كَيْفِيَّةُ صَلَاةِ النَّبِيِّ صَلَّى اللَّهُ عَلَيْهِ وَسَلَّمَ
ߟߊ߬ߝߐ߬ߓߊ߮ ߟߊ߫ ߛߊߟߌ ߞߍߢߊ ߛ߫ߟߊ߬ߕߎ ߣߌ߫ ߛߟߊ߬ߡߎ߲ ߦߴߊ߬ ߦߋ߫
لِفَضِيلَةِ الشَّيْخِ العَلَّامَةِ
عَبْدِ العَزِيزِ بْنِ عَبْدِ اللَّهِ بْنِ بَازٍ
غَفَرَ اللَّهُ لَهُ وَلِوَالِدَيْهِ وَلِلْمُسْلِمِينَ
ߗߍ߬ߡߐ߰ ߓߟߏ
ߊߓߑߘߎߟ ߊߖ߭ߌ߯ߖ߭ ߓߎߣ ߊߓߑߘߎߟߟߊ߯ߤߌ߬ ߓߎߣ ߓߊ߯ߖ߭
بِسْمِ اللَّهِ الرَّحْمَنِ الرَّحِيمِ
ߟߊ߬ߝߐ߬ߓߊ߮ ߟߊ߫ ߛߊߟߌ ߞߍߢߊ ߛ߫ߟߊ߬ߕߎ ߣߌ߫ ߛߟߊ߬ߡߎ߲ ߦߴߊ߬ ߦߋ߫
ߊߟߊ߫ ߕߐ߮ ߟߊ߫ ߡߊ߬ߤߌ߬ߣߊ߬ߟߊ߫ ߟߋ߬ ߤߌߣߟߊ߫ ߟߋ߬
ߕߊ߲߬ߘߏ ߓߍ߯ ߦߋ߫ ߊߟߊ߫ ߞߋߟߋ߲ ߟߋ߬ ߕߊ ߘߌ߫، ߊ߬ ߣߌ߫ ߛ߫ߟߊ߬ߕߎ ߣߌ߫ ߛߟߊ߬ߡߎ߲ ߦߋ߫ ߊ߬ ߟߊ߫ ߖߐ߲߭ ߣߴߊ߬ ߟߊ߫ ߞߋߟߊ ߊ߲ ߠߊ߫ ߟߊ߬ߝߐ߬ߓߊ߮ ߡߏ߬ߤ߭ߊߡߡߊߘ ߦߋ߫، ߊ߬ ߣߴߊ߬ ߞߐߙߍ ߟߎ߬ ߣߴߊ߬ ߘߍ߬ߢߐ߲߮ ߠߎ߬ ߦߋ߫، ߏ߬ ߞߐ߫:
ߣߌ߲߬ ߦߋ߫ ߞߎߡߊߘߋ߲߫ ߟߊߘߛߏߣߍ߲ ߠߎ߬ ߟߋ߬ ߘߌ߫ ߞߋߟߊ ߟߊ߫ ߛߊߟߌ ߞߍߢߊ ߟߊ߬ߞߊ߬ߟߌ߲߬ߞߊ߬ߟߌ߲ ߘߐ߫ -ߛ߫ߟߊ߬ߕߎ ߣߌ߫ ߛߟߊ߬ߡߎ߲ ߦߴߊ߬ ߦߋ߫- ߸ ߒ ߣߊ߬ ߞߊ߬ ߡߍ߲ ߟߊߘߌߦߊ߫ ߛߌ߬ߟߡߊ߫ ߗߍ߬ߡߊ߲ ߣߌ߫ ߡߛߏ߬ߡߊ߲ ߓߍ߯ ߡߊ߬ ߸ ߛߌߞߊ߬ ߡߍ߲ ߓߍ߯ ߓߴߊ߬ ߦߋ߫ ߸ ߏ߬ ߘߴߊ߬ ߖߘߍ߬ߡߊ߬ߞߏ߫ ߞߊ߬ ߞߋߟߊ ߞߣߐ߬ߟߌ ߞߍ߫ ߏ߬ ߘߐ߫ ߸ ߊ߬ ߟߊ߫ ߞߎߡߊ ߝߍ߬ -ߛ߫ߟߊ߬ߕߎ ߣߌ߫ ߛߟߊ߬ߡߎ߲ ߦߴߊ߬ ߦߋ߫- ߞߏ߫:
(صَلُّوا كَمَا رَأَيْتُمُونِي أُصَلِّي).
( ߊߟߎ߯ ߛߊߟߌ߫ ߦߏ߫ ߊߟߎ߫ ߞߊ߬ ߒ ߦߋ߫ ߛߊߟߌ߬ ߟߊ߫ ߢߊ ߡߍ߲ ).1 ߊ߬ ߣߌ߫ ߞߊ߬ߙߊ߲߬ߠߊ߫ ߡߊ߬ ߊ߬ ߟߊ߬ߞߟߊ߬ߞߟߌ ߟߋ߬ ߣߌ߲߬:
1- ߞߊ߬ ߛߊߟߖߌߘߏ߲ ߟߊ߬ߓߎ߲߯߸ ߏ ߟߋ ߞߊ߬ ߛߊߟߖߌ߫ ߦߏ߫ ߊߟߊ߫ ߞߴߊ߬ ߦߡߊ߬ߙߌ߬ ߊ߬ ߟߊ߫ ߢߊ ߡߍ߲ ߞߊ߲߬߸ ߓߊ߯ߙߊ ߓߟߏߡߊ߬ ߞߊ߬ ߓߍ߲߬ ߊߟߊ߫ ߞߎߡߊߞߊ߲ ߡߊ߬ ߛߊߣߌ߲ߧߊ߫ ߦߴߊ߬ ߦߋ߫ ߊߟߊ߫ ߡߍ߲ ߞߘߐߕߊ߬ߣߍ߲߬:
﴿يَٰٓأَيُّهَا ٱلَّذِينَ ءَامَنُوٓاْ إِذَا قُمۡتُمۡ إِلَى ٱلصَّلَوٰةِ فَٱغۡسِلُواْ وُجُوهَكُمۡ وَأَيۡدِيَكُمۡ إِلَى ٱلۡمَرَافِقِ وَٱمۡسَحُواْ بِرُءُوسِكُمۡ وَأَرۡجُلَكُمۡ إِلَى ٱلۡكَعۡبَيۡنِ...﴾
﴿ߤߍ߲߬ ߊߟߎ߬ ߟߊߒߠߦߊߓߊ߮ ߟߎ߬ ߸ ߊߟߎ߫ ߓߊ߯ ߞߍ߫ ߊߟߎ߫ ߟߐ߬ ߟߊ߫ ߛߊߟߌ ߟߊ߫߸ ߊߟߴߊߟߎ߫ ߢߊߘߐߟߊ ߟߎ߬ ߣߴߊߟߎ߫ ߕߍ߮ ߟߎ߫ ߞߏ߬ ߞߵߊ߬ ߛߌ߰ ߣߐ߲߬ߞߐ߲߬ߞߘߎ ߟߎ߬ ߟߊ߫، ߊ߬ ߣߵߊߟߎ߫ ߦߴߊߟߎ߫ ߞߎ߲߭ ߠߎ߬ ߡߊߛߏ߬ߛߊ߫ ߸ ߊ߬ ߣߴߊߟߎ߫ ߛߋ߲߭ ߠߎ߬ ߞߵߊ߬ ߛߌ߰ ߕߊ߲ߓߊߞߘߎ ߟߎ߬ ߟߊ߫...﴾. [ߛߎ߬ߡߊ߲߬ߝߍ ߝߐߘߊ :߆] ߟߝߊߙߌ߫
ߊ߬ ߣߌ߫ ߟߊ߬ߝߐ߬ߓߊ߮ ﷺ(ߕ. ߖ)ߞߵߊ߬ ߝߐ߫ ߞߏ߫:
(لَا تُقْبَلُ صَلَاةٌ بِغَيْرِ طُهُورٍ).
ߊߟߊ߫ ߕߍ߫ ߛߊߟߌ ߡߌ߬ߘߊ߬ ߟߊ߫ ߛߊߣߌߦߊ ߞߐ߫ ).2
ߊ߬ ߣߌ߫ ߊ߬ ߟߊ߫ ߞߎߡߊ߫ ﷺ( ߕ. ߖ) ߛߊߟߌ ߖߎ߯ߡߊ߲ߞߍߟߊ ߦߋ߫ ߞߏ߫:
(إِذَا قُمْتَ إِلَى الصَّلَاةِ، فَأَسْبِغِ الْوُضُوءَ).
(ߣߴߌ ߞߍ߫ ߘߴߌ ߟߐ߬ ߟߊ߫ ߛߊߟߌ ߟߊ߫، ߒ߬ߓߊ߬ ߦߴߌ ߟߊ߫ ߛߊߟߖߌ ߟߊߕߎ߲߰ߕߎ߲߫).3
߂- ߛߊߟߌߟߊ ߦߴߊ߬ ߢߍߛߌ߲ ߞߐߘߐ߲ ߠߊ߫، ߏ߬ ߟߋ ߞߊ߰ߓߊ ߘߌ߫ ߊ߬ ߞߍ߫ ߘߊ߫ ߦߌߟߊ ߛߌ߫ ، ߊ߬ ߦߴߏ߬ ߞߍ߫ ߊ߬ ߝߊ߬ߘߌ ߓߍ߯ ߘߌ߫، ߞߵߊ߬ ߢߋ߬ߣߌ߲߬ߞߋ߫ ߊ߬ ߛߣߐ߬ߡߍ ߟߊ߫ ߛߊߟߌ ߞߍߟߌ ߟߊ߫ ߊ߬ ߦߴߊ߬ ߝߍ߬ ߞߊ߬ ߡߍ߲ ߞߍ߫ ߝߊ߬ߙߌ߬ߟߊ ߘߌ߫ ߥߟߊ߫ ߣߊߝߑߟߊ ߘߌ߫. ߊ߬ ߞߣߴߊ߬ ߢߋ߬ߣߌ߲߬ߞߋ߫ ߝߐ߫ ߊ߬ ߣߍ߲ ߟߊ߫؛ ߓߊߏ߬ ߞߏ߫ ߣߍ߲ ߟߊ߫ ߝߐߟߌ ߡߊ߫ ߛߎ߲߬ߣߊ߬ߦߊ߫، ߓߊ߫ߙߌ߫ ߏ߬ ߦߋ߫ ߓߌߘߑߦߊ ߘߌ߫( ߓߌ߬ߟߊ߬ߒߘߐ ߞߊ߬ߣߌ߲߬ )، ߓߊߏ߬ ߟߊ߬ߝߐ߬ߓߊ߮ ﷺ( ߕ. ߖ)ߣߴߊ߬ ߞߊߓߊ߬ߡߊ߲߬ߘߋ߲ ߠߎ߬ (ߊߟߊ߫ ߘߌ߬ߢߍ ߊ߬ߟߎ߬ ߡߊ߬ ) ߡߴߊ߬ ߢߋ߬ߣߌ߲߬ߞߋ߫ ߝߐ߫. ߊ߬ ߦߋ߫ ߛߎߕߎߙߊ߫ ߟߊ߬ ߊ߬ ߢߍ߫ ߞߊ߬ ߛߊߟߌ߫ ߏ߬ ߡߊ߬، ߣߴߊ߬ ߞߍ߫ ߘߊ߫ ߟߌߡߊ߯ߡߊ߫( ߢߍߓߊ߮ )ߘߌ߫ ߥߟߊ߫ ߊ߬ ߞߋߟߋ߲߫. ߞߐߘߐ߲ ߢߍߛߌ߲ߠߌ ߦߋ߫ ߛߊߟߌ ߘߐ߫ ߛߊߙߕߌ ߘߌ߫، ߝߏ߫ ߞߏ߫ ߘߏ߫ ߟߎ߫ ߟߴߊ߬ ߟߊ߫ ߡߍ߲ ߠߎ߬ ߟߐ߲߫ߠߌ߲߫ ߣߌ߫ ߟߊ߬ߜߟߍ߬ߦߊ߬ߣߍ߲߫ ߟߐ߲ߠߌ߲ߠߊ ߟߎ߬ ߟߊ߫ ߟߍߙߊ ߟߎ߬ ߘߐ߫.
߃- ߊ߬ ߦߴߊߟߟߊ߯ߤߏ ߊߞߑߓߊߙ ߝߟߐ ߝߐ߫ ߞߏ߫: ߊߟߟߊ߯ߤߏ ߊߞߑߓߊߙ߸ ߊ߬ ߦߴߊ߬ ߢߊ ߘߊ߭ ߊ߬ ߟߊ߫ ߛߎ߬ߖߘߎ߫ ߓߋ߬ ߦߌߟߊ ߡߊ߬.
߄- ߊ߬ ߦߴߊ߬ ߓߟߏ߫ ߝߌ߬ߟߊ ߞߘߐߕߊ߬ ߊߟߟߊ߯ߤߏ ߊߞߑߓߊߙ ߝߐ߫ ߕߎ߬ߡߊ ߞߊ߬ ߕߴߊ߬ ߞߊ߬ߡߊ߲߬ߞߎ߲ ߝߌ߬ߟߊ ߥߟߊ߫ ߊ߬ ߕߟߏ߫ ߝߌ߬ߟߊ ߞߢߊߡߊ ߘߐ߫.
߅- ߊ߬ ߦߋ߫ ߊ߬ ߓߟߏ߫ ߞߌߣߌ߲ ߟߊ߫ ߊ߬ ߓߟߏ߫ ߡߊ߲߬ߙߊ ߕߍ߯ߝߘߍ ߣߴߊ߬ ߓߟߏߞߏ߲ߞߏ߲ ߣߴߊ߬ ߓߟߏߓߊߟߊ ߞߐߞߊ߲߬ ߸ ߊ߬ ߛߌߛߌ ߞߐߞߊ߲߬ ߸ ߓߊߏ߬ ߏ߬ ߛߓߊ߬ߕߌ ߘߊ߫ ߟߊ߬ߝߐ߬ߓߊ߮ ﷺ( ߕ. ߖ)ߝߍ߬.
߆- ߊ߬ ߛߎ߲߬ߣߊ߬ߣߍ߲߫ ߘߊ߫ ߞߊ߬ ߛߊߟߌ߫ ߘߟߊߞߊ ߕߌ߲ߞߌ ߞߊ߬ߙߊ߲߬߸ ߊ߬ ߦߴߊ߬ ߝߐ߫ ߞߏ߫:
(اللَّهُمَّ بَاعِدْ بَيْنِي وبيْنَ خَطَايَايَ، كَمَا بَاعَدْتَ بَيْنَ المَشْرِقِ وَالمَغْرِبِ، اللَّهُمَّ نَقِّنِي مِنَ الخَطَايَا كَمَا يُنَقَّى الثَّوْبُ الأَبْيَضُ مِنَ الدَّنَسِ، اللَّهُمَّ اغْسِلْ خَطَايَايَ بالمَاءِ والثَّلْجِ والبَرَدِ).
((ߊ߲ ߡߊ߰ߙߌ ߊߟߊ߫ ߸ ߒߠߋ ߣߌ߫ ߒ ߝߎ߬ߕߎ߬ߕߌ ߟߎ߬ ߕߍ߫ ߖߊ߲߬ߧߊ߫ ߦߏ߫ ߌ ߞߊ߬ ߕߟߋ߬ߓߐ ߣߌ߫ ߕߟߋ߬ߓߋ ߕߍ߫ ߖߊ߲߬ߧߊ߬ ߢߊ߫ ߡߍ߲߬، ߒ ߡߊ߰ߙߌ ߊߟߊ߫ ߸ ߒ ߛߊߣߌ߲ߧߊ߫ ߞߊ߬ ߒ ߓߐ߫ ߒ ߝߎ߬ߕߎ߬ߕߌ ߟߎ߬ ߘߐ߫ ߸ ߦߏ߫ ߝߊ߰ߣߌ߲߬ ߜߍ ߦߋ߫ ߛߊߣߌ߲ߧߊ߫ ߟߊ߫ ߢߊ߫ ߡߍ߲߬ ߞߊ߬ ߓߐ߫ ߞߛߐ ߘߐ߫، ߒ ߡߊ߰ߙߌ ߸ ߒ ߞߏ߬ ߞߊ߬ ߒ ߓߐ߫ ߒ ߝߎ߬ߕߎ߬ߕߌ ߟߎ߬ ߘߐ߫ ߸ ߖߌ ߣߌ߫ ߞߐ߲ߓߌ ߣߌ߫ ߛߊ߲ߡߊ߫ ߓߙߍ߬ߟߋ߲ ߠߊ߫))4
ߣߴߊ߬ ߞߴߊ߬ ߘߌߦߊ߫ ߸ ߊ߬ ߘߴߊ߬ ߝߐ߫ ߏ߬ ߣߊ߲ߞߎ߲ ߞߏ߫:
(سُبْحَانَكَ اللَّهُمَّ وبِحَمْدِكَ، وَتَبَارَكَ اسْمُكَ، وَتَعَالَى جَدُّكَ، ولَا إلَهَ غَيْرُكَ).
(ߛߊߣߌ߲ߧߊ ߦߴߌ ߦߋ߫ ߸ ߒ ߡߊ߰ߙߌ ߊߟߊ߫ ߸ ߞߵߊ߬ ߟߊ߫ ߌ ߕߊ߲߬ߘߏ ߞߊ߲߬، ߌ ߕߐ߮ ߓߘߊ߫ ߛߊߣߌ߲ߧߊ߫، ߌ ߟߊ߫ ߓߏ߲߬ߧߊ ߓߘߊ߫ ߞߘߐߕߊ߬، ߡߊ߰ߙߌ߬ ߜߘߍ߫ ߕߴߌߟߋ ߟߋ߬ ߞߐ߫)،5 ߣߴߊ߬ ߣߊ߬ ߘߊ߫ ߘߟߊߞߊߟߌ߫ ߢߌߣߌ߲ ߕߌ߲ߞߌ ߜߘߍ߫ ߟߎ߫ ߘߌ߫ ߡߍ߲ ߓߊ߲ߓߊ߲ߣߍ߲߫ ߟߊ߬ߝߐ߬ߓߊ߮ ﷺ ߡߊ߬( ߕ. ߖ)߸ ߕߐ߬ߢߐ߬ߟߊ߫ ߕߍ߫ ߏ߬ ߘߐ߫، ߊ߬ ߝߌ߬ߛߊ߬ߦߊ߬ߡߊ߲ ߠߋ߬ ߞߊ߬ ߣߌ߲߬ ߞߍ߫ ߛߋ߬ߢߊ߬ ߘߏ߫ ߸ ߞߊ߬ ߕߐ߬ߜߘߍ ߞߍ߫ ߛߋ߬ߢߊ߬ ߜߘߍ߫ ߟߊ߫؛ ߓߊߏ߬ ߏ߬ ߘߊ߬ߟߎ߬ߡߊ߲߫ ߦߊ߫ ߕߎߓߌߟߌ ߘߐ߫. ߏ߬ ߞߐ߫ ߊ߬ ߦߴߊ߬ ߝߐ߫ ߞߏ߫: ߊ߬ߊߎ߰ߖߎ߫ ߓߌߟߟߊ߯ߤߌ߫ ߡߌ߬ߣߊ߬ ߛߡߊߟߊ߲߫ ߙߊ߬ߖߌ߯ߡ߸ ߓߌߛߑߡߌߟߟߊ߯ߤߌ߫ ߙߊߦߌߡߊ߯ߣߌ߫ ߙߊߦߌ߯ߡ، ߞߵߊ߬ ߝߊߕߌߤߊ ߛߎߙߊ ߞߊ߬ߙߊ߲߬، ߊ߬ ߞߊ߲ ߡߊ߬:
(لَا صَلَاةَ لِمَنْ لَمْ يَقْرَأْ بفَاتِحَةِ الكِتَابِ).
«ߡߍ߲ ߡߊ߫ ߘߟߊߞߊߟߊ߲ ߞߊ߬ߙߊ߲߸ ߛߊߟߌ ߕߵߏ߬ ߦߋ߫ .».6 ߏ߬ ߞߐߝߍ߬ ߊ߬ ߦߴߊ߬ ߝߐ߫ ߞߏ߫: ߊ߯ߡߌ߯ߣߊ߫، ߞߊ߲߫ ߥߊߦߊ߲߫ ߛߊߟߌ ߥߊߦߊ߲ߣߍ߲ ߘߐ߫، ߊ߬ ߘߐ߬ߞߟߏߦߊ߫ ߛߊߟߌ ߘߐ߬ߞߟߏߣߍ߲ ߘߐ߫. ߏ߬ ߞߐ߫ ߊ߬ ߦߋ߫ ߝߋ߲߫ ߞߊ߬ߙߊ߲߬ ߡߍ߲߫ ߓߊ߯ ߣߐ߰ߦߴߊ߬ ߦߋ߫ ߞߎ߬ߙߊ߬ߣߊ ߘߐ߫، ߊ߬ ߝߌ߬ߛߊ߬ߦߊ߬ߡߊ߲ ߠߋ߬ ߞߵߊ߬ ߞߊ߬ߙߊ߲߬ ߝߊߕߌߤߊ ߞߐߝߍ߬ ߛߋ߬ߟߌߝߊߣߊ ߣߌ߫ ߟߊ߬ߊ߲߬ߛߙߊ ߣߌ߫ ߛߊ߬ߝߐ ߛߊߟߌ ߘߐ߫ ߞߊ߬ ߓߐ߫ ߡߎߝߊߛߊߟ ߕߟߋ߬ߡߊ߲߫ ߠߎ߬ ߘߐ߫، ߛߎߓߊ ߛߊߟߌ ߘߐ߫ ߸ ߞߊ߬ ߓߐ߫ ߊ߬ ߖߊ߲߫ ߠߎ߬ ߘߐ߫، ߝߌ߬ߕߙߌ ߛߊߟߌ ߘߐ߫ ߛߋ߬ߢߊ߬ ߘߏ߫ ߞߊ߬ ߓߐ߫ ߊ߬ ߖߊ߲߫ ߠߎ߬ ߘߐ߫ ߸ ߛߋ߬ߢߊ߬ ߘߏ߫ ߞߊ߬ ߓߐ߫ ߊ߬ ߛߎߘߎ߲߫ ߠߎ߬ ߘߐ߫، ߞߊ߬ ߓߊ߲߬ ߡߌ߬ߘߊ߬ ߛߙߊ߬ߣߎ߲߫ ߠߎ߬ ߟߊߞߏߟߐ߲ߣߍ߲߫ ߏ߬ ߘߐ߫ ߡߊ߬.
߇- ߊ߬ ߦߋ߫ ߙߎ߬ߞߐ߲ ߞߍ߫ ߞߊ߬ ߕߊߞߑߓߌߙߊ߫ ߸ ߞߊ߬ ߊ߬ ߓߟߏ ߝߌ߬ߟߊ ߞߘߐߕߊ߬ ߞߊ߬ ߕߴߊ߬ ߞߊ߬ߡߊ߲߬ߞߎ߲ ߝߌ߬ߟߊ ߞߢߊߡߊ ߘߐ߫ ߥߟߊ߫ ߊ߬ ߕߟߏ߫ ߝߌ߬ߟߊ ߸ ߞߵߊ߬ ߞߎ߲ ߞߍ߫ ߊ߬ ߞߐ ߞߢߊߡߊ ߘߐ߫ ߸ ߞߊ߬ ߊ߬ ߓߟߏ ߝߌ߬ߟߊ ߟߊ߫ ߊ߬ ߞߎ߲ߓߋߙߋ߲ߞߘߎ߫ ߝߌ߬ߟߊ ߞߊ߲߬ ߞߵߊ߬ ߓߟߏ߫ ߡߍ߲ߛߍ߲ ߠߎ߬ ߝߍ߲߬ߛߍ߲߫، ߊ߬ ߦߴߊ߬ ߡߊߞߊ߲߫ ߊ߬ ߙߎ߬ߞߐ߲ ߘߐ߫، ߊ߬ ߦߴߊ߬ ߝߐ߫ ߞߏ߫: (ߛߊߣߌ߲ߧߊ ߦߋ߫ ߒ ߕߌ߰ ߓߟߋߓߟߋ ߦߋ߫). ߞߊ߬ߟߊߡߊ߬ߕߐ߬ ߦߴߊ߬ ߟߊߡߊ߲ߛߊ߫ ߛߋ߬ߢߊ߫ ߛߓߊ߬ ߥߟߊ߫ ߞߵߏ߬ ߕߊ߬ߡߌ߲߬، ߊ߬ ߓߘߊ߬ߞߎ߬ߣߍ߲߫ ߞߵߊ߬ ߝߐ߫ ߏ߬ ߝߍ߬:
(سُبْحَانَكَ اللهُمَّ وَبِحَمْدِكَ، اللهُمَّ اغْفِرْ لِي).
((ߛߊߣߌ߲ߧߊ ߦߴߌ ߦߋ߫ ߸ ߒ ߡߊ߰ߙߌ ߊߟߊ߫ ߸ ߞߵߊ߬ ߟߊ߫ ߌ ߕߊ߲߬ߘߏ ߞߊ߲߬، ߒ ߡߊ߰ߙߌ ߊߟߊ߫ ߸ ߖߊ߰ߣߌ߬ ߦߝߊ߬ ߒ ߡߊ߬))7
߈- ߊ߬ ߦߴߊ߬ ߞߎ߲߭ ߞߘߐߕߊ߬ ߞߊ߬ߓߐ߫ ߙߎ߬ߞߐ߲ ߘߐ߫ ߸ ߞߊ߬ ߊ߬ ߓߟߏ ߝߌ߬ߟߊ ߞߘߐߕߊ߬ ߞߊ߬ ߕߴߊ߬ ߞߊ߬ߡߊ߲߬ߞߎ߲ ߝߌ߬ߟߊ ߞߢߊߡߊ ߘߐ߫ ߥߟߊ߫ ߊ߬ ߕߟߏ߫ ߝߌ߬ߟߊ ߸ ߊ߬ ߦߴߊ߬ ߝߐ߫ ߞߏ߫: (ߊߟߊ߫ ߓߊߘߴߊ߬ ߟߊߡߍ߲߫ ߡߍ߲߫ ߞߵߊ߬ ߕߊ߲߬ߘߏ߬) ߣߴߊ߬ ߞߍ߫ ߘߊ߫ ߊߟߑߡߊ߰ߡߌ߲ ߥߟߊ߫ ߞߟߋ߬ߣߊ߬ ߛߊߟߌߟߊ ߘߌ߫߸ ߊ߬ ߦߴߊ߬ ߝߐ߫ ߟߊ߫ ߊ߬ ߥߟߌߟߌ ߕߎ߬ߡߊ ߞߏ߫:
(رَبَّنَا ولَكَ الحَمْدُ حَمْدًا كَثِيرًا طَيِّبًا مُبَارَكًا فِيهِ مِلْءَ السَّمَواتِ ومِلْءَ الأرضِ، ومِلْءَ ما شِئتَ مِن شيءٍ بَعدُ).
((ߊ߲ ߡߊ߰ߙߌ ߊߟߊ߫ ߸ ߕߊ߲߬ߘߏ ߌߟߋ ߟߋ߬ ߦߋ߫ ߸ ߕߊ߲߬ߘߏ߬ ߓߘߍ ߛߌߦߊߡߊ߲ ߸ ߓߙߊߞߊ ߦߋ߫ ߡߍ߲ ߘߐ߫ ߸ ߛߊ߲ ߣߌ߫ ߘߎ߱ ߝߊ߫ ߖߊ߬ߕߋ ߸ ߊ߬ ߣߌ߫ ߝߋ߲߫ ߝߊ ߏ߬ ߞߐ߫ ߡߍ߲ ߓߴߌ ߘߌߦߊ߫))8
ߣߴߊ߬ ߞߍ߫ ߘߊ߫ ߌ߰ߡߊ߯ߡߎ߲߫ ߞߐߡߊߡߐ߯ ߘߌ߫ ߛߊ߫߸ ߏ߬ ߦߴߊ߬ ߝߐ߫ ߟߊ߫ ߟߊߥߟߌߟߌ ߕߎߡߊ ߞߏ߫: ߊ߲ ߕߌ߭ ߸ ߕߊ߲߬ߘߏ ߦߴߌ ߦߋ߫߸ ߞߊ߬ ߕߊ߯ ߞߊ߲ ߞߐߞߊ߲ ߠߎ߬ ߟߊߓߊ߲߫ ߠߊ߫، ߣߌ߫ ߊ߬ߟߎ߬ ߘߐ߫ ߞߋ߬ߟߋ߲߬ߞߋ߬ߟߋ߲߬ߣߊ ߓߊ߯ ߡߊ߬ߦߟߍ߬ߡߊ߲ ߞߍ߫ -ߒ ߞߏ߫ ߊߟߑߡߊ߰ߡߌ߲ ߣߌ߫ ߌ߰ߡߊ߯ߡߎ߲߫ ߞߐߡߊߡߐ߯ ߣߌ߫ ߞߟߋ߬ߣߊ߬ ߛߊߟߌߟߊ-
(أَهْلَ الثَّنَاءِ والْمجْدِ، أَحَقُّ مَا قَالَ العَبْدُ، وكُلُّنَا لَكَ عَبْدٌ: اللَّهُمَّ لَا مَانِعَ لِمَا أعْطَيْتَ، ولَا مُعْطِيَ لِمَا مَنَعْتَ، ولَا يَنْفَعُ ذَا الجَدِّ مِنْكَ الجَدُّ).
((ߌߟߋ ߟߋ߬ ߕߊ߲߬ߘߏ ߡߊ߲߬ߛߊ߫ ߡߌ߬ߙߌ߲߬ߡߊ ߘߌ߫، ߖߐ߲߭ ߠߊ߫ ߞߎߡߊ ߓߍ߯ ߘߐ߫ ߝߐߕߊ ߟߵߏ߬ ߘߌ߫، ߊ߲ ߘߏ߲߬ ߓߍ߯ ߌ ߟߊ߫ ߖߐ߲. ߊ߲ ߡߊ߰ߙߌ ߊߟߊ߫ ߸ ߞߎ߬ߡߊ߲߬ߘߌ߬ߓߊ߯ ߕߴߌ ߟߊ߫ ߛߐߟߌ ߝߋ߲ ߠߊ߫، ߘߌߓߊ߯ ߝߣߊ߫ ߕߴ ߌ ߟߊ߫ ߖߊ߲߬ߠߌ߲߬ ߝߋ߲ ߠߊ߫، ߛߋߕߌ ߟߊ߫ ߛߋ ߕߴߊ߬ ߣߝߊ߫ ߝߏߛߌ߬ ߟߊ߫ ߌߟߋ ߡߊ߬)).9 ߏ߬ ߦߋ߫ ߢߌ߬ߡߊ߲߬ ߘߌ߫ ߏ߬ ߓߊ߲ߓߊ߲ߧߊ ߞߏߛߐ߲߬ ߊ߬ ߟߊ߫.
ߊ߬ ߦߌ߬ߘߊ߬ߣߍ߲߫ ߦߋ߫ ߊ߬ߟߎ߬ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߦߋ߫ - ߒߞߏ߫ ߊߟߌߡߊߡߎ߫ ߣߴߊ߬ ߞߐߟߊ߬ߓߊ߯ ߣߌ߫ ߞߋ߬ߟߋ߲߫ߕߊ - ߞߵߊ߬ ߟߊ߫ ߞߌߣߌ߲ߡߊ߲ ߟߊ߫ ߊ߬ ߡߊ߬ߙߊ߲ߡߊ߲ ߞߊ߲߬ ߊ߬ ߛߌߛߌ ߞߊ߲߬، ߦߏ߫ ߊ߬ ߞߵߏ߬ ߞߍ߫ ߊ߬ ߟߊ߫ ߟߐ߬ߟߌ ߘߐ߫ ߙߎ߬ߞߐ߲ ߘߐ߫ ߢߊ߫ ߡߍ߲ ، ߓߊߏ߬ ߡߍ߲ ߦߴߏ߬ ߦߌ߬ߘߊ߬ ߟߊ߫ ߏ߬ ߓߊ߯ߘߌ߫ ߘߊ߫ ߟߊ߬ߝߟߌ߬ߓߊ߮ ﷺ( ߕ. ߖ)ߝߍ߬ ߞߊ߬ ߓߐ߫ ߥߊ߯ߌߟߎ߫ ߓߎߣ ߤߎߖߑߙߌ߫ ߣߌ߫ ߛߊߤߟߎ߫ ߓߎߣ ߛߊߊ߳ߘߎ߫ ߟߊ߫ ߞߎߡߊߞߊ߲ ߘߐ߫، ߊߟߊ߫ ߘߌ߬ߢߍ ߊ߬ߟߎ߫ ߝߌ߬ߟߊ ߡߊ߬ .
߉- ߊ߬ ߦߋ߫ ߛߎ߬ߖߘߎ߫ ߓߋ߬ ߞߵߊ߬ ߝߐ߫ ߞߏ߫ ߊߟߟߊ߯ߤߏ ߊߞߑߓߊߙ߸ ߞߵߊ߬ ߞߎ߲ߓߋߙߋ߲ ߝߌ߬ߟߊ ߟߊߖߌ߰ ߊ߬ ߓߟߏ ߝߌ߬ߟߊ ߢߍ߫ ߣߴߏ߬ ߣߐ߰ߦߊ߬ߘߴ ߊ߬ ߦߋ߫، ߣߴߏ߬ ߞߊ߫ ߜߟߍ߬ߦߊ߫ ߊ߬ ߡߊ߬߸ ߊ߬ ߦߴߊ߬ ߓߟߏ ߝߌ߬ߟߊ ߟߊߖߌ߰ ߊ߬ ߞߎ߲ߓߋߙߋ߲ ߝߌ߬ߟߊ ߢߍ߫، ߞߵߊ߬ ߛߋ߲߬ߓߟߏߞߎ߲ ߠߎ߬ ߣߴߊ߬ ߓߟߏߞߎ߲ ߠߎ߬ ߞߎ߲߬ߕߋߟߋ߲߫ ߞߐߘߐ߲ ߠߊ߫ ߞߵߊ߬ ߓߟߏߞߎ߲ ߠߎ߬ ߟߊߘߌߦߊ߫ ߞߵߊ߬ ߟߊߝߎߟߊ߲߫߸ ߊ߬ ߦߋ߫ ߞߍ߫ ߊ߬ ߟߊ߫ ߛߐ߰ߙߊ߲߬ߢߊ߬ ߥߐߙߐ߲ߥߌ߬ߟߊ ߞߊ߲߬: ߕߌ߲ ߣߌ߫ ߣߎ߲، ߓߟߏ߫ ߝߌ߬ߟߊ، ߞߎ߲ߓߋߙߋ߲߫ ߝߌ߬ߟߊ، ߊ߬ ߣߌ߫ ߛߋ߲߬ߓߟߏߞߎ߲ ߞߣߐ߫ ߟߎ߬، ߊ߬ ߦߴߊ߬ ߝߐ߫ ߞߏ߫: (ߛߎ߬ߓߑߤ߭ߊ߯ߣߊ߫ ߙߊߓߓߌߦߊߟ ߊߺߊ߳ߑߟߊ߰) (ߛߊߣߌ߲ߧߊ ߦߋ߫ ߒ ߕߌ߰ ߞߘߐߕߊ߬ߣߍ߲߬ߓߊ ߦߋ߫)߸ ߏ߬ ߝߐߟߌ ߛߋ߬ߢߊ߫ ߛߓߊ߬ ߥߟߊ߫ ߞߵߏ߬ ߕߊ߬ߡߌ߲߬ ߛߎ߬ߣߊ߬ߣߍ߲߬، ߊ߬ ߞߊ߬ ߢߌ߲߬ ߞߵߊ߬ ߝߐ߫ ߏ߬ ߝߍ߬:
(سُبْحانَكَ اللَّهُمَّ رَبَّنا وبِحَمْدِكَ، اللَّهُمَّ اغْفِرْ لِي).
(ߛߊߣߌ߲ߧߊ ߦߴߌ ߦߋ߫ ߒ ߡߊ߰ߙߌ، ߊ߲ ߕߌ߱ ߊ߲ ߧߴߌ ߕߊ߲߬ߘߏ߬ ߟߊ߬، ߖߊ߰ߣߌ߬ ߒ ߡߊ߰ߙߌ ߸ ߦߊ߬ߝߊ߫ ߒ ߡߊ߬)، ߊ߬ ߦߋ߫ ߕߌ߲ߞߌ߲ ߠߊ߫ ߛߌߦߊߦߊ߫ ߟߊ߬ߝߐ߬ߓߊ߮ ﷺ ߞߎߡߊߞߊ߲ ߞߏߛߐ߲߬( ߕ. ߖ):
(أَمَّا الرُّكُوعُ، فَعَظِّمُوا فِيهِ الرَّبَّ، وَأَمَّا السُّجُودُ، فَاجْتَهِدُوا فِي الدُّعَاءِ، فَقَمِنٌ أَنْ يُسْتَجَابَ لَكُمْ).
(ߒ߬ߓߊ߬ ߸ ߊߟߎ߫ ߦߋ߫ ߡߊ߰ߙߌ ߓߏ߬ߢߊ ߞߐߡߊߓߌ߲ߘߌ߲ ߘߐ߫ ߸ ߞߵߊߟߎ߫ ߘߐߖߊ߬ ߕߌ߲ߞߌ߲ ߞߊ߲߬ ߕߌ߲ߓߌߘߌ߲ ߘߐ߫ ߏ߬ ߟߋ߬ ߛߎ߬ߘߎ߬ߡߊ߫ ߖߋ߬ߓߌ ߟߴߊߟߎ߫ ߦߋ߫).10
ߊ߬ ߣߴߊ߬ ߦߴߊ߬ ߡߊ߰ߙߌ ߕߙߊ߫ ߟߊ߫ ߘߎߢߊ߫ ߣߌ߫ ߟߊߞߌߙߊ߫ ߤߙߊ ߟߊ߫߸ ߛߊߟߌ ߏ߬ ߞߍ߫ ߘߊ߫ ߝߊߙߌߟߊ ߘߌ߫ ߥߟߊ߫ ߣߊߝߑߟߊ ߘߌ߫، ߊ߬ ߦߋ߫ ߞߊ߬ߓߊ߫ ߝߌ߬ߟߊ ߡߊߓߐ߫ ߞߍ߬ߙߍ ߟߊ߫ ߸ ߞߊ߬ ߞߣߐ ߡߊߓߐ߫ ߥߘߏ߫ ߝߌ߬ߟߊ ߟߊ߫ ߸ ߞߊ߬ ߥߘߏ߫ ߝߌ߬ߟߊ ߡߊߓߐ߫ ߣߡߊ߬ߘߌ߫ ߝߌ߬ߟߊ ߟߊ߫، ߞߊ߬ ߓߟߏߞߎߘߎ߲ ߝߌ߬ߟߊ ߞߘߐߕߊ߬ ߘߎ߱ ߡߊ߬ ߓߊߏ߬ ߞߋߟߊ ﷺ ߞߵߊ߬ ߝߐ߫ ߞߏ߫( ߕ. ߖ):
(اعْتَدِلُوا في السُّجُودِ، ولَا يَبْسُطْ أَحَدُكُمْ ذِرَاعَيْهِ انْبِسَاطَ الكَلْبِ).
((ߊߟߎ߫ ߦߋ߫ ߕߋߟߋ߲߫ ߕߌ߲ߓߌߘߌ߲ ߘߐ߫، ߊߟߎ߫ ߘߐ߫ ߞߋߟߋ߲ ߞߊߣߊ߬ ߊ߬ ߟߊ߫ ߓߟߏߞߊ߲ ߝߌ߬ߟߊ ߖߍ߲ߛߍ߲߫ ߦߏ߫ ߥߎߟߎ ߟߊ߫ ߖߍ߲ߛߍ߲߫ ߢߊ)).11
߁߀- ߊ߬ ߦߴߊ߬ ߞߎ߲߭ ߞߘߐߕߊ߬ ߞߊ߬ ߕߊߞߓߌߙߊ ߞߍ߫ ߸ ߞߊ߬ ߛߋ߲߬ߝߘߍ߬ ߡߊ߬ߙߊ߲ ߘߐ߬ߝߍ߲߬ ߞߊ߬ ߛߌ߰ ߏ߬ ߞߊ߲߬ ߸ ߞߊ߬ ߛߋ߲߬ߝߘߍ߫ ߞߌߣߌ߲ ߠߊ߫ ߟߐ߰ ߸ ߞߵߊ߬ ߕߍ߯ ߝߌ߬ߟߊ ߟߴߊ߬ ߥߘߏ߫ ߝߌ߬ߟߊ ߣߴߊ߬ ߞߎ߲ߓߋߙߋ߲߫ ߝߌ߬ߟߊ ߞߊ߲߬ ߸ ߊ߬ ߦߴߊ߬ ߝߐ߫ ߞߏ߫:
(رَبِّ اغْفِرْ لِي وَارْحَمْنِي وَاهْدِنِي وَارْزُقْنِي وَعَافِنِي وَاجْبُرْنِي).
(ߒ ߕߌ߭ ߸ ߜߊ߲ߞߎߣߊ߫ ߒ ߧߋ߫، ߤߌߣߊ߫ ߒ ߠߊ߫، ߒ ߞߊ߲ߘߊ߫، ߒ ߤߊߙߌ߬ߖߍ߯، ߒ ߟߊ߲߬ߝߌߦߊ߫، ߒ ߛߍ߲ߓߍ߫ ߘߏ߲߬).12 ߊ߬ ߦߋ߫ ߡߊ߬ߘߋ߫( ߞߴߊ߬ ߡߊ߬ߝߊ ߞߊ߬ߣߌ߲߬ )ߛߌ߰ߟߌ ߢߌ߲߬ ߘߐ߫.
߁߁- ߊ߬ ߦߋ߫ ߊߟߟߊ߯ߤߏ ߊߞߑߓߊߙ ߝߐ߫ ߞߊ߬ ߛߎ߬ߖߘߎ߫ ߝߌߟߊߣߊ߲ ߞߍ߫، ߊ߬ ߦߋ߫ ߞߍ߫ ߟߴߊ߬ ߘߐ߫ ߦߏ߫ ߊ߬ ߞߊ߬ ߛߎ߬ߖߘߎ߫ ߝߟߐߡߊ߲ ߞߍ߫ ߢߊ߫ ߡߍ߲ ߗߐ߫ .
߁߂- ߊ߬ ߦߴߊ߬ ߞߎ߲߭ ߞߊ߲߬ߥߊ߫ ߊߟߟߊ߯ߤߏ ߊߞߑߓߊߙ ߝߐ߫ ߟߊ߫ ߞߊ߬ ߛߌ߰ ߛߌ߰ߟߊ߲ ߝߍ߬ߙߍ߲߬ߡߊ߲ ߠߊ߫ ߦߏ߫ ߛߌ߰ߟߊ߲ ߡߍ߲ ߦߋ߫ ߛߎ߬ߖߘߎ߫ ߝߌ߬ߟߊ ߣߌ߫ ߢߐ߲߯ ߕߍ߫، ߏ߬ ߟߋ߬ ߦߋ߫ ߞߟߌ߫ ߟߊ߫ ߞߏ߫ ߡߊ߬ߝߍ߬ߟߋ߲߬ߠߌ߲ ߛߌ߰ߟߊ߲، ߊ߬ ߦߋ߫ ߛߎߣߊ߫ ߘߌ߫، ߣߴߊ߬ ߞߵߏ߬ ߕߏ߫ ߸ ߞߎ߲߬ߞߏ߬ ߕߍ߫ ߊ߬ ߟߊ߫، ߞߊ߬ߟߌ߬ߞߎ߲߬ߧߊ߫ ߣߌ߫ ߘߞߊ߬ߟߌ߫ ߛߌ߫ ߕߍ߫ ߊ߬ ߘߐ߫، ߏ߬ ߞߐ߫ ߊ߬ ߦߋ߫ ߥߟߌ߬ ߟߐ߬ߝߌߟߊߣߊ߲ ߦߋ߫ ߊ߬ ߦߴߊ߬ ߕߊ߲߬ߞߊ߫ ߊ߬ ߟߊ߫ ߞߎ߲߬ߓߊ߬ߞߐߟߐ߲ ߠߎ߬ ߡߊ߬ ߣߴߏ߬ ߣߐ߰ߦߊ߬ߣߍ߲߫ ߊ߬ ߦߋ߫، ߣߴߏ߬ ߞߊ߬ ߜߟߍ߬ߦߊ߫ ߊ߬ ߡߊ߬ ߸ ߊ߬ ߦߴߊ߬ ߕߊ߲߬ߞߊ߫ ߘߎ߱ ߡߊ߬، ߏ߬ ߞߐ߫ ߊ߬ ߦߋ߫ ߘߟߊߞߊߟߊ߲ ߝߐߘߊ ߞߊ߬ߙߊ߲߫ ߊ߬ ߣߌ߫ ߘߐ߬ߛߊߙߌ߫ ߘߐ߫ ߡߍ߲ ߣߐ߰ߦߊ߬ߣߍ߲߫ ߊ߬ ߦߋ߫ ߘߟߊߞߊߟߊ߲ ߝߐߘߊ ߞߐ߫، ߏ߬ ߞߐ߫ ߊ߬ ߦߋ߫ ߞߍ߫ ߦߏ߫ ߊ߬ ߞߊ߬ ߟߐ߬ ߝߟߐߡߊ߲ ߞߍ߫ ߢߊ߫ ߡߍ߲.
߁߃- ߣߌ߫ ߛߊߟߌ ߞߍ߫ ߘߊ߫ ߟߐ߬ ߝߌ߬ߟߊ߬ ߛߊߟߌ ߘߌ߫ ߘߌ߫ ߸ ߦߏ߫ ߝߊߖߙߌ ߣߌ߫ ߖߎ߬ߡߊ߬ߟߏ߲ ߣߌ߫ ߛߊߟߌߓߊ ߝߌ߬ߟߊ ߛߊߟߌ ߢߊ߫߸ ߊ߬ ߦߴߊ߬ ߛߌ߰ ߊ߬ ߞߎ߲߂ߘߌ߫ ߞߐ߫ ߛߎ߬ߖߘߎ߬ ߝߌ߬ߟߊߣߊ߲ ߘߐ߫߸ ߞߵߊ߬ ߞߌߣߌ߲߫ ߛߋ߲ ߠߊ߫ ߟߐ߬߸ ߞߵߊ߬ ߡߊ߬ߙߊ߲ ߛߋ߲ ߠߊߝߎߟߋ߲߫߸ ߞߵߊ߬ ߞߌߣߌ߲߫ ߕߍ߯ߝߘߍ ߟߊ߫ ߊ߬ ߞߌߣߌ߲߫ ߥߘߏ ߞߊ߲߬߸ ߞߵߊ߬ ߡߍ߲߬ߛߍ߲ ߓߍ߯ ߟߊ߫ ߞߘߎ߬ ߝߏ߫ ߞߐߙߍߦߊߟߊ߲߸ ߞߊ߬ ߞߐߙߍߦߊߟߌ ߞߍ߫ ߏ߬ ߟߊ߫ ߕߊߥߑߤߌߘ ߡߊ߬( ߊߟߊ߫ ߞߋ߬ߟߋ߲߬ߓߊ߰ߦߊ ߡߊ߬ ). ߣߴߊ߬ ߞߊ߬ ߕߍߡߊߓߊߣߊ߲߫ ߣߘߐߟߊ ߣߌ߫ ߛߌߣߊߓߊ߲ ߠߊ߫ ߞߘߎ߫ ߊ߬ ߞߌߣߌ߲߫ ߓߟߏ ߘߐ߫߸ ߞߊ߬ ߞߏ߬ߙߌ߫ ߞߍ߫ ߞߎ߲߬ߞߘߎ߬ߓߊ ߣߌ߫ ߕߍߡߓߊߣߊ߲ ߠߊ߫߸ ߞߊ߬ ߞߐߙߍߦߊߟߌ ߞߍ߫ ߞߐߙߍߦߊߟߊ߲ ߠߊ߫߸ ߏ߬ ߓߘߊ߫؛ ߓߊߏ߬ ߞߏ߫ ߝߌ߬ߟߊߓߊ߯ ߛߎ߲ߓߎ߲ߣߍ߲߫ ߟߋ߬ ߞߊ߬ ߓߐ߫ ߟߊ߬ߝߐ߬ߓߊ߮ ﷺ ﷺߝߍ߬( ߕ. ߖ). ߊ߬ ߝߌ߬ߛߊ߬ ߞߊ߬ ߢߊ ߞߋߟߋ߲ ߞߍ߫ ߕߎ߬ߡߊ ߘߐ߫ ߸ ߞߊ߬ ߕߐ߬ߣߐ߲ ߞߍ߫ ߕߎ߬ߡߊ ߜߘߍ߫ ߘߐ߫. ߊ߬ ߦߴߊ߬ ߡߊ߬ߙߊ߲߬ ߕߍ߯ߝߘߍ ߟߊ߫ ߊ߬ ߡߊ߬ߙߊ߲߫ ߥߘߏ ߣߴߊ߬ ߞߎ߲߬ߓߊ ߞߊ߲߬. ߏ߬ ߞߐ߫ ߊ߬ ߦߋ߫ ߕߌ߲ߓߌߘߌ߲߫ ߞߊ߬ߟߊ߲߫ ߛߌ߰ߟߌ ߣߌ߲߬ ߘߐ߫، ߏ߬ ߦߋ߫:
(التَّحِيَّاتُ لله وَالصَّلَوَاتُ والطَّيِّبَاتُ، السَّلَامُ عَلَيْكَ أيُّهَا النَّبِيُّ وَرَحْمَةُ اللهِ وَبَرَكَاتُهُ، السَّلَامُ عَلَيْنَا وَعَلَى عِبَادِ الله الصَّالِحِينَ، أَشْهَدُ أَنْ لَا إلَهَ إلَّا اللهُ وَأَشْهَدُ أَنَّ مُحَمَّدًا عَبْدُهُ ورَسولُهُ).
(ߝߏ߬ߟߌ߬ ߢߌߡߊ ߟߎ߬ ߊߟߊ߫ ߦߋ߫ ߸ ߊ߬ ߣߌ߫ ߕߌ߲ߞߌ ߟߎ߬ ߸ ߊ߬ ߣߌ߫ ߞߏ߫ ߢߌߡߊ ߟߎ߬، ߞߛߌ ߌ ߡߊ߬ ߸ ߌߟߋ߬ ߣߊߓߢߌߡߊ ߸ ߊ߬ ߣߌ߫ ߊߟߊ߫ ߟߊ߫ ߤߌߣߊ ߣߴߊ߬ ߟߊ߫ ߒߓߊߘߍ، ߞߛߌ ߊ߲ ߠߎ߬ ߡߊ߬ ߸ ߊ߬ ߣߴ ߊߟߊ߫ ߟߊ߫ ߖߐ߲߬ ߢߌߡߊ ߟߎ߬، ߒ ߧߋ߫ ߛߙߋߕߋߕߋߦߊ߫ ߟߊ߫ ߞߏ߫ ߡߊ߰ߙߌ߬ ߛߌ߫ ߕߍ߫ ߝߏ߫ ߊߟߊ߫ ߸ ߒ ߧߋ߫ ߛߙߋߕߋߕߋߦߊ߫ ߟߊ߫ ߕߎ߲߯ ߞߏ߫ ߡߎ߬ߤߡߊߘߎ߫ ߦߋ߫ ߊߟߊ߫ ߟߊ߫ ߖߐ߲߭ ߣߴߊ߬ ߟߊ߫ ߞߋߟߊ ߟߋ߬ ߘߌ߫)߸ ߏ߬ ߞߐ߫ ߸ ߊ߬ ߦߴߊ߬ ߝߐ߫ ߞߏ߫:
(اللَّهُمَّ صَلِّ علَى مُحَمَّدٍ وعلَى آلِ مُحَمَّدٍ، كَمَا صَلَّيْتَ علَى إبْرَاهِيمَ وعلَى آلِ إبْرَاهِيمَ؛ إنَّكَ حَمِيدٌ مَجِيدٌ، وَبَارِكْ علَى مُحَمَّدٍ وعلَى آلِ مُحَمَّدٍ، كَمَا بَارَكْتَ علَى إبْرَاهِيمَ وعلَى آلِ إبْرَاهِيمَ؛ إنَّكَ حَمِيدٌ مَجِيدٌ).
((ߒ ߡߊ߰ߙߌ ߊߟߊ߫ ߸ ߕߌ߲ߞߌ߫ ߡߎ߬ߤߡߊߘߎ߫ ߣߴߊ߬ ߘߏ߲߬ߞߏ ߟߎ߬ ߡߊ߬ ߖߊ߰ߣߌ߬ ߸ ߦߏ߫ ߌ ߕߌ߲ߞߌ ߘߊ߫ ߌߓߎ߬ߙߊߤߌߡߊ߫ ߣߴߊ߬ ߘߏ߲߬ߞߏ ߟߎ߬ ߡߊ߬ ߢߊ߫ ߡߍ߲ ߸ ߓߊߏ߬ ߖߊ߯ߕߋ߬ ߸ ߌߟߋ ߟߋ߬ ߕߊ߲߬ߘߏ߬ߕߊ߫ ߡߌ߬ߙߌ߲߬ߡߊ ߘߌ߫. ߓߙߊߞߊ ߖߘߌ߫ ߡߎ߬ߤߡߊߘߎ߫ ߣߴߊ߬ ߘߏ߲߬ߞߏ ߟߎ߬ ߡߊ߬ ߖߊ߰ߣߌ߬ ߸ ߦߏ߫ ߌ ߞߊ߬ ߓߙߊߞߊ ߖߘߌ߫ ߌߓߎ߬ߙߊߤߌߡߊ߫ ߣߴߊ߬ ߘߏ߲߬ߞߏ ߟߎ߬ ߡߊ߬ ߢߊ߫ ߡߍ߲ ߸ ߓߊߏ߬ ߖߊ߯ߕߋ߬ ߸ ߌߟߋ ߟߋ߬ ߕߊ߲߬ߘߏ߬ߕߊ߫ ߡߌ߬ߙߌ߲߬ߡߊ ߘߌ߫)).13
ߊ߬ ߦߋ߫ ߡߊ߬ߕߊ߲߬ߞߊ߬ߟߌ ߢߌߣߌ߲߫ ߞߍ߫ ߊߟߊ߫ ߡߊ߬ ߝߋ߲ ߣߊ߯ߣߌ߲߫ ߡߊ߬ ߸ ߊ߬ ߦߴߊ߬ ߝߐ߫ ߞߏ߫:
(اللَّهُمَّ إنِّي أَعُوذُ بِكَ مِن عَذَابِ جَهَنَّمَ، وَمِنْ عَذَابِ القَبْرِ، وَمِنْ فِتْنَةِ المَحْيَا وَالْمَمَاتِ، وَمِنْ شَرِّ فِتْنَةِ المَسِيحِ الدَّجَّالِ).
((ߒ ߡߊ߰ߙߌ ߊߟߊ߫ ߸ ߒߠߋ ߦߋ߫ ߕߊ߲߬ߞߊ ߕߙߊ߫ ߟߴߌ ߟߊ߫ ߞߊ߬ ߓߐ߫ ߥߋ߲ߓߋ ߖߊ߲߬ߞߕߊ ߡߊ߬، ߊ߬ ߣߌ߫ ߞߊ߬ ߓߐ߫ ߞߊߓߙߎ ߖߊ߲߬ߞߕߊ ߡߊ߬، ߊ߬ ߣߌ߫ ߞߊ߬ ߓߐ߫ ߢߣߊߡߦߊ ߣߌ߫ ߛߊ߬ߦߊ ߟߊߖߙߊ߬ߓߌ߬ߟߌ ߡߊ߬، ߊ߬ ߣߌ߫ ߞߊ߬ ߓߐ߫ ߘߊߖߊ߯ߟߌ߫ ߡߊߡߎ߬ߣߍ߲ ߠߊ߫ ߟߊ߬ߖߙߊ߬ߓߟߌ߬ ߖߎ߯ ߡߊ߬)).14
ߏ߬ ߞߐ߫߸ ߊ߬ ߘߌ߫ ߘߎ߬ߥߊ߬ߎ ߞߍ߫ ߊ߬ ߘߌߦߊߣߍ߲߫ ߞߏ ߟߎ߬ ߟߊ߫ ߞߌߢߍ ߣߌ߫ ߟߊ߬ߓߊ߲߫ ߤߙߊ ߟߊ߫. ߣߴߊ߬ ߓߊ߯ ߘߎ߬ߥߊ߬ߎ ߞߍ߫ ߊ߬ ߡߏߦߌߓߊ߯ ߝߌ߬ߟߊ ߦߋ߫ ߥߟߊ߫ ߛߌ߬ߟߡߊ߫ ߜߘߍ߫ ߟߎ߫ ߦߋ߫߸ ߏ߬ ߕߍ߫ ߖߎ߯ߡߊ߲߫ ߘߌ߫ ߝߋߎ߫ -ߛߊߟߌ ߏ߬ ߞߍ߫ ߘߊ߫ ߝߊߙߌߟߊ ߘߌ߫ ߥߟߊ߫ ߣߊߝߑߟߊ ߘߌ߫؛ ߓߊߏ߬ ߟߊ߬ߝߐ߬ߓߊ߮ ﷺ ߟߊ߫ ߞߎߡߊߞߊ߲ ߝߘߊߣߍ߲ ߡߊ߬ ߌߓߑߣߎ߫ ߡߊߛߑߎߘߊ߫ (ߊߟߊ߫ ߞߊ߬ ߘߌ߬ߢߍ߫ ߊ߬ ߡߊ߬) ߟߊ߫ ߤߊߘߌ߯ߛߊ ߘߐ߫߸ ߕߎߡߊ ߡߍ߲ ߊ߬ ߞߊ߬ ߕߊ߬ߤߌߦߊ ߟߊߞߊ߬ߙߊ߲߬ ߊ߬ ߡߊ߬:
(ثُمَّ لِيَتَخَيَّرْ مِنَ الدُّعَاءِ بَعْدُ أَعْجَبَهُ إِلَيْهِ فَيَدْعُو).
(ߏ߬ ߞߐ߫ ߛߊ߫߸ ߊ߬ ߦߋ߫ ߘߎߓߺߊ߫ ߘߐߕߐ߬ߡߐ߲߬ ߡߍ߲ ߓߊ߯ ߊ߬ ߤߣߍ߸ ߞߵߊ߬ ߘߎߓߊ߫).15 ߊ߬ ߦߋ߫ ߝߐߟߌ߫ ߜߘߍ߫ ߘߐ߫ :
(ثُمَّ لِيَخْتَرْ مِنَ الْمَسْأَلَةِ مَا شَاءَ).
(ߏ߬ ߞߐ߫ ߡߍ߲ ߓߴߊ߬ ߘߌߦߊ߫ ߊ߬ ߦߋ߫ ߞߊ߬ ߏ߬ ߛߎߥߊ߲ߘߌ߫ ߟߌߟߌ ߘߐ߫ ).16
ߏ߬ ߦߋ߫ ߖߐ߲߭ ߠߊ߫ ߕߐ߬ߣߐ߲߬ߞߐ ߓߍ߯ ߘߐ߬ߞߎ߲߬ߓߊ߬ ߘߎߢߊ߫ ߣߌ߫ ߟߊ߯ߞߌߙߊ߫ ߘߐ߫. ߏ߬ ߞߐ߫ ߸ ߊ߬ ߦߋ߫ ߝߏ߬ߟߌ ߓߌ߬ߟߴߊ߬ ߞߌߣߌ߲ ߝߍ߬ ߣߴߊ߬ ߡߊ߬ߙߊ߲ ߝߍ߬ ߊ߬ ߦߴߊ߬ ߝߐߓߊ߯ ߘߌ߫ ߞߏ߫: ((ߊߛߛߊ߬ߟߊ߯ߡߎ ߊߟߊߦߑߞߎߡ ߥߙߊߤ߭ߑߡߊߕߎߟߟߊ߯ߤߌ߫، ߊߛߛߊ߬ߟߊ߯ߡߎ ߊߟߊߦߑߞߎߡ ߥߙߊߤ߭ߑߡߊߕߎߟߟߊ߯ߤߌ߫)).
߁߄- ߣߌ߫ ߛߊߟߌ ߞߍ߫ ߘߊ߫ ߟߐ߬ߛߓߊ߬ ߘߌ߫ ߦߏ߫ ߝߌ߬ߕߙߌ ߸ ߥߟߊ߫ ߟߐ߬ߣߊ߯ߣߌ߲߫ ߦߏ߫ ߛߊߟߌߝߊ߬ߣߊ ߣߌ߫ ߟߊ߲߬ߛߊߙߌ ߣߌ߫ ߛߊ߯ߝߏ߸ ߊ߬ ߘߌ߫ ߕߊߤߌߦߊ ߞߊ߬ߙߊ߲߬ ߡߍ߲ ߝߐ߫ ߘߊ߫ ߞߐߡߊ߬ߛߊ߫ ߊ߬ ߣߌ߫ ߞߛߌ ߢߌߣߌ߲ ߟߊ߬ߝߐ߬ߓߊ߮ (ߞߛߌ ߣߌ߫ ߣߍߡߊ ߦߴߊ߬ ߦߋ߫) ߦߋ߫߸ ߏ߬ ߞߐߝߍ߬ ߊ߬ ߘߴߊ߬ ߟߊߥߟߌ߬ ߞߊ߬ ߟߐ߬ ߞߵߊ߬ ߛߘߊߜߊ߫ ߊ߬ ߟߊ߫ ߞߎ߲߬ߓߎ߲߬ߞߎ߲ ߝߌߟߊ ߟߊ߫߸ ߞߵߊ߬ ߓߟߏ߫ ߝߌ߬ߟߊ ߟߊߦߍ߬ߟߍ߫ ߞߊ߬ ߛߋ߫ ߊ߬ ߟߊ߫ ߕߍ߲ߞߎ߲ ߝߌ߬ߟߊ ߞߊ߲߬ ߥߟߊ߫ ߊ߬ ߟߊ߫ ߕߟߏ߫ ߝߌ߬ߟߊ߸ ߞߵߊ߬ ߝߐ߫: ߊߟߊߤߎ ߊߞߑߓߊߙ߸ ߞߵߊ߬ߟߎ߬(ߊ߬ ߓߟߏ ߝߌ߬ߟߊ) ߟߊߘߊ߫ ߊ߬ ߖߌߛߌ߲ ߞߊ߲߬ ߦߏ߫ ߡߍ߲ ߝߐ߫ ߘߊ߫ ߞߐߡߊ߬ߛߊ߫߸ ߞߵߊ߬ ߞߊ߬ ߝߊߕߌߤߊ ߘߐߙߐ߲߫ ߞߊ߬ߙߊ߲߬. ߣߴߊ߬ ߞߊ߬ ߞߊ߬ߙߊ߲߬ߠߊ߲߫ ߘߏ߫ ߟߊߘߊ߫ ߝߊߕߌߤߊ ߞߊ߲߬ ߛߊߟߌߝߊ߬ߣߊ ߟߐ߬ ߛߓߊߣߊ߲ ߣߌ߫ ߣߊ߯ߣߌ߲ߣߊ߲ ߘߐ߫ ߕߎ߬ߡߊ ߘߏ߫ ߟߎ߬ ߘߐ߫߸ ߕߌ߯ߛߊ߫ ߕߴߏ߬ ߘߐ߫߸ ߓߊߏ߬ ߏ߬ ߟߊߞߏߟߐ߲ߣߍ߲߫ ߛߎ߲ߓߎ߲ߧߊ߫ ߟߊ߫ ߟߊ߬ߝߐ߬ߓߊ߮ (ߞߛߌ ߣߌ߫ ߣߍߡߊ ߦߴߊ߬ ߦߋ߫) ߡߊ߬ ߞߊ߬ ߡߌ߬ߘߊ߬ ߊߓߎ߫ ߛߊߌߘ ߟߊ߫ ߛߙߊ߬ߣߎ߲ ߘߐ߫ (ߊߟߡߊ߫ ߘߌ߬ߢߍ߬ ߞߍ߫ ߘߴߊ߬ ߡߊ߬). ߣߴߊ߬ ߞߊ߬ ߞߛߌ ߢߌߣߌ߲ ߟߊ߬ߝߐ߬ߓߊ߮ (ߞߛߌ ߣߌ߫ ߣߍߡߊ ߦߴߊ߬ ߦߋ߫) ߦߋ߫ ߕߏ߫ ߕߊߤߌߦߊߕߎ߫ ߝߟߐ ߞߐߝߍ߬߸ ߕߌ߯ߛߊ߫ ߕߴߏ߬ ߘߐ߫ ؛ ߓߊߏ߬ ߏ߬ ߦߋ߫ ߛߟߊߓߊ߬ߕߊ ߘߌ߫ ߊ߬ ߕߍ߫ ߥߊߖߌߓߎ ߘߌ߫ ߕߊߤߌߦߊߕߎ߫ ߝߟߐ ߘߐ߫. ߏ߬ ߞߐ߫ ߊ߬ ߘߌ߫ ߕߊߤߌߦߊ ߞߍ߫ ߝߌ߬ߕߙߌ ߟߐ߬ ߛߓߊߣߊ߲ ߞߐߝߍ߬߸ ߊ߬ ߣߌ߫ ߛߊߟߌߝߊ߬ߣߊ ߣߌ߫ ߟߊ߲߬ߛߊߙߌ ߣߌ߫ ߛߊ߯ߝߏ ߟߐ߬ ߣߊ߯ߣߌ߲ߣߊ߲ ߞߐߝߍ߬߸ ߦߏ߫ ߡߍ߲ ߝߐ߫ ߘߊ߫ ߞߐߡߊ߬ߛߊ߫ ߟߐ߬ߝߌߟߊ ߛߊߟߌ ߘߐ߫߸ ߏ߬ ߞߐ߫ ߊ߬ ߘߌ߫ ߛߟߊߡߊ߫ ߊ߬ ߟߊ߫ ߞߌߣߌ߲ߓߟߏ ߣߌ߫ ߣߎߡߊ߲ߓߟߏ ߝߊ߲߭ ߠߊ߫߸ ߞߵߊ߬ ߞߊ߬ ߦߊ߬ߝߊ߫ ߢߌߣߌ߲߫ ߊߟߊ߫ ߡߊ߬ ߛߓߊ߬߸ ߏ߬ ߞߐ߫ ߊ߬ ߘߴߊ߬ ߝߐ߫:
(اللَّهُمَّ أَنْتَ السَّلَامُ وَمِنْكَ السَّلَامُ، تَبَارَكْتَ يا ذَا الجَلَالِ وَالإِكْرَامِ).
((ߒ ߡߊ߰ߙߌ ߊߟߊ߫ ߸ ߌߟߋ ߟߋ߬ ߞߛߌ ߘߌ߫، ߞߛߌ ߝߘߊߣߍ߲߫ ߌߟߋ ߟߋ߬ ߟߊ߫، ߒߓߊ߬ ߌ ߓߘߊ߫ ߓߙߊߞߊ߫ ߸ ߌߟߋ߬ ߞߟߊߒߞߋߦߊ ߣߌ߫ ߞߡߊ߬ߙߊߒߞߋ߬ߦߊ ߕߌ߱.)).17 ߊ߬ ߞߐ߫ ߦߊ߲߬ ߊ߬ ߦߟߍߡߊ߲߫ ߠߊ߫ ߡߐ߱ ߟߎ߫ ߡߊ߬߸ ߣߴߊ߬ ߞߍ߫ ߘߊ߫ ߟߌߡߊ߯ߡߊ߫( ߢߍߓߊ߮ ߘߌ߫ ) ߸ ߏ߬ ߞߐ߫ ߊ߬ ߦߴߊ߬ ߝߐ߫ ߞߏ߫:
(لَا إلَهَ إلَّا اللهُ وَحْدَهُ لَا شَرِيكَ لَه، لَهُ المُلْكُ، ولَهُ الحَمْدُ، وَهُوَ عَلَى كُلِّ شَيءٍ قَدِيرٌ، لَا حَوْلَ وَلَا قُوَّةَ إلَّا بالله، اللَّهُمَّ لَا مَانِعَ لِمَا أَعْطَيْتَ، ولَا مُعْطِيَ لِمَا مَنَعْتَ، وَلَا يَنْفَعُ ذَا الجَدِّ مِنْكَ الجَدُّ، لَا إلَهَ إلَّا الله، وَلَا نَعْبُدُ إلَّا إيَّاهُ، لَهُ النِّعْمَةُ وَلَهُ الفَضْلُ، وَلَهُ الثَّنَاءُ الحَسَنُ، لَا إلَهَ إلَّا الله مُخْلِصِينَ لَهُ الدِّينَ وَلَو كَرِهَ الكَافِرُونَ).
((ߡߊ߰ߙߌ߬ ߜߘߍ߫ ߛߌ߫ ߕߍ߫ ߝߏ߫ ߊߟߊ߫، ߊ߬ ߞߋߟߋ߲߫ ߔߋ߫ ߸ ߝߌߟߊߣߊ߲߫ ߕߴߊ߬ ߟߊ߫، ߡߊ߬ߡߙߊ ߦߴߊߟߋ ߟߋ߬ ߕߊ߫ ߘߌ߫، ߕߊ߲߬ߘߏ ߝߣߊ߫ ߊ߬ߟߋ ߟߋ߬ ߕߊ߫ ߘߌ߫، ߊ߬ߟߋ ߟߋ߬ ߛߋ߫ ߟߊ߫ ߞߏ ߓߍ߯ ߟߊ߫، ߝߙߍ߬ ߕߍ߫ ߝߊ߲߬ߞߊ߬ ߕߍ߫ ߝߏ߫ ߊߟߊ߫، ߒ ߡߊ߰ߙߌ ߊߟߊ߫ ߸ ߞߎ߬ߡߊ߲߬ߘߌ߬ߓߊ߯ ߕߴߌ ߟߊ߫ ߛߐߟߌ ߝߋ߲ ߠߊ߫، ߘߌߓߊ߯ ߝߣߊ߫ ߕߴߌ ߟߊ߫ ߖߊ߲߬ߠߌ߲߬ ߝߋ߲ ߠߊ߫، ߛߋߕߌ ߟߊ߫ ߛߋ ߕߴߊ߬ ߣߝߊ߫ ߝߏߛߌ߬ ߟߊ߫ ߌߟߋ ߡߊ߬، ߡߊ߰ߙߌ߬ ߜߘߍ߫ ߛߌ߫ ߕߍ߫ ߝߏ߫ ߊߟߊ߫، ߊ߲ ߕߍ߫ ߝߏߛߌ߬ ߓߊ߬ߕߏ߬ ߟߊ߫ ߝߏ߫ ߊ߬ߟߋ، ߣߍߡߊ ߦߴߊ߬ߟߋ ߟߋ߬ ߕߊ߫ ߘߌ߫، ߢߊ߬ߒߡߊ ߊ߬ߟߋ ߟߋ߬ ߕߊ߫ ߘߌ߫، ߕߊ߲߬ߘߏ߬ ߢߌߡߊ ߦߴ ߊߟߋ ߟߋ߬ ߕߊ߫ ߘߌ߫، ߡߊ߰ߙߌ߬ ߜߘߍ߫ ߛߌ߫ ߕߍ߫ ߝߏ߫ ߊߟߊ߫، ߊ߲ ߧߋ߫ ߓߊߕߏ ߓߎߓߎ ’ߴ ߊߟߋ ߟߋ߬ ߦߋ߫ ߸ ߤߊߟߌ߬ ߏ߬ ߜߏߦߊ߫ ߘߊ߫ ߓߊ߲߬ߓߊ߮ ߟߎ߬ ߦߋ߫)).18
ߊ߬ ߦߋ߫ ߊߟߊ߫ ߛߊߣߌ߲ߧߊ߫ ߛߋ߬ߢߊ߬ ߓߌߛߓߊ߬ ߣߌ߫ ߛߓߊ߬، ߞߵߊ߬ ߕߊ߲߬ߘߏ߫ ߏ߬ ߢߐ߲߰ ߠߊ߫، ߞߵߊ߬ ߞߊߓߏ߲߬ ߏ߬ ߢߐ߲߰ ߠߊ߫، ߞߊ߬ ߗߡߍ߬ ߟߊߕߊߡߊ߫ ߣߌ߲߫ ߝߐߟߊ ߟߊ߫: ߡߊ߰ߙߌ߬ ߜߘߍ߫ ߛߌ߫ ߕߍ߫ ߝߏ߫ ߊߟߊ߫، ߊ߬ ߞߋߟߋ߲߫ ߔߋ߫ ߟߋ߬ ߸ ߝߌߟߊߣߊ߲߫ ߕߴߊ߬ ߟߊ߫، ߡߊ߬ߡߙߊ ߦߴߊߟߋ ߟߋ߬ ߕߊ߫ ߘߌ߫، ߕߊ߲߬ߘߏ ߝߣߊ߫ ߊ߬ߟߋ ߟߋ߬ ߕߊ߫ ߘߌ߫، ߊ߬ߟߋ ߟߋ߬ ߛߋ߫ ߟߊ߫ ߞߏ ߓߍ߯ ߟߊ߫، ߞߊ߬ ߊߦߊߕߎߟ ߞߎߙߛߌ߫ ߞߊ߬ߙߊ߲߬، ߣߌ߫ ߞߎߟߏߤߎߥߊߟߊߤߎ ߊߤߊߘߎ߫،ߊ߬ ߣߌ߫ ߞߎߟ ߊߊ߳ߎ߰ߖ߭ߎ ߓߌߙߊߓߌߟ ߝߊߟߊߞߌ߫، ߣߌ߫ ߞߎߟ ߊߊ߳ߎ߰ߖ߭ߎ ߓߌߙߊߓߌߣߊߛߌ߫ ߛߊߟߌ ߓߍ߯ ߞߐߝߍ߬، ߊ߬ ߢߌߣߌ߲ ߘߊ߫ ߞߊ߬ ߣߌ߲߫ ߛߎ߬ߙߊ߫ ߛߓߊ߬ ߣߌ߫ ߟߊߛߍ߬ߦߌ߲߬ ߛߓߊ߬ߖߎ߬ ߝߊߖߌߙߌ߫ ߛߊߟߌ ߣߌ߫ ߝߌߕߙߌ ߛߊߟߌ ߞߐߝߍ߬؛ ߓߊߏ߬ ߤߊߘߌ߬ߛߌ߬ ߘߏ߫ ߟߎ߫ ߞߵߏ߬ ߝߐ߫ ߞߊ߬ ߓߐ߫ ߊߟߊ߫ ߟߊ߫ ߞߋߟߊ ﷺ ﷺߝߍ߬( ߕ. ߖ)، ߣߌ߲߫ ߖߌߞߌߙߌ߫ ߟߎ߬ ߓߍ߯ ߦߋ߫ ߛߎߣߊ߫ ߘߌ߫ ߸ ߏ߬ ߟߎ߬ ߕߍ߫ ߝߊߙߌߟߊ߫ ߘߌ߫.
ߊ߬ ߘߊ߲߬ߠߊ߬ߕߊ߫ ߛߌ߬ߟߊߡߊ߫ ߗߍ߬ߡߊ߲ ߣߌ߫ ߡߛߏ߬ߡߊ߲ ߓߍ߯ ߦߋ߫ ߞߴߊ߬ ߦߋ߫ ߟߐ߬ ߣߊ߯ߣߌ߲߫ ߛߊߟߌ ߞߊ߬ߞߐ߲߬ ߛߊߟߌߝߣߊ ߢߍ߫ ߊ߬ ߣߌ߫ ߟߐ߬ ߝߌ߬ߟߊ߬ ߊ߬ ߞߐ߫، ߊ߬ ߣߌ߫ ߟߐ߬ ߝߌ߬ߟߊ߬ ߝߌ߬ߕߙߌ ߛߊߟߌ ߞߐ߫، ߊ߬ ߣߌ߫ ߟߐ߬ ߝߌ߬ߟߊ߬ ߛߊߝߏ ߛߊߟߌ ߞߐ߫، ߊ߬ ߣߌ߫ ߟߐ߬ ߝߌ߬ߟߊ߬ ߞߊ߬ߞߐ߲߬ ߛߎߓߊ ߛߊߟߌ ߢߍ߫، ߏ߬ ߓߍ߯ ߖߊ߬ߕߋ ߦߋ߫ ߟߐ߬ ߕߊ߲߫ ߣߌ߫ ߝߌ߬ߟߊ߬ ߟߋ߬ ߘߌ߫، ߊ߬ ߣߌ߫ ߟߐ߬ ߢߌ߲߬ߠߎ߬ ߦߋ߫ ߞߟߌ߫ ߟߊ߫ ߞߏ߫ ߊߙߊߥߊߕߌߓߎ߸ ߓߊߏ߬ ߟߊ߬ߝߐ߬ߓߊ߮ (ߕ.ߖ) ߕߎ߲߬ ߦߴߊ߬ ߘߐ߰ߘߏ߲߬ ߠߴߊ߬ ߟߊ߫ ߛߌ߰ߦߊ߬ ߕߎߡߊ. ߊ߬ ߞߏ߬ߣߌ߲߬ ߕߊ߯ߡߊ ߘߐ߫ ߸ ߊ߬ ߕߘߍ߬ ߦߴߊ߬ߟߎ߬ ߕߏ߫ ߟߊ߫ ߝߏ߫ ߝߊߖߑߙߌ ߛߎߣߊ ߣߌ߫ ߥߕߙߌ߫، ߓߊߏ߬ ߞߋߟߊ (ߕ.ߖ) ߕߘߍ߬ ߦߋ߫ ߡߊ߲߬ߕߏ߫ ߟߴߏ߬ ߝߌߟߊ ߡߊ߬ ߖߌ߬ߦߊ߬ߕߎߡߊ ߣߌ߫ ߕߊ߯ߡߊ ߘߐ߫، ߊ߬ ߝߌ߬ߛߊ߬ߦߊ߬ߕߊ ߟߋ߬ ߞߏ߫ ߙߥߊߕߌߓ ߛߊߟߌ ߣߌ߲߬ ߠߎ߬ ߣߌ߫ ߥߕߙߌ ߦߋ߫ ߛߊߟߌ߫ ߟߊ߫ ߓߏ߲ߞߣߐ߫ ߸ ߣߴߊ߬ ߘߏ߲߬ ߞߴߊ߬ߟߎ߬ ߛߊߟߌ߫ ߡߌߛߌߙߌ ߞߣߐ߫ ߸ ߕߌߢߍ߬ ߕߍ߫ ߏ߬ ߘߐ߫߸ ߟߊ߬ߝߐ߬ߟߊ (ߕ.ߖ) ߟߊ߫ ߞߎߡߊ ߞߏߛߐ߲߬:
(أَفْضَلُ صَلَاةِ المَرْءِ في بَيْتِهِ، إلَّا الصَّلَاةَ المَكْتُوبَةَ).
(ߡߐ߱ ߟߊ߫ ߛߊߟߌ ߘߊ߬ߡߊ ߦߋ߫ ߊ߬ ߟߊ߫ ߓߏ߲ ߠߋ߬ ߟߊ߫ ߸ ߣߌ߫ ߝߏ߫ ߛߊߟߌ ߛߓߍߣߍ߲[ ߝߊ߬ߙߌ߬ߘߊ ߛߊߟߌ ߞߊ߬ߣߌ߲߬].19
ߞߊ߬ ߛߊߟߌ ߣߌ߲߬ ߠߎ߬ ߟߊ߫ ߕߊ߲ߞߊ ߸ ߏ߬ ߦߋ߫ ߊ߬ߟߌ߬ߖߣߊ߫ ߘߏ߲ߠߊ ߛߓߊߓߎ߫ ߟߋ߬ ߢߌ߬ߣߊ߬ ߕߌ߲ߓߌߘߌ߲ ߘߏ߫ ߘߌ߫ ߟߊ߬ߝߐ߬ߓߊ߮ﷺ ߞߎߡߊߞߊ߲ ߞߏߛߐ߲߬:
(مَنْ صَلَّى اثْنَتَيْ عَشْرَةَ رَكْعَةً فِي يَومٍ وَلَيْلَةٍ، بُنِيَ لَه بِهِنَّ بَيْتٌ فِي الجَنَّةِ).
((ߣߌ߫ ߡߍ߲߫ ߞߊ߬ ߓߐ߲ߖߘߍߘߐ߫ ߟߐ߬ ߕߊ߲߫ ߣߌ߫ ߝߌ߬ߟߊ߬ ߛߊߟߌ ߛߎ ߣߌ߫ ߕߋ߬ߟߋ ߞߘߐ߫، ߓߏ߲߫ ߘߌ߫ ߟߐ߬ ߊ߬ ߦߋ߫ ߏ߬ ߟߊ߫ ߊߙߑߖߣߍ߬ ߞߣߐ߫)).20
ߣߴߊ߬ ߘߏ߲߬ ߞߊ߬ ߟߐ߬ ߣߊ߯ߣߌ߲߫ ߛߊߟߌ߫ ߞߊ߬ߞߐ߲߬ ߟߊ߲߬ߛߊߙߊ ߢߍ߫߸ ߊ߬ ߣߌ߫ ߟߐ߬ ߝߌ߬ߟߊ߬ ߞߊ߬ߞߐ߲߬ ߝߌ߬ߕߙߌ ߛߊߟߌ ߢߍ߫߸ ߊ߬ ߣߌ߫ ߟߐ߬ ߝߌ߬ߟߊ߬ ߞߊ߬ߞߐ߲߬ ߛߊ߯ߝߏ ߛߊߟߌ ߢߍ߫߸ ߏ߬ ߞߊߢߌ߲߬߸ ߓߊߏ߬ ߏ߬ ߘߐ߲߬ߠߌ߲ߣߍ߲߫ ߟߋ߬ ߛߙߊ߬ߣߎ߲ ߜߍߣߍ߲ ߘߐ߫ ߞߊ߬ ߓߐ߫ ߟߊ߬ߝߐ߬ߓߊ߮ (ߕߌ߲ߞߌ߲ ߣߌ߫ ߞߛߌ ߦߴߊ߬ ߦߋ߫) ߡߊ߬߸ ߣߴߊ߬ ߘߏ߲߬ ߞߊ߬ ߟߐ߬ ߣߊ߯ߣߌ߲߫ ߛߊߟߌ߫ ߛߊߟߌߝߊ߬ߣߊ ߞߐߝߍ߬߸ ߊ߬ ߣߌ߫ ߟߐ߬ ߣߊ߯ߣߌ߲߫ ߞߊ߬ߞߐ߲߬ ߊ߬ ߢߍ߫߸ ߏ߬ ߞߊߢߌ߲߬߸ ߞߵߊ߬ ߛߊߓߎ߫ ߞߍ߫ ߟߊ߬ߝߐ߬ߓߊ߮ (ߕߌ߲ߞߌ߲ ߣߌ߫ ߞߛߌ ߦߴߊ߬ ߦߋ߫) ߟߊ߫ ߞߎߡߊ߫ ߘߌ߫:
(مَنْ حَافَظَ عَلَى أَرْبَعِ رَكَعَاتٍ قَبْلَ الظُّهْرِ، وَأَرْبَعٍ بَعْدَهَا حَرَّمَهُ اللَّهُ عَلَى النَّارِ).
(ߣߌ߫ ߡߍ߲߫ ߞߊ߬ ߓߟߏߡߊߞߍ߫ ߟߐ߬ ߣߊ߯ߣߌ߲߫ ߠߊ߫ ߞߊ߬ߞߐ߲߬ ߛߊߟߌߝߊ߬ߣߊ ߢߍ߫߸ ߊ߬ ߣߌ߫ ߟߐ߬ ߣߊ߯ߣߌ߲߫ ߊ߬ ߞߐ߫߸ ߊߟߊ߫ ߘߌ߫ ߕߊ ߟߊߕߐ߲߫ ߏ߬ ߡߊ߬).21 ߊ߬ ߞߘߐ ߦߋ߫ ߟߋ߬ ߞߏ߫ ߊ߬ ߦߋ߫ ߟߐ߬ ߝߌ߬ߟߊ߬ ߝߙߊ߬ ߟߊ߫ ߛߎߣߊ ߓߐߒߖߘߍߘߐ ߞߊ߲߬ ߛߊߟߌߝߊ߬ߣߊ ߞߐ߫؛ ߓߊߏ߬ ߛߎߣߊ ߓߐߒߖߘߍߘߐ ߏ߬ ߦߋ߫ ߟߐ߬ ߣߊ߯ߣߌ߲߫ ߠߋ߬ ߘߌ߫ ߊ߬ ߢߍ߫ ߸ ߊ߬ ߣߌ߫ ߝߌ߬ߟߊ߬ ߦߴߊ߬ ߞߐ߫.
ߣߴߊ߬ ߓߊ߯ ߝߌ߬ߟߊ߬ ߝߙߊ߬ ߟߴߊ߬ ߞߐ߫ ߸ ߞߎߡߊ ߡߍ߲ ߝߐ߫ ߘߊ߫ ߎߡߎ߫ ߤߊߓߌ߯ߓߊ߫ (ߊߟߊ߫ ߣߴߊ߬ ߘߌ߬ߢߍ߫) ߟߊ߫ ߞߏߝߐ ߘߐ߫ ߸ ߏ߬ ߘߌ߫ ߛߐ߬ߘߐ߲߬.
ߊߟߊ߫ ߟߋ߬ ߓߍ߲߬ߒ߬ߛߋ߲߬ߡߊ ߕߌ߱ ߘߌ߫߸ ߛߟߊ߬ߕߎ ߣߌ߫ ߛߟߊ߬ߡߎ߲ ߦߋ߫ ߊ߲ ߠߊ߫ ߟߊ߬ߝߐ߬ߓߊ߮ ߡߏ߬ߤ߭ߊߡߡߊߘ ߊߓߑߘߎߟߟߊ߯ߤߌ߬ ߘߋ߲ߞߍ߫ ߦߋ߫ ߣߴߊ߬ ߘߏ߲߬ߞߏ ߟߎ߬ ߣߴߊ߬ ߛߐ߬ߤ߭ߊ߰ߓߊ ߟߎ߬ ߣߴߊ߬ ߟߊߓߊ߬ߕߏ߬ߓߊ߮ ߟߎ߬ ߢߊ߬ߟߌ ߟߊ߫
ߝߏ߫ ߟߐ߬ߓߊ ߟߏ߲߸߸߸
*ߖߊ߲߬ߕߏ߬ߒߘߐ ߜߍߟߍ߲ *
ߘߎߥߊߎ߫ ߡߍ߲ ߠߎ߬ ߦߋ߫ ߝߐ߫ ߟߊ߫ ߛߊߟߌ ߘߐ߫ ߛߐ߲߬ ߦߏ߫ : ߛߊߟߌ ߘߟߊߞߊ ߣߌ߫ ߞߐߡߊߓߌߘߌ߲ ߣߌ߫ ߕߌ߲ߓߌߘߌ߲ ߣߌ߫ ߛߌ߰ߟߌ ߡߍ߲ ߞߍߟߊ ߕߌ߲ߓߌߘߌ߲ ߝߌ߬ߟߊ ߣߌ߲߬ ߢߐ߲߰ ߕߍ߫ ߏ߬ ߘߌ߫ ߗߐ߫ ߸ߏ߬ ߟߎ߫ ߦߋ߫ ߕߏ߫ ߟߊ߫ ߊ߬ ߢߊ ߟߋ߬ ߡߊ߬ ߟߊߝߐߓߊ߮ ߣߊ߬ ߘߴߊ߬ ߘߌ߫ ߢߊ ߡߍ߲ ߸ߊ߰ ߕߏ߫ ߟߊ߫ ߕߋ߲߬ ߠߋ߬.
ߦߏ߫ ߛߊߟߌ ߘߟߊߞߊ ߘߎߥߊߎ߫ :( ߛߎߓߑߤ߭ߣߊߞߊ ߊߟߟߊ߯ߤߏߡߊ ߥߊߓߌߤ߭ߊߡߑߘߌߞߊ ߥߕߊߓߊ߯ߙߞߊ ߌߛߑߡߎߞߊ ߥߕߊߊ߳ߟߊ ߖߊߘߎߞߊ ߥߊߟߟߊ߯ ߌߟߟߊ߯ߤߊ߫ ߌߟߟߊ߫ ߊߟߟߊ߯ߤߏ߫).
ߞߐߡߊߓߌߘߌ߲ ߘߎߥߊߎ߫ :( ߛߎߓߑߤߊ߯ߣߊ ߙߊߓߌߟ ߊ߳ߖ߭ߌߡ ߛߋ߲߬ߧߊ߬ ߃)
ߛߊߡߌߊ߳ߟߟߊ߯ߤߏ߫ ߟߌߡߊߣ ߤߊߡߌߘߊߤߏ߫( ߙߊߓߣߊ߫ ߥߟߊߞߊߟ ߤߊߡߑߘߎ߫ ߤߊߡߑߘߊߣ ߞߍߛ߳ߌߙߊߣߕ߭ߐߦߑߓߊߣ ߡߎߓߊ߯ߙߊߞߊߣ ߝߌߤߋ߯
ߕߌ߲ߓߌߘߌ߲ ߘߎߥߊߎ߫ :( ߛߎߓߑߤߊ߯ߣߊ ߙߊߓߌߟ ߊߊ߳ߟߊ߫ ߛߋ߲߬ߧߊ߬ ߃)
ߕߌ߲ߓߌߘߌ߲ ߝߌ߬ߟߊ ߣߌ߲߬ ߢߐ߲߰ ߕߍ߫ ߘߎߥߊߎ߫ :( ߙߊߓߌ߫ ߌߜ߭ߑߝߌߙߟߌ߯ ߥߊߙߑߤߊߡߎߣߌ߯ ߥߊ߬ߤ߭ߑߘߌߣߌ߯ ߥߊߙߑߖ߳ߞߎߣߌ߯ ߥߊߖ߭ߑߓߙߎߣߌ߯ ߛߋ߲߬ߧߊ߬ ߁ )
ߞߊ߬ ߛߊߟߌ ߕߐ߭ ߓߍ߯ ߞߍ߫ ߏ߬ ߢߊ ߤߊ߲߯ ߕߊ߬ߤߌ߬ߦߊ߫
ߞߴߊ߬ ߘߊߡߌ߬ߣߊ߬ ߊߕߊ߬ߤߌ߬ߦߊߕߎ߫ ߟߌߟߟߊ߯ߤߌ߫߸ߖ߭ߊߞߌߦߊߕߎ߫ ߟߌߟߟߊ߯ߤߌ߫߸ ߕ߭ߐߦߌߓߊ߯ߕߎ߫ ߸ߛߟߊ߬ߥߊ߯ߕߎ߫ ߟߟߊ߯ߤߌ߫߸ߊ߬ߛߛߊ߬ߟߊ߯ߡߎ߲߬ ߊߟߊߦߌ߬ߞߊ߬ ߊ߯ߦߎ߬ߤߊ߬ ߣߊ߬ ߓߌ߯ߦߎ߫߸ߥߊ߬ߙߊߤߑߡߊߕߎ߬ ߟߊ߯ߤߌ߫ ߥߊ߬ߓߙߊߞߊ߯ߕߎ߬ߤߎ߬߸߸ߊ߬ߛߛߊ߬ߟߊ߯ߡߎ߲߬ ߊ߬ߟߊߦߌ߬ߣߊ߬ ߥߊ߬ ߊ߬ߟߊ߯ߌ߬ߓߊ߯ߘߌ߬ ߟߊ߯ߤߌ߫ ߛ߫ߊ߯ߟߌ߬ߤߌ߯ߣߊ߫߸ ߊߛ߭ߑߤߊߘߎ߬ ߊ߲ߟߊ߯ߌ߬ߟߊ߯ߤߊ߬ ߌߟߊ߬ߟߊ߯ߤߎ߬ ߥߊ߬ ߤߊߘߊ߬ߤߎ߬ ߟߊ߯ߛ߭ߊߙߌߞߊ߫ ߟߊ߯ߤߎ߬߸ߥߊ߬ ߊߛ߭ߑߤߊߘߎ߬ ߊ߲ߣߊ߫ ߡߏ߬ߤ߭ߊߡߡߊߘߊ߲߬ ߊߓߘߎߤߎ߫ ߥߊ߬ ߙߊߛߎ߯ߟߎߤߎ߫߸߸..
ߟߊ߯ߤߎ߬ߡߊ߫ ߛ߫ߐߟߌ߬ ߊߟߊ߯ ߡߏ߬ߤ߭ߊߡߡߊߘߌ߲߸ߥߊ߬ ߊ߳ߟߊ߰ ߊ߯ߟߌ߬ ߡߏ߬ߤ߭ߊߡߡߊߘߌ߲߸ߞߊ߬ߡߊ߯ ߛ߫ߐߟߊߦߌ߬ߕߊ߫ ߊ߳ߟߊ߯ ߌߓߑߙߊ߬ߤߌߡߊ߬߸ߥߊ߬ ߊ߳ߟߊ߰ ߊ߯ߟߌ߬ ߌߓߑߙߊ߬ߤߌߡߊ߬߸ߥߊ߬ ߓߊ߯ߙߌߞߌ߬ ߊ߳ߟߊ߰ ߡߏ߬ߤ߭ߊߡߡߊߘߌ߲߬ ߥߊ߬ ߊ߳ߟߊ߰ ߊ߯ߟߌ߬ ߡߏ߬ߤ߭ߊߡߡߊߘߌ߲߬ ߸ߞߊ߬ߡߊ߰ ߓߊ߯ߙߊߞߑߕߊ߬ ߊ߳ߟߊ߰ ߌߓߑߙߊߤߌ߯ߡߊ߫ ߥߊ߬ ߊ߳ߟߊ߰ ߊ߯ߟߌ߬ ߌߓߑߙߊߤߌ߯ߡߊ߫ ߝߌߟ ߊ߳ߊ߯ߟߊ߬ߡߌ߯ߣߊ߫ ߌߣߞߊ߫ ߤߊ߬ߡߌ߯ߘߎ߲߫ ߡߊ߬ߖ߭ߌ߯ߘߎ߲߫.
***
mnk395v2.1 - 04/08/2026
ߡߎߛߑߟߌߡߎ߲ ߞߵߏ߬ ߟߊߞߊ߬ߟߌ߬، ߊ߬ ߝߙߍߕߍ (߂߂߄).
ߓߎߞ߭ߊߙߌߞߊ߫ ߞߵߏ߬ ߟߊ߫ ߞߊ߬ߟߌ߬ ، ߊ߬ ߝߙߍߕߍ߫(߅߇߈߂)
ߓߎ߬ߞߊ߯ߙߌߞߊ߫ ߞߵߏ߬ ߟߊߞߊ߬ߟߌ߬، ߊ߬ ߝߙߍߕߍ (߇߄߄)، ߊ߬ ߣߌ߫ ߡߎߛߑߟߌߡߎ߲ ، ߊ߬ ߝߙߍߕߍ (߅߉߈).
ߡߎߛߑߟߌߡߎ߲ ߞߵߏ߬ ߟߊߞߊ߬ߟߌ߬، ߊ߬ ߝߙߍߕߍ (߃߉߉).
ߓߎߞ߭ߊߙߌߞߊ߫ ߞߵߏ߬ ߟߊ߫ ߞߊ߬ߟߌ߬ ، ߊ߬ ߝߙߍߕߍ (߇߅߆).
ߓߎ߬ߞ߭ߊߙߌߞߊ߫ ߞߵߏ߬ ߟߊߞߊ߬ߟߌ߬، ߊ߬ ߝߙߍߕߍ (߈߁߇)، ߊ߬ ߣߌ߫ ߡߎߛߑߟߌߡ، ߊ߬ ߝߙߍߕߍ (߄߈߄)
ߓߎ߬ߞߊ߭ߙߌߞߊ߫ ߞߵߏ߬ ߟߊߞߊ߬ߟߌ߬، ߊ߬ ߝߙߍߕߍ (߇߁߁)، ߊ߬ ߣߌ߫ ߡߎߛߑߟߌߡ، ߊ߬ ߝߙߍߕߍ (߅߉߈)
ߡߎߛߑߟߌߡߎ߲ ߞߵߏ߬ ߟߊ߫ ߞߊ߬ߟߌ߬، ߊ߬ ߝߙߍߕߍ (߄߇߇)
ߡߎߛߑߟߌߡߎ߲ ߞߵߏ߬ ߟߊߞߊ߬ߟߌ߬، ߊ߬ ߝߙߍߕߍ (߄߇߉)
ߓߎ߬ߞ߭ߊ߯ߙߌߞߊ߫ ߞߵߏ߬ ߟߊߞߊ߬ߟߌ߬، ߊ߬ ߝߙߍߕߍ (߇߈߈) ߊ߬ ߣߌ߫ ߡߎߛߑߟߌߡߎ߲ ، ߊ߬ ߝߙߍߕߍ (߄߉߃)
ߕߌߙߑߡߌߖ߳ߌ ߞߵߏ߬ ߟߊ߫ ߞߊ߬ߟߌ߬، ߝߙߍߕߍ (߄߈߂)، ߊ߬ ߣߌ߫ ߊߓߎ߯ ߘߊߎߘߊ߫، ߝߙߍߕߍ(߀߅߈)، ߊ߬ ߣߌ߫ ߌߓߑߣߎ߫ ߡߊ߯ߖߊߤ، ߝߙߍߕߍ (߈߉߈) .
[ ߁߃] ߓߎߞ߭ߊߙߌߞߊ߫ ߞߵߏ߬ ߟߊ߫ ߞߊ߬ߟߌ߬( ߇߉߇) ߊ߬ ߣߌ߫ ߡߎߛߑߟߌߡߎ߲ ߊ߬ ߝߙߍߕߍ ( ߄߀߂).
ߓߎ߬ߞߊ߯ߙߌߞߊ߫ ߞߵߏ߬ ߟߊߞߊ߬ߟߌ߬، ߊ߬ ߝߙߍߕߍ (߁߃߁߁)، ߊ߬ ߣߌ߫ ߡߎߛߑߟߌߡߎ߲ ، ߊ߬ ߝߙߍߕߍ (߅߈߈).
ߣߊ߬ߛߊ߯ߌߞߊ߫ ߞߵߏ߬ ߟߊ߫ ߞߊ߬ߟߌ߬ ،ߊ߬ ߝߙߍߕߍ(߁߂߉߈)
ߡߎߛߑߟߌߡߎ߲߫ ߞߵߏ߬ ߟߊ߫ ߞߊ߬ߟߌ߬، ߝߙߍߕߍ (߄߀߂).
ߡߎߛߑߟߌߡߎ߲߫ ߞߵߏ߬ ߟߊߞߊ߬ߟߌ߬، ߝߙߍߕߍ (߅߉߁).
ߡߎߛߑߟߌߡߎ߲ ߞߵߏ߬ ߟߊߞߊ߬ߟߌ߬، ߊ߬ ߝߙߍߕߍ، (߄߀߂)
ߓߎߞ߭ߊߙߌߞߊ߫ ߞߵߏ߬ ߟߊ߫ ߞߊ߬ߟߌ߬ ، ߊ߬ ߝߙߍߕߍ (߆߈߆߀)
ߡߎߛߑߟߌߡߎ߲߫ ߞߵߊ߬ ߟߊߞߊ߬ߟߌ߬، ߝߙߍߕߍ (߇߂߈).
ߊߡߊߘߎ߫ ߞߵߏ߬ ߟߊ߫ ߞߊ߬ߟߌ߬،ߊ߬ ߝߙߍߕߍ (߂߅߅߄߇)، ߊ߰ ߣߌ߫ ߕߌߙߴߡߌߖ߭ߌ ߝߙߍߕߍ (߃߉߃)، ߊ߰ ߣߌ߫ ߘߊߎߘߊ߫ ߝߊ ߝߙߍߕߍ (߁߀߇߇).
ߓߎ߬ߞߊ߯ߙߌߞߊ߫ ߞߵߏ߬ ߟߊߞߊ߬ߟߌ߬، ߊ߬ ߝߙߍߕߍ (߆߀߅)
