×

àdduna de ñam wu neex la te naat, Yàlla da leen fee wuutal, di xool lu ngeen fiy jëf, noytuleen àdduna te moytu jigéen ñi

Jële nañu ci Abuu Sahiid Al-Xudriyu -yal na ko Yàlla dollee gërëm- mu jële ci Yonnente bi -yal na ko Yàlla dolli xéewal ak mucc- mu wax ne: «àdduna de ñam wu neex la te naat, Yàlla da leen fee wuutal, di xool lu ngeen fiy jëf, noytuleen àdduna te moytu jigéen ñi, ndax fitna ji njëkk a am ci Banuu Israayil ci jigéen la xewe».
Muslim soloo na ko

Explanation

Yonnente bi -yal na ko Yàlla dolli xéewal ak mucc- day leeral ne àdduna ñam wu neex la, te naat ci gisiin, ba nit ki dana ci woroo, ba di ci nuur, ba def ko yitteem ji gën a rëy. Ak ne Yàlla dafa def ñenn ci nun ñuy wuutu ñeneen ci dundug àdduna, ngir xool lan lanuy def, ndax danu koy topp, walla danu koy moy? Topp mu wax: moytuleen poñaxiitam àdduna ak ub taaram di leen nax ba di leen jëme ci bàyyi li leen Yàlla digal, ba ngeen di def li mu leen tere. Bokk na ci li gën a màgg ci yi ñu war a moytu ci fitnay àdduna mooy fitnay jigéen ñi, ndaxte mooy fitna ji waa Banuu Israayil njëkk a tàbbi.

Benefits from the Hadith

  1. Ñaaxe ci taqoo ak ragal Yàlla, te bañ a soxlawoo liy feeñ ci àdduna ak taaram bi.
  2. Moytondikuloo di fitnawu ci jigéen ñi, ci xool mbaa ci càgante ci góoru jàmbur di jaxasoo ak ñoom, mbaa yeneen.
  3. Fitnay jigéen bokk na ci fitna yi gën a màgg ci àdduna.
  4. Waaru ak xalam ci xeet yi jiitu woon, li xew ci Banuu Israayil man naa xew ci ñeneen.
  5. Fitnay jigéen bu dee jabar la man naa teg jëkkëram lu mu àttanul ci ab dund, ba dana ko soxlaal wolif muy sàkku ay biri diineem, ba dana ko yóbbe muy xawa alku ci sàkku biri àdduna, bu dee jàmbur nag fitnaam mooy fiir góor ñi ci jengloo leen wolif dëgg ci bu nu génnee ba jaxasoo ak ñoom, rawatina bu ñu nekkee jigéen yu sollut lu jot, tey baraj-baraji, te lii man naa waral tàbbi ci njaalo ci kem ay darajaam, kon war na ci aji-gëm ji mu làqu ci Yàlla, te yaakaar ko ci mucc ci seeni fitna.
Important Links
About us
A government agency responsible for supervising religious services in the Two Holy Mosques, providing a suitable environment of faith for worship and learning, and also aims to promote the religious message of the Two Holy Mosques globally