߊ߫: ߖߊ߲߬ߞߊߙߏ ߣߌ߫ ߛߊ߬ߦߊ ߸ ߊ߬ ߡߊ߬ߞߏ ߦߋ߫ ߛߎ߬ߡߊ߲ ߣߌ߫ ߡߌ߲߬ߕߊ ߣߌ߫ ߝߋ߲߫ ߜߘߍ߫ ߟߎ߫ ߟߊ߫߸ ߊߟߊ߫ ߞߘߐߕߊ߬ߣߍ߲߬ߓߊ ߞߵߏ߬ ߝߐ߫ ߌߓߎ߬ߙߊ߬ߤߌߡߊ߫ ߞߊ߲߬ ߞߛߌ ߦߴߊ߬ ߢߍ߫ ߊ߬ ߡߊ߰ߙߌ߬ ߞߘߐߕߊ߬ߣߍ߲߬ߓߊ ߡߊ߲߬ߞߕߎ߫ ߘߐ߫ :

﴿وَٱلَّذِي هُوَ يُطۡعِمُنِي وَيَسۡقِينِ 79 وَإِذَا مَرِضۡتُ فَهُوَ يَشۡفِينِ 80 وَٱلَّذِي يُمِيتُنِي ثُمَّ يُحۡيِينِ 81﴾

{ ߏ߬ ߟߋ ߒ ߠߘߊߥߎ߲ߠߌ߲߫ ߠߊ߫ ߞߊ߬ ߒ ߠߊߡߌ߲߬߷ߣߌ߫ ߒ ߖߊ߲߬ߞߊ߬ߙߏ߬ ߘߊ߫ ߏ߬ ߟߋ ߒ ߠߊߞߍ߲ߘߍߦߊ߫ ߟߊ߫ ߷ ߏ߬ ߟߋ ߒ ߛߊ߬ ߟߊ߫ ߞߊ߬ ߓߊ߲߫ ߞߊ߬ ߒ ߠߊߣߌߡߦߊ߫ }[ ߛߞߎ߬ߦߊ߬ߟߊ ߟߎ߬ ߝߐߘߊ ߟ:߇߉-߈߁]

ߟߊ߬ߝߐ߬ߓߊ߮ ߞߵߊ߬ ߝߐ߫ ߞߛߌ ߣߌ߫ ߣߍߡߊ ߦߴߊ߬ ߦߋ߫ ߞߏ߫ :<<ߒߠߋ ߝߣߊ߫ ߦߋ߫ ߡߐ߱ ߟߋ߬ ߘߌ߫ ߦߏ߫ ߊߟߎ߫ ߢߐ߲߰߸ ߒ ߧߋ߫ ߢߌ߬ߣߟߊ߬  ߦߏ߫ ߊߟߎ߫ ߦߋ߫ ߢߌ߬ߣߟߊ߬ ߢߊ ߡߍ߲، ߣߌ߫ ߒ ߢߌ߬ߣߊ߬ ߘߊ߫߸ ߊߟߎ߫ ߦߋ߫ ߒ ߦߟߌߓߌ߬ߟߊ߬>>.

ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ߟߎ߬ ߡߊ߲߬ߞߕߎ߬ ߖߐ߲߬ߧߊ ߟߊ߫ ߸ ߊ߬ߟߎ߬ ߟߊ߫ ߟߐ߬ߘߎ߮ ߛߊ߲ߘߐߕߊ ߘߐ߫߸ ߊ߬ ߣߴߊ߬ߟߎ߬ ߕߊ߲߬ߘߏ߬ߟߌ ߝߐߢߊ ߘߐ߫߸ ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ ߣߎߤߊ߲߫ ߡߊ߬ ߞߛߌ ߦߴߊ߬ ߢߍ߫ :{ ߤߊ߲߫ ߸ ߏ߬ ߞߍ߫ ߘߊ߫ ߖߐ߲߬ ߞߏߢߌߡߊߟߐ߲ߠߊ߫ ߟߋ߬ ߘߌ߫ ߘߋ߬}[ ߛߎߘߐߛߣߍߡߊ ߝߐߘߊ ߟ:߃] ߊ߬ ߞߊ߲߫ ߡߊ߬ߡߊ߬ߘߌ߬( ߡߎ߬ߤ߭ߊߡߡߊߘ ) ߡߊ߬ :{ ߒ߬ߓߊ߬ߘߍ ߦߋ߫ ߡߍ߲ ߦߋ߫ ߸ ߏ߬ ߟߋ ߞߊ߬ ߝߊߙߊ߲ߝߊߛߌ ߟߊߖߌ߰ ߊ߬ ߟߊ߫ ߖߐ߲߭ ߡߊ߬ ߛߴߊ߬ ߘߌ߫ ߞߍ߫ ߖߊ߬ߛߙߋ߬ߡߊ߬ߟߌ߬ߟߊ ߘߌ߫ ߖߊ߯ߓߊ ߟߎ߬ ߦߋ߫}[ ߝߊߙߊ߲ߝߊߛߌ ߝߐߘߊ ߟ:߁]

ߊ߬ ߞߊ߲߫ ߌߓߎ߬ߙߊ߬ߤߌߡߊ߫ ߣߌ߫ ߌߛߑߤ߭ߊ߯ߞ߭ ߣߌ߫ ߦߊ߬ߞߎߓߊ߫ ߞߛߌ ߦߴߊ߬ߟߎ߬ ߢߍ߫ :{ ߒ߬ ߠߊ߫ ߖߐ߲߬ ߌߓߎ߬ߙߊ߬ߤߌߡߊ߫ ߣߴߌߛߌ߬ߤߊ߯ߞߊ߫ ߣߌ߫ ߦߊ߰ߞߎߓߊ߫ ߟߎ߫ ߞߏߝߐ߫ ߸ ߏ߬ ߟߎ߬ ߞߍ߫ ߘߊ߫ ( ߘߌ߯ߣߊ ) ߝߊ߲߬ߞߊ߬ߕߌ߯ ߣߌ߫ ߢߟߊߞߊߕߌ߰ ߟߎ߫ ߘߌ߫߷ߒ߬ߠߎ߫ ߟߋ߫ ߞߵߏ߬ ߟߎ߬ ߞߙߍߞߙߍ߫ ( ߛߎ߬ߟߊ߫ ) ߛߏ ߞߏߝߐ ߘߎ߲߬ߘߎ߬ߡߊ߬ߦߊ ߟߊ߫ ߷ ߏ߬ ߟߎ߬ ߦߋ߫ ߒ߬ߠߎ߬ ߓߘߊ ߛߎߥߊ߲ߘߌߣߍ߲߫ ߓߘߍߓߘߍ ߟߎ߬ ߘߏ߫ ߟߋ߬ ߘߌ߫؟}[ ߛ߫ ߝߐߘߊ ߟ:߄߅-߄߇]

ߊ߬ ߞߊ߲߫ ߡߊߙߌߦߡߊ߫ ߘߋ߲ߞߍ߫ ߌߛߊ߫ ߡߊ߬{ ߏ߬ ߕߍ߫ ߘߏ߫ ߜߘߍ߫ ߘߌ߫ ߥߍ߫ ߝߏ߫ ߖߐ߲߬ߞߍ ߸ ߊ߲ ߣߍߡߊߣߍ߲߫ ߊ߬ ߡߊ߬ ߟߋ߬ ߸ ߞߵߊ߬ ߞߍ߫ ߛߊ߲߬ߘߊ ߘߌ߫ ߌߛߌߙߊߌߟߞߊ ߟߎ߬ ߦߋ߫ }[ ߡߊ߬ߖߐ߯ߙߊ߲ ߝߐߘߊ ߟ: ߅߉]

ߞߊ߬ ߘߍ߲߬ߞߣߍ߬ߦߊ߬ ߞߋߘߋ߲ ߠߎ߬ ߡߊ߬ ߏ߬ ߦߋ߫ ߟߊߞߊ߬ߝߏ߬ߟߌ ߞߍ߫ ߟߊ߫ ߞߏߢߊ߰ ߣߊ߯ߣߌ߲ ߠߋ߬ ߞߊ߲߬ :

ߝߟߐߡߊ : ߞߊ߬ ߘߍ߬ߞߣߍ߬ߦߊ߬ ߞߏ߫ ߊ߬ߟߎ߬ ߟߊ߫ ߗߋߞߊ߲ ߦߋ߫ ߕߎ߬ߢߊ߬ ߟߋ߬ ߘߌ߫ ߞߊ߬ ߝߘߊ߫ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߸ ߡߍ߲ ߓߊ߫ ߓߊ߲߬ߓߊ߬ߦߊ߫ ߊ߬ߟߎ߬ ߘߏ߫ ߘߐ߫ ߞߋߟߋ߲߫ ߠߊ߫ ߗߋߞߊ߲߫ ߡߊ߬ ߸ ߏ߬ ߕߌ߱ ߓߘߊ߫ ߞߊߝߙߌߦߊ ߊ߬ߟߎ߬ ߓߍ߯ ߟߋ߫ ߡߊ߬ ߏ߬ ߘߌ߫ ߦߏ߫ ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫{ ߣߎߤߎ߲߫ ߡߌ߬ߙߌ߲߬ߘߌ ߞߊ߬ ߞߋߟߊ ߟߎ߬ ߡߊߛߐ߬ߛߐ߬ }[ ߛߞߎ߬ߦߊ߬ߟߊ ߟߎ߬ ߝߐߘߊ ߟ:߁߀߅] ߏ߬ ߟߋ ߞߏߛߐ߲߬ ߊߟߊ߫ ߞߵߊ߬ߟߎ߬ ߞߍ߫ ߞߋߟߊ ߟߎ߬ ߓߍ߯ ߥߎߦߊߒߕߋߦߊ߫ ߓߊ ߟߎ߬ ߘߌ߫، ߤߊߟߌ߬ ߣߴߊ߬ ߕߘߍ߬ ߘߊ߫ ߞߏ߫ ߞߋߟߊ߫ ߜߘߍ߫ ߕߎ߲߬ ߕߍ߫ ߏ߬ ߕߎ߬ߡߊ ߟߊ߫ ߊ߬ߟߋ߬ ߞߐ߫ ߊ߬ ߓߌ߲ߓߌ߲ߓߟߏߡߊ߬ ߏ߬ ߞߊ߲߬߸ ߌߛߊߟߞߊ ߡߍ߲ ߠߎ߫ ߞߊ߬ ߡߎ߬ߤ߭ߊߡߡߊߘ ߡߊߛߐ߬ߛߐ߬߸ ߞߛߌ ߣߌ߫ ߣߍߡߊ ߦߴߊ߬ ߦߋ߫ ߊ߬ ߣߌ߫ ߞߵߊ߬ߟߎ߫ ߓߊ߲߬ ߊ߬ ߞߊ߲ ߠߊ߫ ߓߊ߬ߕߏ߬ ߟߊ߫ ߸ ߏ߬ ߟߎ߬ ߦߋ߫ ߊ߬ߟߎ߬ ߦߋ߫ ߡߊߙߌߦߡߊ߫ ߘߋ߲ߞߍ߫ ߓߊ߲߬ߓߊ߮ ߟߎ߫ ߟߋ߬ ߘߌ߫߸ ߊ߬ߟߎ߬ ߝߣߊ߫ ߕߍ߫ ߕߎ߲߰ߓߊ߮ ߘߴߊ߬ ߞߐ߫߸ ߞߊߕߙߍ߬ߕߍ߫ ߊ߬ ߞߊ߬ ߡߎ߬ߤ߭ߊߡߡߊߘ ߞߛߌ ߣߌ߫ ߣߍߡߊ ߦߴߊ߬ ߢߍ߫ ߞߌ߬ߓߊ߬ߙߏ߬ ߢߌߡߊ ߘߴߊ߬ߟߎ߫ ߡߊ߬߸ ߞߘߐ߬ߡߊ߲߫ ߕߍ߫ ߊ߬ߟߎ߬ ߟߊ߫ ߞߌ߬ߓߊ߬ߙߏ߬ ߘߌߡߊ߲ ߘߌ߫ ߊ߬ߟߎ߫ ߡߊ߬ ߝߏ߫ ߊ߬ ߦߋ߫ ߞߋߟߊ߫ ߟߋ߬ ߘߌ߫ ߊ߬ߟߎ߬ ߦߋ߫߸ ߊߟߊ߫ ߦߴߊ߬ߟߎ߬ ߟߊߞߛߌ߫ ߟߊ߫ ߝߟߌ߬ ߛߌߟߊ ߟߋ߫ ߝߍ߬߸ ߞߵߊ߬ߟߎ߬ ߞߊ߲ߘߊ߫ ߛߌߟߊ߫ ߕߋߟߋ߲ߣߍ߲ ߞߊ߲߬.

ߞߊ߬ ߘߍ߬ߞߣߍ߬ߦߊ߬ ߊ߬ߟߎ߬ ߕߐ߯ ߟߎ߬ ߡߊ߬ ߊ߲ ߞߊ߬ ߡߍ߲ ߠߎ߬ ߡߊߟߐ߲߫ ߦߏ߫ ߡߎ߬ߤ߭ߊߡߡߊߘ ߸ ߌߓߎ߬ߙߊ߬ߤߌߡߊ߫ ߸ ߡߎߛߊ߫ ߸ ߌߛߊ߫ ߸ ߣߌ߫ ߣߎߤߊ߲߫ ߞߛߌ ߦߴߊ߬ߟߎ߬ ߢߍ߫ ߣߌ߲߬ ߟߏ߯ߟߎ߫ ߢߌ߲߬ ߠߎ߫ ߟߋ߬ ߝߊ߲߬ߞߊ߬ߡߊ ߟߎ߬ ߘߌ߫ ߞߋߟߊ ߟߎ߬ ߘߐ߫߸ ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ߟߎ߬ ߞߏߝߐ߫ ߦߙߐ߫ ߝߌ߬ߟߊ߫ ߟߋ߬ ߟߊ߫ ߞߎ߬ߙߊ߬ߣߊ ߞߣߐ߫ ߊ߬ ߟߊ߫ ߞߎߡߊ ߘߐ߫ ߞߏ߫:

﴿وَإِذۡ أَخَذۡنَا مِنَ ٱلنَّبِيِّـۧنَ مِيثَٰقَهُمۡ وَمِنكَ وَمِن نُّوحٖ وَإِبۡرَٰهِيمَ وَمُوسَىٰ وَعِيسَى ٱبۡنِ مَرۡيَمَۖ وَأَخَذۡنَا مِنۡهُم مِّيثَٰقًا غَلِيظٗا 7﴾

﴿شَرَعَ لَكُم مِّنَ ٱلدِّينِ مَا وَصَّىٰ بِهِۦ نُوحٗا وَٱلَّذِيٓ أَوۡحَيۡنَآ إِلَيۡكَ وَمَا وَصَّيۡنَا بِهِۦٓ إِبۡرَٰهِيمَ وَمُوسَىٰ وَعِيسَىٰٓۖ أَنۡ أَقِيمُواْ ٱلدِّينَ وَلَا تَتَفَرَّقُواْ فِيهِۚ كَبُرَ عَلَى ٱلۡمُشۡرِكِينَ مَا تَدۡعُوهُمۡ إِلَيۡهِۚ ٱللَّهُ يَجۡتَبِيٓ إِلَيۡهِ مَن يَشَآءُ وَيَهۡدِيٓ إِلَيۡهِ مَن يُنِيبُ 13﴾

{ ߕߎ߬ߡߊ ߡߍ߲ ߊ߲ ߞߊ߬ ߟߊ߬ߝߐ߬ߓߊ߮ ߟߎ߬ ߟߊ߫ ߛߘߊߒߡߊߞߊ߲ ߡߌ߬ߘߴߊ߬ߟߎ߬ ߟߊ߫߸ ߊ߬ ߣߴߌߟߋ ߟߊ߫ ߊ߬ ߣߌ߫ ߣߎ߯ߤߎ߲߫ ߣߌ߫ ߌߓߎ߬ߙߊ߬ߤߌߡߊ߫ ߣߌ߫ ߡߎߛߊ߫ ߟߊ߫ ߸ ߊ߬ ߣߌ߫ ߡߊߙߌߦߡߊ߫ ߘߋ߲ߞߍ߫ ߌߛߊ߫ ߟߊ߫ ߸ ߊ߲ ߞߊ߬ ߛߘߊߒߡߊߞߊ߲߫ ߜߍߟߍ߲߫ ߠߋ߫ ߡߌ߬ߘߊ߫ ߏ߬ ߟߎ߬ ߟߊ߫}[ ߞߙߎߞߊ ߟߎ߬ ߝߐߘߊ ߟ :߇]

ߊ߬ ߞߊ߲߫ ߘߏ߫ ߌߞߐ߫ :{ ߊ߬ ߞߊ߬ ߝߋ߲߫ ߠߋ߬ ߞߍ߫ ߊߟߎ߫ ߦߋ߫ ߣߊߡߎ߲ ߘߐ߫ ߝߏ߲߬ߘߏ ߘߌ߫ ߊ߬ ߞߊ߬ ߣߎ߯ߤߊ߲߫ ߡߊߛߙߊ߬ ߡߍ߲ ߠߊ߫ ߸ ߊ߬ ߣߴߊ߲ ߞߊ߬ ߡߍ߲ ߦߟߌߘߏ߲ ߟߐ߬ ߌߟߋ ߡߊ߬ ߸ ߊ߬ ߣߴߊ߲ ߞߊ߬ ߌߓߎ߬ߙߊ߬ߤߌߡߊ߫ ߣߌ߫ ߡߎߛߊ߫ ߣߴߌߛߊ߫ ߡߊߛߙߊ߬ ߡߍ߲ ߠߊ߫ ߸ ߒ ߞߏ߫ ߊߟߎ߯ ߣߊߡߎ߲ ߠߊߟߐ߬ ( ߊ߬ ߢߊ ߡߊ߬ )߸ ߊ߬ ߣߴߊߟߎ߫ ߞߊߣߊ߬ ߝߘߊߝߘߴߊ߬ ߘߐ߫ ߘߋ߬ ، ߌ ߦߋ߫ ߛߏߡߊ ߟߎ߬ ߞߟߌ߫ ߟߊ߫ ߡߍ߲ ߡߊ߬ ( ߏ߬ ߘߌ߫ ) ߏ߬ ߓߘߊ߫ ߜߟߍ߬ߦߴߊ߬ߟߎ߫ ߡߊ߬ ߘߋ߬ ߸ ߊߟߊ߫ ߘߏ߲߬ ߦߋ߫ ߡߐ߰ ߟߋ߬ ߛߎߥߊ߲ߘߌ߫ ߟߊ߫ ߞߊ߬ ߕߊ߯ ߏ߬ ߡߊ߬ ߡߍ߲ ߓߊ߯ ߊ߬ ߘߌߦߊ߫ ߸ ߞߊ߬ ߡߐ߰ ߞߊ߲ߘߴߊ߬ ߡߊ߬ ߡߍ߲ ߦߴߊ߬ ߖߘߍ߬ߟߊߛߊ߬ߦߌ߬ ߟߊ߫ }[ ߞߏߟߊߒߞߘߐߢߐ߲߯ߦߊ ߝߐߘߊߟ ߟ:߁߃]

ߊ߲ ߡߊ߫ ߡߍ߲ ߠߎ߬ ߕߐ߮ ߟߐ߲߫، ߒ߬ߠߎ߬ ߟߊߣߍ߲߫ ߊ߬ ߟߊ߫ ߝߘߏ߬ߓߊ߬ߓߟߏߡߊ߬߸ ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫:

﴿وَلَقَدۡ أَرۡسَلۡنَا رُسُلٗا مِّن قَبۡلِكَ مِنۡهُم مَّن قَصَصۡنَا عَلَيۡكَ وَمِنۡهُم مَّن لَّمۡ نَقۡصُصۡ عَلَيۡكَۗ...﴾

{ ߞߊ߬ ߞߋߟߊ ߘߏ߫ ߟߎ߫ ߗߋ߫ ߌߟߋ ߢߍ߫ ߞߘߐ߬ߡߊ߲߫ ߸ ߘߏ߫ ߦߴߏ߬ ߟߎ߬ ߘߐ߫ ߊ߲ ߞߵߏ߬ ߟߎ߫ ߘߊ߲߬ߕߍ߰ ߌ ߦߋ߫ ߘߏ߫ ( ߜߘߍ߫ ) ߦߴߊ߬ߟߎ߬ ߘߐ߫ ߊ߲ ߡߴߏ߬ ߘߊ߲߬ߕߍ߰ ߌ ߦߋ߫ }[ ߦߝߊ߬ߓߊ߮ ߝߐߘߊ ߟ:߇߈]

ߛߓߊߣߊ߲ : ߞߵߊ߬ߟߎ߬ ߕߎ߬ߢߊ߬ߒ߬ߕߋ߬ߦߊ߬ ߊ߬ߟߎ߫ ߞߌ߬ߓߊ߬ߙߏ߬ߦߊ߫ ߟߎ߬ ߘߐ߫

ߣߊ߯ߣߌ߲ߣߊ߲߫: ߞߊ߬ ߓߊ߯ߙߊ ߞߍ߫ ߡߐ߱ ߟߎ߬ ߟߊ߫ ߛ߭ߊ߬ߙߌ߬ߦߊ ߟߊ߫ ߡߍ߲ ߠߎ߬ ߗߋߣߍ߲߫ ߒ߬ ߡߊ߬ ߊ߬ߟߎ߬ ߘߐ߫، ߊ߬ߟߋ ߟߋ߫ ߊ߬ߟߎ߬ ߘߝߊߟߊ߭ ߘߌ߫ ߡߎ߬ߤ߭ߊߡߡߊߘ ߝߊ ߞ. _߸ ߡߍ߲ ߗߋߣߍ߲߫ ߡߐ߱ ߓߍ߯ ߡߊ߬߸ ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ :

﴿فَلَا وَرَبِّكَ لَا يُؤۡمِنُونَ حَتَّىٰ يُحَكِّمُوكَ فِيمَا شَجَرَ بَيۡنَهُمۡ ثُمَّ لَا يَجِدُواْ فِيٓ أَنفُسِهِمۡ حَرَجٗا مِّمَّا قَضَيۡتَ وَيُسَلِّمُواْ تَسۡلِيمٗا 65﴾

{ ߍ߲߬ߍ߲߫ ߘߋ߬ ߸ ߊ߰ ߒ ߣߴߌ ߡߊ߰ߙߌ ߕߍ߫ ߸ ߊ߬ߟߎ߬ ߕߍ߫ ߞߍ߫ ߟߊ߲ߒߠߦߊߓߊ߮ ߘߌ߫ ߝߏ߫ ߣߴߊ߬ߟߎ߫ ߞߵߊ߬ߟߎ߬ ߕߍ߫ ߝߐߢߐ߲߯ߞߐ ߓߍ߯ ߞߕߌ ߟߴߌ ߞߘߐ߫ ߟߋ߬ ߖߐ߫، ߌ ߓߊ߯ ߏ߬ ߡߍ߲ ߕߍ߰ ߛߊ߫߸ ߕߍ߰ߡߊ߬ߛߌ߯ ߞߊߣߊ߬ ߞߍ߫ ߊ߬ߟߎ߬ ߝߋ߲߫ ߞߣߐ߫ ߏ߬ ߘߐ߫ ߸ ߊ߬ ߣߴߊ߬ߟߎ߬ ߦߋ߫ ߜߍ߫ ߏ߬ ߡߊ߬ ( ߟߊߒߠߦߊߓߊ߮ ߟߎ߬ ߕߊ߫ ߢߊ ߡߊ߬ }[ ߡߎ߬ߛߏ ߟߎ߬ ߝߐߘߊ ߟ:߆߅]

ߞߋߟߊߘߋ߲ ߠߎ߬ ߟߊ߫ ߟߊߒߠߦߊ ߦߋ߫ ߣߝߊ߬ ߛߌߦߊߡߊ߲߫ ߠߋ߬ ߘߌ߫، ߏ߬ ߘߏ߫ ߟߎ߫ ߟߋ߬:

ߝߟߐߡߊ: ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߤߌߣߊ ߟߐ߲ߠߌ߲ ߣߴߊ߬ ߟߊ߫ ߖߐ߲߭ ߠߎ߬ ߟߊߕߊ߲߬ߞߊ ߘߐ߫߸ ߞߋߟߊ ߟߎ߬ ߗߋ߫ ߘߊ߫ ߦߙߐ ߡߍ߲ ߊ߬ߟߎ߫ ߡߊ߬، ߥߟߊߛߊ߫ ߞߴߊ߬ߟߎ߫ ߓߌ߬ߟߊ߬ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߛߌߟߊ ߞߊ߲߬ ߸ ߊ߬ ߣߌ߫ ߞߵߊ߬ ߦߌ߬ߘߞߊ߬ߟߌ ߞߍ߫ ߊ߬ߟߎ߬ ߢߍ߫ ߊߟߊ߫ ߓߊ߬ߕߏ߬ߢߊ ߟߊ߫ ߸ ߓߊߏ߬ ߊߘߡߊߘߋ߲ ߤߊߞߟߌ ߓߟߏߡߊߞߊ߬ߣߍ߲ ߕߍ߫ ߏ߬ ߟߐ߲ߠߌ߲ߦߊ ߡߊ߬

ߝߌߟߊߣߊ߲ : ߊߟߊ߫ ߞߘߐߕߊ߬ߣߍ߲߬ߓߊ ߞߎߟߎ߲ߖߋ߫ ߢߌ߲߬ ߦߌߟߌ߲ߓߊ ߟߊ.

ߛߓߊߣߊ߲ : ߞߊ߬ ߞߋߟߊ ߟߎ߫ ߞߊ߬ߣߌ߲߬ -ߞߛߌ ߣߌ߫ ߣߍߡߊ ߦߴߊ߬ߟߎ߫ ߢߍ߫ - ߞߵߊ߬ߟߎ߬ ߓߏ߲߬ߧߊ߬߸ ߊ߬ ߣߌ߫ ߞߵߊ߬ߟߎ߬ ߕߊ߲߬ߘߏ߫ ߢߊ߫ ߡߊ߬ ߡߍ߲ ߞߊ߫ ߞߊ߲߫ ߊ߬ߟߎ߬ ߦߋ߫،  ߓߊߏ߬ ߊ߬ߟߎ߬ ߦߋ߫ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߞߋߟߊ ߟߎ߫ ߟߋ߬ ߘߌ߫، ߊ߬ ߣߌ߫ ߓߊߏ߬ ߊ߬ߟߎ߫ ߞߵߊ߬ ߓߊ߬ߕߏ߬߸ ߞߵߊ߬ ߟߊ߫ ߗߋߞߊ߲ ߟߊߛߋ߫ ߸ ߊ߬ ߣߌ߫ ߞߵߊ߬ ߟߊ߫ ߖߐ߲߭ ߠߎ߬ ߟߊߟߌ߫

ߡߌ߬ߙߌ߲߬ߘߌ߫ ߞߎ߲ߜߍߟߍ߲ ߠߎ߬ ߞߵߊ߬ߟߎ߬ ߟߊ߫ ߞߋߟߊ ߡߊߛߐ߬ߛߐ߬߸ ߞߵߊ߬ ߝߐ߫ ߞߏ߫ ߊߟߊ߫ ߣߌ߬ߣߌ߬ߟߊ ߟߊ߫ ߞߋߟߊ ߕߍ߫ ߡߐ߱ ߘߌ߫ ! ߊ߬ ߞߵߏ߬ ߓߍ߬ߓߊ߬ߟߌ߬ߦߊ߫ ߦߌ߬ߘߊ߬ ߊ߬ ߞߎߡߊߞߊ߲ ߘߐ߫ ߛߊߣߌߢߊ ߦߴߊ߬ ߢߍ߫ :ߦߋ

﴿وَمَا مَنَعَ ٱلنَّاسَ أَن يُؤۡمِنُوٓاْ إِذۡ جَآءَهُمُ ٱلۡهُدَىٰٓ إِلَّآ أَن قَالُوٓاْ أَبَعَثَ ٱللَّهُ بَشَرٗا رَّسُولٗا94 قُل لَّوۡ كَانَ فِي ٱلۡأَرۡضِ مَلَٰٓئِكَةٞ يَمۡشُونَ مُطۡمَئِنِّينَ لَنَزَّلۡنَا عَلَيۡهِم مِّنَ ٱلسَّمَآءِ مَلَكٗا رَّسُولٗا 95﴾

{ ߞߊ߲ߘߦߊ ߣߊ߭ ߡߍ߲ ߞߍߣߍ߲߫ ߡߐ߱ ߟߎ߫ ߡߊ߬ ߸ ߝߏߦߌ߬ ߡߴߊ߬ߟߎ߫ ߞߎ߬ߡߊ߲߬ߘߌ߫ ߟߊ ߡߵߊ߬ ߟߊ߫ ߝߏ߫ ߊ߬ߟߎ߫ ߞߵߊ߬ ߝߐ߫ ߡߍ߲ߞߍ߭ ߞߏ߫ ߊߟߊ߫ ߣߊ߬ ߡߐ߱ ߟߋ߬ ߟߊߥߟߌ߬ ߟߊ߫ ߞߋߟߊ ߘߌ߫ ߓߊ߬؟ ߷ߊ߬ ߝߐ߫ ߞߏ߫ ߤߊߟߌ߬ ߞߋ߲ߛߐ߲ ߘߏ߫ ߟߎ߫ ߡߊߞߍߣߍ߲߫ ߕߎ߲߬ ߓߊ߯ ߞߍ߫ ߘߎ߱ ߞߊ߲߬ ߊ߬ߟߎ߬ ߦߴߊ߬ߟߎ߬ ߕߊ߯ߡߊ߫ ߟߊ߫߸ ߊ߬ߟߎ߬ ߡߝߊߣߍ߲߫، ߊ߲ ߕߘߍ߬ ߘߌ߫ ߞߋ߲ߛߐ߲ ߘߏ߫ ߟߊߖߌ߰ ߊ߬ߟߎ߫ ߡߊ߬ ߞߋߟߊ ߘߌ߫ ߞߊ߬ ߓߐ߫ ߛߊ߲ ߡߊ߬ }[ ߛߎߘߐߛߣߍߡߊ ߝߐߘߊ ߟ: ߉߄-߉߅]

ߊߟߊ߫ ߞߘߐߕߊ߬ߣߍ߲߬ߓߊ ߞߊ߬ ߝߐߟߌ ߣߌ߲߬ ߓߊ߲߫ ߞߏ߫ ߞߋߟߊ ߞߊ߫ ߞߊ߲߫ ߞߊ߬ ߞߍ߫ ߡߐ߱ ߟߋ߬ ߘߌ߫߸ ߓߊߏ߬ ߊ߬ ߗߋ߫ ߘߊ߫ ߘߎ߱ ߡߐ߱ ߟߎ߫ ߟߋ߬ ߡߊ߬߸ ߏ߬ ߡߍ߲ ߠߎ߬ ߦߋ߫ ߡߐ߱ ߟߎ߬ ߘߌ߫߸ߣߌ߫ ߘߎ߱ ߡߐ߱ ߟߎ߬ ߕߎ߲߬ ߦߋ߫ ߞߋ߲ߛߐ߲ ߠߎ߬ ߘߌ߫߸ ߊߟߊ߫ ߕߎ߲߬ ߘߌ߫ ߞߋ߲ߛߐ߲߫ ߞߋߟߊ ߘߏ߫ ߟߊߖߌ߰ ߊ߬ߟߎ߬ ߡߊ߬ ߞߊ߬ ߓߐ߫ ߛߊ߲ ߘߐ߫ ߸ ߏ߬ ߦߋ߫ ߞߵߊ߬ߟߎ߬ ߢߐ߲߰ ߘߌ߫ ߸ ߊ߰ ߏ߬ ߢߊ ߟߋ߫ ߞߊ߲߬߸ ߊߟߊ߫ ߞߘߐߕߊ߬ߣߍ߲߬ߓߊ ߞߊ߬ ߞߏߝߐߟߌ ߞߍ߫ ߡߐ߱ ߟߎ߬ ߟߊ߫ ߡߍ߲ ߠߎ߬ ߦߋ߫ ߞߋߟߊ ߟߎ߬ ߡߊߛߐ߬ߛߐ߬ ߟߊ߫ ߊ߬ߟߎ߬ ߦߴߊ߬ ߝߐߟߊ߫ :

﴿...إِنۡ أَنتُمۡ إِلَّا بَشَرٞ مِّثۡلُنَا تُرِيدُونَ أَن تَصُدُّونَا عَمَّا كَانَ يَعۡبُدُ ءَابَآؤُنَا فَأۡتُونَا بِسُلۡطَٰنٖ مُّبِينٖ 10 قَالَتۡ لَهُمۡ رُسُلُهُمۡ إِن نَّحۡنُ إِلَّا بَشَرٞ مِّثۡلُكُمۡ وَلَٰكِنَّ ٱللَّهَ يَمُنُّ عَلَىٰ مَن يَشَآءُ مِنۡ عِبَادِهِۦۖ وَمَا كَانَ لَنَآ أَن نَّأۡتِيَكُم بِسُلۡطَٰنٍ إِلَّا بِإِذۡنِ ٱللَّهِ...﴾

{ ߟߎ߬ ߞߊ߲߫ ߞߏ߫ ߊߟߎ ߕߍ߫ ߝߏߦߌ߬ ߘߌ߫ ߝߏ߫ ߒ߬ߠߎ߫ ߢߐ߲߰ ߡߐ߰، ߊߟߎ߫ ߦߴߊ߬ ߝߍ߬ ߟߋ߬ ߘߐߙߐ߲߫ ߞߵߊ߲ ߞߎ߲߬ߠߊߛߊ߬ߦߌ߲߬ ߝߋ߲߫ ߠߎ߫ ߡߊ߬ ߊ߲ ߝߊ߬ ߟߎ߫ ߕߘߍ߬ ߡߍ߲ ߠߎ߫ ߓߊ߬ߕߏ߬ ߟߊ߫، ߒ߬ߓߵߊߟߎ߫ ߣߵߊ߲ ߡߊ߬ ߦߌ߬ߘߊ߬ߞߏ߬ ߘߐ߬ߜߍ߫ ߘߌ߫ ߥߍ߫ ߷ ߊ߬ߟߎ߬ ߟߊ߫ ߞߋߟߊ ߟߎ߬ ߞߊ߲߫ ߊ߬ߟߎ߬ ߦߋ߫ ߞߏ߫ ߒ߬ߠߎ߬ ߕߍ߫ ߝߏߦߌ߬ ߘߌ߫ ߞߍ߬ ߝߏ߫ ߊߟߎ߫ ߢߐ߲߰ ߡߐ߰، ߞߏ߬ߣߌ߲߬ ߊߟߊ߫ ߦߋ߫ ߢߊ߬ ߟߊ߫ ߡߐ߰ ߟߋ߬ ߟߊ߫ ߡߍ߲ ߓߊ߯ ߊ߬ ߘߌߦߴߊ߬ ߟߊ߫ ߖߐ߲߭ ߠߎ߬ ߘߐ߫، ߛߋ߫ ߕߍ߫ ߒ߬ߠߎ߬ ߦߋ߫ ߞߊ߬ ߣߵߊߟߎ߫ ߡߊ߬ ߛߋߓߊ߯ߦߊ߫ ߘߌ߫ ߸ ߝߴߏ߬ ߦߋ߫ ߞߍ߫ ߊߟߊ߫ ߟߊ߫ ߘߌ߬ߢߍ ߟߊ߫}[ ߌߓߎ߬ߙߊ߬ߤߌߡߊ߫ ߝߐߘߊ ߟ:߁߀-߁߁]

*

ߟߌ߬ߡߣߊ߬ߦߊ ߟߏ߲߫ ߠߊߓߊ߲ ߡߊ߬

ߟߏ߲߫ ߠߊߓߊ߲ : ߟߐ߬ߓߊ ߟߏ߲ ߠߊ߫ ߡߐ߱ ߟߎ߬ ߦߋ߫ ߟߊߥߟߌ߬ ߟߊ߫ ߖߊ߬ߕߋ߬ߓߐ ߣߌ߫ ߛߙߊ߬ ߞߊߡߊ߬ ߏ߬ ߟߋ ߘߐ߫.

ߊ߬ ߕߐ߯ߟߊ߫ ߘߊ߫ ߟߋ߬ ߏ߬ ߟߊ߫ : ߓߊߏ߬ ߥߊ߯ߕߌ ߕߍ߫ ߏ߬ ߞߐߝߍ߬߸ ߡߍ߲ߘߌߦߊ߫ ߡߐ߱ ߟߎ߬ ߦߋ߫ ߡߊߞߍ߫ ߟߊ߫ ߦߋ߲߬ ߊ߬ߟߎ߬ ߟߊ߫ ߟߎ ߟߎ߬ ߘߐ߫ ߸ ߊ߬ ߣߌ߫ ߥߋ߲߯ߓߋ ߡߐ߮ ߟߎ߬ ߦߴߊ߬ߟߎ߬ ߟߊ߫ ߟߎ ߟߎ߬ ߘߐ߫.

ߞߊ߬ ߘߍ߬ߞߣߍ߬ߦߊ߬ ߟߏ߲߫ ߠߊߓߊ߲ ߡߊ߬ ߏ߬ ߦߋ߫ ߞߏ ߞߏ ߛߓߊ߬ ߟߋ߬ ߘߌ߫ :

ߝߟߐߡߊ : ߞߊ߬ ߘߍ߬ߞߣߍ߬ߦߊ߬ ߥߟߌ߫ ߡߊ߬ : ߏ߬ߞߍ߫ ߦߋ߫ ߛߎ߭ ߟߎ߬ ߟߊߞߎߣߎ߲߫ ߠߋ߬ ߘߌ߫ ߓߘߎ ߝߍ߯ ߝߌߟߊߣߊ߲ ߘߐ߫ ߸ ߡߐ߱ ߟߎ߬ ߦߋ߫ ߟߐ߬ ߟߊ߫ ߖߊ߯ߓߊ ߟߎ߬ ߕߌ߭ ߢߊߞߘߐ߫ ߛߋ߲߬ߘߐ߬ ߞߏߟߏ߲ ߠߎ߬ ߣߌ߫ ߛߡߘߊߒߕߊ߲ ߸ ߊ߬ߟߎ߬ ߡߊߞߏߟߏ߲ ߠߋ߬ ߊ߬ߟߎ߬ ߥߣߊߙߌ߬ߣߍ߲ ߕߍ߫ ߸ ߊ߬ߟߎ߬ ߥߖߊ߬ߡߊ ߦߋ߫ ߸ ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ ߞߏ߫:

﴿...كَمَا بَدَأۡنَآ أَوَّلَ خَلۡقٖ نُّعِيدُهُۥۚ وَعۡدًا عَلَيۡنَآۚ إِنَّا كُنَّا فَٰعِلِينَ﴾

{ ߒ߬ ߞߊ߬ ߘߊߟߌ߫ ߝߟߐ ߖߎ߬ߕߍ߰ ߢߊ ߡߍ߲ ߞߊ߲߬ ߖߐ߫ ߒ߬ ߧߴߊ߬ ߡߊߛߊ߬ߦߌ߬ ߟߊ߫ ߕߋ߲߬ ߠߋ߬، ߏ߬ ߦߋ߫ ߛߘߊߡߊߒߞߊ߲߫ ߠߋ߬ ߘߌ߫ ߒ߬ ߖߍ߬ߘߍ ߡߊ߬ ߸ ߒ߬ ߘߏ߲߬ ߘߴߊ߬ ߞߍ߫ ߟߋ߬ ߘߍ߯}[ ߟߊ߬ߝߐ߬ߓߊ߮ ߟߎ߬ ߝߐߘߊ ߟ:߁߀߄]

ߥߟߌ : ߦߋ߫ ߕߎ߬ߢߊ ߛߓߊ߬ߕߌ߬ߣߍ߲ ߠߋ߬ ߘߌ߫ ߸ ߞߊ߬ߝߊ ߣߌ߫ ߛߙߊ߬ߣߎ߲ ߞߵߏ߬ ߦߌ߬ߘߊ߬ ߸ ߊ߬ ߣߌ߫ ߛߌ߬ߟߊ߬ߡߊ ߟߎ߫ ߟߊ߫ ߓߍ߲߬ߡߊ߬ߞߊ߲.

ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ :{ ߣߌ߲߬ ߠߋ߬ ߓߍ߯ ߞߐ߫ ߊߟߎ߫ ߛߊ߬ߕߐ߫ ߟߋ߬߷ ߣߌ߲߬ ߠߋ߬ ߓߍ߯ ߞߐ߫ ߝߣߊ߫ ߊߟߎ߫ ߟߊߥߟߌ߬ߕߐ߫ ߟߋ߫ ߟߐ߬ߓߊ ߟߏ߲ }[ ߘߍ߲߬ߞߣߍ߬ߦߊ߬ߓߊ߮ ߟߎ߬ ߝߐߘߊ ߟ: ߁߅-߁߆]

ߟߊ߬ߝߐ߬ߓߊ߮ ߞߛߌ ߣߌ߫ ߣߍߡߊ ߦߴߊ߬ ߢߍ߫ ߞߊ߲߫ ߞߏ߫: <<ߡߐ߱ ߟߎ߬ ߘߌ߫ ߟߊߘߍ߬ ߟߐ߬ߓߊ ߟߏ߲ ߘߐ߫ ߊ߬ߟߎ߬ ߛߋ߲߬ߘߐ߬ߞߏߟߏ߲ ߠߎ߬ ߣߴߊ߬ߟߎ߬ ߡߊߞߏߟߏ߲ ߠߎ߬ ߣߴߊ߬ߟߎ߬ ߥߖߊ߬ߡߊ ߟߎ߬>> ߓߍ߲߬ ߞߍߣߍ߲߫ ߏ߬ ߡߊ߬

ߛߌ߬ߟߡߊ ߟߎ߬ ߓߍ߯ ߓߍ߲߬ߣߍ߲߫ ߏ߬ ߟߊ߫ ߛߓߊ߬ߕߌ߫ ߡߊ߬ ߸ ߏ߬ ߦߋ߫ ߥߘߋ߬ߥߘߋ߬ߟߌ ߢߌߣߌ߲ߞߏ ߟߋ߬ ߘߌ߫ ߸ߓߊ߫ ߏ߬ ߢߌߣߌ߲ߣߍ߲߫ ߊߟߊ߫ ߞߘߐߕߊ߬ߣߍ߲߬ߓߊ ߟߋ߬ ߦߋ߫ ߞߊ߬ ߘߊ߲ߠߌ߲ ߣߌ߲߬ ߞߍ߫ ߖߋ߬ߕߌ߮ ߘߌ߫߸ ߊ߬ ߘߴߊ߬ߟߎ߫ ߛߊ߬ߙߊ ߞߍ߫ ߊ߬ ߟߊ߫ ߝߋ߲߫ ߡߊ߬ ߊ߬ ߣߊ߬ ߡߍ߲ ߛߓߍ߫ ߟߴߊ߬ߟߎ߬ ߦߋ߫ ߊ߬ ߣߴߊ߬ ߟߊ߫ ߞߋߟߊ ߟߎ߬ ߗߋ߫ ߟߊ߫ ߡߍ߲ ߡߊ߬، ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ :

﴿أَفَحَسِبۡتُمۡ أَنَّمَا خَلَقۡنَٰكُمۡ عَبَثٗا وَأَنَّكُمۡ إِلَيۡنَا لَا تُرۡجَعُونَ 115﴾

{ ߊߟߎ߫ ߦߴߊ߬ ߖߊ߬ߕߋ߬ ߟߊ߫ ߟߋ߬ ߞߏ߫ ߊ߲ ߣߵߊߟߎ߫ ߘߊ߲߫ ߠߊ߫ ߟߋ߬ ߜߊ߲ߛߊ߲߫ ߓߊ߬؟ ߊ߬ ߣߌ߫ ߞߏ߫ ߊߟߎ߫ ߕߍߣߊ߬ ߟߊߛߊ߬ߦߌ߬ ߟߊ߫ ߒ߬ߠߎ߫ ߡߊ߬؟}[ ߘߍ߲߬ߞߣߍ߬ߦߊ߬ߓߊ߮ ߟߎ߬ ߝߐߘߊ ߟ: ߁߁߅] ߊ߬ ߞߵߊ߬ ߝߐ߫ ߊ߬ ߟߊ߫ ߟߊ߬ߝߐ߬ߓߊ߮ ߦߋ߫ ߞߛߌ ߣߌ߫ ߣߍߡߊ ߦߴߊ߬ ߦߋ߫ ߞߏ߫:

﴿إِنَّ ٱلَّذِي فَرَضَ عَلَيۡكَ ٱلۡقُرۡءَانَ لَرَآدُّكَ إِلَىٰ مَعَادٖ...﴾

{ ߛߋ߲ߛߋߘߋ߲ ߘߴߌ ߡߊ߬ ߸ ߏ߬ ߘߴߌ ߟߊߛߊ߬ߦߌ߬ ߌ ߓߐ߫ ߦߙߐ ߡߊ߬ ߟߋ߬ ߘߍ߯}[ ߘߊ߲߬ߕߍ߰ߟߌ ߝߐߘߊ ߟ: ߈߅]

ߝߌߟߊߣߊ߲ : ߞߊ߬ ߘߍ߬ߞߣߍ߬ߦߊ߬ ߖߊ߬ߕߋ߬ߓߐ߬ߟߌ ߣߌ߫ ߛߊ߬ߙߊ߬ߞߏ ߡߊ߬ : ߖߐ߲߭ ߘߌ߫ ߖߊ߬ߕߋ߬ߓߐ߬ ߊ߬ ߟߊ߫ ߓߊ߯ߙߊ ߟߊ߬ ߸ ߞߵߊ߬ ߛߙߵߊ߬ ߟߊ߫ ߸ ߟߍߙߊ ߣߌ߫ ߛߙߊ߬ߣߎ߲ ߣߌ߫ ߓߍ߲߬ߢߐ߲߰ߡߊ߬ߟߌ ߞߵߏ߬ ߦߌ߬ߘߊ߬.

ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ :{ ߊ߬ߟߎ߫ ߛߊ߬ߦߌ߬ߕߐ߫ ߒ߬ߠߎ߫ ߟߋ߫ ߡߊ߬ ߗߐ߫ ߷ߞߐ߫ ߸ ߊ߬ߟߎ߬ ߟߊ߫ ߖߊ߬ߕߋ߬ߓߐ ߦߋ߫ ߒ߬ߠߎ߫ ߟߋ߫ ߡߊ߬ }[ ߞߎ߲߬ߠߊ߬ߓߌߘߌ߲߬ߟߊ߲ ߝߐߘߊ ߟ: ߂߅-߂߆]

﴿مَن جَآءَ بِٱلۡحَسَنَةِ فَلَهُۥ عَشۡرُ أَمۡثَالِهَاۖ وَمَن جَآءَ بِٱلسَّيِّئَةِ فَلَا يُجۡزَىٰٓ إِلَّا مِثۡلَهَا وَهُمۡ لَا يُظۡلَمُونَ 160﴾

﴿وَنَضَعُ ٱلۡمَوَٰزِينَ ٱلۡقِسۡطَ لِيَوۡمِ ٱلۡقِيَٰمَةِ فَلَا تُظۡلَمُ نَفۡسٞ شَيۡـٔٗاۖ وَإِن كَانَ مِثۡقَالَ حَبَّةٖ مِّنۡ خَرۡدَلٍ أَتَيۡنَا بِهَاۗ وَكَفَىٰ بِنَا حَٰسِبِينَ 47﴾

ߞߘߐߕߊ߬ߣߍ߲߬ߓߊ ߞߊ߲߫ ߌߞߐ߫ :{ ߣߌ߫ ߡߍ߲ ߣߊ߬ ߘߊ߫ ߢߌ߬ߡߊ߬ ߞߋߟߋ߲߫ ߘߌ߫ ߸ ߏ ߢߐ߲߰ ߕߊ߲߫ ߘߌ߫ ߘߴߏ ߡߊ߬، ߣߌ߫ ߡߍ߲ ߣߊ߬ ߘߊ߫ ߖߎ߯ߡߊ߲߫ ߞߋߟߋ߲߫ ߘߌ߫ ߸ ߏ߬ ߕߍ߫ ߛߙߊ߬ ߟߊ߫ ߘߏ߫ ߜߘߌ߫ ߟߊ߫ ߏ߬ ߢߐ߲߰ ߞߋߟߋ߲ ߞߐ߫ ߸ ߊ߬ߟߎ߫ ߘߏ߲߬ ߕߍ߫ ߕߐ߬ߢߍ߰ ߟߊ߫}[ ߞߟߏߝߋ߲ ߠߎ߬ ߝߐߘߊ ߟ:߁߆߀]

ߞߘߐߕߊ߬ߣߍ߲߬ߓߊ ߞߊ߲߫ ߕߎ߲߯ߣߌ߲߫ :{ ߘߌߣߊ߬ ߡߊ߲߬ߕߊ߰ ߕߋߟߋ߲ߣߍ߲ ߠߎ߫ ߛߌ߰ ߟߐ߬ߓߊ ߟߏ߲ ߘߐ߫ ߖߐ߫ ߸ ߣߌߡߊ߫ ߛߌ߫ ߕߍ߫ ߕߐ߬ߢߍ߰ ߝߏߦߌ߬ ߟߊ߫، ߤߊߟߵߊ߬ ߞߍ߫ ߘߊ߫ ߦߊߦߊߟߋ߲߫ ߞߌߛߍ߫ ߞߋߟߋ߲߫ ߖߌߘߊ߲ ߠߋ߬ ߘߌ߫ ߊ߲ ߘߌ߫ ߣߵߏ߬ ߘߌ߫، ߊ߲ ߞߊ߬ ߥߛߊ߬ ߞߍ߫ ߖߊ߬ߕߋ߬ߓߐ߬ߓߊ߰ߞߏ ߘߐ߫ ߟߋ߫ ߘߋ߬ }[ ߟߊ߬ߝߐ߬ߓߊ߮ ߟߎ߬ ߝߐߘߊ ߟ:߄߇]

ߞߵߊ߬ ߡߌ߬ߘߊ߬ ߎߡߊߙߎ߫ ߘߋ߲ߞߍ߫ ߡߊ߬ ߊߟߡߊ߫ ߘߌ߬ߢߍ߬ ߞߍ߫ ߘߴߊ߬ߟߎ߬ ߡߊ߬ ߸ ߟߊ߬ߝߐ߬ߓߊ߮ ߞߊ߲߫ ߞߛߌ ߣߌ߫ ߣߍߡߊ ߦߴߊ߬ ߢߍ߫ ߞߏ߫ :<<ߊߟߊ߫ ߦߋ߫ ߟߊߒߠߦߊߓߊ߮ ߡߊߛߎ߬ߘߎ߲߬ߧߊ߬ ߟߴߊ߬ ߟߊ߫߸ ߞߵߊ߬ ߟߊ߫ ߝߌ߬ߙߌ߲ߞߐ߲߬ߞߐ߲ - ߏ߬ ߞߘߐ ߟߋ߬ ߞߏ߫  ߞߵߊ߬ ߛߎ߬ߕߎߙߊ߫ - ߊ߬ ߘߴߊ߬ ߛߎ߬ߕߎߙߊ߫ : ߊ߬ ߘߴߊ߬ ߝߐ߫ : ߦߊ߯ߟߊ߫ ߌ ߞߴߌ ߟߊ߫ ߖߎ߯ߡߊ߲ ߡߍ߲߬ ߟߐ߲߫ ؟ ߦߊ߯ߟߊ߫ ߌ ߞߴߌ ߟߊ߫ ߖߎ߯ߡߊ߲߫ ߞߍߣߍ߲߫ ߡߍ߲ ߟߐ߲߫ ؟ ߊ߬ ߘߴߊ߬ ߝߐ߫ ߞߏ߫ ߊ߬ߥߐ߫ ߒ ߕߌ߱ ߸ ߊ߬ ߞߊ߲߫ ߞߏ߫ : ߒ ߞߴߌ ߏ߬ ߘߐ߫ ߘߎߢߊ߫ ߘߐ߫ ߸ ߒߠߋ ߟߋ߬ ߝߣߊ߫ ߓߘߊ߫ ߌ ߡߊߞߕߏ߫ ߓߌ߬ ߸

ߊ߬ ߟߊ߫ ߓߊ߯ߙߊ߫ ߢߌ߬ߡߊ ߟߎ߬ ߟߍߙߊ ߘߌ߫ ߘߴߊ߬ ߡߊ߬߸ ߓߊ߲߬ߓߊ߮ ߟߎ߬ ߣߌ߫ ߝߌ߬ߟߊ߲߬ߞߊߝߏ ߟߎ߬ ߕߊ ߘߐ߫ ߸ ߊ߬ ߘߴߏ߬ ߟߎ߬ ߞߟߌ߫ ߘߊ߲ߝߋ߲ ߠߎ߬ ߞߎ߲߭ ߠߎ߫ ߛߊ߲ߘߐ߫߸ ߏ߬ ߟߎ߫ ߟߋ߬ ߞߊ߬ ߥߎߦߊ߫ ߝߐ߫ ߊ߬ߟߎ߫ ߡߊ߰ߙߌ ߞߊ߲߬، ߊߟߊ߫ ߟߊ߫ ߘߊ߲ߞߊ ߦߋ߫ ߕߐ߬ߢߍ߰ߒߕߋ ߟߎ߫ ߞߊ߲߬ ߘߋ߬>> ߓߍ߲߬ߣߍ߲߫ ߞߍ߫ ߣߴ ߏ߬ ߡߊ߬.

ߊ߬ ߛߓߊ߬ߕߌ߬ ߘߊ߫ ߟߊ߬ߝߐ߬ߓߊ߮ ߡߊ߬ ߞߛߌ ߣߌ߫ ߣߍߡߊ ߦߴߊ߬ ߦߋ߫ ߞߏ߫ :<<ߡߍ߲ ߦߴߊ߬ ߝߍ߬ ߞߊ߬ ߓߊ߯ߙߊ߫ ߢߌߡߊ߫ ߞߍ߫߸ ߞߵߊ߬ ߞߍ߫߸ ߊߟߊ߫ ߦߴߊ߬ ߛߓߍ߫ ߟߴߊ߬ ߦߋ߫ ߞߏ߫ ߢߌߡߊ߫ ߕߊ߲߫ ߠߋ߬ ߘߌ߫߸ ߝߏ߫ ߛߋ߲߬ߢߊ߬ ߗߍ߬ߡߍ߫ ߥߐߙߐ߲ߥߌ߬ߟߊ߬߸ ߝߏ߫ ߛߋ߲߬ߢߊ߬ ߛߌߦߊߡߊ߲߫، ߊ߬ ߣߌ߫ ߞߏ߫ ߡߐ߰ ߛߌ߫ ߓߊ߯ ߓߊ߯ߙߊ߫ ߖߎ߮ ߥߏ߬ߣߌ߲߬ߞߋ߫ ߞߵߊ߬ ߞߍ߫߸ ߊߟߊ߫ ߘߌ߫ ߖߎ߯ߡߊ߲߫ ߞߋߟߋ߲ ߛߓߍ߫ ߊ߬ ߢߍ߫ >>

ߛߌ߬ߟߊ߬ߡߊ ߟߎ߬ ߓߍ߲߬ߣߍ߲߫ ߖߊ߬ߕߋ߬ߓߐ ߣߌ߫ ߞߐ߲ߘߐ߲ ߡߊ߬ ߞߍߥߊߟߋ ߟߎ߬ ߘߐ߫ ߸ ߏ߬ ߡߍ߲ ߢߌߣߌ߲ߣߍ߲߫ ߥߘߋ߬ߥߘߋ߬ߟߌ ߡߊ߬. ߊߟߊ߫ ߞߘߐߕߊ߬ߣߍ߲߬ߓߊ ߞߊ߬ ߟߍߙߊ ߟߎ߬ ߟߊߖߌ߰߸ ߞߊ߬ ߞߋߟߊߘߋ߲ ߠߎ߬ ߗߋ߫߸ ߞߊ߬ ߝߋ߲ ߠߎ߬ ߟߊߡߌ߬ߘߊ ߘߌߦߊߜߏߦߊ߫ ߊ߬ ߟߊ߫ ߖߐ߲߭ ߠߎ߫ ߊ߬ߟߎ߬ ߣߊ߬ ߘߊ߫ ߡߍ߲ ߠߎ߬ ߘߌ߫ ߸ ߊ߬ ߣߌ߫ ߞߊ߬ ߓߊ߯ߙߊ ߞߍ߫ ߕߊ ߟߎ߬ ߞߍ߫ ߸ߊ߬ ߣߊ߬ ߊ߬ ߞߟߍ߬ߓߊ߮ ߟߎ߬ ߞߟߍ߬ ߞߍ߫ ߟߊ߫ ߕߋ߲߬ ߠߋ߬، ߊ߬ ߣߴߊ߬ߟߎ߫ ߖߋ߬ߟߌ ߣߴߊ߬ߟߎ߬ ߓߐ߲ߛߐ߲ ߣߴߊ߬ߟߎ߬ ߡߏ߬ߛߏ ߟߎ߬ ߣߴߊ߬ߟߎ߬ ߟߊ߫ ߣߊ߲߬ߝߟߏ ߟߎ߬ ߟߊߘߌ߬ߢߍ߬ ߘߊ߫. ߣߌ߫ ߖߊ߬ߕߋ߬ߓߐ߬ߟߌ ߣߌ߫ ߞߐ߲ߘߐ߲ ߕߎ߲߬ ߕߍ߫ ߏ߬ ߘߐ߫߸ ߡߊ߰ߙߌ ߥߘߋ߬ߥߘߋ߬ߟߌ߬ߟߊ ߞߵߊ߲ ߟߊߕߊ߲߬ߞߊ߫ ߡߍ߲ ߡߊ߬߸ ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ ߦߌ߬ߘߊ߬ ߞߏ߫:

﴿فَلَنَسۡـَٔلَنَّ ٱلَّذِينَ أُرۡسِلَ إِلَيۡهِمۡ وَلَنَسۡـَٔلَنَّ ٱلۡمُرۡسَلِينَ 6 فَلَنَقُصَّنَّ عَلَيۡهِم بِعِلۡمٖۖ وَمَا كُنَّا غَآئِبِينَ 7﴾

{ ߞߋߟߊ ߟߐ߬ߣߍ߲߫ ߡߍ߲ ߠߎ߫ ߡߊ߬ ߊ߲ ߘߌߣߵߏ߬ ߟߎ߬ ߘߐߢߌ߬ߣߌ߲߬ߞߊ߫ ߟߋ߬ ߕߘߋ߫ ߸ ߊ߬ ߣߴߊ߲ ߘߌߣߊ߬ ߞߋߟߊ ߟߎ߫ ߖߍ߬ߘߍ ߝߣߊ߫ ߘߐߢߌ߲߬ߣߌ߲߬ߞߊ߬ ߕߎ߲߯ ߷ ߊ߲ ߘߏ߲߬ ߘߌߣߊ߬ ߓߍ߯ ߕߊ߫ ߞߍߕߊ߫ ߘߊ߲߬ߕߍ߰ ߊ߬ ߦߋ߫ ߟߐ߲ߠߌ߲ ߠߊ߫، ߓߊߏ߬ ߒ߬ ߕߘߍ߬ ߕߍ߫ ߞߐߓߊ߯ ߘߌ߫ ( ߊ߬ߟߎ߬ ߢߊߞߕߐߡߊ߫ ) }[ ߕߓߊߞߘߐߣߍ߲߫ ߝߐߘߊ ߟ: ߆-߇]

ߛߓߊߣߊ߲ : ߞߊ߬ ߘߍ߬ߞߣߍ߬ߦߊ߬ ߡߍ߲ߘߌߦߊ߫ ߣߊߞߐ ߣߌ߫ ߥߋ߲߯ߓߋ ߡߊ߬ ߸ ߝߣߊ߫ ߏ߬ ߝߌ߬ߟߊ ߦߋ߫ ߟߊ߬ߞߎ߬ߘߦߊ߬ߟߌ߫ ߞߎߘߊߦߌ ߟߋ߬ ߘߌ߫ ߘߊ߲ߝߋ߲ ߠߎ߬ ߢߍ߫.

ߊ߬ߙߌ߬ߖߣߍ߬ ߦߋ߫ ߣߍߡߊ ߛߏ ߟߋ߬ ߘߌ߫ ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ ߘߐߓߍ߲߬ ߟߊߒߠߦߊߓߊ߮ ߊߟߊ߫ ߢߍߛߌߟߊ߲ߢߍ ߓߊ ߟߎ߬ ߦߋ߫ ߸ ߡߍ߲ ߠߎ߬ ߘߍ߲߬ߞߣߍ߬ߦߊ߬ߣߍ߲߫ ߝߋ߲ ߠߎ߬ ߡߊ߬ ߊߟߊ߫ ߞߊ߬ ߡߍ߲߫ ߠߎ߬ ߘߌߦߊߜߏߦߊ߫ ߊ߬ߟߎ߫ ߡߊ߬ ߸ߊ߬ߟߎ߫ ߞߊ߬ ߊߟߊ߫ ߣߴߊ߬ ߟߊ߫ ߞߋߟߊ ߞߊ߲ ߡߌ߬ߘߊ߬߸ ߞߊ߬  ߘߍ߬ߞߣߍ߬ߦߊ߬ ߞߙߍߞߙߍߣߍ߲ ߊߟߊ߫ ߡߊ߬߸ ߊ߬ ߣߌ߫ ߞߵߊ߬ ߟߊ߫ ߞߋߟߊ ߟߊߓߊ߬ߕߏ߬، ߣߍߡߊ ߛߎ߯ߦߊ߫ ߓߐߣߍ߲ߢߐ߲߰ߡߊ ߟߎ߫ ߦߋ߫ ߡߍ߲ ߘߐ߫ << ߢߊ߫ ߛߌ߫ ߡߊ߫ ߦߋߟߌ ߞߍ߫߸ ߕߟߏ ߛߌ߫ ߡߊ߫ ߡߍ߲߫߸ ߡߐ߱ ߛߣߐ߬ߡߍ߬ ߛߌ߫ ߡߊ߫ ߘߏ߲߬ ߊ߬ ߟߊ߫>> ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ :

﴿إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ أُوْلَٰٓئِكَ هُمۡ خَيۡرُ ٱلۡبَرِيَّةِ 7 جَزَآؤُهُمۡ عِندَ رَبِّهِمۡ جَنَّٰتُ عَدۡنٖ تَجۡرِي مِن تَحۡتِهَا ٱلۡأَنۡهَٰرُ خَٰلِدِينَ فِيهَآ أَبَدٗاۖ رَّضِيَ ٱللَّهُ عَنۡهُمۡ وَرَضُواْ عَنۡهُۚ ذَٰلِكَ لِمَنۡ خَشِيَ رَبَّهُۥ 8﴾

﴿فَلَا تَعۡلَمُ نَفۡسٞ مَّآ أُخۡفِيَ لَهُم مِّن قُرَّةِ أَعۡيُنٖ جَزَآءَۢ بِمَا كَانُواْ يَعۡمَلُونَ 17﴾

{ ߒ߬ߓߊ߬ ߡߍ߲ ߠߎ߬ ߞߍߣߍ߲߫ ߟߊߒߠߦߊߓߊ߮ ߘߌ߫ ߞߊ߬ ߢߌ߬ߡߊ ߟߎ߬ ߞߍ߫ ߛߊ߫ ߸ ߏ߬ ߟߎ߫ ߟߋ߬ ߘߊ߲ߝߋ߲ ߠߎ߬ ߘߐ߫ ߢߌ߬ߡߊ ߟߎ߬ ߘߌ߫ ߷ ߏ߬ ߟߎ߫ ߛߊ߬ߙߊ ߦߋ߫ ߝߙߍ ߣߊߞߐ ߟߎ߫ ߟߋ߬ ߘߌ߫ ߊ߬ߟߎ߫ ߡߊ߰ߙߌ ߕߍ߬ߟߊ ߘߐ߫ ߸ ߞߐ߬ߢߊ ߟߎ߬ ߦߋ߫ ߛߟߎߟߎ߫ ߟߴߏ߬ ߟߎ߬ ߞߘߐߟߊ ߟߎ߬ ߘߐ߫ ߸ ߏ߬ ߟߎ߬ ߕߏߕߐ߫ ߏ߬ ߟߋ ߘߐ߫ ߞߘߊߎ߫ ، ߊߟߊ߫ ߓߘߊ߫ ߘߌ߬ߢߍ߫ ߏ߬ ߟߎ߫ ߡߊ߬ ߸ ߊ߬ߟߎ߬ ߝߣߊ߫ ߓߘߊ߫ ߓߊ߲߫ ߘߌ߬ߢߍ߬ ߟߊ߫ ‹ ߊߟߊ߫ › ߡߊ߬ ߸ ߒ߬ߓߊ߬ ߏ߬ ߟߎ߬ ߞߍߕߐ߫ ߡߐ߰ ߟߋ߬ ߦߋ߫ ߡߍ߲ ߓߊ߯ ߛߌߟߊ߲߫ ߊ߬ ߡߊ߰ߙߌ ߢߍ߫}[ ߔߊߞߌ ߝߐߘߊ ߟ:߇-߈]

ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ ߌߞߐ߫ :{ ߣߌߡߊ߫ ߕߍ߫ ߊ߬ ߟߐ߲߫ ߡߍ߲ ߘߏ߲߰ߣߍ߲߫ ߏ߬ ߟߎ߬ ߦߋ߫ ߢߊߛߎߡߊ ߘߐ߫ ߞߵߏ߬ ߞߴߊ߬ߟߎ߬ ߟߊ߫ ߓߊ߯ߙߊ ߛߊ߬ߙߊ ߘߌ߫ }[ ߕߌ߲ߓߌߘߌ߲ ߝߐߘߊ ߟ߁߇]

ߥߋ߲߯ߓߋ ߕߊ : ߏ߬ ߦߋ߫ ߕߙߐ߫ ߦߙߐ ߟߋ߬ ߘߌ߫߸ ߊߟߊ߫ ߞߘߐߕߊ߬ߣߍ߲߬ߓߊ ߞߊ߬ ߡߍ߲ ߘߐߓߍ߲߬ ߓߊ߲߬ߓߊ߮ ߕߐ߬ߢߍ߰ߒߕߋ ߟߎ߬ ߦߋ߫߸ ߡߍ߲ ߠߎ߬ ߓߊ߲߬ߓߊ߬ߦߊ߫ ߘߴߊ߬ ߡߊ߬ ߞߴߊ߬ ߟߊ߫ ߞߋߟߊ ߟߎ߬ ߡߊߛߐ߬ߛߐ߬ ߸ ߕߙߐߦߊ ߛߎ߯ ߓߍ߯ ߟߋ߬ ߦߋ߲߬ ߸ ߖߊ߲߰ߞߕߊ ߝߋ߲߫ ߠߎ߬ ߦߋ߫ ߦߋ߲߬ ߡߍ߲ ߕߍ߫ ߣߊ߬ ߟߊ߫ ߦߟߌ ߘߐ߫ ߸ߍߥ

﴿...وَٱتَّقُواْ ٱلنَّارَ ٱلَّتِيٓ أُعِدَّتۡ لِلۡكَٰفِرِينَ﴾

﴿وَقُلِ ٱلۡحَقُّ مِن رَّبِّكُمۡۖ فَمَن شَآءَ فَلۡيُؤۡمِن وَمَن شَآءَ فَلۡيَكۡفُرۡۚ إِنَّآ أَعۡتَدۡنَا لِلظَّٰلِمِينَ نَارًا أَحَاطَ بِهِمۡ سُرَادِقُهَاۚ وَإِن يَسۡتَغِيثُواْ يُغَاثُواْ بِمَآءٖ كَٱلۡمُهۡلِ يَشۡوِي ٱلۡوُجُوهَۚ بِئۡسَ ٱلشَّرَابُ وَسَآءَتۡ مُرۡتَفَقًا 29﴾

﴿إِنَّ ٱللَّهَ لَعَنَ ٱلۡكَٰفِرِينَ وَأَعَدَّ لَهُمۡ سَعِيرًا 64 خَٰلِدِينَ فِيهَآ أَبَدٗاۖ لَّا يَجِدُونَ وَلِيّٗا وَلَا نَصِيرٗا 65 يَوۡمَ تُقَلَّبُ وُجُوهُهُمۡ فِي ٱلنَّارِ يَقُولُونَ يَٰلَيۡتَنَآ أَطَعۡنَا ٱللَّهَ وَأَطَعۡنَا ٱلرَّسُولَا۠66﴾

ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ :{ ߊߟߎ߫ ߦߴߊߟߎ߫ ߝߊ߲ߕߊ߲߬ߞߊ߬ ߕߊ ߡߊ߬ ߡߍ߲ ߘߐߓߍ߲߬ߣߍ߲߫ ߓߊ߲߬ߓߊ߮ ߟߎ߬ ߦߋ߫}[ ߌߡߎ߬ߙߊ߲߬ ߞߐߙߍ ߝߐߘߊ ߟ:߁߃߁]

ߞߘߐߕߊ߬ߣߍ߲߬ߓߊ ߞߊ߲߫ ߌߞߐ߫ :{ ߌ ߦߴߊ߬ ߝߐ߫ ߞߏ߫ ߕߎ߬ߢߊ߫ ߟߋ߫ ߞߊ߬ ߝߘߴߊߟߎ߫ ߡߊ߰ߙߌ ߟߊ߫ ، ߏ߬ ߘߐ߫ ߊ߬ ߓߊ߯ ߡߍ߲ ߘߌߦߊ߫ ߏ߬ ߦߋ߫ ߟߴߊ߬ ߟߊ߫ ߸ ߊ߬ ߓߊ߯ ߡߍ߲ ߘߌߦߊ߫ ߏ߬ ߦߴߊ߬ ߓߊ߲߬ ߊ߬ ߘߐ߫ ، ߒ߬ߠߎ߫ ߞߏ߬ߣߌ߲ ߣߐ߬ ߦߋ߫ ߕߊ ߟߋ߬ ߘߐߓߍ߲߬ ߠߊ߫ ߕߐ߬ߢߍ߰ߒߕߋ ߟߎ߬ ߦߋ߫ ߸ ߏ߬ ߘߊ߬ߣߊ߲ ߠߎ߬ ߞߍߣߍ߲߫ ߞߵߊ߬ߟߎ߬ ߟߊߡߌߣߌ߲߫ ، ߣߴߊ߬ߟߎ߫ ߞߊ߬ ߛߊ߲ߖߌ߫ ߢߌߣߌ߲ ߞߍ߫ ߊ߬ߟߎ߬ ߘߌ߫ ߛߊ߲ߖߌߦߊ߫ ߖߌ ߘߏ߫ ߟߊ߫ ߦߏ߫ ߕߟߎ߫ ߥߙߌ߬ߣߍ߲߫ ، ߏ߬ ߦߋ߫ ߢߊߘߐߟߊ ߟߎ߬ ߡߊߖߋ߬ߣߌ߲߬ ߠߊ߫ ߟߋ߬ ، ߡߌ߲߬ߕߊ߬ ߖߎ߯ ߦߴߏ߬ ߘߌ߫ ߞߟߋ߫ ߊ߬ ߣߴߊ߬ ߞߊ߫ ߖߎ߯ ߓߍ߫ ߟߊ߬ߝߙߍ߬ ߦߙߐ߬ߞߏ ߡߊ߬ }[ ߝߊߟߊ߲ ߝߐߘߊ ߟ:߂߉]

ߞߘߐߕߊ߬ߣߍ߲߬ߓߊ ߞߊ߲߫ ߕߎ߲߯ߣߌ߲߫ :{ ߊߟߊ߫ ߣߐ߬ ߓߊ߲߬ߓߊ߮ ߟߎ߬ ߘߊ߲ߞߊ߫ ߟߊ߫ ߟߋ߬ ߞߊ߬ ߖߌ߯ߖߌ߮ ߘߐߓߍ߲߬ ߊ߬ߟߎ߬ ߞߊߡߊ߬ ߷ ߊ߬ߟߎ߬ ߕߏߕߐ߫ ߏ߬ ߟߋ ߘߐ߫ ߞߘߊߎ߫ ߸ ߊ߬ߟߎ߬ ߕߍ߫ ߢߌ߲߬ ߣߌ߫ ߘߍ߬ߡߍ߲߬ߓߊ߰ ߛߌ߫ ߛߐ߬ߘߐ߲߬ ߠߊ߫ ߷ ߊ߬ߟߎ߬ ߢߘߊ ߟߎ߫ ߦߟߍ߬ߡߊ߲߬ߦߟߍߡߊ߲ߕߐ߫ ߕߊ ߘߐ߫ ߟߏ߲ ߡߍ߲ ߸ ߊ߬ߟߎ߬ ߘߴߊ߬ ߝߐ߫ ߞߏ߫ ߣߴߊ߲ ߕߎ߲߬ ߞߵߊߟߊ߫ ߞߊ߲ߡߌ߬ߘߊ߬ ߛߊ߫ ߞߊ߬ ߞߋߟߊ ߞߊ߲ߡߌ߬ߘߊ߬ ( ߏ߬ ߕߎ߲߬ ߘߌ߫ ߓߍ߲߬ ) }[ ߞߙߎߞߊ ߟߎ߬ ߝߐߘߊ ߟ: ߆߄-߆߆]

ߣߝߊ߬ߓߊ߮ ߟߋ߬ ߘߍ߲߬ߞߣߍ߬ߦߊ߫ ߟߊ߫ ߟߏ߲߫ ߠߊߓߊ߲ ߡߊ߬ ߸ ߏ߬ ߘߏ߫ ߟߋ߬ :

ߝߟߐߡߊ : ߞߵߊ߬ ߞߊ߲ ߞߊ߲߫ ߡߌߘߊ ߟߊߘߌߦߊߢߍ ߸ ߞߴߌ ߖߊ߲߬ߕߴߊ߬ ߘߐ߫ ߸ ߊ߬ ߣߌ߫ ߟߏ߲ ߞߐ߲ߘߐ߲ ߖߌ߱ ߦߋ߫ ߏ߬ ߟߋ߬ ߘߐ߫.

ߝߌߟߊߣߊ߲ : ߞߊ߬ ߛߌߟߊ߲ ߊߟߊ߫ ߛߐߛߐ ߞߍߟߌ ߣߌ߫ ߘߌ߬ߢߍ߫ ߡߴߏ߬ ߡߊ߬ ߸ ߛߌߟߊ߲߫ ߡߊ߬ ߏ߬ ߟߏ߲ ߖߊ߲߬ߞߕߊ ߢߍ߫.

ߛߓߊߣߊ߲ : ߟߊߒߠߦߊߓߊ߮ ߦߋ߫ ߛߎߥߊ߲ߘߌ߫ ߟߊ߫ ߝߋ߲߫ ߠߋ߬ ߟߊ߫ ߡߍ߲ ߢߌ߬ߣߊ߬ߣߍ߲߫ ߊ߬ ߡߊ߬ ߘߎߢߊ߫ ߘߐ߫ ߟߏ߲ߓߊ ߢߊ߬ߒߡߊ߭ ߣߌ߫ ߛߊ߬ߙߊ ߘߌ߫.

ߓߊ߲߬ߓߊ߮ ߟߎ߫ ߞߊ߬ ߛߊ߬ߦߊ ߞߐ ߞߎߣߎ߲ ߡߊߛߐ߬ߛߐ߬ ߸ ߊ߬ߟߎ߬ ߦߴߊ߬ ߖߌ߰ ߟߊ߫ ߟߋ߬ ߞߵ ߏ߬ ߕߍ߫ ߛߋ߫ ߞߍ߫ ߟߊ߫

ߏ߬ ߖߌ߰ߟߌ ߏ߬ ߦߋ߫ ߥߎߦߊ ߟߋ߬ ߘߌ߫ ߸ ߏ߬ ߖߌ߰ߦߊ ߦߋ߫ ߥߎߦߊߒߕߋߦߊ߫ ߟߋ߬ ߦߌ߬ߘߊ߬ ߟߊ߫ ߛߊߙߌߦߊ ߣߌ߫ ߛߏ߬ߓߌ ߣߌ߫ ߦߟߌ ߟߋ߬ ߟߊ߫.

ߞߎ߬ߙߎ߲߬ߘߎ ߕߊ ߘߏ߲߬ ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ :{ ߓߊ߲߬ߓߊ߮ ߟߎ߬ ߓߘߴߊ߬ ߕߍߟߍ߲ߞߍ߫ ߞߏ߫ ߊ߬ߟߎ߬ ߕߍߣߊ߬ ߟߊߥߟߌ߬ ߟߊ߫ ߸ ߊ߬ ߝߐ߫ ߞߏ߫ ߤߊ߯ߟߌ߫ ߊ߰ ߒ ߣߌ߫ ߒ ߡߊ߰ߙߌ ߕߍ߫ ߊߟߎ߫ ߓߍߣߊ߬ ߟߊߥߌ߬ߟߌ߫ ߞߊ߬ ߓߊ߲߫ ߞߵߊߟߎ߫ ߗߋߥߊߟߌ ߟߎ߬ ߖߐ߲ ߠߊߓߐ߫ ߊߟߎ߫ ߡߊ߬ ߸ ߏ߬ ߣߐ߲߰ߡߊ߲߬ߓߊ ߟߋ߬ ߊߟߊ߫ ߡߊ߬ }[ ߢߐ߲߯ߠߊߓߣߐ ߝߐߘߊ ߟ:߇] ߛߊ߲ߡߊ ߞߝߊ ߟߎ߬ ߓߍ߯ ߓߍ߲߬ߣߍ߲߫ ߏ߬ ߡߊ߬

ߛߏ߬ߓߌ߬ߟߊ߲ ߕߊ : ߊߟߊ߫ ߓߘߴߊ߬ ߟߊ߫ ߖߐ߲߭ ߟߎ߬ ߦߌ߬ߘߴߊ߬ߟߎ߬ ߟߊ߫ ߛߎ߭ ߟߎ߬ ߟߊߞߎߣߎ߲ ߘߐ߫ ߘߎߢߊ߫ ߞߣߐ߫߸ ߏ߬ ߟߊߒߡߊ߫ ߟߏ߯ߟߎ߫ ߟߋ߬  ߣߛߌ߬ߡߛߏ ߝߐߘߊ ߞߣߐ߫ ߸ ߏ߬ ߘߏ߫ ߟߋ߬:

ߟߊߒߡߊ ߝߟߐ : ߕߎ߬ߡߊ߬ ߡߍ߲߫ ߠߊ߫ ߡߎߛߊ߫ ߟߊ߫ ߡߐ߱ ߟߎ߬ ߞߵߊ߬ ߝߐ߫ ߊ߬ ߢߍ߫ :{ ߕߎ߬ߡߊ ߡߍ߲ ߊߟߎ߫ ߞߵߊ߬ ߝߐ߫ ߞߏ߫ ߤߍ߲߬ ߌߟߋ߬ ߡߎߛߊ߫߸ ߊ߲ ߕߍ߫ ߟߊ߫ ߌ ߟߊ߫ ߝߋߎ߫ ߝߏ߫ ߒ߬ ߓߊ߯ ߊߟߊ߫ ߦߋ߫ ߜߍ ߘߐ߫}[ ߣߛߌ߬ߡߛߏ ߝߐߘߊ ߟ : ߅߅] ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ߟߎ߬ ߝߊ߰ ߸ ߏ߬ ߞߐߝߍ߬ ߞߵߊ߬ߟߎ߬ ߟߊߞߎߣߎ߲߫ ߊ߰ ߏ߬ ߢߊ ߟߋ߬ ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ ߌߛߌߙߊߌߟߞߊ ߟߎ߬ ߡߊ߬ ߞߏ߫:

﴿وَإِذۡ قُلۡتُمۡ يَٰمُوسَىٰ لَن نُّؤۡمِنَ لَكَ حَتَّىٰ نَرَى ٱللَّهَ جَهۡرَةٗ فَأَخَذَتۡكُمُ ٱلصَّٰعِقَةُ وَأَنتُمۡ تَنظُرُونَ 55 ثُمَّ بَعَثۡنَٰكُم مِّنۢ بَعۡدِ مَوۡتِكُمۡ لَعَلَّكُمۡ تَشۡكُرُونَ 56﴾

{ ߕߎ߬ߡߊ ߡߍ߲ ߊߟߎ߫ ߞߵߊ߬ ߝߐ߫ ߞߏ߫ ߤߍ߲߬ ߌߟߋ߬ ߡߎߛߊ߫߸ ߊ߲ ߕߍ߫ ߟߊ߫ ߌ ߟߊ߫ ߝߋߎ߫ ߝߏ߫ ߒ߬ ߓߊ߯ ߊߟߊ߫ ߦߋ߫ ߜߍ ߘߐ߫، ߜߊ߬ߙߊ߲߬ߞߕߊ ߞߵߊߟߎ߫ ߡߌ߬ߘߊ߫ ߏ߬ ߘߐ߫ ߞߵߊ߬ ߕߘߍ߬ ߊߟߎ߫ ߢߊ߯ ߊ߬ ߟߊ߫ ߷ ߊ߲ ߞߵߊߟߎ߫ ߟߊߞߎߣߎ߲߫ ߊߟߎ߫ ߛߊ߬ߣߍ߲ ߞߐ߫ ߏ߬ ߟߋ ߞߐ߫ ߛߴߊߟߎ߫ ߘߌ߫ ߞߏߢߌߡߊߟߐ߲ ߞߍ߫ }[ ߣߛߌ߬ߡߛߏ ߝߐߘߊ ߟ :߅߅-߅߆]

ߟߊߒߡߊ ߝߌߟߊߣߊ߲ : ߗߍ߭ ߝߎߊ߰ߥߊ߬ߣߍ ߘߊ߲߬ߕߍ߰ߟߌ ߸ ߌߛߌߙߊߌߟߞߊ ߟߎ߬ ߞߊ߬ ߢߐ߲߮ ߛߐߛߐ ߞߍ߫ ߡߍ߲ ߠߊ߫ ߞߏ ߘߐ߫ ߸ ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ߟߎ߫ ߖߡߊ߬ߙߌ߬ ߞߵߊ߬ߟߎ߬ ߦߋ߫ ߣߌ߬ߛߌ ߘߏ߫ ߞߣߊߕߍ߰ ߞߵߊ߬ ߜߊ߬ߛߌ߫ ߏ߬ ߘߏ߫ ߟߊ߫ ߸ ߛߴߊ߬ ߘߴߊ߬ ߝߊ߰ߓߊ߮ ߞߏ߫ ߝߐ߫ ߸ ߏ߬ ߘߐ߫ ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ ߞߏ߫:

﴿وَإِذۡ قَتَلۡتُمۡ نَفۡسٗا فَٱدَّٰرَٰءۡتُمۡ فِيهَاۖ وَٱللَّهُ مُخۡرِجٞ مَّا كُنتُمۡ تَكۡتُمُونَ 72 فَقُلۡنَا ٱضۡرِبُوهُ بِبَعۡضِهَاۚ كَذَٰلِكَ يُحۡيِ ٱللَّهُ ٱلۡمَوۡتَىٰ وَيُرِيكُمۡ ءَايَٰتِهِۦ لَعَلَّكُمۡ تَعۡقِلُونَ 73﴾

{ ߏ߬ ߞߵߊ߬ ߕߘߍ߬ ߊߟߎ߫ ߓߘߊ߫ ߣߌߡߊ ߘߏ߫ ߝߊ߰߸ ߞߊ߬ ߢߐ߲߮ ߘߐߜߍ߬ߘߍ߲߫ ߏ߬ ߞߏߢߊ ߘߐ߫ ߸ ߞߏ߬ߣߌ߲߬ ߊߟߊ߫ ߟߋ߬ ߊߟߎ߫ ߟߊ߫ ߞߏ߫ ߘߏ߲߰ߣߍ߲ ߠߎ߬ ߟߊߓߐߓߊ߮ ߘߌ߫ ߷ ߊ߲ ߞߵߊ߬ ߝߐ߫ ߞߏ߫ ߊߟߎ߯ ߊ߬ ߜߊ߬ߛߌ߫ ߣߌ߬ߛߌ ߝߊ߲߭ ߘߏ߫ ߟߊ߫، ߊߟߊ߫ ߦߋ߫ ߛߎ߭ ߟߊߣߌߡߦߊ߫ ߟߊ߫ ߕߋ߲߬ ߠߋ߬ ߸ ߊ߬ ߣߌ߫ ߞߵߊ߬ ߟߊ߫ ߡߊ߲߬ߕߊߣߌ߲ ߠߎ߫ ߦߌ߬ߘߵߊߟߎ߫ ߟߊ߫ ߖߐ߲߬ߛߴߊߟߎ߫ ߘߌ߫ ߤߊ߲ߞߟߌ߫ ߛߐ߬ߘߐ߲߬}[ ߣߛߌ߬ߡߛߏ ߝߐߘߊ ߟ ߇߂-߇߃]

ߟߊߒߡߊ ߛߓߊߣߊ߲ : ߡߊ߲߬ߕߏ߲ ߘߏ߫ ߟߎ߫ ߘߊ߲߬ߕߍ߰ߟߌ ߡߍ߲ ߠߎ߬ ߥߊ߯ ߦߙߌߞߊ߫ ߟߎ߬ ߓߏ߬ߙߌ߬ ߘߊ߫ ߛߊ߬ߦߊ ߢߍ߫ ߸ ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ߟߎ߬ ߛߏߛߊߦߌ߲ ߸ߏ߬ ߞߐߝߍ߬ ߞߵߊ߬ߟߎ߬ ߟߊߞߎߣߎ߲߫ ߸ ߊߟߊ߫ ߞߘߐߕߊ߬ߣߍ߲߬ߓߊ ߦߴߊ߬ ߝߐ߫ ߟߊ߫ ߞߏ߫:

﴿أَلَمۡ تَرَ إِلَى ٱلَّذِينَ خَرَجُواْ مِن دِيَٰرِهِمۡ وَهُمۡ أُلُوفٌ حَذَرَ ٱلۡمَوۡتِ فَقَالَ لَهُمُ ٱللَّهُ مُوتُواْ ثُمَّ أَحۡيَٰهُمۡۚ إِنَّ ٱللَّهَ لَذُو فَضۡلٍ عَلَى ٱلنَّاسِ وَلَٰكِنَّ أَكۡثَرَ ٱلنَّاسِ لَا يَشۡكُرُونَ243﴾

{ ߌ ߡߴߊ߬ ߦߋ߫ ߓߊ߬ ߡߍ߲ ߠߎ߬ ߥߊ߯ ߦߙߌߞߊ ߝߎ߲ߘߌ߫ ߘߊ߫ ߛߊ߬ߦߊ ߢߍߛߌߟߊ߲ߒߢߍ ߡߊ߬ ߞߊ߬ ߓߐ߫ ߊ߬ߟߎ߬ ߟߊ߫ ߟߎ ߟߎ߬ ߞߣߐ߫؟ ߊߟߊ߫ ߞߊ߲߫ ߏ߬ ߟߎ߫ ߡߊ߬ ߏ߬ ߘߐ߫ ߞߏ߫ ߒ߬ߓߵߊߟߎ߯ ߛߊ߬ ߛߍߣߍ߲߬ ߥߍ߫߹، ߊ߬ ߓߊ߲߫ ߘߊ߫ ߞߵߊ߬ߟߎ߬ ߟߊߣߌߡߦߊ߫، ߊߟߊ߫ ߦߋ߫ ߢߊ߬ߒߡߊ߭ ߕߌ߱ ߟߋ߬ ߘߌ߫ ߡߐ߱ ߟߎ߬ ߟߊ߫ ߘߋ߬ ߸ ߓߊ߬ߙߌ߬ ߡߐ߱ ߝߊ߲߬ߓߊ ߟߋ߬ ߕߍ߫ ߞߏߢߌߡߊߟߐ߲߫ ߞߍ߫ ߟߊ߫}[ ߣߛߌ߬ߡߛߏ ߝߐߘߊ ߟ : ߂߄߃]

ߟߊߒߡߊ ߣߊߣߌ߲ߣߊ߲ : ߗߍ߭ ߘߏ߫ ߘߊ߲߬ߕߍ߰ߟߌ ߡߍ߲ ߕߊ߬ߡߌ߲߬ ߘߊ߫ ߛߏߣߍ߲߫ ߛߊ߬ߣߍ߲ ߘߏ߫ ߟߊ߫ ߸ ߊ߬ ߞߵߊ߬ ߓߊ߲߬ ߞߏ߫ ߊߟߊ߫ ߞߘߐߕߊ߬ߣߍ߲߬ߓߊ ߘߴߊ߬ ߟߊߞߎߣߎ߲߫.  ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ ߛߊ߬ ߛߊ߲߬ ߗߡߍ߬ ߞߘߐ߫߸ ߞߊ߬ ߓߊ߲߫ ߞߵߊ߬ ߟߊߞߎߣߎ߲߫ ߏ߬ ߘߐ߫߸ ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ ߏ߬ ߘߐ߫:

﴿أَوۡ كَٱلَّذِي مَرَّ عَلَىٰ قَرۡيَةٖ وَهِيَ خَاوِيَةٌ عَلَىٰ عُرُوشِهَا قَالَ أَنَّىٰ يُحۡيِۦ هَٰذِهِ ٱللَّهُ بَعۡدَ مَوۡتِهَاۖ فَأَمَاتَهُ ٱللَّهُ مِاْئَةَ عَامٖ ثُمَّ بَعَثَهُۥۖ قَالَ كَمۡ لَبِثۡتَۖ قَالَ لَبِثۡتُ يَوۡمًا أَوۡ بَعۡضَ يَوۡمٖۖ قَالَ بَل لَّبِثۡتَ مِاْئَةَ عَامٖ فَٱنظُرۡ إِلَىٰ طَعَامِكَ وَشَرَابِكَ لَمۡ يَتَسَنَّهۡۖ وَٱنظُرۡ إِلَىٰ حِمَارِكَ وَلِنَجۡعَلَكَ ءَايَةٗ لِّلنَّاسِۖ وَٱنظُرۡ إِلَى ٱلۡعِظَامِ كَيۡفَ نُنشِزُهَا ثُمَّ نَكۡسُوهَا لَحۡمٗاۚ فَلَمَّا تَبَيَّنَ لَهُۥ قَالَ أَعۡلَمُ أَنَّ ٱللَّهَ عَلَىٰ كُلِّ شَيۡءٖ قَدِيرٞ 259﴾

{ ߥߟߊ߫ ( ߊ߬ ߦߋ߫ ߟߋ߬ ߖߐ߫) ߦߏ߫ ߡߍ߲ ߕߊ߬ߡߌ߲߬ߕߐ߬ߟߊ ߛߏ ߘߏ߫ ߟߊ߫߸ ߞߵߊ߬ ߕߘߍ߬ ߊ߬ ߜߘߊߟߊߣߍ߲߫ ߊ߬ ( ߓߟߌ ) ߛߊ߲ߛߙߊ ߟߎ߫ ߞߊ߲߬ ߟߋߎ߫، ߊ߬ ߞߊ߲߫ ߞߏ߫ ߊߟߊ߫ ߞߍߕߐ߫ ( ߕߏ߲ߓߏ߲ ) ߣߌ߲߬ ߠߊߞߎߣߎ߲߫ ߠߴߊ߬ ߛߊ߬ߣߍ߲ ߞߐ߫ ߘߌ߬ ߛߊ߫؟ ߏ߬ ߞߍ ߸ ߊߟߊ߫ ߞߵߊ߬ߟߋ߫ ߛߊ߬ ߞߊ߬ ߛߊ߲߬ ߗߡߍ߬ ߞߍ߫ ߞߊ߬ ߓߊ߲߫ ߞߵߊ߬ ߟߊߞߎߣߎ߲߫ ߸ ߞߵߊ߬ ߢߌ߬ߣߌ߲߬ߞߊ߬ ߞߴߌ ߓߘߊ߫ ߡߍ߲߫ ߞߏ߫ ߖߋ߬ߟߌ߬ ߞߍ߫ ߦߊ߲߬؟ ߊ߬ ߞߊ߲߫ ߞߏ߫ ߒ ߓߘߊ߫ ߡߍ߲߫ ߦߊ߲߬ ߕߟߋ߬ ߞߋߟߋ߲߫ ߢߐ߲߰ ߥߟߊ߫ ߕߋ߬ߟߋ ߝߊ߲߬ ߞߋߟߋ߲߫ ߕߋ߲߬، ߊߟߊ߫ ߞߊ߲߫ ߞߏ߫ ߊ߬ߦߌ߫، ߌ ߓߘߊ߫ ߡߍ߲߫ ߦߊ߲߬ ߛߊ߲߬ ߗߍ߬ߡߍ߫ ߢߐ߲߰ ߠߋ߬ ߟߊ߫، ߒ߬ߓߊ߬ ߌ ߢߊ ߟߐ߬ ߌ ߟߊ߫ ߛߎ߬ߡߊ߲ ߣߴߌ ߡߌ߲߬ߖߌ ߘߐ߫ ߓߊ߫߸ ߏ߬ ߛߌ߫ ߡߊ߫ ߕߌߢߍ߫، ߌ ߢߊ ߟߐ߬ ߌ ߟߊ߫ ߝߊ߬ߟߌ ߝߣߊ߫ ߘߐ߫ ߞߍ߬، ( ߒ߬ߓߊ߬ ) ߛߴߊ߲ ߘߴߌ ߞߍ߫ ߡߊ߲߬ߕߊߣߌ߲߫ ߘߌ߫ ߡߐ߱ ߟߎ߬ ߦߋ߫ ߸ ( ߏ߬ ߓߟߏ ߡߊ߬ ) ߌ ߢߊ ߟߐ߬ ߞߟߏ ߟߎ߬ ߘߐ߫ ߓߊ߫ ߊ߲ ߧߴߏ߬ ߟߎ߬ ߟߊߘߍ߬ ߟߊ߫ ߢߊ ߡߍ߲ ߸ ߞߊ߬ ߓߊ߲߫ ߞߵߊ߬ ߡߊߕߎ߬ ߛߏ߬ߓߏ ߟߊ߫، ߞߏ ( ߢߊߘߐߜߍ ) ߘߐߞߣߍ߫ ߘߴߊ߬ ߡߊ߬ ߕߎ߬ߡߊ ߡߍ߲ ߸ ߊ߬ ߞߊ߲߫ ߞߏ߫ ߒ ߓߘߴߊ߬ ߟߐ߲߫ ߛߊ߫ ߒ ߞߏ߫ ߖߊ߰ ߊߟߊ߫ ߟߋ߰ ߛߋ߫ ߟߊ߫ ߞߏ ߓߍ߯ ߟߊ߫ }[ ߣߛߌ߬ߡߛߏ ߝߐߘߊ ߟ :߂߅߉]

ߟߊߒߡߊ ߟߏ߯ߟߎߣߊ߲ : ߌߓߎ߬ߙߊ߬ߤߌߡߊ߫ ߊߟߊ߫ ߕߋߙߌ ߞߍ ߘߐ߬ߝߐ ߸ ߕߎ߬ߡߊ ߡߍ߲ ߊ߬ ߞߵߊߟߊ߫ ߞߘߐߕߊ߬ߣߍ߲߬ߓߊ ߢߌ߬ߣߌ߲߬ߞߊ߫ ߛߎ߭ ߟߊ߫ ߢߣߊߡߦߊߞߏ ߡߊ߬ ߸ ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ ߖߡߊ߬ߙߌ߬ ߞߏ߫ ߊ߬ ߦߋ߫ ߞߣߐ߬ ߣߊ߯ߣߌ߲߫ ߝߊ߰ ߞߵߊ߬ߟߎ߬ ߘߐߕߟߊ߫ ߞߎ߬ߙߎ ߟߎ߬ ߞߊ߲߬ ߊ߬ ߟߊߡߌߣߌ߲ ߘߐ߫߸ ߞߊ߬ ߓߊ߲߫ ߞߵߊ߬ߟߎ߬ ߞߟߌ߫ ߸ ߊ߬ ߞߎߘߎ߲ ߠߎ߬ ߦߋ߫ ߓߍ߲߬ ߠߊ߫ ߢߐ߲߮ ߡߊ߬ ߸ ߊ߬ߟߎ߬ ߦߋ߫ ߣߊ߬ ߟߊ߫ ߌߓߎ߬ߙߊ߬ߤߌߡߊ߫ ߟߋ߬ ߣߐ߬ߝߍ߬߸ ߏ߬ ߘߐ߫ ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫:

﴿وَإِذۡ قَالَ إِبۡرَٰهِـۧمُ رَبِّ أَرِنِي كَيۡفَ تُحۡيِ ٱلۡمَوۡتَىٰۖ قَالَ أَوَلَمۡ تُؤۡمِنۖ قَالَ بَلَىٰ وَلَٰكِن لِّيَطۡمَئِنَّ قَلۡبِيۖ قَالَ فَخُذۡ أَرۡبَعَةٗ مِّنَ ٱلطَّيۡرِ فَصُرۡهُنَّ إِلَيۡكَ ثُمَّ ٱجۡعَلۡ عَلَىٰ كُلِّ جَبَلٖ مِّنۡهُنَّ جُزۡءٗا ثُمَّ ٱدۡعُهُنَّ يَأۡتِينَكَ سَعۡيٗاۚ وَٱعۡلَمۡ أَنَّ ٱللَّهَ عَزِيزٌ حَكِيمٞ 260﴾

{ ߕߎ߬ߡߊ ߡߍ߲ ߌߓߎ߬ߙߊ߬ߤߌߡߊ߫ ߞߵߊ߬ ߝߐ߫ ߞߏ߫ ߒ ߡߊ߰ߙߌ ߸ ߌ ߟߊ߫ ߛߎ߬ ߟߊ߬ߞߎ߬ߣߎ߲߬ߢߊ ߦߌ߬ߘߊ߬ ߒ ߠߊ߫ ߞߟߋ߫߹ ߊߟߊ߫ ߞߊ߲߫ ߞߏ߫ ߌ ߕߍ߫ ߟߊߒߠߦߊߓߊ߯ ߘߌ߫ ߏ߬ ߘߐ߫ ߟߋ߫ ߓߊ߬؟ ߊ߬ ߞߊ߲߫ ߞߏ߫ ߤߊ߯ߟߌ߯ ( ߒ ߟߊߣߴߌ ߟߊ߫ ߝߛߊߦߌ߫ )߸ ( ߒ ߧߴߊ߬ ߝߍ߬ ߟߋ߬ ߘߐߙߐ߲߫ ) ߛߊ߫ ߒ ߛߣߐ߬ߡߍ ߘߌ߫ ߡߝߊ߫، ߊߟߊ߫ ߞߊ߲߫ ߞߏ߫ ߒ߬ߓߊ߬ ߞߣߐ߬ ߣߊ߯ߣߌ߲߫ ߡߌ߬ߘߊ߬ ߌ ߦߴߏ߬ ߟߎ߬ ߟߊߘߋ߬ߙߵߌ ߟߊ߫ ( ߛߴߌ ߘߴߊߟߎ߬ ߟߐ߲߫ ߏ ߕߎ߬ߡߊ )، ߌ ߦߋ߫ ߓߊ߲߫ ߞߵߏ߬ ߟߎ߫ ( ߘߐߕߍ߰ߕߍ߰ߣߍ߲ ) ߞߎߘߎ߲߫ ߞߋߟߋ߲߫ ߓߌ߬ߟߊߓߌ߬ߟߊ߫ ߞߎ߬ߙߎ ߞߋ߬ߟߋ߲߬ߞߋ߬ߟߋ߲߬ߠߊ ߞߊ߲߬، ߞߊ߬ ߓߊ߲߫ ߛߊ߫ ߞߵߊ߬ߟߎ߫ ( ߞߋ߬ߟߋ߲߬ߞߋ߬ߟߋ߲߬ ) ߞߟߌ߫، ߏ߬ ߓߊ߯ ߞߍ߫ ߌߞߘߐ߫ ߊ߬ߟߎ߬ ߞߊߟߌߦߊߡߍߣߍ߲ߕߐ ߘߌ߫ ߣߵߌ ߡߊ߬، ߌ ߦߴߊ߬ ߟߐ߲߫ ( ߠߴߏ߬ ߟߋ ߡߊ߬ ) ߞߏ߫ ߊߟߊ߫ ߟߋ߫ ߣߌ߬ߣߌ߬ߟߊ߫ ߥߘߋ߬ߥߘߋ߬ߟߊ ߘߌ߫}[ ߣߛߌ߬ߡߛߏ ߝߐߘߊ ߟ :߂߆߀]

ߣߌ߲߬ ߦߋ߫ ߟߊߒߡߊ ߖߍ߬ߘߍߖߍ߬ߘߍ ߟߎ߬ ߟߋ߬ ߘߌ߫ ߡߍ߲ ߠߎ߬ ߦߴߊ߬ ߦߌ߬ߘߊ߬ ߟߊ߫ ߞߏ߫ ߛߎ߭ ߟߎ߬ ߟߊߞߎߣߎ߲ ߘߌ߫ ߛߋ߫ ߞߍ߫ ߟߊ߫ ߦߏ߫ ߊ߲ ߞߵߊ߬ ߝߐ߫ ߞߘߐ߬ߡߊ߲߫ ߞߏ߫ ߊߟߊ߫ ߞߘߐߕߊ߬ߣߍ߲߬ߓߊ ߞߊ߬ ߡߍ߲ ߞߍ߫ ߡߊߙߌߦߡߊ߫ ߘߋ߲ߞߍ߫ ߌߛߊ߫ ߟߊ߫ ߕߐ߰ߡߊ߬ߛߙߋ ߟߎ߬ ߘߐ߫߸ ߛߎ߭ ߟߎ߬ ߟߊߞߎߣߎ߲ ߘߐ߫ ߊ߬ ߣߌ߫ ߞߵߊ߬ߟߎ߬ ߟߊߓߐ߫ ߊ߬ߟߎ߬ ߛߊ߬ߙߌ ߟߎ߬ ߘߐ߫ - ߣߌ߫ ߊߟߊ߫ ߞߘߐߕߊ߬ߣߍ߲߬ߓߊ ߘߌ߬ߢߍ߬ ߘߊ߫.

ߒ߬ߓߊ߬ ߤߊ߲ߞߟߌ ߕߊ ߦߌ߬ߘߊ߬ߟߌ ߛߊ߫ : ߏ߬ ߦߋ߫ ߢߊ ߝߌ߬ߟߊ߬ ߟߋ߫ ߡߊ߬ :

ߝߟߐߡߊ : ߊߟߊ߫ ߞߘߐߕߊ߬ߣߍ߲߬ߓߊ ߟߋ߬ ߛߊ߲ ߠߎ߬ ߣߌ߫ ߘߎ߱ ߘߊ߲ߓߊ߮ ߘߌ߫ ߸ ߊ߬ ߣߌ߫ ߝߋ߲ ߡߍ߲ ߠߎ߬ ߦߴߊ߬ ߘߐ߫߸ ߊ߬ߟߋ ߟߋ߫ ߞߵߏ߬ ߟߎ߬ ߘߊ߲߫ ߞߊ߬ߓߌ߯ ߘߊߡߌߣߊ ߟߊ߫، ߊ߬ߟߋ ߟߋ߬ ߘߊ߲ߠߌ߲ ߘߊߡߌ߬ߣߊ߬ ߟߊ߫ ߸ ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫:

﴿وَهُوَ الَّذِي يَبْدَأُ الْخَلْقَ ثُمَّ يُعِيدُهُ وَهُوَ أَهْوَنُ عَلَيْهِ...﴾

﴿...كَمَا بَدَأۡنَآ أَوَّلَ خَلۡقٖ نُّعِيدُهُۥۚ وَعۡدًا عَلَيۡنَآۚ إِنَّا كُنَّا فَٰعِلِينَ﴾

{ ߊ߬ߟߋ ߟߋ߬ ߘߊ߲ߠߌ߲ ߠߊߝߟߐ߫ ߟߊ߫ ߞߊ߬ ߓߊ߲߫ ߞߵߊ߬ ߡߊߛߊ߬ߦߌ߬ ߸ ߏ߬ ߣߐ߲߰ߡߊ߲߬ߓߊ ߟߴߊ߬ ߡߊ߬ }[ ߙߎ߯ߡߎ߲ ߠߎ߬ ߝߐߘߊ ߟ:߂߇]

ߞߘߐߕߊ߬ߣߍ߲߬ߓߊ ߞߊ߲߫ ߌߞߐ߫ :{ ߒ߬ ߞߊ߬ ߘߊߟߌ߫ ߝߟߐ ߖߎ߬ߕߍ߰ ߢߊ ߡߍ߲ ߞߊ߲߬ ߖߐ߫ ߒ߬ ߧߴߊ߬ ߡߊߛߊ߬ߦߌ߬ ߟߊ߫ ߕߋ߲߬ ߠߋ߬}[ ߟߊ߬ߝߐ߬ߓߊ߮ ߟߎ߬ ߝߐߘߊ ߟ : ߁߀߄] ߊ߬ ߞߊ߲߫ ߞߏ߫ ߞߊ߬ ߖߋ߬ߓߌ߬ߟߌ ߘߏ߫ ߟߐ߬ ߡߐ߰ ߟߎ߫ ߡߊ߬ ߡߍ߲ ߠߎ߬ ߓߊ߲߬ߣߍ߲߫ ߞߟߏ ߟߎ߬ ߟߊߞߎߣߎ߲ ߠߊ߫:

﴿قُلۡ يُحۡيِيهَا ٱلَّذِيٓ أَنشَأَهَآ أَوَّلَ مَرَّةٖۖ وَهُوَ بِكُلِّ خَلۡقٍ عَلِيمٌ 79﴾

{ ߝߐ߫ ߞߏ߫ ߡߍ߲ ߞߵߊ߬ߟߎ߬ ߟߊߘߊ߲߫ ߛߋ߲߬ߧߊ߬ ߝߟߐ ߘߐ߫ ߏ߬ ߟߋ ߦߴߊ߬ߟߎ߬ ߟߊߣߌߡߦߊ߫ ߟߊ߫ ߸ ߓߊ ߏ߬ ߟߋ ߞߊ߬ ߘߊ߲ߠߌ߲ ߓߍ߯ ߟߐ߲ߓߊ ߞߍ߫ }[ ߦߊߛߌߣ ߝߐߘߊ

ߟ: ߇߉]

ߝߌߟߊߣߊ߲ :ߞߏ߫ ߘߎ߰ߞߟߏ ߛߊ߰ ߕߐ߫ ߟߋ߬ ߸ ߢߣߊߡߦߊ߫ ߕߵߊ߬ ߟߊ߫ ߸ ߦߙߌ߫ ߝߙߌߛߌ߫ ߕߍ߫ ߦߋ߲߬߸ ߞߏ߫ ߛߊ߲ߖߌ߫ ߦߋ߫ ߖߌ߰ ߊ߬ ߞߊ߲߫ ߸ ߊ߬ ߦߋ߫ ߜߙߌߜߙߌ߫ ߟߊ߫ ߝߙߌߛߌߡߊ ߣߌ߫ ߣߌߡߊ ߘߐ߫، ߣߌߛߐߘߌߦߊ ߝߌ߬ߟߊ ߓߍ߯ ߦߴߊ߬ ߘߐ߫، ߡߍ߲ ߘߌ߫ ߛߋ߫ ߞߵߊ߬ ߟߊߞߎߣߎ߲߫ ߊ߬ ߛߊ߬ߦߊ ߞߐ߫߸ ߏ߬ ߘߌ߫ ߛߋ߫ ߛߎ߭ ߟߎ߬ ߟߊߞߎߣߎ߲߫ ߠߊ߫߸ ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ :

﴿وَمِنۡ ءَايَٰتِهِۦٓ أَنَّكَ تَرَى ٱلۡأَرۡضَ خَٰشِعَةٗ فَإِذَآ أَنزَلۡنَا عَلَيۡهَا ٱلۡمَآءَ ٱهۡتَزَّتۡ وَرَبَتۡۚ إِنَّ ٱلَّذِيٓ أَحۡيَاهَا لَمُحۡيِ ٱلۡمَوۡتَىٰٓۚ إِنَّهُۥ عَلَىٰ كُلِّ شَيۡءٖ قَدِيرٌ 39﴾

﴿وَنَزَّلۡنَا مِنَ ٱلسَّمَآءِ مَآءٗ مُّبَٰرَكٗا فَأَنۢبَتۡنَا بِهِۦ جَنَّٰتٖ وَحَبَّ ٱلۡحَصِيدِ 9 وَٱلنَّخۡلَ بَاسِقَٰتٖ لَّهَا طَلۡعٞ نَّضِيدٞ 10 رِّزۡقٗا لِّلۡعِبَادِۖ وَأَحۡيَيۡنَا بِهِۦ بَلۡدَةٗ مَّيۡتٗاۚ كَذَٰلِكَ ٱلۡخُرُوجُ 11﴾

{ ߊ߬ ߟߊ߫ ( ߛߋߓߊ߯ߦߊ ) ߦߌ߬ߘߊ߬ߞߏ ߟߎ߬ ߘߏ߫ ߟߋ߬ ߸ ߌߟߋ ߦߋ߫ ߘߎ߱ ( ߖߌ ) ߖߊ߬ߣߍ߲ ߦߋ߫ ߟߊ߫ ߜߍ߯ߙߍ߫ ߸ ߣߴߊ߲ ߞߊ߬ ߖߌ ߟߊߖߌ߰ ߊ߬ ߞߊ߲߬ ߊ߬ ߘߌ߫ ߟߊߡߊ߰ߡߊ߰ ߞߊ߬ ߓߎ߯ ߸ ߒ߬ߓߊ߬ ߡߍ߲ ߠߵߏ߬ ߟߊߣߌߡߦߊ߫ ߟߴߏ߬ ߘߌ߫ ߖߐ߫ ߸ ߏ߬ ߟߋ ߦߋ߫ ߛߎ߭ ߟߎ߬ ߟߊߣߌߡߦߊߓߊ߮ ߘߌ߫ ߓߊ ߏ߬ ߟߋ ߦߋ߫ ߛߋ߫ ߟߊ߫ ߞߏ ߓߍ߯ ߟߊ߫}[ ߕߐ߬ߝߍ߬ߦߊ߬ߣߍ߲ ߠߎ߬ ߝߐߘߊ ߟ :߃߉]

ߞߘߐߕߊ߬ߣߍ߲߬ߓߊ ߞߊ߲߫ ߌߞߐ߫ :{ ߊ߬ ߣߴߊ߲ ߞߊ߬ ߖߌ߫ ߓߙߊߞߡߊ ߟߊߖߌ߰ ߞߊ߬ ߓߐ߫ ߡߐ߲ߕߐ߲ ߘߐ߫ ߸ ߞߊ߬ ߣߊߞߐ ߟߎ߬ ߟߊߝߍߘߍ߲߫ ߏ߬ ߟߊ߫ ߏ߬ ߘߐ߫ ߸ ߊ߬ ߣߌ߫ ߢߊ߯ߡߊ߫ ߞߊ߬ߕߊ ߟߎ߷ߣߌ߫ ߕߌ߲߬ߖߐ߲߬ߛߎ߲߬ ߖߊ߲߬ߓߊ ߟߎ߬ ߸ ߝߎ߲ߕߌ߫ ߕߛߐ߬ߞߘߐ߬ߡߊ߬ߣߍ߲ ߠߎ߬ ߦߴߏ߬ ߟߎ߬ ߟߊ߫߷ߘߊߦߟߌߡߍ ߘߌ߫ ߖߐ߲߭ ߠߎ߬ ߦߋ߫ ߸ ߊ߬ ߣߴߊ߲ ߞߊ߬ ߘߎ߰ ߛߊ߬ߣߍ߲ ߟߊߣߌߡߦߊ߫ ߏ߬ ߟߊ߫ ، ߒ߬ߓߊ߬ ߓߐߟߌ ߞߍߕߐ߫ ߏ߬ ߢߊ ߟߋ߬ }[ ߞ߫ ߝߐߘߊ ߟ:߉-߁߁]

ߊ߬ ߝߙߊ߬ߣߍ߲߫ ߟߊ߬ߓߊ߲ ߟߏ߲ ߟߊߒߠߦߊ ߞߊ߲߬: ߞߏ ߓߍ߯ ߟߊ߫ ߟߊߒߠߦߊ ߡߍ߲ ߦߋ߫ ߞߍ߫ ߟߊ߫ ߛߊ߬ߦߊ ߞߐ߫߸ ߟߊߒߡߊߘߐ߫:

( ߊ) ߛߊ߬ߙߌ ߞߘߐߓߐߟߌ : ߏ߬ ߦߋ߫ ߛߎ߭ ߢߌ߬ߣߌ߲߬ߞߊ ߟߋ߬ ߘߌ߫ ߊ߬ ߓߙߌ߫ ߞߐߝߍ߬ ߊ߬ ߡߊ߬ߙߌ ߣߴߊ߬ ߟߊ߫ ߘߌ߯ߣߊ߫ ߣߵߊ߬ ߟߊ߫ ߟߊ߬ߝߐ߬ߓߊ߮ ߡߊ߬ ߸ ߊߟߊ߫ ߦߋ߫ ߘߍ߲߬ߞߣߍ߬ߦߊ߬ߓߊ߮ ߟߎ߬ ߞߐߡߊߓߌ߲ߓߌ߲߫ ߠߊ߫ ߞߎߡߊ߫ ߓߊ߲ߓߊ߲ߣߍ߲ ߠߋ߬ ߟߊ߫ ߸ ߊ߬ ߘߴߊ߬ ߝߐ߫ : ߒ ߡߊ߰ߙߌ ߦߋ߫ ߊߟߊ߫ ߟߋ߬ ߘߌ߫ ߸ ߒ ߠߊ߫ ߘߌ߯ߣߊ ߦߋ߫ ߛߌ߬ߟߡߊ߬ߦߊ߫ ߟߋ߬ ߘߌ߫ ߸ ߒ ߠߊ߫ ߟߊ߬ߝߐ߬ߓߊ߮ ߦߋ߫ ߡߊ߬ߡߊ߬ߘߌ߬( ߡߎ߬ߤ߭ߊߡߡߊߘ ) ߟߋ߬ ߘߌ߫ ߞߛߌ ߣߌ߫ ߣߍߡߊ ߦߴߊ߬ ߢߍ߫

ويضـلّ الله الظّالمين فيقـول الكافـر: هاه، هاه، لا أدري، ويقول المنافق أو المرتاب: لا أدري سمعت النّاس يقولون شيئًا فقلته.

ߊߟߊ߫ ߦߋ߫ ߕߐ߬ߢߍ߰ߒߕߋ ߟߎ߫ ߟߋ߬ ߟߊߝߟߌ߬ ߟߊ߫߸ ߞߊߝߙߌ( ߓߊ߲߬ߓߊ߮) ߘߴߊ߬ ߝߐ߫ :ߤߊ߯ ߸ ߤߊ߯ ߸ ߒ ߡߴߊ߬ ߟߐ߲߫ ߝߌ߬ߟߊ߲߬ߞߊߝߏ ߥߟߊ߫ ߛߌߞߊߓߊ߮ ߦߴߊ߬ ߝߐ߫ ߟߊ߫ ߞߏ߫ ߒ ߡߴߊ߬ ߟߐ߲߫ ߒ ߞߊ߬ ߡߐ߱ ߟߎ߬ ߟߊ߫ ߞߎߡߊ ߡߍ߲߫ ߏ߬ ߘߐ߫ ߒ ߞߵߏ߬ ߝߐ߫.

( ߋ) ߞߊߓߙߎ ߖߊ߲߰ߞߕߊ߫ ߣߴߊ߬ ߣߍߡߊ : ߊ߬ ߦߋ߫ ߕߐ߬ߢߍ߰ߒߕߋ ߟߎ߫ ߟߋ߬ ߦߋ߫ ߞߊ߬ ߓߐ߫ ߝߌ߬ߟߊ߲߬ߞߊߝߏ ߟߎ߬ ߣߌ߫ ߓߊ߲߬ߓߊ߮ ߟߎ߬ ߢߍ߫ ߸ ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ ߝߐ߫ ߞߏ߫:

﴿...وَلَوۡ تَرَىٰٓ إِذِ ٱلظَّٰلِمُونَ فِي غَمَرَٰتِ ٱلۡمَوۡتِ وَٱلۡمَلَٰٓئِكَةُ بَاسِطُوٓاْ أَيۡدِيهِمۡ أَخۡرِجُوٓاْ أَنفُسَكُمُۖ ٱلۡيَوۡمَ تُجۡزَوۡنَ عَذَابَ ٱلۡهُونِ بِمَا كُنتُمۡ تَقُولُونَ عَلَى ٱللَّهِ غَيۡرَ ٱلۡحَقِّ وَكُنتُمۡ عَنۡ ءَايَٰتِهِۦ تَسۡتَكۡبِرُونَ﴾

{ ߸ ߤߊ߲߫߸ ߣߴߌ ߓߍ߫ ߕߐ߬ߢߍ߰ߒߕߋ ߟߎ߬ ߦߋ߫ ߟߊ߫ ߛߊ߬ߦߊ ߜߛߏ ߠߎ߬ ߟߊ߫߸ ߞߵߊ߬ ߕߘߍ߬ ߞߋ߲ߛߐ߲ ߠߎ߬ ߕߍ߮ ߘߐߝߎߟߋ߲ߣߍ߲߫ ߊ߬ߟߎ߬ ߦߋ߫ ߸ ߞߏ߫ ߊߟߎ߫ ߦߴߊߟߎ߫ ߣߌ ߟߎ߬ ߓߐ߫ ߞߍ߬، ߓߌ߬ ߞߏ߬ߣߌ߲ ߸ ߊߟߎ߫ ߛߙߊ߬ߕߐ߫ ߟߊ߬ߝߍߦߊ ߖߊ߲߰ߞߕߊ ߟߋ߬ ߟߊ߫߸ ߏ߬ ߕߊ߬ߣߍ߲߬ ߡߍ߲ ߡߊ߬ ߸ ߊߟߎ߫ ߕߘߍ߬ ߕߎ߬ߢߊߕߣߊ߬ ߝߐ ߡߍ߲ ߞߍ߫ ߟߴߊߟߊ߫ ߡߊ߬߸ ߊ߬ ߣߴߊߟߎ߫ ߕߎ߲߬ ߦߴߊߟߎ߫ ߖߘߍ߬ߘߐߓߏ߲߬ߧߊ ߡߍ߲ ߞߍ߫ ߟߴߊ߬ ߟߊ߫ ߟߝߊߙߌ ߟߎ߫ ߡߊ߬}[ ߞߟߏߝߋ߲ ߠߎ߬ ߝߐߘߊ ߟ: ߉߃]

ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ ߝߌ߬ߙߊ߬ߥߎ߬ߣߊ߬ ߘߏ߲߬ ߞߏ߫ ߟߎ߬ ߡߊ߬ :{ ߕߊ ߞߊ߬ߣߌ߲߫ ߸ ߊ߬ߟߎ߫ ߞߊ߲߬ߞߊ߲߬ߕߐ߫ ߏ߬ ߟߋ ߟߊ߫ ߛߐ߰ ߣߌ߫ ߥߎ߬ߙߊ߬، ߊ߬ ߣߌ߫ ߟߐ߬ߓߊ ߟߐ߬ߕߐ߫ ߟߏ߲ ߡߍ߲ ߞߏ߫ ߊߟߎ߫ ߦߋ߫ ߝߙߊߥߎ߲߫ ߞߐߙߍ ߟߊߘߏ߲߬ ߖߊ߲߰ߞߕߊ ߘߐ߫ ߜߍ߬ߟߍ߲߬ߡߊ߲ ߘߐ߫ }[ ߦߝߊ߬ߓߊ߮ ߝߐߘߊ ߟ:߄߆]

ߊ߬ ߦߋ߫ ߡߎ߬ߛߑߟߌߡ ߟߊ߫ ߔߌߦߐߔߌߦߐ ߘߐ߫ ߞߊ߬ ߓߐ߫ ߛ߳ߊ߯ߓߌߕ ߘߋ߲ߞߍ߫ ߖ߭ߊߦߑߘ ߟߊ߫ ߛߙߊ߬ߣߎ߲ ߘߐ߫ ߞߵߊ߬ ߡߌ߬ߘߊ߬ ߟߊ߬ߝߐ߬ߓߊ߮ ߡߊ߬ ߞߛߌ ߣߌ߫ ߣߍߡߊ ߦߴߊ߬ ߢߍ߫ ߞߊ߲߫ :<<ߣߴߊߟߎ߫ ߕߎ߲߬ ߡߊ߫ ߛߎ߬ߘߏ߲߬ ߒ ߕߎ߲߬ ߘߌ߫ ߊߟߊ߫ ߞߟߌ߫ ߞߏߛߴߊߟߎ߫ ߘߌ߫  ߛߊ߬ߙߌ߫ ߕߙߐ ߟߊߡߍ߲߫ ߒ ߧߋ߫ ߡߍ߲ ߡߍ߲߫ ߠߊ߫>> ߏ߬ ߞߐ߫ ߊ߬ ߞߵߊ߬ ߢߊߕߋߟߋ߲ ߞߵߊ߬ ߝߐ߫ ߞߏ߫: << ߒ ߕߊ߲߬ߞߊ߫ ߕߙߊ߫ ߟߊ߫ ߊߟߊ߫ ߟߊ߫ ߞߊ߬ ߓߐ߫ ߕߊ ߥߋ߲߯ߓߋ ߕߙߐ ߡߊ߬ >> ߊ߬ߟߎ߬ ߞߴߊ߬ ߝߐ߫ : ߊ߲ ߧߋ߫ ߕߊ߲߬ߞߊ ߕߙߊ߫ ߟߊ߫ ߊߟߊ߫ ߟߊ߫ ߞߊ߬ ߓߐ߫ ߞߊߓߙߎ ߕߙߐߦߊ ߡߊ߬ ߸ ߊ߬ ߞߊ߲߫ : << ߊߟߎ߫ ߦߋ߫ ߕߊ߲߬ߞߊ ߕߙߊ߫ ߊߟߊ߫ ߟߊ߫ ߞߊ߬ ߓߐ߫ ߞߘߐߓߐߟߌ ߘߏ߲߰ߣߍ߲߫ ߣߴߊ߬ ߟߊ߲ߞߣߍߡߊߣߍ߲߫ ߡߊ߬ >> ߊ߬ߟߎ߬ ߞߊ߲߫ : ߊ߲ ߧߋ߫ ߕߊ߲߬ߞߊ ߕߙߊ߫ ߟߊ߫ ߊߟߊ߫ ߟߊ߫ ߞߊ߬ ߓߐ߫ ߞߘߐߓߐߟߌ ߘߏ߲߰ߣߍ߲߫ ߣߴߊ߬ ߟߊ߲ߞߣߍߡߊߣߍ߲߫ ߡߊ߬ ߸ ߊ߬ ߞߊ߲߫ ߞߏ߫ : << ߊߟߎ߫ ߦߋ߫ ߕߊ߲ߞߊ ߕߙߊ߫ ߊߟߊ߫ ߟߊ߫ ߞߊ߬ ߓߐ߫ ߘߖߊ߬ߟߌ߬ߞߏ ߞߘߐߓߐߟߌ ߡߊ߬ >> ߊ߬ߟߎ߬ ߞߊ߲߫ : ߒ߬ ߧߋ߫ ߕߊ߲߬ߞߊ ߕߙߊ߫ ߟߊ߫ ߊߟߊ߫ ߟߊ߫ ߞߊ߬ ߓߐ߫ ߘߖߊ߬ߟߌ߬ߞߏ ߞߘߐߓߐߟߌ ߡߊ߬.

ߒ߬ߓߊ߬ ߛߊ߬ߙߌ ߣߍߡߊ ߛߊ߫ : ߏ߬ ߦߋ߫ ߘߍ߲߬ߞߣߍ߬ߦߊ߬ߓߊ߮ ߕߎ߬ߢߊ߬ߒ߬ߕߋ ߟߎ߬ ߟߋ߬ ߢߍ߫ ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ :{ ߡߍ߲ ߠߎ߫ ߞߏ߬ߣߌ߲ ߞߵߊ߬ ߝߐ߫ ߞߏ߫ ߊ߲ ߡߊ߰ߙߌ ߟߋ߬ ߊߟߊ߫ ߘߌ߫ ߸ ߞߊ߬ ߓߊ߲߫ ߞߵߊ߬ߟߎ߬ ߕߋߟߋ߲߫ ߸ ߞߋ߲ߛߐ߲ ߟߎ߬ ߦߋ߫ ߖߌ߰ ߟߴߏ߬ ߟߎ߫ ߟߋ߫ ߡߊ߬ ߸ ߞߏ߫ ߊߟߎ߫ ߞߊߣߊ߬ ߛߌߟߊ߲߫ ߊߟߎ߫ ߞߣߊ߫ ߛߎ߬ߣߎ߲߬ ߸ ߊߟߎ߯ ߛߍߥߊ߫ ߡߍ߲ߘߌߦߊ߫ ߟߋ߬ ߟߊ߫ ߸ ߊߟߎ߫ ߕߘߍ߬ ߦߟߌߡߊߘߌߦߊ߫ ߟߊ߫ ߡߍ߲ ߠߊ߫}[ ߕߐ߬ߝߍ߬ߦߊ߬ߣߍ߲ ߠߎ߬ ߝߐߘߊ ߟ:߃߀]

ߞߘߐߕߊ߬ߣߍ߲߬ߓߊ ߞߊ߲߫ ߌߞߐ߫ :{ ߣߌ߫ ߣߌ ߛߋ߫ ߘߊ߫ ߞߊ߲ߥߐߙߐ߲ߞߐ߲ߕߐ߲ ߘߐ߫ ߕߎ߬ߡߊ ߡߍ߲߷ߞߵߊ߬ ߕߘߍ߬ ߊߟߎ߫ ߢߊ ߓߍ߲߬ߣߍ߲߫ ߞߊ߬ߟߏ߬ߕߐ ߡߊ߬ ߷ߒ߬ߠߎ߫ ߟߋ߫ ߛߎ߬ߘߎ߲߬ߡߊ߲߫ ߊ߬ ߟߴߊߟߎ߫ ߘߌ߫ ߞߏ߬ߣߌ߲߬ ߊߟߎ߫ ߕߍ߫ ߦߋߟߌ߫ ߟߋ߬ ߞߍ߫ ߟߊ߫߷ߣߴߊߟߎ߫ ߕߎ߲߬ ߞߍ߫ ߘߊ߫ ߘߛߍߓߊߟߌ ߟߎ߬ ߘߌ߫ ߷ߊߟߎ߫ ߕߘߍ߬ ߘߴߏ߬ ( ߣߌ ) ߟߊߛߊ߬ߦߌ߫ ߞߍ߬ ߣߴߊߟߎ߫ ߦߋ߫ ߕߎ߬ߢߊ߬ߕߌ߯ ߟߎ߫ ߘߌ߫ ߷ߣߌ߫ ‹ ߛߊ߬ߓߊ߮ › ߞߍ߫ ߘߊ߫ ߡߊ߬ߛߎ߬ߘߎ߲߬ߧߊ߬ߓߊ߮ ߟߎ߬ ߘߏ߫ ߘߌ߫ ߏ߬ ߘߐ߫߷ߢߐߢߐ߲ߠߌ߲߫ ߠߴߊ߬ ߦߋ߫ ߸ ߊ߬ ߣߌ߫ ߘߊߦߟߌߡߍ ߣߌ߫ ߣߍߡߊ ߣߊߞߐ }[ ߟߏ߲߫ ߞߍߕߊ ߝߐߘߊ ߟ: ߈߃-߈߉]

ߞߵߊ߬ ߡߌ߬ߘߊ߬ ߊߊ߳ߖ߭ߌߓ ߘߋ߲ߞߍ߫ ߓߊߚߊߎ ߡߊ߬ ߊߟߡߊ߫ ߘߌ߬ߢߍ߬ ߞߍ߫ ߘߴߊ߬ ߡߊ߬ ߸ ߞߵߊ߬ ߡߌ߬ߘߊ߫ ߟߊ߬ߝߐ߬ߓߊ߮ ߡߊ߬ ߞߛߌ ߣߌ߫ ߣߍߡߊ ߦߴߊ߬ ߦߋ߫ ߊ߬ ߞߊ߲߫ ߞߏ߫ ߣߌ߫ ߟߊߒߠߦߊߓߊ߮ ߞߊ߬ ߞߋ߲ߛߐ߲߫ ߝߌ߬ߟߊ ߖߋ߬ߓߌ߬ ߊ߬ ߟߊ߫ ߛߊ߬ߙߌ ߘߐ߫ ߞߏ߫:<< ߞߟߌߟߌߟߊ ߘߏ߫ ߓߍߣߊ߬ ߞߟߌ߫ ߞߊ߬ ߓߐ߫ ߛߊ߲ ߡߊ߬: ߞߏ߫ ߒ ߠߊ߫ ߖߐ߲߭ ߞߊ߬ ߕߎ߬ߢߊ߬ ߝߐ߫ ߸ ߌ ߦߋ߫ ߡߍ߲ߘߌߦߊ߫ ߟߊߝߋ߲ ߘߏ߫ ߘߌ߫ ߊ߬ ߡߊ߬߸ ߊ߬ ߣߌ߫ ߡߍ߲ߘߌߦߊ߫ ߝߊߘߌߦߊߓߐ ߘߌ߫ ߊ߬ ߡߊ߬߸ ߊ߬ ߣߌ߫ ߞߊ߬ ߡߍ߲ߘߌߦߊ߫ ߘߊ ߟߊߞߊ߬ ߊ߬ ߦߋ߫߸ ߊ߬ ߞߊ߲߫ :ߊ߬ ߛߟߐߡߌ߲ ߣߴߊ߬ ߟߊ߫ ߛߎߡߊߙߋ ߘߌ߫ ߣߊ߬ ߊ߬ ߡߊ߬߸ ߊ߬ ߟߊ߫ ߛߊ߬ߙߌ ߘߌ߫ ߘߐߦߙߌߥߊ߫ ߊ߬ ߦߋ߫ ߝߏ߫ ߊ߬ ߢߊ ߘߊ߲߬ ߘߌߦߊ߫ >> ߊߤ߭ߑߡߊߘ ߣߌ߫ ߊ߬ߓߎ߫ ߘߊߥߎߘߊ߫ ߞߵߏ߬ ߟߊ߫ ߓߐ߫ ߛߙߊ߬ߣߎ߲߬ ߖߊ߲ ߘߐ߫.

ߡߐ߱ ߘߏ߫ ߟߎ߫ ߓߘߊ߫ ߝߟߌ߬ ߞߊ߬ߓߐ߫ ߡߐ߱ ߖߍ߬ߞߍ߬ߣߍ߲ ߠߎ߬

ߘߐ߫ ߏ߬ ߟߎ߫ ߞߊ߬ ߛߊ߬ߙߌ ߖߊ߲߬ߞߕߊ߫ ߣߴߊ߬ ߣߍߡߊ ߟߎ߬ ߡߊߛߐ߬ߛߐ߬ ߸ ߞߵߊ߬ ߖߌ߰ ߞߴߏ߬ ߕߴߛߋ߫ ߞߍ߫ ߟߊ߫ ߞߵߊ߬ ߓߍ߲߬ ߥߊ߯ߕߌ߫ ߟߊߝߏߒߧߐ߲ߞߐ ߘߌ߫ ߸ ߊ߬ߟߎ߬ ߞߊ߲߫ ߣߌ߫ ߛߎ߭ ߟߊ߲ߞߣߍߡߦߊ߫ ߘߊ߫ ߊ߬ ߟߊ߫ ߛߊ߬ߙߌ ߘߐ߫ ߸ ߊ߬ ߦߋ߫ ߦߋ ߟߊ߫ ߟߋ߬ ߦߏ߫ ߊ߬ ߕߘߍ߬ ߢߊ ߡߍ߲ ߸ ߛߊ߬ߙߌ ߡߊ߫ ߦߟߍ߬ߡߊ߲߫ ߊ߬ ߓߏ߲߬ߧߊ ߣߴߊ߬ ߘߐ߯ߦߊ ߘߐ߫

ߏ߬ ߖߌ߬ߦߊ ߦߋ߫ ߥߎߦߊ ߟߋ߬ ߘߌ߫ ߞߎ߬ߙߎ߲߬ߘߎ ߣߌ߫ ߛߏ߬ߓߌ߬ߟߊ߲ ߣߌ߫ ߤߊߞߟߌ ߞߣߐ߫:

ߒߓߊ߬ ߛ߭ߊߙߌߦߊ ߘߐ߫: ߏ߬ ߓߘߊ߫ ߞߐ߲߰ ߞߟߏߜߍ ߟߎ߬ ߢߍ߫ ߡߍ߲ ߠߎ߬ ߦߋ߫ ߛߊ߬ߙߌ ߕߙߐߦߊ ߣߴߊ߬ ߣߍߡߊ ߦߌ߬ߘߊ߬ ߟߊ߫߸

ߊ߬ ߦߋ߫ ߓߎߞߊ߬ߙߌ ߟߊ߫ ߔߌߦߐߔߌߦߐ ߞߣߐ߫ ߞߵߊ߬ ߡߌ߬ߘߊ߬ ߊߓߓߊߛ ߘߋ߲ߞߍ ߡߊ߬ ߊߟߡߊ߫ ߘߌ߬ߢߍ߬ ߞߍ߫ ߘߴߊ߬ߟߎ߬ ߡߊ߬ ߏ߬ ߞߊ߲߫ :<<ߟߊ߬ߝߐ߬ߓߊ߮ ߞߛߌ ߣߌ߫ ߣߍߡߊ ߦߴߊ߬ ߢߍ߫ ߓߐ߫ ߘߊ߫ ߛߏ ߞߏߞߏ ߘߏ߫ ߟߎ߫ ߘߐ߫. ߏ߬ ߞߐ߫߸ ߊ߬ ߞߊ߬ ߡߐ߰ ߝߌ߬ߟߊ߬ ߕߙߐ߫ ߡߊ߲ߞߊ߲ ߡߍ߲߫ ߊ߬ߟߎ߬ ߟߊ߫ ߛߊ߬ߙߌ ߟߎ߬ ߞߣߐ߫>> ߊ߬ ߞߊ߬ ߛߙߊ߬ߣߎ߲ ߏ߬ ߞߏߝߐ߫ ߸ ߊ߬ ߦߋ߫ ߏ߬ ߘߐ߫ :<<ߏ߬ ߟߎ߬ ߘߏ߫ ߘߐ߫ ߞߋߟߋ߲߫ ߕߎ߲߬ ߕߍ߫ ߊ߬ ߖߘߍ߬ ߡߊߕߎ߲߯ ߠߊ߫ ߛߎ߯ߣߊ ߟߊ߫ >> ߊ߬ ߦߋ߫ ߟߞߊ߬ߟߌ߬ ߜߘߍ ߘߐ߫<<ߞߊ߬ ߓߐ߫ ߊ߬ ߟߊ߫ ߛߎ߯ߣߊ ߘߐ߫>> ߕߐ߬ ߞߋߟߋ߲ ߕߘߍ߬ ߦߋ߫ ߘߊߡߊ߲ߘߌߦߊ ߟߋ߬ ߟߊ߫ ߸ ߊ߬ ߦߋ߫ ߡߎ߬ߛߑߟߌߡ ߟߊ߫ ߟߞߊ߬ߟߌ ߘߏ߫ ߘߐ߫ <<ߊ߬ ߕߘߍ߬ ߕߴߊ߬ ߖߘߍ߬ ߛߊߣߌ߲ߧߊ߫ ߟߴߊ߬ ߢߍ߯ߣߊ ߡߊ߬ >>.

ߛߏ߬ߓߌ߬ߟߊ߲ ߞߏߢߊ ߘߐ߫: ߛߌ߬ߣߐ߰ߓߊ߰ߕߐ ߦߴߊ߬ ߦߋ߫ ߟߊ߫ ߛߌ߬ߣߐ ߘߐ߫ ߞߵߊ߬ ߦߴߊ߬ ߖߘߍ߬ ߦߋ߫ ߟߊ߫ ߦߙߐ߫ ߘߐߝߎߟߋ߲ߣߍ߲߫ ߘߏ߫ ߘߐ߫ ߊ߬ ߛߍߥߊߣߍ߲߫ ߦߴߊ߬ ߘߊ߰ߡߎ߲߬ ߠߊ߫ ߸ ߥߟߴߊ߬ ߦߴߊ߬ ߖߘߍ߬ ߦߋ߫ ߟߊ߫ ߦߙߐ߫ ߘߐߜߙߐ߬ߣߍ߲ ߘߏ߫ ߘߐ߫ ߊ߬ ߞߋߟߋ߲߫ ߠߊ߫߸ ߊ߬ ߕߙߐߣߍ߲߫ ߦߋ߲߬ ߸ ߛߌߦߊߡߊ߲ ߘߐ߫ ߊ߬ ߞߎߣߎ߲߫ ߘߊ߫ ߞߊ߬ ߓߐ߫ ߊ߬ ߦߋ߫ ߡߍ߲ ߦߋ߫ ߟߊ߸ ߏ߬ ߓߍ߯ ߘߐ߫ ߊ߬ ߦߴߊ߬ ߟߊ߫ ߟߊߝߋ߲߫ ߞߊ߲߬ ߸ ߊ߬ ߛߌ߬ߓߏ߲߬ ߞߣߐ߫ ߸ ߒ߬ߓߊ߬ ߛߌ߬ߣߐ ߦߋ߫ ߛߊ߬ߦߊ ߘߐ߯ ߟߋ߬ ߘߌ߫ ߸ ߏ߬ ߟߋ ߞߏߛߐ߲߬ ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ ߕߐ߯ߟߊ߫ ߞߏ߫: (ߛߊ߬ߦߊ)߸ ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ :

﴿ٱللَّهُ يَتَوَفَّى ٱلۡأَنفُسَ حِينَ مَوۡتِهَا وَٱلَّتِي لَمۡ تَمُتۡ فِي مَنَامِهَاۖ فَيُمۡسِكُ ٱلَّتِي قَضَىٰ عَلَيۡهَا ٱلۡمَوۡتَ وَيُرۡسِلُ ٱلۡأُخۡرَىٰٓ إِلَىٰٓ أَجَلٖ مُّسَمًّى...﴾

{ ߊߟߊ߫ ߟߋ߬ ߣߌ ߟߎ߫ ߡߌ߬ߘߊ߬ ߟߴߊ߬ߟߎ߬ ߟߊ߫ ߛߊ߬ߦߊ ߕߎ߬ߡߊ ߸ ߡߍ߲ ߠߊ߫ ߛߊ߬ߦߊ ߡߊ߫ ߛߋ߫ ߡߎߣߎ߲߬ ߊ߬ ߘߴߏ߬ ߝߣߊ߫ ߡߌ߬ߘߊ߫ ߛߎ߬ߣߐ߮ ߟߊ߫ ، ߛߊ߬ߦߊ ߟߊߕߍ߰ߣߍ߲߬ ߡߍ߲ ߡߵߊ߬ ߘߴߏ߬ ߟߊߡߙߊ߬ ߸ ߞߊ߬ ‹ ߛߎ߬ߣߐ߰ߓߊ߮ › ߕߊ ߓߌ߬ߟߊ߬ ߞߊ߬ ߕߊ߯ ߛߋ߫ ߛߕߊ߫ ߟߐ߯ߟߊߣߍ߲ ߡߊ߬ }[ ߛߘߍߞߎߘߎ߲ ߠߎ߬ ߝߐߘߊ ߟ:߄߂]

ߤߊ߲ߞߟߌ߫ ߕߊ ߘߐ߫ : ߛߎ߬ߣߐ߰ߟߊ ߦߋ߫ ߦߋߟߌ ߖߍ߬ߘߍߖߍ߬ߘߍ ߟߋ߬ ߦߋ߫ ߟߊ߫ ߡߍ߲ ߦߋ߫ ߕߎ߬ߢߊ ߘߌ߫ ߸ ߊ߬ ߛߌߦߊߡߊ߲ ߘߐ߫ ߊ߬ ߞߊ߬ ߟߊ߬ߝߐ߬ߓߊ߮ ߦߋ߫ ߞߛߌ ߣߌ߫ ߣߍߡߊ ߦߴߊ߬ ߢߍ߫ ߊ߬ ߛߊߥߎߙߊ ߘߐ߫ ߸ ߡߍ߲ ߓߴߊ߬ ߦߋ߫ ߊ߬ ߛߊߥߎߙߊ ߘߐ߫ ߸ ߒ߬ߓߊ߬ ߏ߬ ߞߵߊ߬ߟߋ ߟߋ߬ ߦߋ߫ ߕߎ߬ߢߊ ߟߊ߫ ߸ ߏ߬ ߓߍ߯ ߞߐ߫ ߛߎ߬ߣߐ߰ߓߊ߮ ߦߴߊ߬ ߟߊ߫ ߓߏ߲ ߞߣߐ߫ ߊ߬ ߟߊ߫ ߟߊߝߋ߲ ߞߊ߲߬ ߊ߬ ߦߙߐ ߖߊ߰ߡߊ߲߫ ߊ߬ ߦߋ߫ ߝߋ߲ ߠߊ߫ ߸ ߣߌ߫ ߣߌ߲߬ ߛߋ߫ ߞߍ߫ ߟߊ߫ ߘߎߢߊ߫ ߗߏ߯ߦߊ ߟߎ߬ ߘߐ߫߸ ߦߊ߯ߟߊ߫ ߏ߬ ߕߍ߫ ߛߋ߫ ߞߊ߬ ߞߍ߫ ߛߊ߬ߦߊ ߞߐߝߍ߬ ߥߊ߬ ؟!

ߊ߬ߟߎ߬ ߟߊ߫ ߖߌ߰ߟߌ ߞߏߛߐ߲߬ ߊ߬ߟߎ߬ ߟߊ߫ ߝߐߟߌ ߘߐ߫߸ ߊ߬ ߕߎ߲߬ ߘߌ߫ ߛߋ߫ ߛߐ߬ߘߐ߲߬ ߠߊ߫ ߦߏ߫ ߊ߬ ߓߍ߫ ߢߊ ߡߍ߲߸ ߊ߬ ߣߌ߫ ߛߊ߬ߙߌ ߕߎ߲߬ ߡߊ߫ ߦߟߍ߬ߡߊ߲߫ ߊ߬ ߘߍ߲߬ߘߍ ߣߴߊ߬ ߘߐ߯ߦߊ ߘߐ߫߸ ߏ߬ ߖߋ߬ߓߌ߬ ߦߋ߫ ߢߊ ߘߊ߲ߘߐ߫ ߟߋ߬ ߘߌ߫ ߸ ߏ߬ ߘߏ߫ ߟߎ߫ ߟߋ߬:

ߝߟߐߡߊ : ߊ߬ ߕߍ߫ ߓߍ߲߬ ߞߊ߬ ߛ߭ߊߙߌߦߊ ߣߊ߬ ߝߋ߲ ߠߎ߬ ߡߊߛߐ߬ߛߐ߬ ߸ߢߊ߯ߡߌ߲ ߡߍ߲߫ ߢߐ߲߯ ߠߊ߫ ߣߌ߫ ߝߏ߲ߒߞߐߢߐ߯ߦߊߓߊ߮ ߞߊ߬ ߡߍ߲ ߝߐ߫ ߏ߬ ߡߊߝߟߍ߫ ߊ߬ ߣߌ߫ ߡߙߌߘߐ߫ ߢߌߡߊ ߸ ߖߐ߲߰ߛߴߊ߬ ߘߌ߫ ߛߌߞߊ ߢߌ߲߬ ߠߎ߬ ߕߌߢߍߟߌ ߟߐ߲߫، ߊ߬ ߝߐߣߍ߲߫ ߞߏ߫:

ߞߎߡߊ߫ ߓߘߍ ߝߍ߬ߓߐ߬ߓߊ߮ ߖߋ߬ߟߌ ߦߋ߫ ߦߋ߬.

ߞߵߊ߬ ߕߘߍ߬ ߊ߬ ߞߐߝߟߌ߫ ߦߋ߫ ߝߊ߰ߡߎ߲߬ߦߊ߬ ߖߎ߮ ߟߋ߬ ߘߌ߫

ߝߌߟߊߣߊ߲ : ߛߐߟߐ߲ߞߐ ߗߏ߯ߦߊ ߦߋ߫ ߦߋߓߊߟߌ ߞߏ ߟߎ߫ ߟߋ߬ ߘߌ߫ ߸ ߡߍ߲ ߕߴߛߋ߫ ߟߊߝߏ߬ ߟߊ߫ ߛߏ߬ߓߌ ߟߎ߬ ߓߟߏ߫ ߸ ߣߴߊ߬ ߕߘߍ߬ ߘߊ߫ ߞߏ߫ ߟߊߞߏߟߐ߲߫ ߘߊ߫ ߛߏ߬ߓߌ ߟߎ߬ ߟߊ߫ ߸ ߘߍ߲߬ߞߣߍ߬ߦߊ߬ߟߌ ߢߊ߬ߕߣߐ ߘߌ߫ ߕߎߣߎ߲߫ ߦߋߓߊߟߌ ߟߊ߫߸ ߘߍ߲߬ߞߣߍ߬ߦߊ߬ߓߊ߮ ߟߎ߬ ߣߌ߫ ߘߍ߬ߞߣߍ߬ߦߊ߬ߓߊߟߌ ߕߘߍ߬ ߘߌ߫ ߞߢߊ߫ ߏ߬ ߘߐ߫.

ߛߓߊߣߊ߲ : ߖߊ߲߬ߞߕߊ߫ ߣߌ߫ ߣߍߡߊ ߣߌ߫ ߛߊ߬ߙߌ ߘߐߥߊ߬ߛߊ ߣߴߊ߬ ߘߐߜߍ߬ߘߍ߲ ߸ ߛߊ߬ߦߊ߬ ߓߊ߰ߕߐ ߞߋߟߋ߲߫ ߠߋ߬ ߞߴߏ߬ ߟߐ߲߫ ߸ ߏ߬ ߦߋ߫ ߟߋ߬ ߦߏ߫ ߛߎ߬ߣߐ߰ߓߊ߮ ߦߋ߫ ߛߌ߬ߓߏ߬ ߟߊ߫ ߢߊ ߡߍ߲ ߦߴߊ߬ ߦߋ߫ ߦߙߐ ߘߐߜߙߐ߬ߣߍ߲ ߘߏ߫ ߘߐ߫ ߊ߬ ߞߋߟߋ߲߫ ߸ ߥߟߴߊ߬ ߦߋ߫ ߦߙߐ ߘߐߝߎߟߋ߲ߣߍ߲߫ ߘߏ߫ ߘߐ߫ ߊ߬ ߛߍߥߊߣߍ߲߫ ߸ ߊ߬ ߟߊߡߌߣߌ߲ ߡߐ߱ ߟߎ߬ ߕߴߊ߬ ߦߋ߫ ߟߊ߫߸ ߊ߬ ߘߏ߲߬ ߕߴߊ߬ ߟߊߞߏߟߐ߲߫ ߠߊ߫ ߸ ߟߊ߬ߝߐ߬ߓߊ߮ ߊߟߊ߫ ߞߛߌ ߣߌ߫ ߣߍߡߊ ߦߴߊ߬ ߢߍ߫ ߦߋ߫

ߟߊ߬ߖߌ߰ߟߌ ߡߍ߲߫ ߠߊ߫߸ ߞߏ߬ߣߌ߲߬ ߊ߬ ߘߍ߬ߢߐ߲߮ ߠߎ߬ ߕߴߊ߬ ߡߍ߲߫ ߠߊ߫، ߊ߬ ߛߌߦߊߡߊ߲ ߘߐ߫ ߡߊ߲߬ߛߊ ߘߌ߫ ߟߊ߲ߞߣߍߡߦߊߟߌ ߞߴߊ߬ ߢߍ߫ ߌߞߏ߫ ߡߐ߱߸ ߞߊ߬ ߞߎߡߊ߫ ߊ߬ ߝߍ߬߸ ߞߵߊ߬ ߕߘߍ߬ ߊ߬ ߘߍ߬ߢߐ߲߮ ߠߎ߬ ߕߍ߫ ߡߊ߲߬ߛߊ ߦߋ߫ ߟߊ߫߸ ߊ߬ߟߎ߬ ߕߴߊ߬ ߟߊߡߍ߲߫ ߠߊ߫.

ߣߊߣߌ߲ߣߊ߲ : ߘߊ߲ߠߌ߲ ߢߊߦߋߟߌ ߦߋ߫ ߘߊ߲߬ ߠߊ߫ ߝߋ߲߫ ߠߋ߬ ߡߊ߬ ߊߟߊ߫ ߞߘߐߕߊ߬ߣߍ߲߬ߓߊ ߞߊ߬ ߡߍ߲ ߠߊߛߋ߫ ߊ߬ߟߎ߫ ߡߊ߬߸ ߊ߬ ߘߏ߲߬ ߕߴߛߋ߫ ߝߋ߲ ߓߍ߯ ߢߊߦߋ߫ ߟߊ߫߸ ߛߊ߲ߞߟߏ ߥߐߙߐ߲ߥߌ߬ߟߊ ߣߌ߫ ߘߎ߱ ߣߌ߫ ߡߍ߲ ߦߴߊ߬ ߘߐ߫߸ ߊ߬ ߣߌ߫ ߝߋ߲ ߓߍ߯ ߦߋ߫ ߊߟߊ߫ ߕߊ߲߬ߘߏ߬ ߟߊ߫ ߕߊ߲߬ߘߏ߬ ߕߎ߬ߢߊ߬ߡߊ ߟߊ߫߸ ߊߟߊ߫ ߞߘߐߕߊ߬ߣߍ߲߬ߓߊ ߦߋ߫ ߡߍ߲ ߡߍ߲߫ ߠߊ߫ ߡߍ߲ ߓߊ߯ ߊ߬ ߘߌߦߊ߫ ߊ߬ ߟߊ߫ ߘߊ߲ߝߋ߲ ߘߐ߫ ߕߎ߬ߡߊ ߘߏ߫ ߟߊ߫. ߏ߬ ߣߴߊ߬ ߕߊ߫߸ ߊ߬ ߘߏ߲߰ߣߍ߲߫ ߠߋ߬ ߒ߬ ߡߊ߬، ߊߟߊ߫ ߞߘߐߕߊ߬ߣߍ߲߬ߓߊ ߦߴߊ߬ ߝߐ߫ ߟߊ߫ ߏ߬ ߞߊ߲߬ ߞߏ߫:

﴿تُسَبِّحُ لَهُ ٱلسَّمَٰوَٰتُ ٱلسَّبۡعُ وَٱلۡأَرۡضُ وَمَن فِيهِنَّۚ وَإِن مِّن شَيۡءٍ إِلَّا يُسَبِّحُ بِحَمۡدِهِۦ وَلَٰكِن لَّا تَفۡقَهُونَ تَسۡبِيحَهُمۡۚ...﴾

{ ߛߊ߲߫ ߥߐߙߐ߲ߥߌ߬ߟߊ ߣߌ߫ ߘߎ߱ ߦߋ߫ ߛߊߣߌ߲ߧߊ ߞߍ߫ ߟߴߊ߬ ߦߋ߫ ߸ ߊ߬ ߣߴߏ߬ ߟߎ߬ ߞߣߐ߫ ߝߋ߲ ߠߎ߬، ߝߋ߲߫ ߛߌ߫ ߕߴߦߋ߲߬ ߝߏ߫ ߊ߬ ߦߋ߫ ߕߘߍ߬ ߏ߬ ߦߴߊ߬ ߛߊߣߌ߲ߧߊ ߞߍ߫ ߟߴߊ߬ ߕߊ߲߬ߘߏ ߘߌ߫ ، ߞߏ߬ߣߌ߲߬ ߊߟߎ ߟߋ߬ ߕߴߏ߬ ߟߎ߬ ߟߊ߫ ߛߊߣߌ߲ߧߊ߫ ߞߍߢߊ ߢߊߦߋ߫ ߟߊ߫}[ ߛߎߘߐߛߣߍߡߊ ߝߐߘߊ ߟ:߄߄] ߏ߬ ߢߊ ߟߋ߬ ߞߊ߲߬ ߸ ߜߍ߬ߘߍ ߟߎ߬ ߣߌ߫ ߥߐ߬ߞߎ߬ߟߐ ߟߎ߫ ߞߊ߬ ߘߎ߱ ߟߊߡߊ߰ߡߊ߰ ߞߊ߬ ߕߊ߯ ߊ߬ ߣߌ߫ ߞߐ߫، ߥߐ߬ߞߎ߬ߟߐ ߟߎ߬ ߣߊ߬ ߘߊ߫ ߊߟߊ߫ ߟߊ߫ ߞߋߟߊ ߡߊ߬ ߞߛߌ ߣߌ߫ ߣߍߡߊ ߦߴߊ߬ ߢߍ߫ ߊ߬ߟߎ߬  ߞߵߊ߬ ߕߟߏߡߊߟߐ߬ ߊ߬ ߞߊ߬ߙߊ߲߬ ߞߊ߲ ߠߊ߫߸ ߞߵߊ߬ߟߎ߬ ߡߊߘߏ߲߬ ߊ߬ߟߎ߬ ߡߌ߬ߙߌ߲߬ߘߌ ߟߊ߫ ߟߊ߬ߛߏ߬ߓߌ߬ߟߌ ߘߌ߫߸ ߞߵߊ߬ ߕߘߍ߬ ߊ߬ߟߎ߬ ߘߏ߲߰ߣߍ߲߫ ߒ߬ߠߎ߬ ߡߊ߬ ߟߋ߬߸ ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ ߏ߬ ߞߏ ߘߐ߫ ߞߏ߫:

﴿يَٰبَنِيٓ ءَادَمَ لَا يَفۡتِنَنَّكُمُ ٱلشَّيۡطَٰنُ كَمَآ أَخۡرَجَ أَبَوَيۡكُم مِّنَ ٱلۡجَنَّةِ يَنزِعُ عَنۡهُمَا لِبَاسَهُمَا لِيُرِيَهُمَا سَوۡءَٰتِهِمَآۚ إِنَّهُۥ يَرَىٰكُمۡ هُوَ وَقَبِيلُهُۥ مِنۡ حَيۡثُ لَا تَرَوۡنَهُمۡۗ إِنَّا جَعَلۡنَا ٱلشَّيَٰطِينَ أَوۡلِيَآءَ لِلَّذِينَ لَا يُؤۡمِنُونَ 27﴾

{ ߤߍ߲߬ ߊߟߎ߬ ߊߘߡߊߘߋ߲ ߠߎ߬ ߸ ߜߍ߬ߘߍ ߞߊߣߵߊߟߎ߫ ߓߌ߬ߟߊ߬ ߞߏ߫ ߘߐ߫ ߘߋ߬ ߦߏ߫ ߊ߬ ߞߵߊߟߎ߫ ߡߏߦߌߓߊ߯ ߝߌ߬ߟߊ ߟߊߓߐ߫ ߣߊߞߐ ߘߐ߫ ߢߊ ߡߍ߲ ߸ ߞߵߊ߬ߟߎ߬ ߝߊߘߌߦߊߓߐ ߟߎ߬ ߥߊߙߊ߲ߞߴߊ߬ߟߎ߫ ߡߊ߬ ߛߴߊ߬ ߘߴߊ߬ߟߎ߫ ߖߊ߲߬ߓߘߍ ߟߎ߫ ߦߌ߬ߘߴߊ߬ߟߎ߬ ߟߊ߫، ߊ߬ߟߋ ߘߏ߲߬ ߣߴߊ߬ ߞߐߓߌߟߊߘߋ߲ ߠߎ߬ ߦߴߊߟߎ ߦߋ߫ ߟߊ߫ ߞߵߊ߬ ߕߘߍ߬ ߊߟߎ ߕߴߊ߬ߟߎ ߦߋ߫ ߟߊ߫، ߊ߲ ߘߏ߲߬ ߣߊ߬ ߜߍ߬ߘߍ ߟߎ߬ ߞߍ߫ ߟߊ߫ ߡߐ߰ ߟߎ߫ ߟߋ߫ ߢߌ߲߭ ߘߌ߫ ߡߍ߲ ߠߎ߬ ߕߍ߫ ߞߍ߫ ߟߊ߫ ߟߊߒߠߦߊߓߊ߯ ߘߌ߫ }[ ߕߓߊߞߘߐߣߍ߲߫ ߝߐߘߊ ߟ: ߂߇] ߣߌ߫ ߘߊ߲ߝߋ߲ ߡߊ߫ ߝߋ߲ ߢߊߦߋ߫ ߡߍ߲ ߓߍ߯ ߦߋ߫ ߦߋ߲߬߸ ߊ߬ ߕߍ߫ ߓߍ߲߬ ߊ߬ߟߎ߫ ߢߍ߫ ߞߊ߬ ߝߋ߲ ߡߊߛߐ߬ߛߐ߬ ߡߍ߲߫ ߓߘߊ߫ ߓߊ߲߫ ߓߊ߲ߓߊ߲߫ ߠߊ߫ ߢߟߊߓߊߟߌ ߟߎ߬ ߟߊ߫ ߞߏ ߟߎ߬ ߘߐ߫، ߊ߬ߟߎ߫ ߕߎ߲߬ ߕߴߏ߬ ߞߊ߬ߟߊߡߊ߬.

*

ߞߊ߬ ߘߍ߬ߞߣߍ߬ߦߊ߬ ߟߊ߬ߕߍ߮ ߡߊ߬

ߞߎ߬ߘߎ߫: ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߘߊ߲ߝߋ߲ ߠߎ߫ ߖߊ߬ߕߋ߬ߡߌߘߊ ߟߋ߬ ߞߊ߬ ߓߍ߲߬ ߊ߬ ߟߊ߫ ߟߐ߲ߠߌ߲߫ ߞߘߐ ߟߎ߫ ߡߊ߬߸ߞߊ߬ ߓߍ߲߬ ߊ߬ ߟߊ߫ ߟߐ߲ߠߌ߲ ߢߍ߫ ߊ߬ ߣߴߊ߬ ߟߊ߫ ߥߘߋ߬ߥߘߋ߬ߟߌ ߢߌߣߌ߲ߣߍ߲߫ ߡߍ߲ ߡߊ߬.

ߞߊ߬ ߘߍ߬ߞߣߍ߬ߦߊ߫ ߟߊ߬ߕߍ߮ ߡߊ߬ ߏ߬ ߦߋ߫ ߟߊߞߊ߬ߝߏ߬ߟߌ ߞߍ߫ ߟߊ߫ ߞߏߢߊ ߣߊߣߌ߲ ߠߋ߬ ߟߊ߫:

ߝߟߐߡߊ :ߟߊߒߠߦߊ ߞߏ߫ ߊߟߊ߫ ߞߘߐߕߊ߬ߣߍ߲߬ߓߊ ߞߊ߬ ߝߋ߲ ߓߍ߯ ߟߐ߲߫߸ ߊ߬ ߡߎ߰ߡߍ ߣߴߊ߬ ߕߐ߬ߝߍ߬ߦߊ߬ߟߌ߸ ߞߘߊߎ߫ ߣߌ߫ ߞߎߘߊߦߌ߸ ߏ߬ ߞߍ߫ ߘߊ߫ ߊ߬ ߟߊ߫ ߓߊ߯ߙߊ ߟߎ߬ ߘߌ߫ ߓߊ߬ ߥߟߊ߫ ߊ߬ ߟߊ߫ ߖߐ߲߭ ߠߎ߬ ߟߊ߫ ߓߊ߯ߙߊ ߟߎ߬.

ߝߌߟߊߣߊ߲ :ߟߊߒߠߦߊ ߞߏ߫ ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ ߛߓߍ߫ ߥߟߊ߬ ߟߊߕߊ߲߬ߞߊ߬ߣߍ߲ ߘߐ߫ ߞߏ߫ ߸ ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ ߏ߬ ߞߏ ߝߌ߬ߟߊ ߘߐ߫ ߟߋ߬ ߞߏ߫:

﴿أَلَمۡ تَعۡلَمۡ أَنَّ ٱللَّهَ يَعۡلَمُ مَا فِي ٱلسَّمَآءِ وَٱلۡأَرۡضِۚ إِنَّ ذَٰلِكَ فِي كِتَٰبٍۚ إِنَّ ذَٰلِكَ عَلَى ٱللَّهِ يَسِيرٞ 70﴾

﴿ߌ ߡߴߊ߬ ߟߐ߲߫ ߓߊ߬ ߞߏ߫ ߊߟߊ߫ ߞߊ߬ ߛߊ߲߫ ߘߐ߫ ߞߏ ߣߌ߫ ߘߎ߰ ߘߐ߬ ߞߏ ߟߐ߲߫ ߸ ߏ߬ ߦߋ߫ ߟߍߙߊ ߞߣߐ߫ ߟߋ߬، ߏ߬ ߘߏ߲߬ ߣߐ߲߰ߡߊ߲߬ߓߊ ߟߋ߬ ߊߟߊ߫ ߡߊ߬﴾[ ߡߊ߬ߓߊߕߏ ߝߐߘߊ ߟ:߇߀]

ߊ߬ ߦߋ߫ ߡߎ߬ߛߑߟߌߡ ߟߊ߫ ߔߌߦߐߔߌߦߐ ߞߣߐ߫ ߞߵߊ߬ ߊߡߑߙߎߥߌ ߘߋ߲ߞߍ ߊߓߑߘߎߟߟߊߦ ߡߊ߬ ߊߟߡߊ߫ ߘߌ߬ߢߍ߬ ߞߍ߫ ߘߴߊ߬ߟߎ߬ ߡߊ߬ ߏ߬ ߞߊ߲߫ : ߒ ߞߵߊ߬ ߡߍ߲߫ ߊߟߊ߫ ߞߋߟߊ ߟߊ߫ ߞߛߌ ߣߌ߫ ߣߍߡߊ ߦߴߊ߬ ߢߍ߫ ߦߴߊ߬ ߝߐ߫ ߟߊ߫ :<<ߊߟߊ߫ ߞߊ߬ ߘߊ߲ߝߋ߲ ߖߡߊ߬ߙߌ߬ߦߊ ߛߓߍ߫ ߛߊ߲߬ ߥߊ߯ ߓߌߟߏ߯ߟߎ߫ ߟߋ߬ ߞߘߐ߫ ߞߊ߬ ߞߐ߲߰ ߛߊ߲ ߠߎ߬ ߣߌ߫ ߘߎ߱ ߘߊ߲ߠߌ߲ ߢߍ߫>>

ߛߓߊߣߊ߲ :ߟߊߒߠߦߊ ߞߏ߫ ߘߊ߲ߝߋ߲ ߓߍ߯ ߕߍ߫ ߦߋ߲߬ ߝߏ߫ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߢߌߣߌ߲ߞߏ߸ ߏ߬ ߞߍ߫ ߘߊ߫ ߊ߬ ߟߊ߫ ߓߊ߯ߙߊ ߡߊ߬ ߓߊ߬ ߥߟߊ߫ ߘߊ߲ߝߋ߲ ߠߎ߬ ߟߊ߫ ߓߊ߯ߙߊ ߟߎ߫ ߡߊ߬ ߓߊ߬߸ ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ ߊ߬ ߟߊ߫ ߓߊ߯ߙߊ ߡߊ߬ ߞߏ߫:

﴿وَرَبُّكَ يَخۡلُقُ مَا يَشَآءُ وَيَخۡتَارُ...﴾

﴿...وَيَفۡعَلُ ٱللَّهُ مَا يَشَآءُ﴾

﴿هُوَ ٱلَّذِي يُصَوِّرُكُمۡ فِي ٱلۡأَرۡحَامِ كَيۡفَ يَشَآءُ...﴾

﴿...وَلَوۡ شَآءَ ٱللَّهُ لَسَلَّطَهُمۡ عَلَيۡكُمۡ فَلَقَٰتَلُوكُمۡ...﴾

﴿...وَلَوۡ شَآءَ رَبُّكَ مَا فَعَلُوهُۖ فَذَرۡهُمۡ وَمَا يَفۡتَرُون﴾

{ ߌ ߡߊ߰ߙߌ ߦߋ߫ ߝߋ߲߫ ߠߋ߬ ߘߊ߲߫ ߠߊ߫ ߡߍ߲ ߓߊ߯ ߊ߬ ߘߌߦߊ߫ ߸ ߊ߬ ߣߌ߫ ߞߊ߬ ߛߎߥߊ߲ߘߟߌ ߞߍ߫ }[ ߘߊ߲߬ߕߍ߰ߟߌ ߝߐߘߊ ߟ:߆߈]

ߊ߬ ߞߊ߲߫ ߌߞߐ߫ :{ ߊߟߊ߫ ߘߏ߲߬ ߦߋ߫ ߞߏ߫ ߟߋ߬ ߞߍ߫ ߟߊ߫ ߡߍ߲ ߓߊ߯ ߊ߬ ߘߌߦߊ߫}[ ߌߓߎ߬ߙߊ߬ߤߌߡߊ߫ ߝߐߘߊ ߟ:߂߇]

ߊ߬ ߞߊ߲߫ ߌߞߐ߫{ ߊ߬ߟߋ ߟߵߊߟߎ߫ ߝߊ߬ߘߌ߬ߡߦߊ߬ ߟߊ߫ ߘߋ߲ߛߏ ߟߎ߬ ߘߐ߫ ߊ߬ ߢߣߊ߫ ߢߊ ߡߊ߬ ( ߦߌߟߡߊ ߟߎ߬ ߘߐ߫ )}[ ߌߡߎ߬ߙߊ߲߬ ߞߐߙߍ ߝߐߘߊ ߟ :߆]

{ ߊ߬ ߕߎ߲߬ ߓߊ߯ ߊߟߊ߫ ߘߌߦߊ߫ ߊ߬ ߕߘߍ߬ ߘߴߏ߬ ߟߎ߬ ߟߊߛߎ߫ ߊߟߎ߫ ߞߊߡߊ߬߸ ߊ߬ߟߎ߫ ߕߘߍ߬ ߘߴߊߟߎ߫ ߞߟߍ߬ ߏ߬ ߘߐ߫}[ ߡߎ߬ߛߏ ߟߎ߬ ߝߐߘߊ ߟ :߉߀]

ߊ߬ ߞߊ߲߫ ߌߞߐ߫ ߕߎ߲߯{ ߣߴߊ߬ ߕߎ߲߬ ߞߵߌ ߡߊ߰ߙߌ ߘߌߦߊ߫߸ ߊ߬ߟߎ߫ ߕߎ߲߬ ߕߴߏ߬ ߞߍ߫}[ ߞߟߏߝߋ߲ ߠߎ߬ ߝߐߘߊ ߟ :߁߁߂]

ߣߊߣߌ߲ߣߊ߲ :ߟߊߒߠߦߊ ߞߏ߫ ߘߊ߲ߝߋ߲ ߓߍ߯ ߘߊ߲߫ ߘߊ߫ ߊߟߊ߫ ߞߘߐߕߊ߬ߣߍ߲߬ߓߊ ߟߋ߬ ߓߟߏ߫ ߊ߬ߟߎ߬ ߛߎ߲ߞߎ߲ ߣߴߊ߬ߟߎ߬ ߟߊ߫ ߡߊ߬ߡߙߊ߬ߟߌ ߟߎ߬ ߣߴߊ߬ߟߎ߬ ߟߊ߫ ߕߏ߰ߝߏ ߟߎ߬ ߟߊ߫ ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ ߞߏ߫:

﴿ٱللَّهُ خَٰلِقُ كُلِّ شَيۡءٖۖ وَهُوَ عَلَىٰ كُلِّ شَيۡءٖ وَكِيلٞ 62﴾

﴿...وَخَلَقَ كُلَّ شَيۡءٖ فَقَدَّرَهُۥ تَقۡدِيرٗا﴾

{ ߊߟߊ߫ ߟߋ߬ ߝߋ߲ ߓߍ߯ ߘߊ߲ߓߊ߮ ߘߌ߫ ߸ ߊ߬ߟߋ ߟߋ߫ ߘߏ߲߬ ߟߐ߬ߣߍ߲߬ ߝߋ߲ ߓߍ߯ ߟߊ߫ ( ߞߏ ߟߊ߫ ) }[ ߛߘߍߞߎߘߎ߲ ߠߎ߬ ߝߐߘߊ ߟ:߆߂]

ߊ߬ ߞߊ߲߫ ߛߊߣߌߢߊ ߦߴߊ߬ ߢߍ߫ :{ߊ߬ ߘߏ߲߬ ߞߊ߬ ߝߋ߲ ߓߍ߯ ߘߊ߲߫ ߠߋ߬ ߞߵߊ߬ ߓߍ߯ ߖߊ߬ߕߋߛߌ߰ ߖߋߞߎߖߋߞߎ߫}[ ߝߊߙߊ߲ߝߊߛߌ ߝߐߘߊ ߟ ߂] ߊ߬ ߞߊ߲߫ ߟߊ߬ߝߐ߬ߓߊ߮ ߌߓߎ߬ߙߊ߬ߤߌߡߊ߫ ߞߛߌ ߦߴߊ߬ ߢߍ߫ ߡߊ߬ ߞߏ߫ ߏ߬ ߞߊ߲߫ ߊ߬ ߟߊ߫ ߡߐ߱ ߟߎ߬ ߡߊ߬ :

﴿وَٱللَّهُ خَلَقَكُمۡ وَمَا تَعۡمَلُونَ 96﴾

﴾ߊߟߊ߫ ߟߋ߫ ߘߏ߲߬ ߜߎ ߞߵߊߟߎ߫ ߘߊ߲߫߸ ߊ߬ ߣߴߊߟߎ߫ ߟߊ߫ ߓߊ߯ߙߊ߫ ߞߍߕߊ ߟߎ߬﴿ [ߟߐ߬ߖߟߎ߬ߡߊ߬ߣߍ߲ ߠߎ߬، ߟ:߉߆]

ߘߍ߲߬ߞߣߍ߬ߦߊ߫ ߟߊ߬ߕߍ߮ ߡߊ߫ - ߦߏ߫ ߊ߲ ߞߵߊ߬ ߡߊ߲߬ߞߕߎ߫ ߢߊ ߡߍ߲ - ߏ߬ ߕߍ߫ ߖߐ߲߬ ߢߌߣߌ߲ߞߏ ߡߊߛߐ߬ߛߐ߬ ߟߴߊ߬ ߖߘߍ߬ߦߋ߬ ߓߊ߯ߙߊ ߟߎ߬ ߘߐ߫ ߊ߬ ߛߋߞߏ ߟߊ߫ ߓߊߏ߬ ߛߊ߬ߙߌ߬ߦߊ ߣߌ߫ ߕߎ߬ߢߊ ߦߴߊ߬ ߦߌ߬ߘߊ߬ ߟߊ߫ ߟߋ߬ ߞߏ߫ ߣߌ߲߬ ߓߘߊ߫ ߓߊ߲ߓߊ߲߫ ߊ߬ ߦߋ߫.

ߛ߭ߊߙߌߦߊ ߕߊ: ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ ߛߋߞߏ ߞߏߢߊ ߘߐ߫ :

﴿...فَمَن شَآءَ ٱتَّخَذَ إِلَىٰ رَبِّهِۦ مَـَٔابًا﴾

﴿...فَأۡتُواْ حَرۡثَكُمۡ أَنَّىٰ شِئۡتُمۡ...﴾

﴿فَٱتَّقُواْ ٱللَّهَ مَا ٱسۡتَطَعۡتُمۡ وَٱسۡمَعُواْ وَأَطِيعُواْ...﴾

﴿لَا يُكَلِّفُ ٱللَّهُ نَفۡسًا إِلَّا وُسۡعَهَاۚ لَهَا مَا كَسَبَتۡ وَعَلَيۡهَا مَا ٱكۡتَسَبَتۡ...﴾

{ ߣߴߊ߬ ߞߊ߬ ߡߍ߲ ߘߌߦߊ߫ ߏ߬ ߦߋ߫ ߛߊ߬ߦߌ߲߬ ߦߌߟߊ߫ ߢߌߣߌ߲߫ ߊ߬ ߡߊ߰ߙߌ ߡߊ߬ ߞߋߟߋ߲߬}[ ߖߊ߲߬ߖߏ߲ ߝߐߘߊ ߟ:߃߉]

ߊ߬ ߞߊ߲߫ :{ ߒ߬ߓߵߊߟߎ߯ ߣߵߊߟߎ߫ ߟߊ߫ ߝߏ߬ߘߏ ߡߊ߬ ߢߊ߫ ߡߊ߬ ߡߍ߲ ߓߊ߯ ߊߟߎ߫ ߘߌߦߊ߫}[ ߣߛߌ߬ߡߛߏ ߝߐߘߊ ߟ:߂߂߃]

ߊ߬ ߞߊ߲߫ ߟߊ߬ߕߍ߮ ߞߏߢߊ ߘߐ߫ :{ߒ߬ߓߵߊߟߎ߫ ߦߴߊߟߎ߫ ߝߊ߲ߕߊ߲߬ߞߵߊߟߊ߫ ߡߵߊߟߎ߫ ߛߋߞߏ ߟߊ߫ ߞߵߊߟߎ߫ ߕߟߏߡߊߟߐ߬}[ ߢߐ߲߯ߠߊߓߣߐ ߝߐߘߊ ߟ: ߁߆]

ߊ߬ ߞߊ߲߫ ߌߞߐ߫{ ߊߟߊ߫ ߕߍ߫ ߣߌߡߊ ߞߘߊߡߊ߫ ߟߊ߫ ߝߏߦߌ߬ ߟߊ߫ ߝߏ߫ ߊ߬ ߛߋߞߏ}[ ߣߛߌ߬ߡߛߏ ߝߐߘߊ ߟ :߂߈߆]

ߜߍߘߐߞߏ ߦߋ߫ ߡߍ߲ ߘߌ߫: ߡߐ߱ ߓߍ߯ ߞߵߊ߬ ߟߐ߲߫ ߞߏ߫ ߣߌߛߐߘߌߦߊ ߣߌ߫ ߝߊ߲߬ߞߊ ߦߴߊ߬ ߟߊ߫ ߸ ߊ߬ ߦߋ߫ ߓߊ߯ߙߊ߫ ߟߊ߫ ߡߍ߲ ߠߊ߫ ߸ ߊ߬ ߕߍ߫ ߡߍ߲ ߞߍ߫ ߟߊ߫ ߏ߬ ߝߌ߬ߟߊ ߘߐ߫ ߸ ߊ߬ ߦߋ߫ ߘߊ߲߬ߝߘߊ߬ߓߐ ߞߍ߫ ߟߊ߫ ߡߍ߲ ߦߋ߫ ߞߍ߫ ߟߴߊ߬ ߛߊ߬ߥߏ ߡߊ߬ ߸ ߦߏ߫ ߕߊ߯ߡߊ ߸ ߊ߬ ߣߌ߫ ߡߍ߲ ߦߋ߫ ߞߍ߫ ߟߴߊ߬ ߛߊ߬ߥߏ ߕߍ߫ ߸ ߦߏ߫ ߦߙߍߦߙߍ߫ ߸ ߒ߬ߞߊ߬ ߖߐ߲߭ ߘߌߦߊߣߊ߲ ߣߴߊ߬ ߟߊ߫ ߛߋߞߏߦߊ ߓߎ߲ߓߎ߲ߣߍ߲߫ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߘߌߦߊߣߊ߲ ߣߴߊ߬ ߟߊ߫ ߛߋߞߏߦߊ ߟߋ߫ ߡߊ߬ ߸ ߏ߬ ߦߋ߫ ߊߟߊ߫ ߞߘߐߕߊ߬ߣߍ߲߬ߓߊ ߞߎߡߊߞߊ߲ ߘߐ߫ ߞߏ߫:

﴿لِمَن شَآءَ مِنكُمۡ أَن يَسۡتَقِيمَ 28 وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ29﴾

{ ߦߋ߫ ߞߊ߬ߣߌ߲߫ ߖߘߍ߬ ߟߊ߬ߕߋߟߋ߲ ߓߊ߯ ߘߌߦߊ߫ ߡߍ߲ ߦߋ߫ ߊߟߎ߫ ߘߐ߫߷ߘߏ߲߬ ߕߍ߫ ߊߟߎ߫ ߘߌߦߊ߫ ߝߋߎ߫ ߝߏ߫ ߊ߬ ߓߊ߯ ߖߊ߯ߓߊ ߟߎ߫ ߡߊ߰ߙߌ ߊߟߊ߫ ߘߌߦߊ߫ }[ ߓߎߘߎ߲ߛߊߟߌ ߝߐߘߊ ߟ:߂߉] ߓߊߏ߬ ߖߊ߯ߓߊ ߓߍ߯ ߦߋ߫ ߊߟߊ߫ ߞߘߐߕߊ߬ߣߍ߲߬ߓߊ ߕߊ ߟߋ߬ ߘߌ߫ ߸ ߝߏߛߌ߬ ߕߴߊ߬ ߓߟߏ߫ ߣߵߊ߬ ߟߊ߫ ߓߊ߯ߙߊ߫ ߣߴߊ߬ ߛߋߞߏߦߊ ߕߍ߫.

ߞߊ߬ ߘߍ߬ߞߣߍ߬ߦߊ߬ ߟߊ߬ߕߍ߮ ߡߊ߬-ߦߏ߫ ߊ߲ ߞߵߊ߬ ߡߊ߲߬ߞߕߎ߫ ߢߊ ߡߍ߲ -   ߖߎ߬ߛߎ߫ ߕߍ߫ ߛߐ߫ ߟߊ߫ ߖߐ߲߭ ߡߊ߬ ߞߵߊ߬ ߡߊߓߌ߬ߟߊ߬ ߓߊ߯ߙߊ ߟߎ߬ ߘߐ߫ ߥߟߊ߫ ߖߎ߯ߡߊ߲ ߠߎ߬ ߞߍߟߌ ߘߐ߫ ߸ߊ߬ ߓߌ߲ߓߌ߲ߓߟߏߡߊ߬ ߏ߬ ߞߊ߲߬߸ ߊ߬ ߟߊ߫ ߘߊߘߐߡߌߘߊߞߎ߲ߧߊ ߕߌߢߍߣߍ߲߫ ߠߋ߬ ߛߌߟߊ߫ ߛߌߦߊߡߊ߲߫ ߝߍ߬:

ߝߟߐߡߊ : ߊߟߊ߫ ߞߘߐߕߊ߬ߣߍ߲߬ߓߊ ߞߎߡߊߞߊ߲ ߘߐ߫ :{ ߡߊ߰ߙߌ߬ߜߙߊ߬ߟߊ ߟߎ߬ ߘߌߣߵߊ߬ ߝߐ߫ ߞߏ߫ ߣߴߊ߬ ߕߎ߲߬ ߘߌߦߊ߫ ߘߴߊߟߊ߫ ߦߋ߫ ߊ߲ߠߎ߬ ߣߴߊ߲ ߝߊ߭ ߟߎ߬ ߛߌ߫ ߕߎ߲߬ ߕߍ߫ ߡߊ߰ߙߌ߬ߜߙߊ߫ ߞߍ߫ ߸ ߊ߲ ߕߎ߲߬ ߕߍ߫ ߝߏߦߌ߬ ߝߣߊ߫ ߞߍ߫ ߕߣߊ߬ ߘߌ߫، ߒ߬ߓߵߊ߬ߟߎ߬ ߢߍߓߊ߮ ߟߎ߬ ߝߣߊ߫ ߞߊ߬ ߡߊ߬ߛߐ߬ߛߐ߬ߟߌ ߞߍ߫ ߕߋ߲߬ ߠߋ߬ ߸ ߝߏ߫ ߊ߬ߟߎ߫ ߞߵߊ߲ ߠߊ߫ ߞߍ߬ߟߍ ߡߊߜߙߏ߬، ߊ߬ ߝߐ߫ ߞߏ߫ ߟߐ߲ߠߌ߲ ߘߏ߫ ߟߵߊߟߎ߫ ߓߟߏ߫ ߓߊ߬߸ ߊߟߎ߯ ߏ߬ ߟߊߓߐ߫ ߒ߬ ߧߋ߫ ߜߍ ߘߐ߫ ߞߍ߬؟ ߒ߬ߓߵߊߟߎ߫ ߕߍ߫ ߝߏߦߌ߬ ߟߊߓߊ߬ߕߏ ߞߊ߲߬ ߖߌ߰ߟߌ ߞߐ߫، ߊߟߎ߫ ߘߏ߲߬ ߕߍ߫ ߝߏߦߌ߫ ߞߊ߲߬ ߞߎ߲߬ߘߐ߬ߕߍ߮ ߞߐ߫ }[ ߞߟߏߝߋ߲ ߠߎ߬ ߝߐߘߊ ߟ :߁߄߈] ߣߌ߫ ߟߐ߬ߒ߬ߗߋ߬ߟߊ ߕߎ߲߬ ߦߴߊ߬ߟߎ߬ ߓߟߏ߫߸ ߊߟߊ߫ ߕߎ߲߬ ߕߍ߫ ߊ߬ ߟߊ߫ ߖߊ߲߬ߞߌ߬ߟߌ ߣߍ߯ߙߏ߫ ߟߴߊ߬ߟߎ߬ ߦߋ߫.

ߝߌߟߊߣߊ߲ :ߊߟߊ߫ ߞߘߐߕߊ߬ߣߍ߲߬ߓߊ ߞߎߡߊߞߊ߲ ߘߐ߫ :{ ߟߎ߬ ߓߍ߯ ߗߋߣߍ߲߫ ߘߟߊߝߎߟߊ ߟߎ߬ ߣߌ߫ ߖߊ߬ߛߙߋ߬ߡߊ߬ߟߌ߬ߟߊ ߟߎ߬ ߘߌ߫ ߟߋ߬ ߸ ߛߊ߫ ߘߊߘߐߡߌߘߊߞߎ߲ߧߊ߫ ߞߊߣߊ߬ ߞߍ߫ ߡߐ߱ ߟߎ߬ ߟߴߊߟߊ߫ ߡߊ߬ ߞߋߟߊ ߟߎ߫ (ߣߊ߭) ߞߐ߫ ߸ ߓߊߏ߬ ߊߟߊ߫ ߦߋ߫ ߣߌ߬ߣߌ߬ߟߊ߫ ߥߘߋ߬ߥߘߋ߬ߟߌ߬ߟߊ߫ ߟߋ߬ ߘߌ߫} [ߡߎ߬ߛߏ ߟߎ߬ ߝߐߘߊ ߟ :߁߆߅] ߣߌ߫ ߟߊ߬ߕߍ߲ ߕߎ߲߬ ߞߍ߫ ߘߊ߫ ߘߊ߬ߟߎ߬ ߘߌ߫ ߕߣߊ߬ߟߊ߬ߕߍ߰ߟߊ ߟߎ߬ ߡߊ߫ ߸ߞߋߟߊߘߋ߲ ߠߎ߬ ߟߊ߫ ߗߋߦߊߟߌ ߕߍ߫ ߛߍ߲ߓߍߡߊ߫ ߟߊ߫ ߸ ߓߊߏ߬ ߊ߬ߟߎ߬ ߗߋߟߌ ߞߐ߫ ߕߐ߬ߢߍ߮ ߘߌ߫ ߞߍ߫ ߞߊ߬ ߓߍ߲߬ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߟߊ߬ߕߍ߰ߦߊ ߡߊ߬.

ߛߓߊߣߊ߲ : ߓߎߞߊ߬ߙߌ ߣߌ߫ ߡߎߛߑߡ ߞߊ߬ ߡߍ߲ ߠߊߓߐ߫ - ߓߎߞߊ߬ߙߌ ߕߊ ߝߐߟߌ - ߞߵߊ߬ ߡߌ߬ߘߊ߬ ߊ߬ߟߌ߫ ߡߊ߬ ߊ߬ߓߎ߫ ߕߊ߯ߟߌߓߌ߫ ߘߋ߲ߞߍ߫ ߊߟߡߊ߫ ߘߌ߬ߢߍ߬ ߞߍ߫ ߘߴߊ߬ ߡߊ߬ ߟߊ߬ߝߐ߬ߓߊ߮ ߞߛߌ ߣߌ߫ ߣߍߡߊ ߦߴߊ߬ ߢߍ߫ ߞߊ߲߫ :<< ߡߐ߰ ߛߌ߫ ߕߴߦߋ߲߬ ߡߍ߲ ߡߴߊ߬ ߛߌ߰ߦߙߐ ߛߓߍ߫ ߥߋ߲߯ߓߋ ߘߐ߫ ߥߟߊ߫ ߊ߬ߙߌ߬ߖߣߍ߬ >> ߗߍ߭ ߘߏ߫ ߞߊ߲߫ ߡߐ߱ ߟߎ߬ ߘߐ߫: ߦߊ߯ߟߊ߫ ߒ߬ߠߎ߬ ߕߍ߫ ߊ߲ ߛߍ߲߬ߓߍ߬ ߟߊ߫ ߘߋ߬ ߊߟߊ߫ ߞߋߟߊ؟ ߊ߬ ߞߊ߲߫ :<< ߊ߬ߥߐ߫ ߸ ߊߟߎ߫ ߓߊ߯ߙߊ߫ ߸ ߊ߬ ߓߍ߯ ߣߐ߰ߦߊ߬ߣߍ߲ >> ߏ߬ ߞߐߝߍ߬ ߊ߬ ߞߊ߬ ߞߊ߬ߙߊ߲ ߞߍ߫ :{ߘߐ߫ ߸ ߣߌ߫ ߡߍ߲ ߞߊ߬ ߛߐߟߌ ߞߍ߫ ߞߵߊ߬ ߝߊ߲ߕߊ߲߬ߞߊ߫ } [ ߛߎ ߝߐߘߊ ߟ:߅] ߊ߬ ߦߋ߫ ߡߎ߬ߛߑߟߌߡ ߕߊ ߝߐߟߌ ߘߐ߫ :<<ߡߐ߱ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߟߊߣߐ߰ߦߊ߬ߣߍ߲߫ ߠߋ߬ ߊ߬ ߘߊ߲߫ ߠߊ߫ ߡߍ߲ ߡߊ߬>> ߟߊ߬ߝߐ߬ߓߊ߮ ߞߛߌ ߣߌ߫ ߣߍߡߊ ߦߴߊ߬ ߢߍ߫ ߞߊ߬ ߖߡߊ߬ߙߌ߬ߟߌ ߞߍ߫ ߓߊ߯ߙߊ߫ ߟߋ߬ ߟߊ߫ ߸ ߞߊ߬ ߝߊߕߊ߲ߕߟߌ ߞߍ߫ ߓߟߏߡߟߊ ߡߊ߬ ߟߊ߬ߕߍ ߡߊ߬

ߣߊ߯ߣߌ߲ߣߊ߲ : ߊߟߊ߫ ߞߘߐߕߊ߬ߣߍ߲߬ߓߊ ߞߊ߬ ߖߐ߲߭ ߖߡߊ߬ߙߌ߬ ߸ ߞߵߊ߬ ߝߊߕߊ߲ߕߌ ߸ ߊ߬ ߡߊ߫ ߟߐ߬ ߞߏ ߟߊ߫ ߝߏ߫ ߊ߬ ߛߋߞߏ ߸ ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ :

﴿فَٱتَّقُواْ ٱللَّهَ مَا ٱسۡتَطَعۡتُمۡ وَٱسۡمَعُواْ وَأَطِيعُواْ...﴾

﴿لَا يُكَلِّفُ ٱللَّهُ نَفۡسًا إِلَّا وُسۡعَهَا...﴾

{ ߒ߬ߓߵߊߟߎ߫ ߦߴߊߟߎ߫ ߝߊ߲ߕߊ߲߬ߞߵߊߟߊ߫ ߡߵߊߟߎ߫ ߛߋߞߏ ߟߊ߫ ߞߵߊߟߎ߫ ߕߟߏߡߊߟߐ߬ ߞߊ߬ ߞߊ߲ߡߌߘߊ ߞߍ߫}[ ߢߐ߲߯ߠߊߓߣߐ ߝߐߘߊ ߟ: ߁߆]

ߊ߬ ߞߊ߲߫ ߌߞߐ߫ :{ ߊߟߊ߫ ߕߍ߫ ߣߌߡߊ ߞߘߊߡߊ߫ ߟߊ߫ ߝߏߦߌ߬ ߟߊ߫ ߝߏ߫ ߊ߬ ߛߋߞߏ}[ ߣߛߌ߬ߡߛߏ ߝߐߘߊ ߟ :߂߈߆] ߣߌ߫ ߖߐ߲߭ ߞߘߊߡߊ߫ ߘߊ߫ ߞߏ߫ ߞߍߟߌ ߟߊ߫߸ ߊ߬ ߘߌ߫ ߡߊߝߌ߲߬ ߝߋ߲߫ ߠߊ߫߸ ߊ߬ ߕߴߛߋ߫ ߡߍ߲ ߠߊߓߊ߲ ߠߊ߫ ߟߊ߫ ߸ ߏ߬ ߕߍ߫ ߓߍ߲߬ ߸ ߏ߬ ߟߋ߫ ߘߐ߬ ߣߌ߫ ߖߎ߯ߡߊ߲ ߞߍ߫ ߘߊ߫ ߞߏߟߐ߲ߓߊߟߌߦߊ ߣߌ߫ ߢߌ߬ߣߊ ߣߌ߫ ߞߘߊߡߊ ߟߋ߬ ߘߐ߫ ߸ ߞߎ߲߬ߞߏ ߕߴߊ߬ ߡߊ߬ ߏ߬ ߘߐ߫ ߸ ߓߊߏ߬ ߘߌ߬ߢߍ ߞߍߣߍ߲߫ ߠߴߊ߬ ߡߊ߬

ߟߏ߯ߟߎߣߊ߲ :ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߘߊ߲߭ ߦߋ߫ ߜߎ߲߬ߘߎ߬ ߢߡߊߘߏ߲߰ߣߍ߲ ߠߋ߬ ߘߌ߫ ߡߍ߲ ߕߍ߫ ߟߐ߲߫ ߠߊ߫ ߝߏ߫ ߘߊ߲߭ ߞߍߣߍ߲ ߞߐ߫، ߊ߬ ߣߌ߫ ߖߐ߲߭ ߦߋ߫ ߡߍ߲ ߞߍ߫ ߟߊ߫ ߏ߬ ߟߊߢߌߣߌ߲ ߘߌ߫ ߞߊ߬ ߞߐ߲߬ ߊ߬ ߟߊ߫ ߓߊ߯ߙߊ ߢߍ߫. ߏ߬ ߘߐ߫ ߊ߬ ߟߊ߫ ߓߊ߯ߙߊ ߟߐ߲ߠߌ߲ ߕߍ߫ ߛߍ߲߬ߓߍ߬ ߟߊ߫ ߊߟߊ߫ ߟߊ߫ ߟߊ߬ߕߍ߰ߦߊ ߟߐ߲ߠߌ߲ ߠߊ߫߸ ߗߏ߯ߦߊ ߏ߬ ߘߐ߫߸ ߊ߬ ߟߊ߫ ߘߊߘߐߡߌߘߊߞߎ߲ߧߊ ߘߌ߫ ߕߌߢߍ߫ ߟߊ߬ߕߍ ߟߊ߫ ߸ߓߊߏ߬ ߘߊߘߐߡߌߘߊ߫ ߕߍ߫ ߡߐ߱ ߓߟߏ߫ ߊ߬ ߡߊ߫ ߡߍ߲ ߟߐ߲߫

ߥߐ߯ߙߐߣߊ߲ :ߊ߲ ߧߴߊ߬ ߦߋ߫ ߟߊ߫ ߟߋ߬ ߞߏ߫ ߡߐ߱ ߦߴߊ߬ ߘߐ߰ߘߏ߲߬ ߠߊ߫ ߡߍ߲ ߓߍ߲߬ߣߍ߲߫ ߊ߬ ߡߊ߬ ߊ߬ ߟߊ߫ ߘߎߢߊ߫ ߞߏߢߊ ߟߎ߬ ߘߐ߫߸ ߝߴߊ߬ ߦߋ߫ ߏ߬ ߟߊߛߐ߬ߘߐ߲߬ ߸ ߊ߬ ߕߴߊ߬ ߝߊ߬ߟߋ߲߬ ߝߋ߲ ߠߊ߫ ߡߍ߲ ߓߍ߲߬ߣߍ߲߫ ߊ߬ ߡߊ߬ ߸ ߏ߬ ߞߐߝߍ߬ ߊ߬ ߦߴߊ߬ ߡߊߞߊ߬ߛߌ߬ ߟߊ߬ߕߍ߮ ߟߊ߫ ؟ ߡߎ߲߬ ߘߐ߫ ߊ߬ ߦߴߊ߬ ߦߟߍ߬ߡߊ߲ ߠߊ߫ ߊ߬ ߟߊ߫ ߘߌ߯ߣߊ߫ ߟߊߢߊ߬ ߞߏ ߘߐ߫ ߞߊ߬ ߥߴߊ߬ ߕߙߐ ߞߏ ߡߊ߬ ߏ߬ ߞߐߝߍ߬ ߞߵߊ߬ ߓߟߏߡߟߊ ߟߊ߬ߕߍ߮ ߡߊ߬؟ ߦߊ߯ߟߊ߫ ߞߏ ߝߌ߬ߟߊ ߕߋ߫ ߞߋߟߋ߲ ߦߋ߫ ߥߊ߬؟

ߒ߬ߓߊ߬ ߟߊߒߡߊ߫ ߟߋ߫ ߕߋ߲߬ ߡߍ߲ ߦߋ߫ ߏ߬ ߟߊߞߊ߬ ߟߊ߫ :

ߣߌ߫ ߛߌߟߊ߫ ߝߌ߬ߟߊ ߦߋ߫ ߡߐ߱ ߓߟߏ߫ : ߞߋߟߋ߲ : ߏ߬ ߦߋ߫ ߥߊ߫ ߟߊ߫ ߞߏߟߏ߲ߛߏ߲ ߛߏ ߟߋ߬ ߟߊ߫ : ߝߊ߰ߟߌ߸ ߛߏߘߏ߲ߜߊߟߌ ߸ ߕߐ߰ߡߊ߬ߛߙߋ ߟߎ߬ ߕߣߊ߬ߟߊߕߍ߸ ߛߌߟߊ߲߸ ߊ߬ ߣߌ߫ ߞߐ߲ߞߐ. ߊ߬ ߝߌߟߊߣߊ߲ : ߏ߬ ߦߋ߫ ߥߊ߫ ߟߊ߫ ߖߡߊ߬ߣߊ߬ ߓߘߍ ߟߋ߫ ߡߊ߬ ߡߍ߲ ߘߏ߲߬ߖߟߎ߬ߡߊ߬ߣߍ߲߫ ߸ߞߎ߲߬ߠߊ߬ߝߎ߬ߟߋ߲߬ߠߌ߲ ߣߌ߫ ߘߎߢߊߘߐߕߍ߮ ߟߊߝߙߍߣߍ߲ ߣߌ߫ ߣߌ ߟߎ߫ ߓߏ߲߬ߧߊ ߣߌ߫ ߓߏ߲߬ߧߊ ߣߌ߫ ߣߊ߲߬ߝߟߏ߸ ߊ߬ ߦߋ߫ ߛߌߟߊ ߢߎ߬ߡߊ߲߬ ߕߊ߬ ߟߴߏ߬ ߘߐ߫ ؟

ߒ߬ߓߵߊ߬ ߦߋ߫ ߛߌߟߊ ߝߌߟߊߣߊ߲ ߠߋ߬ ߕߊ߬ ߟߊ߫ ߏ߬ ߡߍ߲ ߦߋ߫ ߟߊ߫ ߓߊ߲߫ ߠߊ߫ ߖߡߊ߬ߣߊ߫ ߘߏ߲߬ߖߟߎ߬ߡߊ߬ߣߍ߲߫ ߣߌ߫ ߓߊߛߌ߰ߣߍ߲߫ ߘߐ߫ ߤߊ߲ߞߟߌߡߊ ߕߍ߫ ߛߐ߲߬ ߞߊ߬ ߖߡߊ߬ߣߊ߬ ߞߏߟߏ߲ߛߏ߲ ߣߌ߫ ߛߌߟߊ߲߫ ߛߌߟߊ ߓߐ߫ ߸ ߞߵߊ߬ ߝߐ߫ ߞߏ߫ ߟߊ߬ߕߍ߮ ߡߎ߲߬ ߘߐ߫ ߊ߬ ߦߋ߫ ߥߋ߲߯ߓߋ ߛߌߟߊ ߓߐ߫ ߟߊ߫ ߞߊ߬ ߊ߬ߙߌ߬ߖߣߍ߬ ߕߏ߫ ߦߋ߲߬ ߞߵߊ߬ ߝߐ߫ ߞߏ߫ ߟߊ߬ߕߍ߮ ؟

ߟߊߒߡߊ ߜߘߍ߫ : ߊ߲ ߧߋ߫ ߖߊ߲߬ߞߊ߬ߙߏ߬ߕߐ ߦߋ߫ ߟߊ߫ ߖߡߊ߬ߙߌ߬ ߟߊ߫ ߓߊߛߌ ߕߊ߭ ߡߊ߬ ߸ ߊ߬ ߘߴߊ߬ ߡߌ߲߬ ߸ ߞߵߊ߬ ߕߘߍ߬ ߊ߬ ߡߊ߲߫ ߘߴߊ߬ ߣߌ ߢߍ߫ ߸ ߞߴߊ߬ ߞߎ߬ߡߊ߲߬ߘߌ߫ ߛߎ߬ߡߊ߲ ߡߊ߬ ߡߍ߲߫ ߦߴߊ߬ ߕߙߐ ߟߊ߫ ߸ ߊ߬ ߘߴߏ߬ ߟߊߕߏ߫ ߸ ߞߵߊ߬ ߕߘߍ߬ ߊ߬ ߘߌߡߊ߲߫ ߊ߬ ߣߌ ߢߍ߫ ߸ ߏ߬ ߓߍ߯ ߦߋ߫ ߞߍ߲ߘߍߦߊ ߣߌ߫ ߞߛߌ ߟߋ߬ ߢߌߣߌ߲߫ ߘߌ߫ ߸ ߊ߬ ߕߍ߫ ߓߍ߲߬ ߞߵߊ߬ ߞߎ߬ߡߊ߲߬ߘߌ߫ ߓߊߛߌ ߡߌ߲߭ ߡߊ߬ ߸ ߥߟߊ߫ ߞߵߊ߬ ߕߙߐ߫ ߛߎߡߊ߲ ߘߊߥߎ߲߫ ߸ ߞߵߊ߬ ߝߐ߫ ߞߏ߫ ߟߊ߬ߕߍ߮ ߸ ߡߎ߲߬ ߘߐ߫ ߡߐ߱ ߦߋ߫ ߊߟߊ߫ ߣߴߊ߬ ߟߊ߫ ߞߋߟߊ ߟߊ߫ ߖߡߊ߬ߙߌ߬ߟߌ ߕߏ߫ ߟߊ߫ ߥߟߊ߫ ߊߟߊ߫ ߣߴߊ߬ ߟߊ߫ ߞߋߟߊ ߞߊ߬ ߜߍ߲ߠߌ߲ ߞߍ߫ ߡߍ߲ ߠߊ߫ ߏ߬ ߞߐߝߍ߬ ߞߵߊ߬ ߝߐ߫ ߞߏ߫ ߟߊ߬ߕߍ߮ ؟

ߥߐߙߐ߲ߥߌߟߊߣߊ߲ :ߡߍ߲ ߦߴߊ߬ ߝߐ߫ ߟߊ߫ ߞߏ߫ ߟߊ߬ߕߍ߮ ߖߡߊ߬ߙߌ߬ߒߞߊ߲ߠߊ ߘߐ߫ ߸ ߥߟߊ߫ ߊߟߊ߫ ߛߐߛߐ߫ ߓߊ߯ߙߊ ߘߐ߫ ߸ ߣߌ߫ ߡߐ߰ ߘߏ߫ ߞߵߊ߬ ߝߌ߬ߙߌ߲߬ߕߊ߬ߥߏ߬ ߞߵߊ߬ ߟߊ߫ ߣߊ߲߬ߝߟߏ ߡߌ߬ߘߊ߫ ߥߟߴߊ߬ ߞߵߊ߬ ߟߊ߫ ߛߊߣߌ߲ߧߊ ߕߌߢߍ߫߸ ߞߵߊ߬ ߝߐ߫ ߞߏ߫ ߟߊ߬ߕߍ߮ ߸ ߊ߬ ߞߊ߲߫ :ߌ ߞߣߊ߫ ߒ ߖߙߊ߬ߞߌ߬߸ ߒ ߠߊ߫ ߓߋ߲߬ߒߞߊ߬ߣߌ ߕߘߍ߬ ߊߟߊ߫ ߟߊ߫ ߟߊ߬ߕߍ߮ ߟߋ߬ ߘߌ߫ ߸ ߓߟߏ߫ ߕߍ߫ ߊ߬ ߞߎߡߊߞߊ߲ ߏ߬ ߟߊ߫ ߸ ߓߟߏ߫ ߞߍ߫ ߕߐ߫ ߓߋ߬ߒ߬ߞߊ߲߬ߠߌ߲ ߘߐ߫ ߢߊ ߖߐ߲߬ ߡߊ߬ ߟߊ߬ߕߍ߮ ߛߘߊߘߐ߫ ߸ ߞߊ߬ ߓߊ߲߫ ߞߵߊ߬ ߞߍ߫ ߓߟߏߡߟߊ ߏ߬ ߥߊ߯ߕߌ ߞߋߟߋ߲ ߠߊ߫ ߊߟߊ߫ ߞߘߐߕߊ߬ߣߍ߲߬ߓߊ ߤߊߞߍ ߕߌߢߍ ߘߐ߫ ߏ߬ ߟߊ߬ߕߍ߮ ߞߋߟߋ߲ ߏ߬ ߘߌ߫ ؟

ߊ߬ ߦߋ߫ ߝߐ߫ ߟߊ߫ ߞߏ߫ ߟߊߒߠߦߊߓߊ߮ ߟߎ߬ ߟߊ߫ ߢߍߡߌߘߊ ߏߡߊߙ ߞ߭ߊߕߕߊߓߑ ߘߋ߲ߞߍ߫ ߊߟߡߊ߫ ߘߌ߬ߢߍ߬ ߞߍ߫ ߘߴߊ߬ ߡߊ߬ ߸ ߞߏ߫ ߛߏ߲߭ ߘߏ߫ ߟߊ߫ ߞߏ ߛߋ߫ ߘߴߊ߬ ߡߊ߬ ߡߍ߲ ߣߌ߫ ߕߍ߰ߟߌ ߞߊ߫ ߞߊ߲߫߸ ߊ߬ ߞߵߊ߬ ߓߟߏ߫ ߕߍ߰ߟߌ ߞߏ߫ ߖߡߊ߬ߙߌ߬ߦߊ߸ ߊ߬ ߞߊ߲߫ : ߞߏ߫ ߡߊ߬ߞߐ߬ߣߐ߲߬ߠߌ߲ ߞߍ߫ ߌߟߋ߬ ߟߊߒߠߦߊߓߊ߮ ߟߎ߬ ߢߍߡߌߘߊ ߸ ߊߟߊ߫ ߟߊ߫ ߟߊ߬ߕߍ߮ ߟߋ߬ ߞߊ߬ ߒ ߓߌ߬ߟߊ߬ ߛߎ߬ߢߊ߬ߟߌ ߟߊ߫ ߸ ߎߡߊߙߎ߫ ߞߊ߲ ߞߏ߫: ߒ߬ ߝߣߊ߫ ߦߴߌ ߓߟߏ߫ ߕߍ߰ ߟߊ߫ ߊߟߊ߫ ߟߊ߫ ߟߊ߬ߕߍ߰ߦߊ ߟߋ߬ ߟߊ߫

ߣߝߊ߬ ߓߟߋߓߟߋ ߟߋ߬ ߘߍ߲߬ߞߣߍ߬ߦߊ߫ ߘߐ߫ ߟߊ߬ߕߍ߮ ߡߊ߬ ߏ߬ ߘߏ߫ ߟߎ߬ ߝߟߍ߫:

ߝߟߐߡߊ : ߞߴߌ ߖߌ߭ ߟߊ߫ ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߬ ߞߎ߲߭ ߠߎ߬ ߞߍ ߕߎߡߊ߸ ߛߴߊ߬ ߞߣߊ߫ ߛߍ߲߬ߓߍ߬ ߞߎ߲ ߞߋߟߋ߲ ߏ߬ ߟߊ߫߸ ߓߊߏ߬ ߝߋ߲ ߓߍ߯ ߦߋ߫ ߞߍ߫ ߟߊ߫ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߟߊ߬ߕߍ߮ ߟߋ߬ ߞߣߐ߫.

ߝߌߟߊߣߊ߲ :ߞߏ߫ ߡߐ߱ ߕߴߊ߬ ߖߘߍ߬ ߓߏ߲߬ߧߊ߬ ߟߊ߫ ߣߴߊ߬ ߞߵߊ߬ ߢߌߣߌ߲ߞߏ ߛߐ߬ߘߐ߲߬߸ ߞߵߊ߬ ߡߊߛߐ߬ߘߐ߲߬ ߏ߬ ߛߐ߬ߘߐ߲߬ ߦߋ߫ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߣߍߡߊ ߘߏ߫ ߟߋ߬ ߘߌ߫ ߞߊ߬ ߝߘߊ߫ ߊ߬ ߟߊ߫ ߟߊ߬ߕߍ߰ߦߊ ߟߊ߫ ߞߊ߬ ߓߐ߫ ߤߙߍ ߣߌ߫ ߛߎߘߊ߲߫ ߞߎ߲߭ ߘߐ߫ ߸ ߞߊ߬ ߢߊߓߐ߫ ߊ߬ ߝߍ߬ ߊ߬ ߖߘߍ߬ ߢߍ߫ ߏ߬ ߦߴߊ߬ ߟߊ߫ ߢߌ߬ߣߊ߫ ߟߊ߫ ߞߎߟߎ߲ߖߋߟߌ ߘߐ߫ ߣߍߡߊ ߟߊ߫ ߞߏ ߟߊ߫.

ߛߓߊߣߊ߲ : ߖߛߎ߬ߛߎߡߊ ߣߌ߫ ߣߌ ߟߊߝߙߍ߫ ߦߋ߫ ߛߐ߬ߘߐ߲߬ ߠߊ߫ ߡߍ߲ ߘߐ߫ ߞߊ߬ ߝߘߊ߫ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߟߊ߬ߕߍ߰ߦߊ ߟߎ߬ ߘߏ߫ ߘߐ߫ ߸ ߊ߬ ߕߍ߫ ߞߣߐ߬ߘߐ߬ߝߟߌ ߟߊ߫ ߊ߬ ߞߊ߬ߣߌ߬ߒߕߋ ߘߏ ߟߊ߫ ߛߊ߬ߦߊ ߘߐ߫ ߸ ߥߟߊ߫ ߡߊ߲߬ߕߙߐ ߘߏ߫ ߛߐ߬ߘߐ߲ ߘߐ߫ ߸ ߞߵߊ߬ ߡߊߛߐ߬ߘߐ߲߬ ߏ߬ ߦߋ߫ ߊߟߊ߫ ߟߊ߫ ߟߊ߬ߕߍ߰ߦߊ ߟߋ߬ ߘߌ߫ ߏ߬ ߡߍ߲ ߦߋ߫ ߛߊ߲ ߠߎ߬ ߣߌ߫ ߘߎ߱ ߡߙߊ߬ߓߊ߮ ߦߋ߫ ߸ߊ߬ ߦߋ߫ ߘߊ߲ߝߋ߲߫ ߡߊߕߊ߲߬ߞߊ߬ߓߊߟߌ ߟߋ߬ ߘߌ߫ ߸ ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ ߏ߬ ߘߐ߫ ߞߏ߫:

﴿مَآ أَصَابَ مِن مُّصِيبَةٖ فِي ٱلۡأَرۡضِ وَلَا فِيٓ أَنفُسِكُمۡ إِلَّا فِي كِتَٰبٖ مِّن قَبۡلِ أَن نَّبۡرَأَهَآۚ إِنَّ ذَٰلِكَ عَلَى ٱللَّهِ يَسِيرٞ 22 لِّكَيۡلَا تَأۡسَوۡاْ عَلَىٰ مَا فَاتَكُمۡ وَلَا تَفۡرَحُواْ بِمَآ ءَاتَىٰكُمۡۗ وَٱللَّهُ لَا يُحِبُّ كُلَّ مُخۡتَالٖ فَخُورٍ 23﴾

{ ߛߐ߬ߘߐ߲߬ߞߏ߬ ߛߌ߫ ߓߊ߯ ( ߡߐ߰ ) ߛߐ߬ߘߐ߲߬ ߘߎ߱ ߞߊ߲߬ ߊ߬ ߣߴߊߟߎ߫ ߖߍ߬ߘߍ ߣߌ ߟߎ߬ ߘߐ߫ ߸ ߝߴߏ߬ ߦߋ߫ ߞߍ߫ ߟߍߙߊ ߘߐ߫ ߟߋ߬ ߞߊ߬ ߞߐ߲߰ ߊ߬ ߘߊ߲ ߢߍ߫ ߒ߬ ߓߟߏ߫ ߸ ߏ߬ ߣߐ߲߰ߡߊ߲߫ ߠߋ߬ ߊߟߊ߫ ߡߊ߬ ߘߋ߬ ߷ߖߐ߲߬ߛߴߊߟߎ߫ ߞߊߣߊ߬ ߛߎ߬ߣߎ߲߬ ߝߋ߲߫ ߡߊ߬ ߊߟߎ߫ ߝߐ߫ ߘߊ߫ ߡߍ߲ ߠߊ߫ ߸ ߊߟߎ߫ ߞߣߊ߫ ߖߍ߰ߙߍ߫ ߊߟߎ߫ ߛߐߝߋ߲ ߝߣߊ߫ ߘߐ߫ ߸ ߓߊߏ߬ ߢߊ߲߬ߞߊ߲߬ߓߊ߰ ߥߊߛߏߟߊ ߡߊ߲߫ ߘߌ߫ ߊߟߊ߫ ߦߋ߫ }[ ߣߍ߰ߝߌ߲ ߝߐߘߊ ߟ: ߂߂-߂߃]

«عَجَبًا لِأَمْرِ الْمُؤْمِنِ إِنَّ أَمْرَهُ كُلَّهُ خَيْرٌ، وَلَيْسَ ذَاكَ لِأَحَدٍ إِلَّا لِلْمُؤْمِنِ، إِنْ أَصَابَتْهُ سَرَّاءُ شَكَرَ فَكَانَ خَيْرًا لَهُ، وَإِنْ أَصَابَتْهُ ضَرَّاءُ صَبَرَ فَكَانَ خَيْرًا لَهُ».

ߟߊ߬ߝߐ߬ߓߊ߮ ߦߴߊ߬ ߝߐ߫ ߟߊ߫ ߞߛߌ ߣߌ߫ ߣߍߡߊ ߦߴߊ߬ ߢߍ߫ :<<ߟߊߒߠߦߊߓߊ߮ ߟߊ߫ ߞߏ ߦߋ߫ ߞߓߊߞߏ ߟߋ߬ ߘߌ߫، ߓߊߏ߬ ߊ߬ ߟߊ߫ ߞߏ ߓߍ߯ ߞߊ߫ ߢߌ߲߬، ߏ߬ ߕߍ߫ ߡߐ߰ ߛߌ߫ ߦߋ߫ ߝߏ߫ ߟߊߒߠߦߊߓߊ߮߸ߣߴߊ߬ ߞߊ߬ ߤߙߊ߫ ߛߐ߬ߘߐ߲߬ ߊ߬ ߘߌ߫ ߞߏߢߌߡߊߟߐ߲ ߞߍ߫ ߏ߬ ߘߌ߫ ߞߵߊ߬ ߓߟߏ߫ ߤߙߍ߫ ߘߌ߫ ߸ ߣߴߊ߬ ߘߏ߲߬ ߞߊ߬ ߡߊ߲߬ߕߙߐ ߛߐ߬ߘߐ߲߬ ߊ߬ ߘߴߊ߬ ߛߓߊߙߌ߫ ߏ߬ ߘߌ߫ ߞߵߊ߬ ߓߟߏ߫ ߤߙߊ ߘߌ߫ >>.

ߖߡߊ߬ߞߙߎ ߝߌ߬ߟߊ߬ ߝߟߌ߬ ߘߊ߫ ߟߋ߬ ߟߊ߬ߕߍ߮ ߞߏ ߘߐ߫ :

ߝߟߐߡߊ :(ߖߊ߬ߓߊߙߌߦߦߊ) ߏ߬ ߟߎ߫ ߟߋ߬ ߞߊ߲߫ ߞߏ߫ ߖߐ߲߭ ߘߌߦߊߜߏߦߊߣߍ߲ ߠߋ߬ ߊ߬ ߟߊ߫ ߓߊ߯ߙߊ ߟߊ߬ ߸ ߟߊߥߟߌ߬ߡߊ߬ߦߊ ߥߊߟߌߡߊ ߛߋߞߏ ߕߴߊ߬ ߓߟߏ߫ ߏ߬ ߞߍ߫ ߘߐ߫

ߝߌߟߊߣߊ߲ :(ߞߊ߬ߘߊߙߌߦߊ) ߏ߬ ߟߎ߫ ߟߋ߬ ߞߊ߲߫ ߞߏ߫ ߖߐ߲߭ ߦߋ߫ ߘߍ߲ߒߖߘߍߟߦߊ ߟߋ߬ ߘߌ߫ ߊ߬ ߟߊ߫ ߓߊ߯ߙߊ ߘߐ߫ ߊ߬ ߘߌߦߊߣߊ߲ߕߊ ߣߴߊ߬ ߛߋߞߏߦߊ ߟߊ߫ ߸ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߟߊ߬ߢߌߣߌ߲߫ ߣߴߊ߬ ߟߊ߫ ߛߋߞߏߦߊ ߕߍ߫ ߝߏߦߌ߬ ߞߍ߫ ߟߴߊ߬ ߟߊ߫.

ߞߙߎ߫ ߝߟߐ(ߖߊ߬ߓߊߙߌߦߦߊ)ߖߋ߬ߓߌ ߞߊ߬ ߓߍ߲߬ ߛߊ߬ߙߌ߬ߦߊ ߣߌ߫ ߜߍߘߐߞߏ ߡߊ߬:

ߛߊ߬ߙߌ߬ߦߊ ߕߊ: ߊߟߊ߫ ߞߘߐߕߊ߬ߣߍ߲߬ߓߊ ߞߵߊ߬ ߟߊ߫ ߖߐ߲߭ ߟߐ߬ߒ߬ߗߋ߬ߟߊ ߣߴߊ߬ ߟߐ߯ߟߊߟߌ ߟߊߕߍ߰߸ ߞߊ߬ ߓߊ߯ߙߊ ߘߏ߫ ߝߙߊ߬ ߊ߬ ߞߊ߲߬ ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ :

﴿...مِنكُم مَّن يُرِيدُ ٱلدُّنۡيَا وَمِنكُم مَّن يُرِيدُ ٱلۡأٓخِرَةَ...﴾

﴿وَقُلِ ٱلۡحَقُّ مِن رَّبِّكُمۡۖ فَمَن شَآءَ فَلۡيُؤۡمِن وَمَن شَآءَ فَلۡيَكۡفُرۡۚ إِنَّآ أَعۡتَدۡنَا لِلظَّٰلِمِينَ نَارًا أَحَاطَ بِهِمۡ سُرَادِقُهَا...﴾

﴿مَّنۡ عَمِلَ صَٰلِحٗا فَلِنَفۡسِهِۦۖ وَمَنۡ أَسَآءَ فَعَلَيۡهَاۗ وَمَا رَبُّكَ بِظَلَّٰمٖ لِّلۡعَبِيدِ 46﴾

{ ߞߏ߬ߣߌ߲߬ ߓߊߏ߬ ߊߟߎ߫ ߘߏ߫ ߓߍ߫ ߸ ߏ߬ ߦߋ߫ ߘߎߢߊ߫ ߢߌߣߌ߲ ߞߊ߲߬ ( ߊ߬ ߘߐ߫ )، ߊߟߎ߫ ߘߏ߫ ߜߘߍ߫ ߝߣߊ߫ ߓߍ߫ ߸ ߏ߬ ߦߋ߫ ߛߎ߬ߟߊ߬ ߢߌߣߌ߲ ߞߊ߲߬}[ ߌߡߎ߬ߙߊ߲߬ ߞߐߙߍ ߝߐߘߊ ߟ :߁߅߂]

ߞߘߐߕߊ߬ߣߍ߲߬ߓߊ ߞߊ߲߫ ߌߞߐ߫ :{ ߦߴߊ߬ ߝߐ߫ ߞߏ߫ ߕߎ߬ߢߊ߫ ߟߋ߫ ߞߊ߬ ߝߘߴߊߟߎ߫ ߡߊ߰ߙߌ ߟߊ߫ ، ߏ߬ ߘߐ߫ ߊ߬ ߓߊ߯ ߡߍ߲ ߘߌߦߊ߫ ߏ߬ ߦߋ߫ ߟߴߊ߬ ߟߊ߫ ߸ ߊ߬ ߓߊ߯ ߡߍ߲ ߘߌߦߊ߫ ߏ߬ ߦߴߊ߬ ߓߊ߲߬ ߊ߬ ߘߐ߫ ، ߒ߬ߠߎ߫ ߞߏ߬ߣߌ߲ ߣߐ߬ ߦߋ߫ ߕߊ ߟߋ߬ ߘߐߓߍ߲߬ ߠߊ߫ ߕߐ߬ߢߍ߰ߒߕߋ ߟߎ߬ ߦߋ߫ ߸ ߏ߬ ߘߊ߬ߣߊ߲ ߠߎ߬ ߞߍߣߍ߲߫ ߞߵߊ߬ߟߎ߬ ߟߊߡߌߣߌ߲߫ }ߟߝߊߙߌ[ ߝߊߟߊ߲ ߝߐߘߊ ߟ:߂߉]

ߞߘߐߕߊ߬ߣߍ߲߬ߓߊ ߞߊ߲߫ ߕߎ߲߯ߣߌ߲߫ :{ ߡߍ߲ ߓߊ߯ ߢߌ߬ߡߊ߬ ߞߍ߫ ߏ߬ ߦߴߊ߬ ߖߍ߬ߘߍ߫ ߟߋ߬ ߦߋ߫ ߏ߬ ߘߐ߫ ߸ ߣߌ߫ ߡߍ߲ ߞߊ߬ ߖߎ߯ߦߊ߫ ߞߍ߫ ߏ߬ ߦߴߏ߬ ߞߍ߫ ߟߴߊ߬ ߖߍ߬ߘߍ߫ ߟߋ߬ ߟߊ߫ ߸ ߌ ߡߊ߰ߙߌ ߞߏ߬ߣߌ߲߬ ߕߍ߫ ߓߊ߰ ߟߊ߫ ߖߐ߲߭ ߠߎ߫ ߡߊ߬ }[ ߕߐ߬ߝߍ߬ߦߊ߬ߣߍ߲ ߠߎ߬ ߝߐߘߊ ߟ:߄߆]

ߊ߬ ߜߍ߫ ߘߐ߫ ߕߊ ߦߋ߫ ߡߍ߲ ߘߌ߫ :ߡߐ߱ ߓߍ߯ ߞߵߊ߬ ߟߐ߲߫ ߘߊ߲߬ߝߘߊ߬ߓߐ߫ ߡߍ߲ ߦߋ߫ ߊ߬ ߟߊ߫ ߓߊ߯ߙߊ ߟߎ߬ ߘߐ߫ ߓߍ߬ߘߍ ߟߎ߬ ߣߌ߫ ߢߐ߲߮ ߕߍ߫ ߊ߬ ߦߋ߫ ߡߍ߲ ߞߍ߫ ߟߊ߫ ߊ߬ ߛߋߞߏߦߊ߫ ߟߊ߫ ߸ ߦߏ߫ ߘߊߥߎ߲ߠߌ߲ ߣߌ߫ ߡߌ߲߬ߠߌ߲ ߣߌ߫ ߝߋ߬ߙߋ ߣߌ߫ ߛߊ߲߬ߠߌ߲ ߸ ߊ߬ ߣߌ߫ ߡߍ߲ ߦߴߊ߬ ߛߐ߬ߘߐ߲߬ ߠߊ߫ ߞߵߊ߬ ߕߘߍ߬ ߊ߬ ߛߋߞߏߦߊ ߕߍ߫ : ߦߏ߫ ߊ߬ ߦߋ߫ ߦߙߍߦߙߍ ߛߎߡߊߦߊ ߓߟߏ߫ ߸ ߞߊ߬ ߓߐ߫ ߛߊ߲ ߡߊ߬ ߞߊ߬ ߓߋ߬ ߸ߊ߬ ߝߟߐ ߘߐ߫ ߸ ߊ߬ ߦߋ߫ ߓߊ߯ߙߊ ߟߊ߫ ߟߋ߬ ߘߌ߫ ߡߍ߲ ߞߵߊ߬ ߛߎߥߊ߲ߘߌ߫ ߊ߬ ߢߌߣߌ߲ߞߏ ߟߊ߫ ߸ ߞߘߊߡߊ߫ ߕߍ߫߸ ߝߌߟߊߣߊ߲ ߘߐ߫ ߊ߬ ߡߵߊ߬ ߟߊߢߌߣߌ߲߫ ߸ ߊ߬ ߘߌߦߊߣߊ߲ ߕߍ߫ ߏ߬ ߘߐ߫.

ߞߙߎ߫ ߝߌߟߊߣߊ߲ (ߞߘߊߙߌߦߊ) ߖߋ߬ߓߌ ߛߍ߲߬ߓߍ߬ߣߍ߲߫ ߛߊߙߌߦߊ ߞߎ߬ߙߎ߲߬ߘߎ ߣߌ߫ ߦߟߌ ߟߋ߬ ߟߊ߫:

ߞߎ߬ߙߎ߲߬ߘߎ ߕߊ: ߊߟߊ߫ ߞߘߐߕߊ߬ߣߍ߲߬ߓߊ ߟߋ߬ ߞߊ߬ ߘߊ߲ߝߋ߲ ߠߎ߬ ߓߍ߯ ߘߊ߲߫ ߸ ߝߋ߲ ߓߍ߯ ߦߋ߫ ߊ߬ ߛߊ߬ߥߏ߫ ߟߋ߬ ߘߐ߫ ߸ ߊߟߊ߫ ߞߘߐߕߊ߬ߣߍ߲߬ߓߊ ߓߘߊ߫ ߏ߬ ߓߊ߲ߞߌ߫ ߊ߬ ߟߊ߫ ߞߊ߬ߝߊ ߘߐ߫ ߞߏ߫ ߖߐ߲߭ ߠߎ߬ ߟߊ߫ ߓߊ߯ߙߊ ߦߋ߫ ߊߟߊ߫ ߞߘߐߕߊ߬ߣߍ߲߬ߓߊ ߟߊ߫ ߛߊ߬ߥߏ ߟߋ߬ ߘߐ߫ ߸ ߞߘߐߕߊ߬ߣߍ߲߬ߓߊ ߞߊ߲߬ :

﴿...وَلَوۡ شَآءَ ٱللَّهُ مَا ٱقۡتَتَلَ ٱلَّذِينَ مِنۢ بَعۡدِهِم مِّنۢ بَعۡدِ مَا جَآءَتۡهُمُ ٱلۡبَيِّنَٰتُ وَلَٰكِنِ ٱخۡتَلَفُواْ فَمِنۡهُم مَّنۡ ءَامَنَ وَمِنۡهُم مَّن كَفَرَۚ وَلَوۡ شَآءَ ٱللَّهُ مَا ٱقۡتَتَلُواْ وَلَٰكِنَّ ٱللَّهَ يَفۡعَلُ مَا يُرِيدُ﴾

﴿وَلَوۡ شِئۡنَا لَأٓتَيۡنَا كُلَّ نَفۡسٍ هُدَىٰهَا وَلَٰكِنۡ حَقَّ ٱلۡقَوۡلُ مِنِّي لَأَمۡلَأَنَّ جَهَنَّمَ مِنَ ٱلۡجِنَّةِ وَٱلنَّاسِ أَجۡمَعِينَ 13﴾

{ ߣߴߊ߬ ߕߎ߲߬ ߞߵߊߟߊ߫ ߘߌߦߊ߫ ߏ߬ ߟߎ߬ ߞߐߓߊ߮ ߟߎ߫ ߕߎ߲߬ ߕߍ߫ ߢߐ߲߮ ߞߟߍ߬ ߔߊߞߌ ߣߊ߭ ߞߐ߫ ߊ߬ߟߎ߫ ߡߊ߬، ߞߏ߬ߣߵߊ߬ߟߎ߬ ߡߊ߫ ߓߍ߲߬ ߊ߬ ߘߐ߫ ߟߋ߬ ߸ ߓߊ ߊ߬ߟߎ߬ ߘߏ߫ ߟߎ߫ ߞߍ߫ ߘߊ߫ ߟߊߒߠߦߊߓߊ߮ ߘߌ߫ ߸ ߘߏ߫ ߟߎ߫ ߝߣߊ߫ ߓߊ߲߬ߓߊ߰ߦߊ߬ ߘߊ߫، ߣߴߊ߬ ߕߎ߲߬ ߞߵߊߟߊ߫ ߘߌߦߊ߫ ߊ߬ߟߎ߫ ߕߎ߲߬ ߕߍ߫ ߢߐ߲߮ ߞߟߍ߬ ߝߋߎ߫، ߞߏ߬ߣߌ߲߬ ߊߟߊ߫ ߦߋ߫ ߞߏ߫ ߟߋ߬ ߞߍ߫ ߟߊ߫ ߸ ߊ߬ ߓߊ߯ ߡߍ߲ ߠߊߢߌߣߌ߲߫ }[ ߣߛߌ߬ߡߛߏ ߝߐߘߊ ߟ ߂߅߃]

ߞߘߐߕߊ߬ߣߍ߲߬ߓߊ ߞߊ߲߫ ߌߞߐ߫ :{ ߣߴߊ߬ ߕߎ߲߬ ߞߊ߬ ߒ߬ ߘߌߦߊ߫ ߒ߬ ߕߘߍ߬ ߘߌ߫ ߣߌߡߊ ߓߍ߯ ߕߊ߫ ߞߊ߲ߘߦߊ߫ ߘߴߊ߬ ߡߊ߬ ߸ ߞߏ߬ߣߌ߲߬ ߞߎߡߊ ߓߘߊ߫ ߜߋ߲ߜߋ߲ߧߊ߫ ߒ ߓߟߏ߫ ߟߋ߬ ߞߏ߫ ߒ ߘߌ߫ ߔߊߦߌߔߊߦߌ ߟߝߊ߫ ߥߐ߬ߞߎߟߐ ߣߌ߫ ߡߐ߱ ߟߎ߬ ߟߊߘߍ߬ߣߍ߲ ߠߊ߫ ߟߋ߬ ߘߍ߯ }[ ߕߌ߲ߓߌߘߌ߲ ߝߐߘߊ ߟ:߁߃]

ߤߊ߲ߞߟߌ ߕߊ: ߖߊ߯ߓߊ ߓߍ߯ ߡߊߡߙߊ߬ߣߍ߲ ߊߟߊ߫ ߞߘߐߕߊ߬ߣߍ߲߬ߓߊ ߟߋ߬ ߢߍ߫ ߸ ߊߘߡߊߘߋ߲ ߦߋ߫ ߏ߬ ߖߊ߯ߓߊ ߟߋ߬ ߘߐ߫ ߸ ߊ߬ ߡߊߡߙߊ߬ߣߍ߲ ߊߟߊ߫ ߞߘߐߕߊ߬ߣߍ߲߬ߓߊ ߟߋ߬ ߢߍ߫ ߸ߓߊߟߏߝߋ߲ ߕߴߛߋ߫ ߊ߬ ߕߌ߱ ߓߟߏߝߋ߲ ߠߎ߬ ߟߊߓߐ߫ ߟߊ߫ ߝߏ߫ ߣߴߊ߬ ߘߌ߬ߢߍ߬ ߘߊ߫ ߊ߬ ߟߊ߫ ߘߌ߬ߢߍ߬ߒ߬ߡߊ߬ߟߌ ߟߊ߫

*

ߛߌ߬ߟߡߊ߬ߦߊ߫ ߖߛߎ߬ߞߎ߲߬ ߠߊߛߘߌ ߞߎ߲߭ ߠߎ߬

ߞߎ߲߭ ߞߘߐ( ߞߊ߲ ߘߐ߫ ): ߏ߬ ߦߋ߫ ߝߐ߫ ߟߊ߫ ߞߘߐ ߘߏ߫ ߟߊ߫ ߸ ߏ߬ ߘߐ߫ :( ߞߏ߲߭ ߓߘߊ߫ ߘߊ߲߬ߠߊߕߍ߰ ߞߵߊ߬ ߟߊߢߌߣߌ߲߫߸ ߊ߬ ߣߌ߫ ߝߋ߲ ߓߍ߯ ߘߊ߲߬ߠߊߕߍ߰ߣߍ߲߫ ߠߋ߬).

ߛߌ߬ߟߡߊ߬ߦߊ߫ ߖߛߎ߬ߞߎ߲߬ ߠߊߛߘߌ ߞߎ߲߭ ߠߎ߬ ߦߋ߫ : ߊ߬ ߟߊ߬ߢߌߣߌ߲ ߠߎ߬ ߸ ߣߴߊ߬ ߕߣߐ߬ ߓߘߍ ߟߎ߬ ߸ ߊ߬ ߣߐ߬ߣߐ߬ߟߌ ߞߐߝߟߌ ߟߎ߬߸ ߏ߬ ߛߎ߯ߦߊ߫ ߓߐߣߍ߲ߢߐ߲߰ߡߊ ߛߌߦߊߡߊ߲߫ ߸ ߊ߰ ߏ߬ ߘߐ߫ :

ߝߟߐߡߊ : ߞߊ߬ ߓߊ߬ߕߏ ߞߍ߫ ߖߛߎ߬ߞߎ߲߬ ߞߙߍߞߙߍߣߍ߲ ߠߊ߫ ߊߟߊ߫ ߞߘߐߕߊ߬ߣߍ߲߬ߓߊ ߞߋߟߋ߲߫ ߔߋ߫ ߢߍ߫ ߸ ߓߊߏ߬ ߊ߬ߟߋ ߟߋ߬ ߘߊ߲ߓߊ߮ ߘߌ߫ ߜߙߊ߬ߢߐ߲߮ ߕߴߊ߬ ߟߊ߫ ߸ߏ߬ ߘߐ߫߸ ߢߌߣߌ߲ߞߏ ߣߌ߫ ߓߊ߬ߕߏ ߞߊ߫ ߞߊ߲߫ ߞߊ߬ ߞߍ߫ ߊ߬ߟߋ ߟߋ߬ ߦߋ߫.

ߝߌߟߊߣߊ߲ :ߦߟߌ ߣߌ߫ ߡߙߌ ߟߎ߬ ߞߊ߲ߠߊߓߌ߬ߟߊ ߞߊ߬ ߓߐ߫ ߓߊߛߌ߯ߓߊߟߌߦߊ ߘߐ߫ ߡߍ߲ ߦߋ߫ ߣߊ߬ ߟߊ߫ ߛߣߐ߬ߡߍ ߡߊߖߍ߲߬ߞߍ߫ ߡߊ߬ ߞߊ߬ ߓߐ߫ ߖߛߎ߬ߞߎ߲߬ ߠߊߛߘߌ ߡߍ߲߫ ߡߊ߬ ߸ ߓߊߏ߬ ߡߍ߲ ߛߣߐ߬ߡߍ ߓߊ ߖߍ߲߬ߞߍ ߢߌ߲߬ ߡߊ߬ ߏ߬ ߦߋ߫ ߛߣߐ߬ߡߍ߫ ߘߐߞߏߟߏ߲ ߠߋ߬ ߘߌ߫ ߸ ߊ߬ ߦߋ߫ ߛߏ߬ߓߌ߬ߟߊ߲߬ߘߌ ߘߐߙߐ߲߫ ߓߊ߬ߕߏ߬ߓߊ߮ ߟߋ߬ ߘߌ߫߸ ߥߟߴߊ߬ ߓߘߊ߫ ߕߎߣߎ߲߫ ߝߟߌ߬ ߘߐ߫ ߛߣߐ߬ߡߍ߬ߘߐ߬ߦߊ ߞߏ߫ ߟߎ߬ ߣߌ ߛߌߙߌ߲ߕߐߦߊ ߘߐ߫

ߛߓߊߣߊ߲ : ߣߌ ߣߌ߫ ߡߙߌߦߊ ߟߊߝߙߍ߫ ߸ ߖߘߐ߬ ߕߍ߫ ߣߌ ߡߊ߬ ߥߟߊ߫ ߤߊ߲ߞߟߌ߫ ߟߊߝߙߌߝߙߌ߸ ߞߊ߬ ߡߊߛߐ߬ߘߐ߲߬ ߛߣߐ߬ߡߍ߬ߘߐ߬ߦߊ߫ ߦߋ߫ ߘߍ߲߬ߞߣߍ߬ߦߊ߬ߓߊ߮ ߛߐ߬ߘߐ߲߬ ߠߊ߫ ߞߊ߬ ߝߘߊ߫ ߘߊ߲ߓߊ߮ ߟߊ߫ ߸ ߊ߬ ߘߌ߬ߢߍ߬ߣߍ߲߫ ߊ߬ ߡߊ߬ ߞߏ߫ ߡߊ߰ߙߌ ߣߌ߫ ߡߙߊ߬ߓߊ߮ ߣߌ߫ ߞߎ߬ߙߎ߲߬ߘߎ߬ߦߊ߬ߟߊ߸ߊ߬ ߛߣߐ߬ߡߍ ߘߌ߫ ߟߊߞߊ߬ ߛߌ߬ߟߡߊ߬ߦߊ ߡߊ߬ ߸ ߊ߬ ߡߊ߬ߞߏ ߕߍ߫ ߞߍ߫ ߏ߬ ߢߐ߲߰ ߜߘߍ߫ ߟߊ߫.

ߣߊߣߌ߲ߣߊ߲ : ߥߊ߬ߣߌ߲߬ߞߋ ߣߌ߫ ߞߍߥߊߟߌ ߟߊߞߛߌ߫ ߞߊ߬ ߓߐ߫ ߖߍ߲߬ߞߍ ߡߊ߬ ߊߟߊ߫ ߞߘߐߕߊ߬ߣߍ߲߬ߓߊ ߓߊ߬ߕߏ ߡߊ߬ ߸ ߥߟߊ߫ ߘߊ߲ߝߋ߲ ߠߎ߬ ߟߊ߫ ߓߊ߯ߙߊߢߐ߲߯ߦߊ ߸ ߓߊߏ߬ ߊ߬ ߖߎ߬ߓߌߟߊ ߟߎ߬ ߘߏ߫ ߟߋ߬ ߞߋߟߊ ߟߎ߬ ߟߊ߫ ߟߊߒߠߦߊ ߘߌ߫߸ ߊ߬ߟߎ߬ ߟߊ߫ ߛߌߟߊ߫ ߞߎ߲߬ߠߊ߬ߝߎߟߋ߲ߣߍ߲ ߟߊߓߊ߬ߕߏ ߦߴߏ߬ ߘߐ߫ ߥߊ߬ߣߌ߲߬ߞߋ ߣߌ߫ ߓߊ߯ߙߊ ߟߊ߫

ߟߏ߯ߟߎߣߊ߲ : ߖߌߖߊ߫ ߣߌ߫ ߛߓߍ߬ߘߏ߲ ߞߏ ߟߎ߬ ߘߐ߫ ߸ߖߐ߲߬ߛߊ߫ ߊ߬ ߞߊߣߊ߬ ߓߍ߲߬ߒ߬ߛߋ߲߬ߡߊ ߝߐ߫ ߊ߬ ߦߋ߫ ߓߊ߯ߙߊ߫ ߢߌߡߊ ߟߎ߬ ߘߐ߫ ߞߵߊ߬ ߕߣߐ߬ߓߐ߫ ߏ߬ ߟߊ߫ ߸ ߛߌߟߊ߲߫ ߘߐ߫ ߖߊ߲߬ߞߕߊ߫ ߞߏ߫ ߛߐ߲߬ ߸ ߓߊߏ߬ ߊ߬ ߖߎ߬ߓߌߟߊ ߘߏ߫ ߟߋ߬ ߛߎ߭ ߟߎ߬ ߟߊߥߟߌ߬ߟߌ ߟߊߒߠߦߊ ߘߌ߫߸ ߛߙߊ߬ ߘߐ߫ ߓߊ߯ߙߊ ߟߎ߬ ߟߊ߫.

ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ :{ ߡߐ߬ߟߐ߲߬ ߠߎ߫ ߟߋ߬ ߓߍ߯ ߟߴߊ߬ ߓߊ߯ߙߊ߫ ߣߐ ߘߐ߫ ߸ ߌ ߡߊ߰ߙߌ ߘߏ߲߬ ߖߊ߲߬ߓߐߣߍ߲߫ ߕߍ߫ ߊ߬ߟߎ߬ ߗߋߥߊߟߌ ߟߎ߬ ߘߐ߫ }[ ߞߟߏߝߋ߲ ߠߎ߬ ߝߐߘߊ ߟ :߁߃߂]

«الْمُؤْمِنُ الْقَوِيُّ خَيْرٌ وَأَحَبُّ إِلَى اللَّهِ مِنَ الْمُؤْمِنِ الضَّعِيفِ، وَفِي كُلٍّ خَيْرٌ، احْرِصْ عَلَى مَا يَنْفَعُكَ، وَاسْتَعِنْ بِاللَّهِ، وَلَا تَعْجِزْ، وَإِنْ أَصَابَكَ شَيْءٌ فَلَا تَقُلْ: لَوْ أَنِّي فَعَلْتُ كَذَا كَانَ كَذَا وَكَذَا، وَلَكِنْ قُلْ: قَدَّرَ اللَّهُ وَمَا شَاءَ فَعَلَ؛ فَإِنَّ (لَوْ) تَفْتَحُ عَمَلَ الشَّيْطَانِ».

ߟߊ߬ߝߐ߬ߓߊ߮ ߞߛߌ ߣߌ߫ ߣߍߡߊ ߦߴߊ߬ ߢߍ߫ ߞߊ߬ ߘߐ߬ߛߎ߬ߟߌ ߞߍ߫ ߟߊ߬ߢߌ߬ߣߌ߲߬ߠߌ߲ ߏ߬ ߟߊ߫ ߊ߬ ߞߊ߲߫ :<<ߟߊߒߠߦߊߓߊ߯ ߝߊ߲߬ߞߊ߬ߡߊ ߞߊ߫ ߝߌ߬ߛߊ߬ ߊ߬ ߣߌ߫ ߞߊߘߌ߫ ߊߟߊ߫ ߦߋ߫ ߟߊߒߠߦߊߓߊ߯ ߖߐ߲ߝߐ߲ߣߍ߲ ߘߌ߫߸ߝߋ߲߫ ߢߌߡߊ ߓߍ߯ ߘߐ߫߸ ߌ ߦߴߌ ߖߊ߲߬ߕߏ߫ ߝߋ߲߫ ߠߊ߫ ߡߍ߲ ߦߴߌ ߢߊ߬ ߟߊ߫߸ ߌ ߦߋ߫ ߘߍ߬ߡߍ߲߬ߠߌ߲ ߢߌߣߌ߲߫ ߊߟߊ߫ ߝߍ߬߸ ߌ ߞߣߊ߫ ߞߍ߫ ߘߍ߬ߡߍ߲߬ߒߕߊ߲ ߘߌ߫߸ ߣߌ߫ ߞߏ ߘߏ߫ ߞߵߌ ߛߐ߬ߘߐ߲߬߸ ߌ ߞߣߊ߫ ߝߐ߫ ߞߏ߫ : ߣߌ߫ ߒ ߕߎ߲߬ ߞߊ߬ ߣߌ߲߬ ߞߍ߫߸ ߣߌ߲߬ ߢߐ߲߰ ߕߎ߲߬ ߘߌ߫ ߛߋ߫ ߞߍ߫ ߟߊ߫ ߘߋ߬ ߸ ߒ߬ߞߊ߬ ߊ߬ ߝߐ߫ ߞߏ߫ ߊ߬ ߟߊߕߍ߰ߣߍ߲߫ ߠߋ߬ ߊߟߊ߫ ߓߊߟߏ߫ ߡߍ߲ ߓߴߊ߬ ߘߌߦߊ߫ ߏ߬ ߟߋ߫ ߦߋ߫ ߞߍߟߊ߫ ߸ ߞߵߊ߬ ߝߐ߫( ߣߌ߫ ) ߏ߬ ߦߋ߫ ߜߍ߬ߘߍ ߟߊ߫ ߛߌߟߊ߫ ߟߋ߬ ߟߊߞߊ߬ ߟߊ߫ >> ߡߎߛߑߟߌߡ ߞߊ߬ ߏ߬ ߇

ߥߐ߯ߙߐߣߊ߲ : ߞߊ߬ ߡߌ߬ߙߌ߲߬ߘߌ߬ ߓߊ߲ߓߊ߲ߣߍ߲ ߘߏ߫ ߛߏ߯ߙߏ߫ ߡߍ߲ ߘߴߊ߬ ߛߍ߬ߓߍ߫ ߘߏ߲߬ ߊ߬ ߟߊ߫ ߘߌ߯ߣߊ ߟߊ߫ ߸ ߞߵߊ߬ ߖߎ߬ߓߌߟߊ ߟߎ߬ ߓߊ߲ߓߊ߲߫ ߸ ߊ߬ ߡߊ߬ߞߏ ߕߍ߫ ߏ߬ ߞߏ ߞߐߝߟߌ ߟߊ߫ ߊ߬ ߦߋ߫ ߡߍ߲ ߛߐ߬ߘߐ߲߬ ߠߊ߫ ߏ߬ ߛߌߟߊ ߞߊ߲߬ ߸ ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ ߏ߬ ߞߏ ߘߐ߫ :

﴿إِنَّمَا ٱلۡمُؤۡمِنُونَ ٱلَّذِينَ ءَامَنُواْ بِٱللَّهِ وَرَسُولِهِۦ ثُمَّ لَمۡ يَرۡتَابُواْ وَجَٰهَدُواْ بِأَمۡوَٰلِهِمۡ وَأَنفُسِهِمۡ فِي سَبِيلِ ٱللَّهِۚ أُوْلَٰٓئِكَ هُمُ ٱلصَّٰدِقُونَ 15﴾

ߟߊߒߠߦߊߓߊ߮ ߟߎ߬ ߦߋ߫ ߡߐ߰ ߟߋ߬ ߘߌ߫ ߡߍ߲ ߠߎ߬ ߟߊߣߍ߲߫ ߊߟߊ߫ ߣߴߊ߬ ߟߊ߫ ߞߋߟߊ ߟߊ߫ ߊ߬ߟߎ߫ ߘߏ߲߬ ߡߊ߫ ߞߎߛߎ߲߫ ߸ ߏ߬ ߞߐ߫ ߊ߬ߟߎ߫ ߞߊ߬ ߖߘߍ߬ߘߌ ߞߍ߫ ߊ߬ߟߎ߬ ߟߊ߫ ߣߊ߲߬ߝߟߏ ߟߎ߬ ߣߴߊ߬ߟߎ߫ ߖߘߍ߬ߞߎ߲ ߠߎ߬ ߟߴߊߟߊ߫ ߛߌߟߊ ߞߊ߲߬ ߸ ߒ߬ߓߊ߬ ߏ߬ ߟߎ߫ ߟߋ߫ ߕߎ߬ߢߊ߬ߕߌ߮ ߟߎ߬ ߘߌ߫ }[ ߓߏ߲ߘߋ߲ ߠߎ߬ ߝߐߘߊ ߟ:߁߅]

ߥߐߙߐ߲ߥߌߟߊߣߊ߲ :ߞߊ߬ ߘߎߢߊ߫ ߣߌ߫ ߟߊ߯ߞߌߙߊ߫ ߞߎ߲߬ߠߊ߬ߘߌߦߊ ߛߐ߬ߘߐ߲߬ ߡߐ߱ ߟߎ߬ ߣߌ߫ ߛߘߍߞߙߎ ߟߎ߬ ߟߊߢߊ߬ߟߌ ߛߌߟߊ ߝߍ߬߸ ߊ߬ ߣߌ߫ ߛߊ߬ߙߊ ߟߎ߬ ߣߌ߫ ߓߏ߲߬ߧߊ ߟߎ߬ ߛߐ߬ߘߐ߲ ߘߐ߫߸ ߊߟߊ߫ ߞߘߐߕߊ߬ߣߍ߲߬ߓߊ ߞߊ߲߫ ߏ߬ ߘߐ߫ :

﴿مَنۡ عَمِلَ صَٰلِحٗا مِّن ذَكَرٍ أَوۡ أُنثَىٰ وَهُوَ مُؤۡمِنٞ فَلَنُحۡيِيَنَّهُۥ حَيَوٰةٗ طَيِّبَةٗۖ وَلَنَجۡزِيَنَّهُمۡ أَجۡرَهُم بِأَحۡسَنِ مَا كَانُواْ يَعۡمَلُونَ 97﴾

﴾ߡߍ߲ ߓߊ߯ ߢߌ߬ߡߊ߬ ߞߍ߫ ߗߍ߬ߡߊ߲߬ ߘߐ߫ ߥߟߊ߫ ߡߛߏ߬ߡߊ߲߫ ߘߐ߫ ߞߵߊ߬ ߕߘߍ߬ ߡߎ߯ߡߌߣߌ߲ ߠߋ߬ ߸ ߊ߲ ߘߌߣߵߏ߬ ߟߊߢߣߊߡߦߊ߫ ߢߣߊߡߦߊ߫ ߓߘߍ ߟߊ߫، ߊ߬ ߣߴߊ߲ ߘߴߏ߬ ߟߎ߬ ߛߐ߫ ߊ߬ߟߎ߫ ߛߊ߬ߙߊ ߟߊ߫ ߞߊ߬ ߓߍ߲߬ ߊ߬ߟߎ߬ ߗߋߥߊߟߌ ߘߐ߫ ߢߌ߬ߡߊ ߡߊ߬ ߟߋ߬ ߘߍ߯﴿ [ߟߞߌߛߍ، ߟ:߉߇]

ߒ߬ߓߊ߬ ߡߍ߲߬ ߦߋ߫ ߛߌ߬ߟߊ߬ߡߊ߬ߦߊ߫ ߛߣߐ߬ߡߍ߬ߘߐ߬ߦߊ ߟߊ߬ߢߌߣߌ߲ ߞߏ߫ ߘߏ߫ ߟߋ߬ ߘߌ߫ ߸ ߊ߲ ߖߌ߱ ߦߋ߫ ߞߏ߫ ߊߟߊ߫ ߞߘߐߕߊ߬ߣߍ߲߬ߓߊ ߓߍߣߊ߬ ߣߌ߲߬ ߞߍ߫ ߒ߬ߠߎ߬ ߣߌ߫ ߖߘߍ߬ߞߟߏ߬ߦߊ߬ߓߊ߮ ߓߍ߯ ߦߋ߫. ߊ߬ ߦߋ߫ ߛߋߓߊ߮ ߢߌߡߊ߫ ߟߋ߬ ߘߌ߫߸ ߕߊ߲߬ߘߏ ߦߋ߫ ߊߟߊ߫ ߦߋ߫߸ ߖߊ߯ߓߊ ߟߎ߫ ߡߊ߰ߙߌ.

ߞߛߌ ߣߌ߫ ߣߍߡߊ ߦߴߊ߲ ߠߊ߫ ߟߊ߬ߝߐ߬ߓߊ߮ ߡߊ߬ߡߊ߬ߘߌ߬ ߣߴߊ߬ ߓߏ߲ ߘߏ߲ߞߏ ߟߎ߬ ߣߴߊ߬ ߘߍ߬ߢߐ߲߮ ߠߎ߬ ߓߍ߯ ߢߍ߫ ߞߐߘߍ߫

ߊ߬ ߓߘߊ߫ ߓߊ߲߫ ߊ߬ ߛߓߍߦߊߟߊ ߟߊ߫

ߡߎ߬ߤ߭ߊߡߡߊߘ ߊߟ-ߛ߫ߊ߯ߟߌߤ߭ߎ ߊߟߑߊ߳ߎߛ߳ߊߦߑߡߌ߯ߣ

***

الفهرس

ߢߍߛߓߍ 2

ߛߌ߬ߟߡߊ߬ߦߊ߬ ߘߌ߯ߣߊ 4

ߛߌ߬ߟߡߊ߬ߦߊ ߕߎ߲ߞߎ߲ ߠߎ߬ 9

ߛߌ߬ߟߡߊ߬ߦߊ ߖߛߎ߬ߞߎ߲߬ߠߊߛߘߌ ߖߎ߬ߓߌߟߊ ߟߎ߬ 13

ߘߍ߲߬ߞߣߍ߬ߦߊ ߊߟߊ߫ ߞߘߐߕߊ߬ߣߍ߲߬ߓߊ ߡߊ߬ 15

ߞߊ߬ ߘߍ߲߬ߞߣߍ߬ߦߊ߬ ߞߋ߲ߛߐ߲ ߠߎ߬ ߡߊ߬ 32

ߞߊ߬ ߘߍ߬ߞߣߍ߬ߦߊ߬ ߟߍߙߊ ߟߎ߬ ߡߊ߬ 38

ߞߊ߬ ߘߍ߬ߞߣߍ߬ߦߊ߬ ߞߋߘߋ߲ ߠߎ߬ ߡߊ߬ 40

ߟߌ߬ߡߣߊ߬ߦߊ ߟߏ߲߫ ߠߊߓߊ߲ ߡߊ߬ 48

ߞߊ߬ ߘߍ߬ߞߣߍ߬ߦߊ߬ ߟߊ߬ߕߍ߮ ߡߊ߬ 67

ߛߌ߬ߟߡߊ߬ߦߊ߫ ߖߛߎ߬ߞߎ߲߬ ߠߊߛߘߌ ߞߎ߲߭ ߠߎ߬ 79

***

mnk71v1.0 - 10/08/2026