دَفْنُ المَوتَى فِي المَسَاجِدِ

Suw donni misiriw kɔnɔ

لِسَمَاحَةِ الشَّيْخِ العَلَّامَةِ

عَبْدِ العَزِيزِ بْنِ عَبْدِ اللهِ بْنِ بَازٍ

رَحِمَهُ اللهُ

A walafila Lɔnnikɛlaba bolo

Min ye Abdul Aziz ibn Abdullah ibn Baz ye

بِسْمِ اللهِ الرَّحمَنِ الرَّحِيمِ

Cikan tan ni kelennan:

Suw donni misiriw kɔnɔ

Me n'ya sɛbɛ daminɛ ni Alla tɔgɔ barakama ye, ani tano be Alla ye, ani nɛma ni kisi be Alla ya ciden kan, ani A ya so mɔgɔw, ani mɔgɔ o mɔgɔ k'a ya kandaya sira minɛ, O kɔfɛ:

Ne ka «Khurutum» kibaruyasɛbɛ filɛ min bɔla: 17/ 4 / 1415 H; ne k'a sɔrɔ kuma dɔ bɔla a kɔnɔ Seyid Muhamadu Alhasan Alidirisi sudon ko kan a facɛ kɛrɛ fɛ o ya misiri kɔnɔ Umu Draman dugu la... fo ka se kuma laban na.

Wa sabula Alla k'a wajibiya ka silamaw ladi, ani ka kojugu nankarili bange; ne k'a ye ko ɲe mɔgɔw lasɔmi ko ka su don misiriw kɔnɔ, o ye ko ye min te daga, n'ga o ye filankafɔya siraw dɔ ye, ani Yahudiyaw ni Nasaraw ya kɛwalew dɔ, Alla ka o jalaki minugu kɔson, ani A ya Kira -Alla ya nɛma ni kisi b’A ma- k'o danga o kɔson, inafɔ a be Sɔhihu fila kɔnɔ cogo min na, ka bɔ Aisha fɛ, Alla ye diɲɛ a ma, ka bɔ Kira fɛ -Alla ya nɛma ni kisi b’A ma- ko A ko:

«لَعَنَ اللَّهُ الْيَهُودَ وَالنَّصَارَى، اتَّخَذُوا قُبُورَ أَنْبِيَائِهِمْ مَسَاجِدَ».

«Alla ka yawudiyaw ni nasɔraw danga, o ka o ya nabiɲumaw ya kaburuw kɛ misiriw ye», A nana Sɔhihu Muslim kɔnɔ, ka bɔ Jundub bin Abdulayi fɛ ko Alla ka Nabiɲuma, Alla ya nɛma ni kisi be a ma, A ko:

«أَلَا وَإِنَّ مَنْ كَانَ قَبْلَكُمْ كَانُوا يَتَّخِذُونَ قُبُورَ أَنْبِيَائِهِمْ وَصَالِحِيهِمْ مَسَاجِدَ، أَلَا فَلَا تَتَّخِذُوا الْقُبُورَ مَسَاجِدَ؛ فَإِنِّي أَنْهَاكُمْ عَنْ ذَلِكَ».

« A y'a tolo malɔ! mɔgɔ minugu tɛmɛna a ɲɛ, olugu tun b'o ya ka nabiɲuma ni o ya mɔgɔ ɲumanw kaburuw kɛ misiriw ye, A y'a tolo malɔ; a kana kaburuw kɛ misiriw ye; sabula ne b'a gɛn ka bɔ ola». Wa hadisa ka ca minugu be ni kɔrɔ sabati.

Ola, wajibi ye silamaw kan yɔrɔ bɛɛ — fagamaw ni jamanadenw —: o ye siran Alla ɲɛ, ani k'o yɛrɛ tanga fɛn ma A k'o gɛn ka bɔ minugu ma, ani ka o ya suw don misiriw kɛnɛma, inafɔ Nabiɲuma nɛma ni kisi b’A ma, n'A ya sɔhabaw Alla ka diɲɛ o ma, tun be suw don misiriw kɛnɛma cogo min na, ani mɔgɔ minugu tugula o kɔ ɲumanya la fana o cogo kelen na.

Nga Nabiɲuma ya kaburu sɔrɔli, Alla ya nɛma ni kisi b'A ma, ani A ya seendoɲɔgon fila Abu Bakri ni Umar, Alla ya diɲɛ b'o ma, o sɔrɔli A ya misiri kɔnɔ, Alla ka nɛma ni kisi b'A ma; dalilu te ola ka suw don misiriw kɔnɔ; sabula A su donna A ya so le kɔnɔ -Aihsa ya bon kɔnɔ, Alla ya diɲɛ b'a ma-, o kɔfɛ, A ya seendoɲɔgon fila su donna A kɛrɛfɛ. Tuma min na Walid min ye Abdul Malik den ye ka misiri boɲɛ, a ka bon don a kɔnɔ Hijira san kɛmɛ fɔlɔ laban na. Lɔnnikelaw k'o nankari a kan, n'ga a k'a ye k'o t'a boɲɛli bali, ani k'o ko gwɛnin bɛ, ɲagami t'ala.

Ola, a be gwɛya silama bɛɛ ye ko: Nabiɲuma, Alla ka nɛma ni kisi b'A ma, ani A ya sɔhaba fila, Alla ka yafa o ma, o suw ma don misiri kɔnɔ, ani k'o don a kɔnɔ misiri boɲɛ kɔson o te dalilu ye dagali kan su don la misiriw kɔnɔ; sabula o te misiri kɔnɔ, n'ga o b'A ya so le kɔnɔ, Alla ya nɛma ni kisi b'A ma, ani sabula Walid ya kɛwale te bɛn ka kɛ dalilu ye mɔgɔ si fɛ ola, n'ga dalilu be Kitabu ni Sunna le kɔnɔ, ani manton ya salafuw ya bɛnkan, Alla ka yafa o ma, Alla k'an kɛ o tugu-bagaw ye ɲumanya la.

Ladili ni yɛrɛ hakɛ bɔli kama, a sɛbɛla: 14/ 5/ 1415 H.

Alla le ye bɛnsema tigi ye. Ani Alla ka nɛma ni kisi ka kɛ an ya Nabiɲuma Muhamadu kan, ani A ya so mɔgɔw, ani A ya sɔhabaw, ani o labato bagaw minugu k’o labato ni ɲumanya ye.

mɔgɔ ya kafiriya ani fili ɲɛfɔli min b'a jate ko a dagani be dɔ ye ka bɔ Muhamadu -nɛma ni kisi b’A ma- ya sariya la.

Abdul Aziz bin Abdullah bin Baaz

***

dyo397v5.0 - 17/08/2026