أَنَا مُسْلِمٌ
ߒ ߧߋ߫ ߛߌ߬ߟߊ߬߯ߡߊ߰ ߘߌ߫
اللَّجْنَةُ العِلْمِيَّةُ
بِرِئَاسَةِ الشُّؤُونِ الدِّينِيَّةِ بِالمَسْجِدِ الحَرَامِ وَالمَسْجِدِ النَّبَوِيِّ
ߟߐ߲ߞߏ߫ ߥߛߊ߬ߓߊ߰ߦߊ ߡߍ߲ ߦߋ߫ ߘߌ߯ߣߊߞߏߢߊ ߟߎ߬ ߞߊ߲ߕߌ߯ߦߊ ߞߘߐ߫ ߟߌ߬ߤߙߐ߬ߡߊ߬ ߕߌ߲ߓߌߘߌ߲ߘߊ ߣߌ߫ ߞߋߟߊ ߟߊ߫ ߕߌ߲ߓߌߘߌ߲ߘߊ
بِسْمِ اللهِ الرَّحمَنِ الرَّحِيمِ
ߒ ߧߋ߫ ߛߌ߬ߟߊ߬߯ߡߊ߰ ߘߌ߫
ߒ ߧߋ߫ ߛߌ߬ߟߊ߬ߡߊ ߟߋ߬ ߘߌ߫ ، ߏ߬ ߟߊ߬ߢߌߣߌ߲ ߠߋ߬ ߸ ߞߏ߫ ߒ ߠߊ߫ ߘߌ߯ߣߊ ߦߋ߫ ߛߌ߬ߟߡߊ߬ߦߊ ߟߋ߬ ߘߌ߫،
ߛߌ߬ߟߡߊ߬ߦߊ ߞߎߡߊߘߋ߲ ߦߋ߫ ߞߎߡߊߘߋ߲߫ ߓߟߋߓߟߋ ߛߊߣߌ߲ߡߊ߲ ߠߋ߬ ߘߌ߫߸ ߡߍ߲ ߕߊ߬ߡߌ߲߬ߘߊ߫ ߟߊ߬ߝߐ߬ߓߊ߮ ߟߎ߬ ߓߟߏ߫ ߢߐ߲߮ ߝߍ߬ (ߕߌ߲ߞߌ߲ ߣߌ߫ ߞߛߌ ߦߵߊ߬ߟߎ߫ ߡߊ߬) ߞߊ߬ߦߌ߯ ߊ߬ߟߎ߬ ߟߊ߫ ߝߟߐߝߟߐ ߡߊ߬ ߞߵߊ߬ ߛߌ߰ ߊ߬ߟߎ߬ ߟߊߓߊ߲ ߠߊ߫
ߞߎߡߊ ߣߌ߲߬ ߦߋ߫ ߡߙߌߦߊ߫ ߞߘߐߕߊ߬ߣߍ߲߬ ߠߎ߬ ߣߌ߫ ߖߏ߯ ߓߟߋߓߟߋ ߟߎ߬ ߕߊ߬ ߟߊ߫
.ߊ߬ ߞߘߐ ߟߋ߬ ߞߏ߫ ߞߊ߬ ߌ ߖߘߍ߬ߟߊߕߊ߬ߡߌ߲߬߸ ߞߊ߬ ߌ ߝߊ߲ߡߊߖߌ߰߸ ߊ߬ ߣߌ߫ ߞߊ߬ ߘߊ߲ߓߊ߮ ߞߊ߲߫ ߡߌ߬ߘߊ߬
.ߊ߬ ߦߋ߫ ߞߏߝߐ߫ ߟߊ߫ ߝߣߊ߫ ߞߏ߫: ߖߐ ߣߌ߫ ߓߍ߲߭ ߸ ߣߌ߫ ߞߎ߲߬ߠߊ߬ߘߌߦߊ ߸ ߣߌ߫ ߟߊ߲ߘߦߊ ߸ ߊ߬ ߣߌ߫ ߟߊ߲߬ߝߌ߬ߦߊ ߡߐ߱ ߞߋ߬ߟߋ߲߬ߞߋ߬ߟߋ߲߬ߣߊ ߣߌ߫ ߖߊ߬ߡߊ ߓߍ߯ ߦߋ߫
ߏ߬ ߟߋ ߘߐ߫ ߞߛߌ ߣߌ߫ ߛߌ߬ߟߊ߬ߡߦߊ ߞߎߡߊߘߋ߲ ߞߊ߬ ߛߌߦߊ ߛߌ߬ߟߊ߬ߡߊ߬ߦߊ߫ ߛߊ߬ߙߌ߬ߦߊ ߞߎߡߊߘߋ߲ ߘߐ߫ ،
ߛߊ߬ߟߊ߯ߡ ߦߋ߫ ߊߟߊ߫ ߕߐ߮ ߟߎ߬ ߘߏ߫ ߟߋ߬ ߘߌ߫،
. ߛߌ߬ߟߊ߬ߡߊ ߟߎ߬ ߟߊ߫ ߝߏ߬ߟߌ ߢߐ߲߮ ߦߋ߫ ߛߊ߬ߟߊ߯ߡ ߟߋ߬ ߘߌ߫،
.ߊߙߌߖߣߍߘߋ߲ ߠߎ߬ ߟߊ߫ ߝߏߟߌ ߦߋ߫ ߛߊ߬ߟߊ߰ߡߎ߲ ߟߋ߬ ߘߌ߫
ߖߘߍ߬ߞߟߏ߬ߓߊ߮ ߕߎ߬ߢߊ߬ߡߊ ߟߋ߬ ߦߋ߫ ߡߐ߰ ߘߌ߫߸ ߡߍ߲ ߓߟߏ߫ ߣߴߊ߬ ߣߍ߲߭ ߡߊ߲߬ߕߙߐ߬ ߕߍ߫ ߖߘߍ߬ߞߟߏ߬ߓߊ߮ ߕߐ߭ ߟߎ߬ ߟߊ߫،
ߛߌ߬ߟߊ߬ߡߦߊ ߦߋ߫ ߤߙߊ ߘߌߣߊ߬ ߟߋ߬ ߘߌ߫ ߡߐ߱ ߓߍ߯ ߦߋ߫ ߸ ߊ߬ ߦߋ߫ ߓߍ߯ ߟߊߘߍ߬ ߟߊ߫ ߸ ߊ߬ ߣߴߊ߬ߟߋ ߟߋ߬ ߦߋ߫ ߞߎ߬ߣߊ߬ߘߌߦߊ ߛߌߟߊ ߘߌ߫ ߘߎߢߊ߫ ߣߌ߫ ߟߊ߯ߞߌߙߊ ߓߍ߯ ߘߐ߫،
ߏ߬ ߟߋ ߞߏߛߐ߲߬ ߊ߬ ߣߊ߬ߣߍ߲߫ ߞߍߟߊ߫ ߘߝߊߟߊ߲ ߣߌ߫ ߔߘߋߞߎ ߘߐߥߛߊ߬ߣߍ߲߫ ߘߐߞߣߍߣߍ߲ ߘߌ߫ ߓߍ߯ ߦߋ߫߸ ߊ߬ ߕߍ߫ ߛߌߦߊ߫ ߣߌ߫ ߛߌߦߊ߫ ߓߏߟߏ߲ߝߍ߬ߡߊ߬ߦߊ߬ ߟߊ߫߸ ߊ߬ ߕߍ߫ ߢߊߦߌߘߊߟߌ߫ ߞߍ߫ ߟߊ߫ ߞߟߐ߬ ߣߌ߫ ߞߟߐ߬ ߕߍ߫߸ ߞߏ߬ߣߌ߲߬ ߊ߬ ߦߋ߫ ߡߐ߱ ߓߍ߯ ߡߊߝߟߍ߫ ߟߊ߫ ߢߊ߫ ߞߋߟߋ߲߫ ߠߋ߬ ߡߊ߬،
ߡߐ߰ ߛߌ߫ ߕߍ߫ ߕߊߟߏ߲߫ ߠߊ߫ ߕߐ߭ ߟߎ߬ ߘߌ߫ ߛߌ߬ߟߊ߬ߡߦߊ ߘߐ߫߸ ߝߏ߫ ߦߙߍߞߍߟߌ ߡߍ߲ ߦߴߊ߬ ߟߊ߫ ߊ߬ ߟߊ߫ ߟߊ߲߬ߘߊ߬ ߟߊߓߊߕߏ ߘߐ߫.
ߏ߬ ߟߋ ߞߏߛߐ߲߬ ߣߌ߫ ߛߊߣߌ߲ߡߊ ߓߍ߯ ߦߴߊ߬ ߡߌ߬ߘߊ߬ ߟߊ߫،ߓߊߏ߬ ߊ߬ ߣߌ߫ ߡߐ߱ ߛߎ߲ߞߎ߲ ߓߍ߲߬ߣߍ߲߫ ߠߋ߬ ߛߎ߲ߞߎ߲ ߡߊ ،
ߓߊߏ߬ ߡߐ߱ ߓߍ߯ ߦߋ߫ ߡߏߦߌ߫ ߟߊ߫ ߤߙߊ ߣߌ߫ ߕߋߟߋ߲ߓߊߦߊ ߣߌ߫ ߞߊ߲ߒߠߊߓߌߟߊ ߟߋ߫ ߞߊ߲߬߸ ߊ߬ ߣߴߊ߬ ߕߌ߱ ߟߊߘߌߦߊߢߍ ߸ ߊ߬ ߣߌ߫ ߞߵߊ߬ ߟߊߛߙߋߦߊ߫ ߞߏ߫ ߊ߬ߟߋ ߟߋ߬ ߓߊ߬ߕߏ߬ߕߊ߬ ߢߌߡߊ ߘߌ߫ ߊ߬ ߞߋߟߋ߲߫ ߸ ߓߊߕߏ߫ ߕߍ߫ ߡߐ߰ ߜߘߍ߫ ߦߋ߫ ߊ߬ߟߋ߬ ߞߐ߫،
ߛߌ߫ ߞߋߟߋ߲߫ ߕߍ߫ ߖߍ߲߬ߞߍ߫ ߞߊ߬ ߓߐ߫ ߝߌߕߑߙߊ ߣߌ߲߬ ߞߊ߲߬ ߸ ߝߏ߫ ߘߐ߬ߦߟߍ߬ߡߊ߬ߟߌߟߊ ߡߍ߲ ߦߋ߫ ߡߐ߱ ߓߐ߫ ߟߊ߫ ߕߊ߬ߣߊ ߏ߬ ߞߊ߲߬،
ߡߐ߱ ߟߎ߬ ߘߊ߲ߓߊ߮ ߣߴߊ߬ߟߎ߫ ߡߊ߰ߙߌ ߣߴߊ߬ߟߎ߫ ߓߊߕߏߕߊ ߟߋ߫ ߘߌ߬ߢߍ߬ߣߍ߲߫ ߘߌ߯ߣߊ ߣߌ߲߬ ߡߊ߬ ߡߐ߱ ߟߎ߬ ߓߍ߯ ߦߋ߫.
ߒ ߠߊ߫ ߘߌ߯ߣߊ ߡߍ߲ ߦߋ߫ ߛߌ߬ߟߊ߬ߡߦߊ ߘߌ߫߸ ߏ߬ ߦߋ߫ ߒ ߠߊ߫ ߟߐ߲ߠߌ߲ߦߟߊ߫ ߞߏ߫ ߒ ߓߍߣߊ߬ ߓߊߟߏ߫ ߘߎߢߊ߫ ߣߌ߲߬ ߘߐ߫߸ ߒ ߛߊ߬ߣߍ߲ ߞߐ߫ ߛߊ߫ ߒ ߓߍߣߊ߬ ߕߊ߯ ߡߊߞߍ߫ ߦߙߐ߫ ߜߘߍ߫ ߘߐ߫߸ ߏ߬ ߟߋ ߦߋ߫ ߓߊߟߏ߫ ߓߟߏߕߍ߰ߓߊߟߌ ߟߎ߫ ߘߌ߫߸ ߡߐ߱ ߟߎ߬ ߟߊߓߊ߲߫ ߦߙߐ ߦߋ߫ ߦߋ߲߬ ߡߍ߲ ߘߐ߫߸ ߊ߬ ߦߋ߫ ߞߍ߫ ߡߍ߲ߘߌߦߊ߫ (ߊߙߌߖߌߣߍ) ߥߟߊ߫ ߡߍ߲ߥߦߊ ߣߴߏ߬ ߦߋ߫ ߖߊ߬ߤߣߊ߬ߡߊ ߘߌ߫ ߲
ߊ߬ ߣߌ߫ ߒ ߠߊ߫ ߛߌ߬ߟߊ߬ߡߦߊ߬ ߘߌ߯ߣߊ ߦߋ߫ ߒ ߟߐ߬ ߟߊ߫ ߖߊ߰ߡߊߙߌ ߟߎ߬ ߟߊ߫߸ ߞߊ߬ ߒ ߠߊߕߐ߲߫ ߟߊ߬ߕߐ߲߬ߠߌ߲ ߠߎ߬ ߡߊ߬،
ߣߌ߫ ߒ ߞߵߏ߬ ߖߊ߰ߡߊߙߌ ߟߎ߬ ߟߊߓߊߕߏ߫߸ ߣߌ߫ ߞߊ߲ ߒ ߡߕߊ ߟߊ߬ߕߐ߲߬ߠߌ߲ ߠߎ߬ ߡߊ߬߸ ߒ ߘߌ߫ ߞߎ߬ߣߊ߬ߘߌߦߊ߬ ߘߎߢߊ߫ ߣߌ߫ ߟߊߞߌߙߊ߫،
ߣߌ߫ ߒ ߞߊ߬ ߖߊ߲߬ߓߐ߬ߟߌ ߞߍ߫ ߏ߬ ߟߎ߬ ߘߐ߫߸ ߞߎ߲߬ߣߊ߬ߜߏߦߊ ߘߌ߫ ߒ ߛߐ߬ߘߐ߲߬ ߘߎߢߊ߫ ߣߌ߫ ߟߊߞߌߙߊ߫ ߓߍ߯ ߘߐ߫߸ ߒ ߠߊ߫ ߖߊ߲߬ߓߐ߬ߟߌ ߣߌ߫ ߒ ߠߊ߫ ߞߏߟߊߝߏߦߊ ߢߊ߲ߞߊ߲ ߡߊ߬.
ߊ߬ ߣߌ߫ ߛߌ߬ߟߊ߬ߡߦߊ ߞߊ߬ ߒ ߟߐ߬ ߞߏ ߓߍ߯ ߘߐ߫ ߓߟߋ߬ߓߟߋ ߡߍ߲߫ ߠߊ߫ ߏ߬ ߟߋ߬ ߊߟߊ߫ ߞߋߟߋ߲ߓߦߊ ߘߌ߫،
ߒߠߋ ߦߴߊ߬ ߛߙߋߦߊ߫ ߟߊ߫߸ ߊ߬ ߣߌ߫ ߞߵߊ߬ ߟߊߒߠߦߊ߫ ߓߟߏߕߍ߰ߓߊߟߌ ߞߍ߫ ߞߏ߫ ߊߟߊ߫ ߟߋ߬ ߒ ߘߊ߲ߓߊ߮ ߣߌ߫ ߒ ߓߊߕߏߕߊ ߘߌ߫،
ߒ ߕߍ߫ ߝߋ߲߫ ߛߌ߫ ߓߊ߬ߕߏ߫ ߝߏ߫ ߊߟߊ߫߸ ߊ߬ ߟߊߘߌߦߊߢߍ ߞߏߛߐ߲߬߸ ߊ߬ ߣߌ߫ ߞߊ߬ ߛߌߟߊ߲߫ ߊ߬ ߟߊ߫ ߓߌ߲߬ߓߊߏ ߢߍ߫ ߸ ߊ߬ ߣߌ߫ ߞߊ߬ ߖߌ߰ߦߊ߬ ߞߍ߫ ߊ߬ ߟߊ߫ ߛߊߙߊ߫ ߢߌߡߊ ߟߊ߫߸ ߊ߬ ߣߌ߫ ߞߊ߬ ߒ ߛߍ߲߬ߓߍ߫ ߊ߬ߟߋ߬ ߟߊ߫،
ߊߟߊ߫ ߞߋ߬ߟߋ߲߬ߓߊ߰ߦߊ ߦߋ߫ ߟߊ߲ߞߣߍߡߊ߫ ߟߊ߫ ߛߙߋߦߊߟߌ ߟߋ߬ ߡߊ߬ ߊߟߊ߫ ߟߊ߫ ߞߋ߬ߟߋ߲߬ߧߊ ߟߊ߫߸ ߊ߬ ߣߌ߫ ߊ߬ ߟߊ߫ ߞߋߟߊ߫ ߡߏ߬ߤߊߡߊߘ ߦߋ߫ (ߞߛߌ ߣߌ߫ ߣߍߡߊ ߦߴߊ߬ ߦߋ߫ ) ߗߋߛߓߍ ߟߊ߫߸
ߡߎߤߊߡߊߘ ߟߋ߬ ߟߊ߬ߝߐ߬ߓߊ ߟߎ߬ ߟߊߓߊ߲ ߘߌ߫߸ ߊߟߊ߫ ߞߵߊ߬ ߗߋ߫ ߤߌߣߊ ߘߌ߫ ߖߊ߯ߓߊ ߟߎ߬ ߦߋ߫߸ ߊ߬ ߞߊ߬ ߟߊ߬ߝߐ߬ߓߊ ߟߎ߬ ߣߌ߫ ߞߋߟߊ ߟߎ߬ ߘߝߊ߫ ߊ߬ߟߋ ߟߋ߬ ߟߊ߫߸ ߟߊ߬ߝߐ߬ߓߊ ߛߌ߫ ߕߴߊ߬ߟߋ߬ ߞߐ߫،
ߊ߬ ߣߊ߬ߣߍ߲߫ ߘߌ߯ߣߊ߫ ߟߊߘߍ߬ߣߍ߲ ߠߋ߬ ߘߌ߫ ߡߍ߲ ߓߍ߲߬ߣߍ߲߫ ߕߎߡߊ ߓߍ߯ ߡߊ߬߸ ߊ߬ ߣߌ߫ ߦߙߐ ߓߍ߯ ߡߊ߬߸ ߊ߬ ߣߌ߫ ߡߌ߬ߙߌ߲߬ߘߌ ߓߍ߯ ߡߊ߬.
ߊ߬ ߣߌ߫ ߒ ߠߊ߫ ߘߌ߯ߣߊ ߦߋ߫ ߒ ߟߐ߬ ߟߊ߫ ߖߊ߰ߡߊߙߌ߬ ߓߟߏߕߍ߰ߓߊߟߌ ߟߊ߫ ߞߊ߬ ߟߌ߬ߡߣߍ߬ߦߊ߫ ߡߟߊ߬ߞߊ ߟߎ߬ ߡߊ߫߸ ߊ߬ ߣߌ߫ ߞߋߟߊ ߓߍ߯ ߸ ߏ߬ߟߎ߬ ߘߐ߫ ߢߍߓߊ߮ ߟߎ߬ ߟߋ߬ ߦߋ߫ ߣߎߤߎ߲߫ ߣߌ߫ ߌߓߙߊߤߌߡߊ߫ ߣߌ߫ ߡߎߛߊ߫ ߣߌ߫ ߌߛߊ߫ ߣߌ߫ ߡߎߤߊߡߊߘ ߘߌ߫ (ߕ.ߖ).
ߊ߬ ߦߋ߫ ߒ ߟߐ߬ ߟߊ߫ ߟߌ߬ߡߣߍ߬ߦߊ߫ ߟߊ߫ ߛߊ߲ߡߊ߫ ߞߊߝߊ ߟߎ߬ ߡߊ߬ ߡߍ߲ ߠߎ߬ ߟߊߖߌ߰ ߘߊ߫ ߞߋߟߊ ߟߎ߬ ߡߊ߬߸ ߊ߬ ߣߌ߫ ߞߵߊ߬ߟߎ߫ ߟߊߓߊ߲ ߣߴߊ߬ߟߎ߫ ߘߝߊߓߊ߮ ߣߴߊ߬ߟߎ߫ ߘߐ߫ ߓߟߋ߬ߓߟߋ ߟߊߓߊ߬ߕߏ߫߸ ߏ߬ ߟߋ (ߞߎ߬ߙߊ߬ߣߊ߫ ߞߟߊߒߞߋ) ߘߌ߫.
ߊ߬ ߣߌ߫ ߒ ߠߊ߫ ߘߌ߯ߣߊ ߦߋ߫ ߒ ߟߐ߬ ߟߊ߫ ߟߌ߬ߡߣߍ߬ߦߊ߫ ߟߏ߲߫ ߠߊߓߊ߲ (ߟߊߞߌߙߊ߫) ߡߊ߬߸ ߡߐ߱ ߟߎ߬ ߦߋ߫ ߛߊߙߊ߫ ߟߊ߫ ߟߏ߲ ߡߍ߲ ߊ߬ߟߎ߫ ߟߊ߫ ߓߊ߯ߙߊ ߟߎ߬ ߟߊ߫،
ߊ߬ ߣߌ߫ ߊ߬ ߦߋ߫ ߒ ߟߐ߬ ߟߊ߫ ߟߊߒߠߦߊ ߞߍ߫ ߟߊ߫ ߟߊ߬ߕߍ߮ (ߞߊߘߊߙߌ) ߟߊ߫߸ ߊ߬ ߣߌ߫ ߞߊ߬ ߘߌ߬ߢߍ߬ ߤߙߊ ߣߌ߫ ߞߏߙߏ߲ߧߊ ߓߍ ߡߊ߬ ߡߍ߲ ߦߋ߫ ߛߐ߬ߘߐ߲߬ ߠߊ߫ ߒ ߓߟߏ߫ ߢߣߊߡߦߊ ߣߌ߲߬ ߘߐ߫߸ ߊ߬ ߣߌ߫ ߞߊ߬ ߒ ߞߊߘߊ߲߫ ߞߛߌ߫ ߛߌߟߊ ߟߎ߬ ߡߌ߬ߘߊ߬ ߟߊ߫.
ߊ߬ ߣߌ߫ ߟߌ߬ߡߣߍ߬ߦߊ߫ ߟߊ߬ߕߍ߮ (ߞߊߘߊߙߌ) ߡߊ߬ ߸ ߏ߬ ߦߋ߫ ߒ ߛߐ߫ ߟߊ߫ ߛߟߐߡߌ߲߫ ߣߌ߫ ߤߙߍ ߣߌ߫ ߡߎ߬ߢߎ߲ ߠߋ߬ ߟߊ߫߸ ߊ߬ ߣߌ߫ ߞߊ߬ ߒ ߡߊ ߣߌߟߊߜߟߍߦߊ ߡߊ߬ ߝߋ߲߫ ߞߏߛߐ߲߬ ߡߍ߲ ߓߘߊ߫ ߕߊߡߌ߲߬ ߒ ߠߊ߫.
ߓߊߏ߬ ߒ ߘߍ߲߬ߞߣߍ߬ߦߊ߬ߣߍ߲߫ ߞߏ߫ ߡߍ߲߫ ߓߊ߫ ߒ ߛߐ߬ߘߐ߲ ߏ߬ ߕߎ߲߬ ߕߍ߫ ߒ ߝߘߏ߬ ߟߊ߫ ߡߍ߲ ߓߊ߫ ߒ ߝߘߏ߬ ߏ߬ ߕߎ߲߬ ߕߍ߫ ߒ ߛߐ߬ߘߐ߲߬،
ߒߓߊ߬ ߞߏ ߓߍ߯ ߘߊ߲߬ߡߊ߬ߦߊ߬ߣߍ߲߫ ߠߋ߬ ߊ߬ ߣߌ߫ ߞߵߊ߬ ߛߓߍ߫ ߊߟߊ߫ ߓߟߏ߫߸ ߛߋ߲ߛߋߘߋ߲߫ ߠߋ߬ ߒ ߓߟߏ߫ ߞߊ߬ ߛߊߓߊߓߎ ߟߎ߬ ߟߊߓߊ߯ߙߊ߫߸ ߊ߬ ߣߌ߫ ߞߊ߬ ߘߌ߬ߢߍ߬ ߏ߬ ߞߐߝߟߌ ߡߊ߬ ߡߍ߲ ߓߍ߯ ߘߌ߫ ߞߍ߫.
ߛߌ߬ߟߊ߬ߡߦߊ ߦߋ߫ ߒ ߟߐ߬ ߟߊ߫ ߓߊ߯ߙߊ߫ ߢߌߡߊ ߟߎ߬ ߟߊ߫ ߡߍ߲ ߠߎ߬ ߦߋ߫ ߣߌ ߟߊߛߊߣߌ߲ߧߊ߫ ߟߊ߫߸ ߊ߬ ߣߌ߫ ߖߏ ߓߟߋ߬ߓߟߋ ߟߎ߬ ߡߍ߲ ߠߎ߬ ߦߋ߫ ߡߊ߰ߙߌ ߟߊߘߌ߬ߢߍ ߟߊ߫߸ ߞߊ߬ ߣߌ ߛߊߣߌ߲ߧߊ߫߸ ߞߊ߬ ߛߟߐߡߌ߲ ߠߊߤߙߍ߫߸ ߞߊ߬ ߞߏߟߊ߲ߞߘߐ ߟߊߝߙߍ߫߸ ߞߊ߬ ߟߊ߫ ߛߌߟߊ ߟߊߦߋߟߋ߲߫߸ ߊ߬ ߣߌ߫ ߞߊ߬ ߞߍ߫ ߡߐ߰ ߢߊ߬ߣߍ߲߫ ߘߌ߫ ߡߌ߬ߙߌ߲߬ߘߌ ߘߐ߫.
ߊ߬ ߣߌ߫ ߓߊ߯ߙߊ ߏ߬ ߟߎ߬ ߘߐ߫ ߓߟߋ߬ߓߟߋ ߟߋ߬: ߊߟߊ߫ ߞߋߟߋ߲ߓߦߊ ߘߌ߫߸ ߊ߬ ߣߌ߫ ߛߊߟߌ߫ ߟߏ߯ߟߎ ߟߎ߬ ߟߐ߭ ߟߏ߲ ߣߌ߫ ߛߎ ߘߐ߫߸ ߊ߬ ߣߌ߫ ߣߊ߲ߝߟߏ ߖߊߞߊ ߓߐߟߌ߸ ߊ߬ ߣߌ߫ ߛߊ߲߭ ߞߣߐ߫ ߞߊߙߏ߫ ߞߋߟߋ߲߫ ߛߎ߲ߠߌ߲߸ ߏ߬ ߟߋ ߙߊߡߊ߬ߘߊ߲ ߞߊߙߏ ߘߌ߫߸ ߊ߬ ߣߌ߫ ߓߊߕߏ߫ ߓߏ߲߫ ߠߊߕߏߣߍ߲ ߤߌߣߊߡߊ ߡߞߊ߫ ߛߏ ߞߣߐ߫ ߡߍ߲ ߓߊ߯ ߛߋ߫ ߊ߬ ߦߟߍ߬ߡߊ߬ߟߊ߫.
ߊ߬ ߣߌ߫ ߒ ߠߊ߫ ߘߌ߯ߣߊ ߞߊ߬ ߒ ߞߊ߲ߘߊ߫ ߞߏ߫ ߓߟߋ߬ߓߟߋ ߡߍ߲ ߠߎ߬ ߡߊ߬ ߡߍ߲ ߦߋ߫ ߛߌߛߌ ߟߊߝߙߍ߫ ߟߊ߫߸ ߏ߬ ߟߋ ߞߎ߬ߙߊ߬ߣߊ ߞߊ߬ߙߊ߲߬ ߛߌߦߊߡߊ߲ ߘߌ߫߸ ߡߍ߲ ߦߋ߫ ߊߟߊ߫ ߞߊ߲ ߘߌ߫߸ ߊ߬ ߣߌ߫ ߞߎߡߊ߫ ߓߍ߯ ߘߐ߫ ߕߋߟߋ߲ߣߍ߲ ߸ ߊ߬ ߣߌ߫ ߞߎߡߊ ߓߍ߯ ߘߐ߫ ߗߋ߲߰ߓߊ ߣߴߊ߬ ߓߍ߯ ߘߐ߫ ߓߟߋ߬ߓߟߋ ߣߴߊ߬ ߓߍ߯ ߘߐ߫ ߓߏ߲߬ߧߊ߬ߣߍ߲߸ ߡߍ߲ ߦߋ߫ ߝߟߐߡߐ߱ ߟߎ߬ ߣߌ߫ ߟߊߓߊ߲ߡߐ߱ ߟߎ߬ ߟߊ߫ ߟߐ߲ߠߌ߲ ߓߍ߯ ߦߙߍߞߍ߫ ߟߊ߫ߋߊ.
ߊ߬ ߞߊ߬ߙߊ߲ ߥߟߊ߫ ߊ߬ ߟߊߡߍ߲ߠߌ߲ ߦߋ߫ ߖߛߎ߬ߛߎߡߊ ߣߌ߫ ߤߙߍ ߣߌ߫ ߛߍߥߊ ߟߊߘߏ߲߬ ߠߊ߫ ߛߟߐߡߌ߲ ߘߐ߫߸ ߤߊߟߌ߬ ߣߌ߫ ߞߊ߬ߙߊ߲߬ߠߌ߲߬ߠߊ ߥߟߊ߫ ߟߊߡߍ߲ߠߌ߲ߠߊ ߕߍ߫ ߊߙߊߓߎߞߊ߲ ߟߐ߲߫ ߠߊ߫߸ ߥߟߊ߫ ߤߊߟߌ߬ ߣߴߊ߬ ߕߍ߫ ߛߌ߬ߟߊ߬ߡߊ߫ ߘߌ߫.
ߊ߬ ߣߌ߫ ߛߌߛߌߟߊߝߙߍ߫ ߞߏ߫ ߓߟߋ߬ߓߟߋ ߟߎ߬ ߘߐ߫ ߓߟߋ߬ߓߟߋ ߘߏ߫ ߟߋ߬ ߊߟߊ߫ ߕߙߊߟߌ ߛߌߦߊߡߊ߲ ߘߌ߫߸ ߊ߬ ߣߌ߫ ߞߊ߬ ߕߏ߫ ߌ ߞߎ߲߬ߝߊ߲߫ ߠߴߊ߬ߟߋ߬ ߟߊ߫߸ ߞߵߊ߬ ߕߙߊ߫ ߞߏ߫ ߘߋߣߍ߲ ߣߌ߫ ߞߏ߫ ߓߏ߲ߓߊ ߓߍ߯ ߘߐ߫،
ߊߟߊ߫ ߟߋ߬ ߦߋ߫ ߡߐ߰ ߟߊߡߌ߬ߘߊ߬ ߟߊ߫ ߡߍ߲ ߓߊ߯ ߊ߬ ߕߙߊ߫߸ ߊ߬ ߣߌ߫ ߡߍ߲ ߓߊ߯ ߓߊ߬ߕߏ ߓߎߓߎ ߊ߬ ߞߋߟߋ߲߫ ߔߋ߫ ߦߋ߫.
ߊ߬ ߣߌ߫ ߛߌߛߌߟߊߝߙߍ߫ ߞߏ߫ ߓߟߋ߬ߓߟߋ ߟߎ߬ ߘߐ߫ ߓߟߋ߬ߓߟߋ ߘߏ߫ ߟߋ߬ ߊߟߊ߫ ߞߏߝߐߟߌ ߛߌߦߊߡߊ߲ ߘߌ߫ — ߊ߬ ߓߏ߲߬ߧߊ߬ߣߍ߲߫ ߊ߬ ߣߴߊ߬ ߞߟߊߒߞߋߦߊߣߍ߲߫.
ߊ߬ ߣߌ߫ ߒ ߠߊ߫ ߞߋߟߊ ߞߴߒ ߞߊ߲ߘߊ߫ — ߊߟߊ߫ ߟߊ߫ ߕߌ߲ߞߌ ߣߌ߫ ߞߛߌ ߦߴߊ߬ ߦߋ߫ — ߊߟߊ߫ ߞߏߝߐ߫ ߢߊ ߡߊ߬߸ ߊ߬ ߣߌ߫ ߞߵߒ ߠߊߟߐ߲ߠߌ߲߫ ߞߏ߫ ߓߍ߯ ߘߐ߫ ߢߌ߬ߡߊ ߟߊ߫ ߡߍ߲ ߦߋ߫ ߊߟߊ߫ ߞߏߝߐ߫ ߟߊ߫،
ߏ߬ ߟߎ߬ ߘߏ߫ ߟߋ߬: ߞߎߡߊ߫ ߣߊ߯ߣߌ߲߫ ߠߎ߫ ߘߌ߫ ߡߍ߲ ߠߎ߬ ߦߋ߫ ߞߎߡߊ ߓߍ߯ ߘߐ߫ ߢߌ߬ߡߊ ߘߌ߫ ߞߎ߬ߙߊ߬ߣߊ ߞߐ߫߸ ߏ߬ ߟߎ߬ ߟߋ߬: (ߊߟߊ߫ ߛߊߣߌ߲ߡߊ߲߫ "ߛߎߓߑߤߊ߯ߣߊߟߊ߯ߤߌ"߸ ߊ߬ ߣߌ߫ ߕߊ߲߬ߘߏ ߦߋ߫ ߊߟߊ߫ ߦߋ߫ "ߊ߬ߟߑߤߊߡߑߘߎߟߌߟߊ߯ߤߌ"߸ ߊ߬ ߣߌ߫ ߡߊ߰ߙߌ߬ ߛߌ߫ ߕߍ߫ ߊߟߊ߫ ߞߐ߫ "ߟߊ߯ ߌߟߊ߯ߤߊ ߌߟߊߟߊ߯ߤߎ"߸ ߊ߬ ߣߌ߫ ߊߟߊ߫ ߟߋ߬ ߞߊ߬ ߓߏ߲߫ "ߊߟߊ߯ߤߎ ߊߞߑߓߊߙ").
ߊ߬ ߣߌ߫ ߕߊ߲߬ ߝߣߊ߫: (ߒ ߧߋ߫ ߊߟߊ߫ ߕߙߊ߫ ߟߊ߫ ߡߊ߬ߞߕߏ߬ߟߌ ߟߊ߫ ߠߊ߫ "ߊߛߑߕߊߜ߭ߑߝߌߙߎߟߟߊ߯ߤߌ"߸ ߊ߬ ߣߌ߫ ߝߊ߲߬ߞߊ߫ ߣߌ߫ ߛߋߓߊ߯ߦߊ߫ ߛߌ߫ ߕߍ߫ ߊߟߊ߫ ߞߐ߫ "ߟߊ߯ ߤߊߥߑߟߊ ߥߊߟߊ߯ ߞߎߥߊߕߊ ߌߟߊ߯ ߓߌߟߟߊ߯ߤߌ").
ߞߎߡߊ߫ ߢߌ߲߬ ߠߎ߬ ߟߊ߫ ߝߊ߲߬ߞߊ ߣߴߊ߬ߟߎ߫ ߣߐ߭ ߦߋ߫ ߞߓߊߞߏ߫ ߟߋ߬ ߘߌ߫ ߛߌߛߌ ߟߊߝߙߍߟߌ ߘߐ߫߸ ߊ߬ ߣߌ߫ ߤߙߍ ߣߌ߫ ߞߣߐߘߐߘߌߦߊ ߟߊߖߌ߰ߟߌ ߘߐ߫ ߛߟߐߡߌ߲ (ߛߣߐ߬ߡߍ) ߘߐ߫.
ߊ߬ ߣߌ߫ ߛߌ߬ߟߊ߬ߡߦߊ ߦߋ߫ ߒ ߟߐ߬ ߟߊ߫ ߞߊ߬ ߞߍ߫ ߡߐ߰ ߓߏ߲߬ߧߊ߬ߣߍ߲߬ ߘߌ߫ ߡߍ߲ ߠߊ߫ ߞߏ߫ ߟߎ߬ ߞߊ߲ߘߊߣߍ߲߫߸ ߊ߬ ߣߌ߫ ߞߊ߬ ߒ ߡߊߓߐ߫ ߞߏ߫ ߓߍ߯ ߟߊ߫ ߡߍ߲ ߘߌ߫ ߒ ߠߊ߫ ߡߐ߰ߦߊ ߣߌ߫ ߒ ߠߊ߫ ߓߏ߲߬ߧߊ ߟߊߖߌ߰،
ߊ߬ ߣߌ߫ ߞߊ߬ ߒ ߤߊ߲ߞߟߌ ߣߌ߫ ߒ ߓߟߏߟߊߝߋ߲ (ߝߊ߬ߘߌ߬ߞߟߏ) ߟߎ߬ ߟߊߓߊ߯ߙߊ߫ ߏ߬ ߘߐ߫ ߊ߬ߟߎ߫ ߘߊ߲ߣߍ߲߫ ߡߍ߲ ߞߊ߲ߡߊ߬߸ ߣߊߟߌ߬ߡߎ߲߫ ߓߊ߯ߙߊ߫ ߢߊ߬ߕߣߐ߬ߡߊ ߟߎ߬ ߘߌ߫ ߒ ߠߊ߫ ߘߌ߯ߣߊ ߣߌ߫ ߒ ߠߊ߫ ߘߎߢߊ߫ ߞߏ ߟߎ߬ ߘߐ߫.
ߊ߬ ߣߌ߫ ߛߌ߬ߟߊ߬ߡߦߊ ߦߋ߫ ߒ ߟߐ߬ ߟߊ߫ ߤߌߣߊ ߟߊ߫߸ ߊ߬ ߣߌ߫ ߖߏ߯ ߢߌߡߦߊ ߟߊ߫߸ ߊ߬ ߣߌ߫ ߓߙߊ ߢߐ߲ߦߊ ߢߌߡߦߊ ߟߊ߫߸ ߊ߬ ߣߌ߫ ߢߊ߬ߟߌ ߟߊ߫ ߘߊ߲ߝߋ߲ ߠߎ߬ ߦߋ߫ ߒ ߛߋߞߏ ߟߊ߫ ߞߎߡߊ ߣߌ߫ ߓߊ߯ߙߊ ߓߍ߯ ߘߐ߫.
ߊ߬ ߣߌ߫ ߒ ߟߐ߬ߣߍ߲߫ ߞߏ߫ ߓߟߋ߬ߓߟߋ ߡߍ߲ ߡߊ߬ ߘߊ߲ߝߋ߲ ߠߎ߬ ߤߊߞߍ ߟߎ߬ ߘߐ߫߸ ߏ߬ ߟߋ ߓߊ߫ ߣߌ߫ ߝߊ߬ ߤߊߞߍ ߘߌ߫߸ ߒ ߠߊ߫ ߘߌ߯ߣߊ ߦߋ߫ ߒ ߟߐ߬ ߟߊ߫ ߊ߬ߟߎ߫ ߟߊߢߊ߬ߟߌ (ߤߙߊߓߊ߯ߙߊ) ߟߋ߬ ߟߊ߫߸ ߊ߬ ߣߌ߫ ߞߊ߬ ߤߙߍ ߟߊߢߌߣߌ߲߫ ߊ߬ߟߎ߫ ߦߋ߫߸ ߊ߬ ߣߌ߫ ߞߊ߬ ߒ ߛߍ߲߬ߓߍ߫ ߊ߬ߟߎ߫ ߟߊߛߍߥߊߟߌ ߟߊ߫߸ ߊ߬ ߣߌ߫ ߞߊ߬ ߒ ߘߐߖߊ߬ ߢߊ߬ߕߣߐ ߟߊߛߋ ߟߊ߫ ߊ߬ߟߎ߫ ߡߊ߬؛ ߊ߬ ߜߋ߲ߜߋ߲߫ ߊ߬ߟߎ߬ ߟߊ߫ ߞߐ߬ߘߐ߬ߦߊ ߕߎߡߊ ߟߊ߫،
ߏ߬ ߟߋ ߞߏߛߐ߲߬߸ ߌ ߦߋ߫ ߓߊ ߣߌ߫ ߝߊ ߦߋ߫ ߟߊ߫ ߛߌ߬ߟߊ߬ߡߊ߬ ߘߍߘߐߦߊ ߟߎ߬ ߞߣߐ߫ ߓߏ߲߬ߧߊ߬ ߦߙߐ߫ ߡߊߦߟߍ߬ߣߍ߲ ߘߐ߫߸ ߊ߬ ߣߌ߫ ߓߏ߲߬ߧߊ ߣߌ߫ ߓߊ߯ߙߊ߫ ߞߍߟߌ ߘߐ߫ ߊ߬ߟߎ߫ ߘߋ߲ ߠߎ߬ ߓߟߏ߫،
ߓߊ ߣߌ߫ ߝߊ ߓߊ߯ ߕߏ߫ ߞߐ߬ߘߐ߬ߦߊ߬ ߟߊ߫ ߛߌ߬ߞߛߊߓߌ ߘߐ߫߸ ߥߟߊ߫ ߞߊ߬ ߖߊ߲߬ߞߊߙߏ ߥߟߊ߫ ߘߛߍ߫ ߦߴߊ߬ߟߎ߬ ߛߐ߬ߘߐ߲߬߸ ߘߋ߲ ߠߎ߬ ߟߊ߫ ߟߊߢߊ߬ߟߌ (ߤߙߊߓߊ߯ߙߊ) ߦߋ߫ ߡߊߞߊ߬ߝߏ߬ ߟߴߊ߬ߟߎ߫ ߦߋ߫ ߏ߬ ߢߊ ߟߋ߬ ߡߊ߬.
ߊ߬ ߣߌ߫ ߒ ߠߊ߫ ߘߌ߯ߣߊ ߞߵߒ ߠߊߟߐ߲ߠߌ߲߫ ߞߏ߫ ߓߏ߲߬ߧߊ߬ ߡߊߦߟߍ߬ߣߍ߲ ߦߋ߫ ߡߏ߬ߛߏ ߦߋ߫߸ ߊ߬ ߣߌ߫ ߤߊߞߍ߫ ߓߟߋ߬ߓߟߋ ߟߎ߬،
ߛߌ߬ߟߊ߬ߡߦߊ ߘߐ߫߸ ߡߏ߬ߛߏ ߟߎ߬ ߦߋ߫ ߗߍ߭ ߟߎ߬ ߓߊߘߋ߲ߡߊ߫ ߓߟߏߡߊߞߊ߬ߣߍ߲ ߠߎ߬ ߟߋ߬ ߘߌ߫ (ߊ߬ߟߎ߫ ߞߢߊߣߍ߲߫ ߤߊߞߍ ߣߌ߫ ߓߏ߲߬ߧߊ ߘߐ߫)߸ ߊ߬ ߣߌ߫ ߡߐ߱ ߓߍ߯ ߘߐ߫ ߢߌ߬ߡߊ ߟߋ߬ ߡߍ߲ ߦߋ߫ ߢߌ߬ߡߊ߬ ߘߌ߫ ߊ߬ ߟߊ߫ ߘߋ߲ߓߦߊ (ߡߏ߬ߛߏ) ߦߋ߫،
ߛߌ߬ߟߊ߬ߡߊ߬ ߡߏߛߏ ߦߴߊ߬ ߟߊ߫ ߘߋ߲ߣߍ߲ߦߊ ߘߐ߫߸ ߟߊߡߌ߲ߣߌ߲ ߤߊߞߍ ߦߴߊ߬ ߦߋ߫߸ ߊ߬ ߣߌ߫ ߟߊ߬ߞߊ߲߬ߘߊ߬ߟߌ ߣߌ߫ ߟߊ߬ߟߐ߲߬ߠߌ߲߬ߠߌ߲߬ ߢߌߡߊ߸ ߊ߬ ߦߋ߫ ߏ߬ ߕߎߡߊ ߟߊ߫ ߢߊߟߊߝߙߍ߫ ߝߋ߲ ߠߋ߬ ߘߌ߫߸ ߊ߬ ߣߌ߫ ߛߟߐߡߌ߲ ߠߊ߫ ߦߙߌߘߋ߲߫ (ߘߌߦߊߒߢߋ) ߊ߬ ߓߊ߫ ߌ߫ ߝߊ߬ ߣߴߊ߬ ߓߊߘߋ߲ߗߍߟߎ߬ ߓߟߏ߫.
ߊ߬ ߣߴߊ߬ ߓߊ߯ ߞߐ߬ߘߐ߬ߦߊ߬߸ ߊ߬ ߦߋ߫ ߞߍ߫ ߟߊ߫ ߓߏ߲߬ߧߊ߬ߕߊ߫ ߟߊߓߊߕߏߕߊ ߟߋ߬ ߘߌ߫߸ ߡߍ߲ ߠߊ߫ ߞߏߕߌ߮ ߦߋ߫ ߞߟߋ߬ߦߊ߬ߟߴߊ߬ ߡߊ߬ ߸ ߊ߬ ߣߌ߫ ߞߵߊ߬ ߟߊߝߏ߬ ߞߣߐ߬ߜߍ߲߬ߠߌ߲ ߠߊ߫،
ߊ߬ ߕߍ߫ ߛߐ߲߬ ߞߏ߫ ߓߟߏ߫ ߦߴߊ߬ ߡߊߛߐ߬ߘߐ߲߬ ߞߏ߫ ߖߎ߯ ߟߊ߫߸ ߥߟߊ߫ ߣߍ߲߭ ߦߴߊ߬ ߡߊߕߐ߯ߦߊ߫ ߕߐ߬ߢߐ߲߬ ߞߎߡߊ߫ ߟߊ߫߸ ߥߟߊ߫ ߢߊ ߦߴߊ߬ ߡߊߝߟߍ߫ ߢߊ߫ ߡߊߘߏ߲ߣߍ߲߫ (ߖߊ߲߬ߝߊ߬ ߢߊ) ߟߊ߫.
ߊ߬ ߣߌ߫ ߣߴߊ߬ ߝߘߎ߫ ߘߊ߫߸ ߏ߬ ߦߋ߫ ߞߍ߫ ߟߊ߫ ߊߟߊ߫ ߟߊ߫ ߞߎߡߊ (ߛߊ߬ߙߌ߬ߦߊ) ߟߋ߬ ߟߊ߫߸ ߊ߬ ߣߌ߫ ߟߊ߬ߤߘߌ߬ ߜߍߟߍ߲ ߠߊ߫.
ߊ߬ ߦߋ߫ ߞߍ߫ ߟߊ߫ ߗߍ߬ ߟߊ߫ ߓߏ߲ ߞߣߐ߫ ߟߊ߬ߛߣߍ߬ߟߌ߬ ߓߏ߲ߢߊߣߍ߲ ߣߌ߫ ߓߏ߲߬ߧߊ߬ ߦߙߐ߫ ߡߊߦߟߍ߬ߣߍ߲ ߘߐ߫،
ߊ߬ ߣߌ߫ ߓߊ߯ߙߊ߫ ߡߍ߲ ߠߎ߬ ߦߋ߬ ߘߌߦߊߜߏߦߊ߫ ߟߊ߫ ߗߍ߬ ߡߊ߬߸ ߞߵߊ߬ ߓߏ߲߬ߧߊ߫߸ ߞߊ߬ ߢߵߊ߬ ߟߊ߫ ߸ ߊ߬ ߣߌ߫ ߞߊ߬ ߊ߬ ߡߊߓߐ߫ ߕߐ߬ߢߐ߲߬ ߣߌ߫ ߕߙߐߦߊ߫ ߓߍ߯ ߟߊ߫.
ߊ߬ ߣߌ߫ ߣߴߊ߬ ߞߍ߫ ߘߊ߫ ߓߊ߫ ߘߌ߫߸ ߊ߬ ߟߊߢߊ߬ߟߌ ߛߘߌ߬ߣߍ߲߫ ߊߟߊ߫ ߡߊ߰ߙߌ ߤߊߞߍ ߟߋ߬ ߟߊ߫ — ߞߘߐߕߊ߬ߣߍ߲ߓߊ — ߊ߬ ߣߌ߫ ߊ߬ ߞߊ߲ߛߐߛߐߟߌ ߣߴߊ߬ ߟߊߕߙߐߟߌ ߛߘߌ߬ߣߍ߲߫ ߓߊ߬ߕߏ߬ߕߊ߬ ߜߙߊ (ߛߌߙߑߞߎ) ߟߋ߬ ߟߊ߫߸ ߊ߬ ߣߌ߫ ߕߌߢߍߟߌ ߘߎ߱ ߞߣߐ߫.
ߊ߬ ߣߌ߫ ߣߴߊ߬ ߞߍ߫ ߘߊ߫ ߓߊߘߋ߲ߡߛߏ߬ ߘߌ߫߸ ߏ߬ ߟߋ ߛߌ߬ߟߊ߬ߡߊ ߟߐ߬ߣߍ߲߫ ߊ߬ ߓߊߘߋ߲ߧߊ ߟߊߘߊ߲ߧߊ ߟߊ߫߸ ߊ߬ ߣߴߊ߬ ߓߏ߲߬ߧߊ߬ߟߌ ߣߴߊ߬ ߖߊ߬ߛߙߋ߬ߡߊ߬ߟߊ ߟߊ߫،
ߊ߬ ߣߌ߫ ߣߴߊ߬ ߞߍ߫ ߘߊ߫ ߕߍߣߍ߲߫ ߘߌ߫߸ ߏ߬ ߦߋ߫ ߓߊ ߟߋ߬ ߟߊ߫ ߟߐ߬ߦߙߐ ߘߐ߫ ߢߊ߬ߟߌ ߣߌ߫ ߛߌ߲ߖߌ߫ ߕߎ߲ ߘߐ߫ ،
ߊ߬ ߣߌ߫ ߣߴߊ߬ ߞߍ߫ ߘߊ߫ ߡߐ߬ߡߛߏ ߘߌ߫߸ ߥߟߊ߫ ߡߐ߰ߓߊ߬ ߞߐ߬ߘߐ߸ ߊ߬ ߟߊ߫ ߓߏ߲߬ߧߊ ߣߴߊ߬ ߟߊ߫ ߢߊ߬ߕߣߐ ߦߋ߫ ߡߊߞߊ߬ߝߏ߬ ߟߊ߫ ߊ߬ ߘߋ߲ ߠߎ߬ ߓߟߏ߫ ߸ ߊ߬ ߡߊ߬ߡߊ߬ߙߋ߲ ߠߎ߬ ߣߌ߫ ߊ߬ ߡߊ߬ߛߎߘߎ߲ߧߊߓߊ߮ ߓߍ߯ ߓߟߏ߫؛ ߊ߬ ߕߍ߫ ߛߐ߲߬ ߞߏ߫ ߊ߬ ߟߊ߫ ߡߊ߬ߞߊ߲߬ߠߌ߲߬ ߛߌ߫ ߦߋ߫ ߟߊߓߍ߲߬ (ߞߵߊ߬ ߓߊ߲߬ ߊ߬ ߘߐ߫)߸ ߊ߬ ߣߴߊ߬ ߟߊ߫ ߤߊ߲ߞߟߌߦߊ߫ ߞߎߡߊ߫ ߛߌ߫ ߕߍ߫ ߡߊߓߊ߰ߓߊ߫ ߟߊ߫.
ߊ߬ ߣߌ߫ ߣߴߊ߬ ߞߍ߫ ߘߊ߫ ߡߐ߱ ߡߊߓߐߣߍ߲ ߘߌ߫ ߡߍ߲ ߣߴߌ ߕߍ߫ ߓߊߘߋ߲ߧߊ߫ ߥߟߊ߫ ߛߌ߰ߢߐ߲߰ߦߊ߫ ߛߌ߫ ߕߍ߫߸ ߛߌ߬ߟߊ߬ߡߦߊ ߟߊ߫ ߤߊߞߍ߫ ߝߘߏ߬ߓߊ߬ߡߊ ߦߴߊ߬ ߦߋ߫߸ ߣߊߟߌ߬ߡߎ߲߫ ߕߙߐߦߊ ߟߊߟߐ߬ ߘߌ߫ ߊ߬ ߡߊ߬߸ ߊ߬ ߣߌ߫ ߢߊ ߟߊߖߌ߰ߟߌ (ߞߊ߬ ߓߐ߫ ߡߊߝߟߍߟߌ ߡߊ߬) ߊ߬ ߣߌ߫ ߏ߬ ߢߐ߲߰ߘߐ߫ ߟߎ߬.
ߛߌ߬ߟߊ߬ߡߊ߬ ߘߍߘߐߦߊ ߟߎ߬ ߦߋ߫ ߤߊߞߍ ߢߌ߲߬ ߠߎ߬ ߟߊߓߊߕߏ߫ ߟߊ߫ ߤߊ߲߯ ߓߌ߬߸ ߏ߬ ߟߋ ߞߵߊ߬ ߞߍ߫ ߡߏ߬ߛߏ ߟߊ߫ ߢߊ߬ߕߣߐ ߣߴߊ߬ ߟߊ߫ ߓߏ߲߬ߧߊ ߡߊߦߟߍ߬ߣߍ߲߫ ߦߋ߲߬ ߠߎ߬ ߘߐ߫߸ ߡߍ߲ ߢߐ߲߰ ߕߍ߫ ߛߐ߬ߘߐ߲߬ ߠߊ߫ ߘߍ߬ ߜߘߍ߫ ߟߎ߬ ߘߐ߫ ߡߍ߲ ߠߎ߬ ߕߍ߫ ߛߌ߬ߟߊ߬ߡߊ߬ ߟߎ߬ ߘߌ߫.
ߊ߬ ߣߌ߫ ߝߣߊ߫߸ ߤߊߞߍ ߦߋ߫ ߡߏ߬ߛߏ ߦߋ߫ ߛߌ߬ߟߊ߬ߡߦߊ ߘߐ߫ ߞߊ߬ ߝߋ߲߫ ߕߌ߰ߦߊ ߞߍ߫ (ߣߊ߲ߝߟߏ)߸ ߞߊ߬ ߘߐ߲߬ߘߐ߰ߟߌ ߞߍ߫߸ ߞߊ߬ ߝߙߋ ߞߍ߫߸ ߞߊ߬ ߛߊ߲ߠߌ߲ ߞߍ߫߸ ߊ߬ ߣߌ߫ ߓߍ߲߬ߞߊ߲߬ ߓߊ߯ߙߊ ߕߐ߭ ߓߍ߯؛ ߤߊߞߍ ߦߴߊ߬ ߦߋ߫ ߞߊ߬ ߞߊ߬ߙߊ߲߬߸ ߞߊ߬ ߟߞߊ߬ߙߊ߲߬ߠߌ߲ ߞߍ߫߸ ߊ߬ ߣߌ߫ ߞߊ߬ ߓߊ߯ߙߊ߫ ߞߍ߫ ߡߍ߲ ߕߍ߫ ߊ߬ ߟߊ߫ ߘߌ߯ߣߊ ߛߊ߬ߙߌ߬ߦߊ ߟߎ߬ ߛߐ߬ߛߐ߫ ߟߊ߫،
ߤߊߟߌ߬ ߟߐ߲ߠߌ߲ ߘߏ߫ ߟߎ߫ ߦߋ߫ ߦߋ߲߬߸ ߏ߬ ߟߎ߬ ߦߋ߫ ߡߐ߬ ߟߎ߬ ߖߘߍ߬ ߞߊ߲߬ ߘߌߦߊߜߏߦߊ߫ ߘߌ߫ (ߝߊߙߑߘߎ ߊߦߑߣߌ) ߟߋ߬ ߘߌ߫ ߸ ߡߍ߲ ߓߵߏ߬ ߕߏ߫ ߦߋ߲ ߊ߬ ߓߘߊ߫ ߞߎ߲߬ߞߏ߬ߕߐߦߊ߫ ߛߐ߬ߘߐ߲߬߸ ߊ߬ ߞߍ߫ ߘߊ߫ ߗߍ߭ ߘߌ߫ ߥߟߊ߫ ߡߏ߬ߛߏ ߘߌ߫.
ߤߊߟߌ߬ ߊ߬ ߦߋ߫ ߗߍ߭ ߟߎ߬ ߟߊ߫ ߤߊߞߍ ߟߎ߬ ߢߐ߲߰ ߠߋ߬ ߛߐ߬ߘߐ߲߬ ߠߊ߫߸ ߝߏ߫ ߞߏ߫ ߡߍ߲ ߠߎ߬ ߦߋ߫ ߊ߬ߟߋ߬ ߡߏ߬ߛߏ ߟߋ߬ ߘߎ߲߬ߘߎ߬ߡߊ߬ ߞߏ߫ ߘߌ߫ ߗߍ߭ ߟߎ߬ ߕߍ߫ ߡߍ߲ ߘߐ߫߸ ߥߟߊ߫ ߞߏ߫ ߡߍ߲ ߠߎ߬ ߦߋ߫ ߗߍ߭ ߟߎ߬ ߘߎ߲߬ߘߎ߬ߡߊ߬ ߞߏ߫ ߘߌ߫ ߡߏ߬ߛߏ ߟߎ߬ ߕߍ߫ ߡߍ߲ ߘߐ߫߸ ߏ߬ ߟߎ߬ ߦߋ߫ ߤߊߞߍ ߣߌ߫ ߛߊ߬ߙߌ߬ߦߊ߬ ߟߊ߬ߕߍ߰ߣߍ߲ ߠߎ߬ ߟߋ߬ ߘߌ߫ ߡߍ߲ ߠߎ߬ ߦߋ߫ ߓߍ߲߬ ߠߊ߫ ߞߎ߲߬ߓߊ߬ߓߟߊ ߝߌ߬ߟߊ ߓߍ߯ ߡߊ߬ ߊ߬ ߢߊ߫ ߓߍ߲߬ߣߍ߲ ߡߊ߬߸ ߦߏ߫ ߊ߬ߟߎ߬ ߢߊߝߐߣߍ߲ ߢߊ ߡߍ߲ ߊ߬ߟߎ߬ ߡߊߞߍߣߍ߲߫ ߦߙߐ ߟߎ߬ ߘߐ߫.
ߒ ߠߊ߫ ߘߌ߯ߣߊ ߦߋ߫ ߒ ߟߐ߬ ߟߊ߫ ߒ ߓߊߘߋ߲ߗߍ ߟߎ߬ ߣߌ߫ ߒ ߓߊߘߋ߲ߡߛߏ ߟߎ߬ ߞߊ߬ߣߌ߲ ߠߋ߬ ߟߊ ߸ ߊ߬ ߣߌ߫ ߒ ߓߍߣߐ߮ ߟߎ߬ ߣߌ߫ ߒ ߕߍߣߍ߲ ߠߎ߬ ߣߌ߫ ߒ ߓߏߙߌ߲ ߠߎ߬ ߣߌ߫ ߒ ߓߊߘߐ߮ ߟߎ߬߸ ߊ߬ ߣߌ߫ ߒ ߡߊ߬ߛߎߘߎ߲ߧߊߓߊ߮ ߓߍ߯߸ ߊ߬ ߣߴߊ߬ ߦߋ߫ ߒ ߟߐ߬ ߟߊ߫ ߒ ߡߏ߬ߛߏ ߣߌ߫ ߒ ߘߋ߲ ߠߎ߬ ߣߌ߫ ߒ ߛߌ߰ߢߐ߲߮ ߠߎ߬ ߤߊߞߍ ߟߎ߬ ߘߌ߫ ߟߊ߫.
ߊ߬ ߣߌ߫ ߒ ߠߊ߫ ߘߌ߯ߣߊ ߦߋ߫ ߒ ߟߐ߬ ߟߊ߫ ߟߐ߲ߠߌ߲ߧߊ ߟߋ߬ ߟߊ߫߸ ߊ߬ ߣߴߊ߬ ߦߴߒ ߖߡߊ߬ߙߌ߬ ߟߊ߫ ߞߏ߫ ߓߍ߯ ߡߊ߬ ߡߍ߲ ߦߋ߫ ߤߊ߲ߞߟߌ ߣߌ߫ ߒ ߠߊ߫ ߖߏ߯ ߢߌߡߊ ߣߌ߫ ߒ ߠߊ߫ ߡߙߌߦߊ ߟߎ߬ ߡߊߦߟߍ߬ ߟߊ߫.
ߊ߬ ߣߌ߫ ߊ߬ ߦߋ߫ ߒ ߟߐ߬ ߟߊ߫ ߡߊ߬ߟߏ߬ߦߊ ߟߊ߫߸ ߊ߬ ߣߌ߫ ߡߎ߬ߢߎ߲߬ߠߌ߲ ߣߌ߫ ߝߊ߲߬ߘߌ߲߬ߧߊ ߥߘߋ߬ߥߘߋ߬ߟߌ ߟߊ߫߸ ߊ߬ ߣߌ߫ ߡߎ߬ߢߎ߲ ߣߌ߫ ߟߊߣߊ߲ߕߋߦߊ ߣߌ߫ ߖߘߍ߬ߡߊߖߌ߮߸ ߛߟߐߡߌ߲߫ ߠߊߘߊ߲߸ ߛߣߐ߬ߡߍ߬ ߜߍߦߊ߸ ߟߊ߬ߤߘߌ߬ ߟߊߕߋߟߋ߲߸ ߤߙߍ ߟߊߢߌߣߌ߲ ߡߐ߱ ߟߎ߬ ߦߋ߫߸ ߘߐ߬ߖߊ ߤߊߙߌߖߍ߮ ߢߌߣߌ߲ ߘߐ߫߸ ߤߌߣߊ ߘߐ߰ߕߐ ߟߎ߬ ߟߊ߫߸ ߓߊ߲߬ߓߊ߮ ߟߎ߬ ߓߐߢߊ߲߯ߠߌ߲߸ ߞߎߡߊ߫ ߟߊߕߋߟߋ߲ ߨߩ߸ ߞߎߡߊ߫ ߘߌߡߊ߲߸ ߡߐ߱ ߟߎ߬ ߟߊߛߣߍߟߌ ߢߊߘߌߦߊ ߟߊ߫߸ ߊ߬ ߣߌ߫ ߒ ߛߍ߲ߓߍߟߌ ߊ߬ߟߎ߫ ߟߊߛߍߥߊߟߌ ߟߊ߫ ߒ ߛߋߞߏ ߟߊ߫.
ߏ߬ ߢߐ߲߰ߘߐ߫ ߘߐ߫߸ ߊ߬ ߦߋ߫ ߒ ߖߊߛߙߋߡߊߟߊ߫ ߟߊ߫ ߞߏߟߐ߲ߓߊߟߌߦߊ (ߖߊߤߌߟߌߦߊ) ߟߊ߫߸ ߊ߬ ߣߌ߫ ߞߵߒ ߕߊ߲߬ߞߊ߫ ߓߊ߲߬ߓߊ߰ߦߊ (ߞߎߝߙߎ) ߡߊ߬߸ ߊ߬ ߣߌ߫ ߡߊ߰ߙߌ߬-ߒߕߊ߲ߧߊ (ߌߟߑߤߊ߯ߘߎ)߸ ߞߊ߲ߡߊߕߏߟߌ߸ ߞߏ߫ ߞߊߙߏߦߊߣߍ߲ ߠߎ߬ (ߝߊߥߊ߯ߤߌߛ߭)߸ ߢߊ߬ߡߐ߬ߦߊ (ߖߌߣߊ)߸ ߗߍ߬ߣߌ߬ߗߍ߬ߦߊ ߥߟߊ߫ ߡߏ߬ߛߏ߬ߣߌ߬ߡߏ߬ߛߏ߬ߦߊ߸ ߖߘߍ߬ߘߐ߬ߓߊ߬ߦߊ߸ ߞߏߢߐ߲߯ߦߊ (ߤߊߛߊߘߌ)߸ ߞߣߐߘߐߜߍߦߊ߸ ߖߌ߰ߖߎ߯ߦߊ߸ ߟߊ߬ߡߐߣߍ߸ ߛߎ߬ߣߎ߲߸ ߥߎߦߊ߸ ߖߌ߰ߕߍ߰ߟߌ߸ ߖߎ߯ߡߊ߲ߒߕߋߦߊ߸ ߛߊߟߏߦߊ߸ ߟߎ߬ߕߎ߬ߦߊ (ߖߐ߬ߘߐ)߸ ߓߊ߯ߙߊߒߕߊ߲ߧߊ߸ ߡߐߣߍ߸ ߞߊ߲ߠߊߓߌߟߊ߸ ߞߏߟߐ߲ߓߊߟߌߦߊ (ߛߊߝߊߤߊ)߸ ߕߙߐߦߊ ߟߊߛߋ ߡߐ߱ ߟߎ߬ ߡߊ߬߸ ߞߎߡߊ߫ ߛߌߦߊߡߊ߲߫ ߢߊ߬ߕߣߐ߬ߒߕߊ߲߸ ߘߏ߲߰ߞߏ ߟߎ߬ ߟߊߓߐߟߌ߸ ߖߊ߲߬ߝߊ߸ ߟߊ߬ߤߘߌ߬ ߕߌߢߍߟߌ߸ ߓߊ߫ ߣߌ߫ ߝߊ߬ ߞߊ߲ߡߊߕߏߟߌ߸ ߓߊߘߋ߲ߧߊ ߘߐߕߍ߰ߟߌ߸ ߘߋ߲ ߠߎ߬ ߡߊߓߌߟߊߟߌ߸ ߊ߬ ߣߌ߫ ߛߌ߰ߢߐ߲߮ ߣߌ߫ ߘߊ߲ߝߋ߲ ߓߍ߯ ߕߙߐߟߌ ߝߘߏ߬ߓߊ߬ ߓߟߏߡߊ߬.
ߊ߬ ߣߌ߫ ߛߌ߬ߟߊ߬ߡߦߊ ߦߴߒ ߕߊ߲߬ߞߊ߫ ߟߊ߫ ߝߣߊ߫ — ߘߐ߬ߟߐ߫ ߡߌ߲ ߡߊ߬߸ ߊ߬ ߣߌ߫ ߓߊ߰ߙߋ߲߬ߠߊ߬ߞߏ ߟߎ߬ ߟߊߓߊ߯ߙߊ ߡߊ߬߸ ߊ߬ ߣߌ߫ ߕߏߟߏ߲߫ ߓߐ߬ߘߍ߬ߓߐ߬ߟߊ ߡߊ߬ ߥߏߘߌ ߟߊ߫߸ ߊ߬ ߣߌ߫ ߛߏ߲߬ߧߊ߬ߟߌ߸ ߣߊ߲ߞߊ߲ߠߌ߲ ߣߌ߫ ߒ ߞߘߊ߲߬ߝߊ߬ߛߌ߬ߟߌ߸ ߡߐ߱ ߟߎ߬ ߟߊߛߌߟߊ߲ߠߌ߲߸ ߊ߬ ߣߌ߫ ߢߊߝߍߡߊߝߟߍߟߌ ߊ߬ߟߎ߫ ߡߊ߬߸ ߊ߬ ߣߌ߫ ߞߊ߬ ߊ߬ߟߎ߫ ߘߏ߲߰ߞߏ ߟߎ߬ ߣߴߊ߬ߟߎ߫ ߘߐ߯ߦߡߊ߫ ߦߙߐ ߟߎ߬ ߢߌߣߌ߲߫.
ߊ߬ ߣߌ߫ ߒ ߠߊ߫ ߘߌ߯ߣߊ߫ ߛߌ߬ߟߊ߬ߡߦߊ ߦߋ߫ ߣߊ߲ߝߟߏ ߟߎ߬ ߟߊߞߊ߲ߘߊ߫ ߟߊ߫߸ ߏ߬ ߟߋ ߦߋ߫ ߟߊ߬ߞߊ߲߬ߘߊ߬ߟߌ ߣߌ߫ ߤߙߍ ߟߊߖߍ߲ߛߍ߲߫ ߠߊ߫؛ ߏ߬ ߟߋ ߡߊ߬߸ ߊ߬ ߞߊ߬ ߡߐ߱ ߟߎ߬ ߟߐ߬ ߞߊ߲ߘߋߦߊ (ߊߡߊߣߊ) ߟߊ߫߸ ߊ߬ ߣߌ߫ ߞߊ߬ ߊߡߊߣߊߕߌ߮ ߟߎ߬ ߡߊߕߐ߯߸ ߞߊ߬ ߛߌ߱ ߢߌߡߊ ߟߊ߬ߤߘߌ߬ ߕߊ߬ ߊ߬ߟߎ߬ ߦߋ߫߸ ߊ߬ ߣߌ߫ ߡߍ߲ߘߌߦߊ߫ (ߊߙߌߖߣߊ) ߘߏ߲߬ߠߌ߲ ߛߟߐ߬ߡߊ߬ߞߏ ߘߐ߫߸ ߊ߬ ߣߌ߫ ߞߊ߬ ߛߏ߲߬ߧߊ߬ߟߌ ߟߊߕߐ߲߫߸ ߊ߬ ߣߌ߫ ߞߊ߬ ߛߏ߲߬ߧߊ߬ߟߊ ߟߊߛߌߟߊ߲߫ ߓߌ߲߬ߓߊߏ ߟߊ߫ ߘߎߢߊ߫ ߣߌ߫ ߟߊߞߌߙߊ߫ ߓߍ߯ ߘߐ߫.
ߊ߬ ߣߌ߫ ߒ ߠߊ߫ ߘߌ߯ߣߊ ߦߋ߫ ߣߌ ߟߎ߬ ߟߊߞߊ߲ߘߊ߫ ߟߊ߫߸ ߏ߬ ߟߋ ߡߊ߬ ߊ߬ ߞߊ߬ ߣߌ߫ ߝߊ߮ ߟߊߕߐ߲߫ ߞߏ߫ ߕߍ߫ ߡߍ߲ ߘߐ߫߸ ߊ߬ ߣߌ߫ ߞߊ߬ ߡߐ߱ ߟߎ߬ ߕߐ߬ߢߐ߲߬ߠߌ߲ ߠߊߕߐ߲߫ ߕߐ߬ߢߐ߲߬ߠߌ߲߬ ߛߌߦߊߦߊ ߓߍ߯ ߘߐ߫߸ ߤߊߟߌ߬ ߣߴߊ߬ ߞߍ߫ ߘߊ߫ ߞߎߡߊ߫ ߘߐߙߐ߲߫ ߘߌ߫.
ߤߊߟߌ߬ ߊ߬ ߞߊ߬ ߡߐ߱ ߟߊߕߐ߲߫ ߊ߬ ߖߍ߬ߘߍ߫ ߕߐ߬ߢߐ߲߬ߠߌ߲ ߡߊ߬؛ ߊ߬ ߡߊ߫ ߛߐ߲߬ ߡߐ߱ ߦߴߊ߬ ߤߊ߲ߞߟߌ ߕߌߢߍ߫߸ ߥߟߊ߫ ߞߵߊ߬ ߟߊ߫ ߞߍ߲ߘߍߦߊ ߟߊߕߏߟߏ߲߫߸ ߥߟߊ߫ ߞߵߊ߬ ߖߍ߬ߘߍ߫ ߝߊ߰.
ߊ߬ ߣߌ߫ ߒ ߠߊ߫ ߘߌ߯ߣߊ߫ ߛߌ߬ߟߊ߬ߡߦߊ ߦߋ߫ ߤߙߐߦߊ ߟߎ߬ ߟߊߞߊ߲ߘߊ߫ ߟߊ߫߸ ߊ߬ ߣߌ߫ ߞߵߊ߬ߟߎ߬ ߟߊߛߙߊߕߌߦߊ߫ (ߞߵߊ߬ߟߎ߬ ߟߊߓߊ߲ߓߊ߲߫ ߛߊ߬ߙߌ߬ߦߊ ߟߊ߫)߸
ߏ߬ ߘߐ߫߸ ߡߐ߱ ߦߋ߫ ߤߙߐ߫ ߘߌ߫ ߛߌ߬ߟߊ߬ߡߦߊ ߘߐ߫ ߊ߬ ߟߊ߫ ߡߙߌߦߊ ߘߐ߫߸ ߊ߬ ߟߊ߫ ߝߋ߬ߙߋ ߣߌ߫ ߊ߬ ߟߊ߫ ߛߊ߲ߠߌ߲ ߘߐ߫߸ ߊ߬ ߟߊ߫ ߖߊ߬ߥߏ ߘߐ߫߸ ߊ߬ ߣߴߊ߬ ߟߊ߫ ߦߟߍ߬ߡߊ߲߬ߦߟߍߡߊ߲ ߘߐ߫. ߊ߬ ߦߋ߫ ߤߙߐ߫ ߘߌ߫ ߝߣߊ߫ ߞߊ߬ ߘߎߢߊ߫ ߘߊ߰ߡߎ߲߬ ߝߋ߲߫ ߛߊߣߌߡߊ߲ ߠߎ߬ ߕߣߐ߬ߓߐ߫߸ ߦߏ߫ ߘߊߥߎ߲ߠߌ߲ߝߋ߲߸ ߡߌ߲߬ߠߌ߲߬ߝߋ߲߸ ߝߊߘߌߦߊߓߐ߸ ߥߟߊ߫ ߡߍ߲ߕߊ߸ ߝߏ߫ ߣߴߊ߬ ߡߊ߫ ߤߊ߬ߙߊ߲߬ߡߎ߲߬ ߞߏ߫ ߞߍ߫ ߡߍ߲ ߘߌ߫ ߕߙߐߦߊ ߟߊߛߋ߫ ߊ߬ ߖߍ߬ߘߍ ߥߟߊ߫ ߡߐ߰ ߜߘߍ߫ ߡߊ߬.
ߊ߬ ߣߌ߫ ߒ ߠߊ߫ ߘߌ߯ߣߊ ߦߋ߫ ߞߊ߲ߠߊߓߌߟߊ ߟߎ߬ ߟߊߛߙߊߕߌߦߊ߫ ߟߊ߫؛ ߊ߬ ߕߍ߫ ߛߐ߲߬ ߡߐ߰ ߛߌ߫ ߦߋ߫ ߕߐ߬ߢߐ߲߬ߠߌ߲߬ ߞߍ߫ ߡߐ߰ ߜߘߍ߫ ߡߊ߬߸ ߊ߬ ߣߌ߫ ߡߐ߱ ߞߊߣߊ߬ ߊ߬ ߖߍ߬ߘߍ߫ ߓߌ߬ߟߊ߬ ߊ߬ ߛߊ߬ߥߏ߬ ߤߊ߬ߙߊ߲߬ߡߎ߲߬ߣߍ߲ ߠߎ߬ ߞߐ߫߸ ߡߍ߲ ߠߎ߬ ߦߋ߫ ߊ߬ ߟߊ߫ ߣߊ߲ߝߟߏ ߣߴߊ߬ ߟߊ߫ ߤߙߍ ߣߴߊ߬ ߟߊ߫ ߡߐ߰ߦߊ ߓߍ߯ ߕߌߢߍ߫ ߟߊ߫.
ߣߴߌ ߞߊ߬ ߡߐ߱ ߟߎ߬ ߡߊߝߟߍ߫߸ ߡߍ߲ ߠߎ߬ ߞߵߊ߬ߟߎ߫ ߞߊ߲ߠߊߓߌߟߊ ߞߏ߫ ߓߍ߯ ߘߐ߫߸ ߞߵߊ߬ߟߎ߫ ߣߌ ߛߐ߫ ߊ߬ ߛߊ߬ߥߏ ߣߴߊ߬ ߣߝߊ߬ߦߊ߬ߞߏ ߓߍ߯ ߟߊ߫ ߣߊ߲߬ߕߌ߰ ߛߌ߫ ߕߍ߫ ߡߍ߲ ߠߎ߬ ߟߊ߫ ߞߊ߬ ߓߐ߫ ߘߌ߯ߣߊ ߥߟߊ߫ ߤߊ߲ߞߟߌ ߝߍ߬ - ߌ ߘߴߊ߬ ߦߋ߫ ߞߏ߫ ߊ߬ߟߎ߬ ߦߋ߫ ߘߐ߯ߦߊ ߣߌ߫ ߘߐ߬ߜߍ߬ߘߍ߲߬ߠߌ߲ ߟߋ߬ ߘߌ߫߸ ߌ ߘߌ߫ ߘߏ߫ ߟߎ߫ ߦߋ߫ ߊ߬ߟߎ߫ ߦߴߊ߬ ߝߍ߬ ߞߵߊ߬ߟߎ߫ ߖߍ߬ߘߍ߫ ߝߊ߰؛ ߛߴߊ߬ߟߎ߬ ߘߌ߫ ߓߐ߫ ߖߘߍ߬ߞߊ߬ߣߌ߲߬ ߤߊߡߌ߲߫ (ߞߣߐߜߊ) ߘߐ߫.
ߊ߬ ߣߌ߫ ߒ ߠߊ߫ ߘߌ߯ߣߊ ߦߋ߫ ߒ ߠߊߓߌ߬ߟߊ߬ ߟߊ߫ ߟߊ߬ߞߟߏߞߟߏߟߌ߫ ߢߌߡߊ߫ ߡߊߦߟߍ߬ߣߍ߲ ߠߎ߬ ߟߋ߬ ߟߊ߫ ߘߊߥߎ߲ߠߌ߲ ߣߌ߫ ߡߌ߲߬ߠߌ߲ ߘߐ߫߸ ߊ߬ ߣߌ߫ ߛߌ߬ߣߐ߰ߟߌ ߣߌ߫ ߡߐ߱ ߟߎ߬ ߟߊߛߣߍߟߌ ߘߐ߫.
ߊ߬ ߣߌ߫ ߒ ߠߊ߫ ߘߌ߯ߣߊ ߦߋ߫ ߒ ߟߊߓߌ߬ߟߊ߬ߟߌ ߟߋ߬ ߟߐ߲ߠߌ߲߫ ߠߊ߫ (ߢߊ߬ߞߊ߲߬ߠߌ߲) ߛߊ߲ߠߌ߲ ߣߌ߫ ߝߍ߬ߙߋߟߌ ߘߐ߫߸ ߊ߬ ߣߌ߫ ߤߊߞߍ ߟߎ߬ ߢߌߣߌ߲ ߘߐ߫.
ߊ߬ ߦߋ߫ ߒ ߠߊߓߌ߬ߟߊ߬ ߟߊ߫ ߡߊ߬ߞߊ߲߬ߠߌ߲߬ߠߌ߲ ߟߊ߫ ߘߌ߯ߣߊ߫ ߜߘߍߕߌ߮ ߟߎ߬ ߝߍ߬؛ ߒ ߕߍ߫ ߊ߬ߟߎ߬ ߕߐ߬ߢߐ߲߬ ߠߊ߫߸ ߒ ߕߍ߫ ߖߎ߯ߡߊ߲߫ ߞߍ߫ ߟߴߊ߬ߟߎ߫ ߡߊ߬߸ ߊ߬ ߣߊ߬ߦߟߊ߬ߡߎ߲߫ ߒ ߧߋ߫ ߢߊ߬ ߟߊ߫ ߊ߬ߟߎ߫ ߦߋ߫߸ ߞߊ߬ ߤߙߍ ߣߌ߫ ߢߊ߬ߟߌ ߟߊߢߌߣߌ߲߫ ߊ߬ߟߎ߬ ߦߋ߫.
ߊ߬ ߣߌ߫ ߛߌ߬ߟߊ߬ߡߊ ߟߎ߬ ߟߊ߫ ߘߐ߬ߝߐ ߦߋ߫ ߛߙߋߦߊ߫ ߟߴߊ߬ߟߎ߬ ߦߋ߫ ߡߊ߬ߞߊ߲߬ߠߌ߲߬ ߢߌߡߊ ߟߊ߫ ߊ߬ߟߎ߫ ߣߌ߫ ߡߐ߱ ߟߎ߬ ߕߍ߫ ߡߍ߲ ߠߎ߬ ߕߍ߫ ߘߌ߯ߣߊ߫ ߞߋߟߋ߲߫ ߞߊ߲߬߸ ߡߊ߬ߞߊ߲߬ߠߌ߲߬ ߛߎ߮ ߡߍ߲ ߢߐ߲߰ ߡߊ߫ ߟߐ߲߫ ߡߊ߲߬ߕߏ߲߬ ߛߌ߫ ߓߟߏ߫ ߊ߬ߟߎ߬ ߢߍ߫؛
ߛߌ߬ߟߊ߬ߡߊ ߟߎ߬ ߞߊ߬ ߢߣߊߡߦߊ ߞߍ߫ ߡߊ߲߬ߕߏ߲߬ ߛߌߦߊߡߊ߲߫ ߠߎ߫ ߝߍ߬ ߡߍ߲ ߠߎ߬ ߟߊ߫ ߘߌ߯ߣߊ ߟߎ߬ ߝߘߏ߬ߣߍ߲߫ ߢߐ߲߮ ߡߊ߬߸ ߏ߬ ߟߎ߬ ߛߌߦߊߡߊ߲߫ ߘߏ߲߬ ߘߊ߫ ߛߌ߬ߟߊ߬ߡߊ ߟߎ߬ ߟߊ߫ ߡߙߊ߬ߞߊ߲ ߞߣߐ߫؛ ߛߌ߬ߟߊ߬ߡߊ ߟߎ߬ ߞߍ߫ ߘߊ߫ ߏ߬ ߓߍ߯ ߝߍ߬ ߓߊ߯ߙߊߢߐ߲߯ߦߊ߫ ߢߌߡߊ߫ ߘߐ߫ ߡߍ߲ ߢߐ߲߰ ߡߊߦߟߍ߬ߣߍ߲߫ ߕߍ߫ ߡߐ߱ ߟߎ߬ ߕߍ߫.
ߞߊ߬ ߓߍ߯ ߟߊߘߍ߬߸ ߛߌ߬ߟߊ߬ߡߦߊ ߓߘߊ߫ ߒ ߠߊߓߌ߬ߟߊ߬ ߟߊ߬ߞߟߏߞߟߏߟߌ ߣߍ߲ߣߍ߲߫ ߢߌߡߊ ߟߎ߬ ߟߊ߫߸ ߊ߬ ߣߌ߫ ߓߊ߯ߙߊߢߐ߲߯ߦߊ߫ ߟߊߢߊ߬ߣߍ߲ ߠߎ߬߸ ߊ߬ ߣߌ߫ ߖߏ߯ ߢߌߡߊ߫ ߓߏ߲߬ߧߊ߬ߣߍ߲ ߠߎ߬߸ ߡߍ߲ ߠߎ߬ ߦߋ߫ ߒ ߠߊ߫ ߢߣߊߡߦߊ ߟߊߛߣߐߦߊ߫ ߟߊ߫߸ ߞߊ߬ ߒ ߠߊ߫ ߛߍߥߊ ߟߊߝߊ߫،
ߊ߬ ߣߌ߫ ߊ߬ ߦߋ߫ ߒ ߕߊ߲߬ߞߊ߫ ߟߊ߫ ߞߏ ߓߍ߯ ߡߊ߬ ߡߍ߲ ߘߌ߫ ߒ ߠߊ߫ ߢߣߊߡߦߊ ߟߊߛߎ߬ߣߎ߲߫ (ߞߵߊ߬ ߟߊߝߛߏ߬ߦߊ߫)߸ ߊ߬ ߣߌ߫ ߡߍ߲ ߓߍ߯ ߘߌ߫ ߕߙߐߦߊ ߟߊߛߋ߫ ߘߍ߬ߢߐ߬ߞߏ ߟߎ߬ ߡߊ߬߸ ߥߟߊ߫ ߣߌ ߡߊ߬߸ ߥߟߊ߫ ߤߊ߲ߞߟߌ ߡߊ߬߸ ߥߟߊ߫ ߣߊ߲ߝߟߏ ߡߊ߬߸ ߥߟߊ߫ ߓߏ߲߬ߧߊ ߣߌ߫ ߛߣߐ߬ߡߍ߬ߘߐ߬ߦߊ ߡߊ߬.
ߒ ߠߊ߫ ߛߍߥߊ ߣߌ߫ ߒ ߠߊ߫ ߤߙߍ ߦߋ߫ ߓߏ߲߬ߧߊ߬ ߟߊ߫ ߟߋ߬ ߞߊ߬ ߓߍ߲߬ ߒ ߠߊ߫ ߟߊ߬ߞߟߏߞߟߏߟߌ ߣߌ߲߬ ߠߊߓߊ߯ߙߊ߫ ߢߊ ߡߊ߬،
ߒ ߠߊ߫ ߛߍߥߊ ߦߋ߫ ߘߐ߯ߦߊ߫ ߟߊ߫ ߟߋ߬ ߞߊ߬ ߓߍ߲߬ ߒ ߠߊ߫ ߡߊ߬ߙߊ߲߬ߠߌ߲߬ߓߊߟߌߦߊ ߣߌ߫ ߒ ߠߊ߫ ߖߊ߲߬ߓߌ߬ߟߊ߬ߟߌ ߡߊ߬ ߏ߬ ߟߊ߬ߞߟߏߞߟߏߟߌ ߟߎ߬ ߘߐ߫߸ ߦߏ߫ ߒ ߓߘߊ߫ ߘߐ߯ߦߊߟߌ ߡߍ߲ ߞߍ߫ ߏ߬ ߟߊ߬ߞߟߏߞߟߏߟߌ ߟߎ߬ ߟߊߓߊߕߏ ߘߐ߫.
ߏ߬ ߓߍ߯ ߘߐ߫߸ ߞߏ߫ ߕߊ߬ߡߌ߲߬ߣߍ߲ ߢߌ߲߬ ߠߎ߬ ߡߊ߫ ߞߘߐ߫ ߞߏ߫ ߒߠߋ ߦߋ߫ ߡߐ߰ ߟߊߕߊ߲߬ߞߊ߬ߣߍ߲߫ ߘߌ߫ ߡߍ߲ ߕߍ߫ ߝߎ߬ߕߎ߲߬ߕߌ߬ ߟߊ߫߸ ߥߟߊ߫ ߡߍ߲ ߕߍ߫ ߖߊ߲߬ߓߌ߬ߟߊ߬ߟߌ߬ ߞߍ߫ ߟߊ߫؛ ߓߊߏ߬ ߒ ߠߊ߫ ߘߌ߯ߣߊ ߦߋ߫ ߒ ߠߊ߫ ߡߐ߰ߦߊ߬ ߛߎ߲ ߣߌ߫ ߒ ߠߊ߫ ߝߊ߲߬ߞߊ߬ߝߍ߬ߦߊ ߤߊߞߍ ߟߊߕߍ߰ ߟߊ߫ ߕߎ߬ߡߊ ߘߏ߫ ߟߎ߫ ߟߊ߫߸ ߏ߬ ߟߋ ߡߊ߬ ߝߎ߬ߕߎ߲߬ߕߌ ߣߌ߫ ߖߊ߲߬ߓߌ߬ߟߊ߬ߟߌ ߣߌ߫ ߡߊ߬ߙߊ߲߬ߠߌ߲߬ߓߊߟߌߦߊ ߦߋ߫ ߓߐ߫ ߟߊ߫ ߒ ߓߟߏ߫؛ ߏ߬ ߟߋ ߡߊ߬ ߊ߬ ߞߊ߬ ߖߘߍ߬ߟߊ߬ߞߊ߲߬ߘߊ߬ߟߌ (ߕߎߓߌ) ߣߌ߫ ߡߊ߬ߞߏ߬ߢߌ߬ߣߌ߲߬ߠߌ߲ ߣߌ߫ ߞߊ߬ ߛߊߦߌ߲߬ ߊߟߊ߫ ߡߊ߬ ߘߊ ߟߊߞߊ߬ ߒ ߢߍ߫؛ ߓߊߏ߬ ߕߎߓߌ ߦߋ߫ ߒ ߠߊ߫ ߖߊ߲߬ߓߌ߬ߟߊ߬ߟߌ ߣߐ߭ ߟߎ߬ ߟߊߓߋ߬ ߟߊ߫߸ ߊ߬ ߣߌ߫ ߞߊ߬ ߒ ߠߊ߫ ߟߐ߬ߦߙߐ ߡߊߦߟߍ߬ ߒ ߡߊ߰ߙߌ ߓߘߊ.
ߊ߬ ߣߌ߫ ߛߌ߬ߟߊ߬ߡߦߊ ߟߊ߬ߞߟߏߞߟߏߟߌ ߓߍ߯߸ ߞߵߊ߬ ߕߊ߬ ߛߥ߬ߘߌ߲߬ߒߞߣߐ߬ߟߌ ߡߊ߬߸ ߊ߬ ߣߌ߫ ߖߏ߯ߦߊߟߌ߸ ߊ߬ ߣߌ߫ ߟߊ߬ߞߟߏߞߟߏߟߌ߸ ߊ߬ ߣߌ߫ ߓߊ߯ߙߊߢߐ߲߯ߦߊ ߟߎ߬ ߡߊ߬؛ ߏ߬ ߟߎ߬ ߓߍ߯ ߓߐߖߎ ߟߋ߬ ߞߎ߬ߙߣߊ߬ ߞߊߟߊ߲ߒߞߋ ߣߌ߫ ߛߙߊ߬ߣߎ߲߬ ߛߊߣߌ߲ ߘߌ߫.
ߊ߬ ߣߌ߫ ߞߊ߬ ߊ߬ ߟߊߓߊ߲߫߸ ߒ ߦߴߊ߬ ߝߐ߫ ߟߊ߫ ߦߊ߬ߣߌ߲߬ ߞߏ߫ ߒ ߠߊߜߍߣߍ߲߫ ߠߋ߬: ߣߌ߫ ߡߐ߰-ߐ-ߡߐ߰ ߞߵߊ߬ ߢߊ ߟߊ߫ ߛߌ߬ߟߊ߬ߡߦߊ ߘߌ߯ߣߊ ߕߎ߬ߢߊ߬ߦߊ ߞߊ߲߬ ߘߎߢߊ߫ ߦߙߐ߫ ߛߌ߫ ߘߐ߫߸ ߞߵߏ߬ ߞߍ߫ ߕߋߟߋ߲ߓߊ߯ߦߊ ߣߌ߫ ߞߎ߲߬ߠߊ߬ߝߎߟߋ߲ߦߊ ߢߊ ߟߊ߫߸ ߏ߬ ߕߍߣߊ߬ ߛߋ߫ ߟߊ߫ ߞߏ߫ ߜߘߍ߫ ߞߍ߫ ߟߊ߫ ߝߏ߫ ߞߵߊ߬ ߡߌ߬ߘߊ߬؛ ߞߏ߬ߣߌ߲߬ ߓߊߟߏߓߊ ߟߋ߬ ߞߍߣߍ߲߫ ߊ߬ ߘߌ߫ ߞߏ߫ ߥߎߦߊ߫ ߟߊߖߍ߲ߛߍ߲ߠߌ߲ ߠߎ߬ ߦߋ߫ ߛߌ߬ߟߊ߬ߡߦߊ ߕߐ߮ ߟߊߕߌߢߍ߫ ߟߊ߫߸ ߥߟߊ߫ ߡߐ߱ ߘߏ߫ ߟߎ߫ ߟߊ߫ ߓߊ߯ߙߊ߫ ߖߎ߮ ߟߎ߬ ߡߍ߲ ߠߎ߬ ߦߴߊ߬ߟߎ߫ ߖߍ߬ߘߍ߫ ߟߊ߫ ߟߊ߫ ߘߌ߯ߣߊ ߣߌ߲߬ ߠߊ߫ ߞߵߊ߬ ߕߘߍ߬ ߊ߬ߟߎ߬ ߕߍ߫ ߊ߬ ߛߊ߬ߙߌ߬ߦߊ ߟߎ߬ ߟߊߓߊ߯ߙߊ߫ ߟߊ߫.
ߣߌ ߡߐ߬ ߘߏ߫ ߟߎ߫ ߕߎ߲߬ ߞߊ߬ ߞߏ ߟߎ߬ ߖߘߍ߬ߖߘߍ ߞߎ߲ ߠߎ߬ ߡߊߝߟߍ߫ ߥߟߊ ߡߐ߰ ߡߍ߲߫ ߠߎ߬ ߟߐ߬ ߣߍ߲ ߊ߬ ߞߏ ߟߊ߫ ߟߊߜߍ߫ ߡߍ߲ ߠߎ߬ ߓߴߊ ߖߊߕߋߡߌߣߊ ߡߎ߲ ߘߐ߫ ߏ߬ ߟߎ߬ ߦߋ߫ ߛߌߞߊ߫ ߟߊ߫ ߊ߬ ߣߌ߫ ߘߏ߲߬ ߞߏ߫ ߘߐ߫ ،
ߊ߬ ߘߌ߫ ߟߊ߲ߞߣߍߡߊ߫ ߏ߬ ߕߌ߱ ߦߋ߫ ߞߏ߫ ߛߌ߬ߟߊ߬ߡߦߊ ߦߋ߫ ߡߐ߰ߦߊ ߟߊߛߍߥߊ߫ ߞߏ ߟߋ߬ ߞߊ߲߬߸ ߊ߬ ߣߌ߫ ߞߊ߬ ߤߙߍ ߣߌ߫ ߟߊ߬ߞߊ߲߬ߘߊ߬ߟߌ ߟߊߓߊ߲ߓߊ߲߫߸ ߊ߬ ߣߌ߫ ߞߊ߬ ߕߋߟߋ߲ߓߊ߯ߦߊ ߣߌ߫ ߢߊ߬ߡߊ߬ߞߏ ߟߊߖߍ߲ߛߍ߲߫.
ߛߌ߬ߟߊ߬ߡߊ ߘߏ߫ ߟߎ߫ ߟߊ߫ ߖߊ߲߬ߓߌ߬ߟߊ߬ߟߌ ߣߴߊ߬ߟߎ߫ ߟߊ߫ ߝߘߏ߬ߟߌ ߛߊ߬ߙߌ߬ߦߊ ߡߊ߬ — ߏ߬ ߞߍ߫ ߘߊ߫ ߞߏ߫ ߘߐ߯ߣߍ߲߫ ߘߌ߫ ߥߟߊ߫ ߞߏ߫ ߓߏ߲߬ߓߊ߫ — ߏ߬ ߕߍ߫ ߘߊ߰ ߢߊ߫ ߛߌ߫ ߡߊ߬ ߞߵߏ߬ ߖߊ߬ߕߋ߬ ߘߌ߯ߣߊ ߟߊ߫ ߞߏ߫ ߘߌ߫߸ ߥߟߊ߫ ߞߊ߬ ߘߌ߯ߣߊ ߟߊߓߟߏߟߊ߫ ߏ߬ ߟߊ߫؛ ߓߊߏ߬ ߘߌ߯ߣߊ ߛߣߐߦߊߣߍ߲߫ ߠߋ߬ ߏ߬ ߓߍ߯ ߡߊ߬ (ߊ߬ ߓߙߊ߬ߣߍ߲߫ ߠߋ߬ ߊ߬ߟߎ߫ ߘߐ߫)߸
ߊ߬ ߣߌ߫ ߖߊ߲߬ߓߌ߬ߟߊ߬ߟߌ ߏ߬ ߟߊߓߊ߲߫ ߞߏ ߣߴߊ߬ ߖߋ߬ߓߟߌ ߦߋ߫ ߛߊߦߌ߲߬ ߠߊ߫ ߖߊ߲߬ߓߌ߬ߟߊ߬ߓߊ߮ ߏ߬ ߟߎ߫ ߟߋ߫ ߡߊ߬ ߊ߬ߟߎ߫ ߖߍ߬ߘߍ߫ ߓߟߏ߫؛ ߓߊߏ߬ ߛߌ߬ߟߊ߬ߡߦߊ ߡߊ߫ ߏ߬ ߟߐ߬ߒ߬ߞߊ߲ߠߊ ߘߌ߫ ߊ߬ߟߎ߫ ߡߊ߬߸ ߊ߬ ߞߵߊ߬ߟߎ߫ ߕߊ߲߬ߞߊ߫ ߟߋ߬ ߊ߬ ߣߌ߫ ߞߵߊ߬ߟߎ߫ ߞߟߊߓߎߦߊ߫ ߞߊ߬ ߓߐ߫ ߝߘߏ߬ߟߌ ߡߊ߬ ߊ߬ ߟߊ߫ ߟߊ߬ߞߟߏߞߟߏߟߌ ߟߎ߬ ߘߐ߫.
ߞߏ߬ߣߌ߲߬ ߡߍ߲ ߠߎ߬ ߦߋ߫ ߘߌ߯ߣߊ ߟߐ߬ߦߙߐ ߟߎ߬ ߟߊߓߊ߯ߙߊ߫ ߟߊ߫ ߊ߬ ߢߊ߫ ߓߘߍ ߡߊ߬߸ ߊ߬ ߣߌ߫ ߞߵߊ߬ ߟߐ߬ߒ߬ߞߊ߲ߠߊ ߟߎ߬ ߣߌ߫ ߊ߬ ߛߊ߬ߙߌ߬ߦߊ ߟߎ߬ ߟߊߓߊߕߏ߫ ߊ߬ߟߎ߫ ߖߍ߬ߘߍ ߣߌ߫ ߡߐ߰ ߜߘߍ ߟߎ߬ ߕߍ߫؛ ߏ߬ ߟߋ ߦߋ߫ ߛߣߐ߬ߡߍ ߟߎ߬ ߟߊߝߊ߫ ߟߊ߫ ߓߏ߲߬ߧߊ ߣߌ߫ ߡߊ߬ߕߐ߯ߟߌ ߟߊ߫ ߘߌ߯ߣߊ ߣߌ߲߬ ߣߌ߫ ߊ߬ ߘߏ߲߬ߞߏ ߟߎ߬ ߦߋ߫؛
ߛߌ߬ߟߡߊ߬ߦߊ߫ ߡߊ߫ ߞߏߢߊ߫ ߘߐ߰ߡߊ߲߬ߣߍ߲߫ ߣߌ߫ ߞߏߓߊ߫ ߛߌ߫ ߕߏ߫ ߞߊ߲ߘߊߟߌ ߣߌ߫ ߛߊߞߍߟߌ ߘߐ߫ ߣߴߊ߬ ߡߊ߫ ߘߐߛߎ߫ ߊ߬ ߡߊ߬߸ ߊ߬ ߣߌ߫ ߖߎ߯ߡߊ߲߫ ߛߌ߫ ߣߌ߫ ߕߌߢߍߟߌ ߣߌ߫ ߡߐ߱ ߟߎ߬ ߡߊߛߊ߬ߦߌ߬ ߊ߬ ߡߊ߬.
ߊ߬ ߣߌ߫ ߏ߬ ߟߋ ߡߊ߬߸ ߡߍ߲ ߠߎ߬ ߦߋ߫ ߘߌ߯ߣߊ ߞߏߢߊ ߟߎ߬ ߓߏ߲߬ߧߊ߬ ߟߊ߫߸ ߞߊ߬ ߊ߬ ߣߊߡߎ߲߫ ߞߏߢߊ ߟߎ߬ ߟߐ߬߸ ߏ߬ ߟߎ߫ ߟߋ߬ ߞߍ߫ ߘߊ߫ ߡߐ߱ ߟߎ߬ ߘߐ߫ ߛߍߥߊߓߊ߮ ߟߎ߬ ߘߌ߫߸ ߊ߬ ߣߌ߫ ߞߊ߬ ߞߍ߫ ߣߌ ߟߊ߬ߞߟߏߞߟߏߟߌ ߞߊߓߋ߫ ߡߊߦߟߍ߬ߣߍ߲ ߘߌ߫ ߸ ߊ߬ ߣߌ߫ ߞߵߊ߬ߟߎ߫ ߞߟߏߞߟߏ߫ ߖߏ߯ ߢߌߡߊ ߣߌ߫ ߟߊ߬ߞߟߏߞߟߏߟߌ߫ ߓߏ߲߬ߧߊ߬ߣߍ߲ ߠߎ߬ ߞߊ߲߬؛ ߡߐ߰ ߛߎߘߎ߲ ߣߌ߫ ߡߐ߰ ߖߊ߲ ߓߍ߯ ߦߋ߫ ߛߙߋߦߊ߫ ߟߴߊ߬ߟߎ߬ ߦߋ߫ ߏ߬ ߟߋ ߘߐ߫ ߸ ߊ߬ ߣߌ߫ ߡߍ߲ ߠߎ߬ ߦߋ߫ ߓߍ߲߬ߠߌ߲ ߘߐ߫ ߊ߬ ߣߌ߫ ߡߍ߲ ߠߎ߬ ߦߋ߫ ߝߘߏ߬ߟߌ ߘߐ߫.
ߞߏ߬ߣߌ߲߬ ߞߊ߬ ߛߌ߬ߟߊ߬ߡߊ߬ ߖߊ߲߬ߓߌ߬ߟߊ߬ߓߊ߮ ߟߎ߬ ߟߊ߫ ߢߣߊߡߦߊ߫ ߢߊ ߘߐߙߐ߲߫ ߡߊߝߟߍ߫߸ ߡߍ߲ ߠߎ߬ ߓߘߊ߫ ߊ߬ߟߎ߫ ߞߐߘߏ߲߬ ߊ߬ ߛߌߟߊ߫ ߕߋߟߋ߲ߣߍ߲ ߠߊ߫ - ߏ߬ ߕߍ߫ ߕߋߟߋ߲ߓߊ߯ߦߊ߫ ߞߏ߫ ߘߌ߫ ߝߋߎ߫߸ ߞߏ߬ߣߌ߲߬ ߏ߬ ߟߋ ߦߋ߫ ߕߐ߬ߢߍ߮ ߖߍ߬ߘߍߖߍ߬ߘߍ ߘߌ߫.
ߒߠߋ ߦߋ߫ ߛߌ߬ߟߊ߬ߡߊ ߟߋ߬ ߘߌ߫
ߟߐ߲ߞߏ߫ ߥߛߊ߬ߓߊ߰ߦߊ ߡߍ߲ ߦߋ߫ ߘߌ߯ߣߊߞߏߢߊ ߟߎ߬ ߞߊ߲ߕߌ߯ߦߊ ߞߘߐ߫ ߟߌ߬ߤߙߐ߬ߡߊ߬ ߕߌ߲ߓߌߘߌ߲ߘߊ ߣߌ߫ ߞߋߟߊ ߟߊ߫ ߕߌ߲ߓߌߘߌ߲ߘߊ
ߒ ߞߊ߬ ߛߌ߬ߟߡߊ߬ߦߊ߫ ߡߊߟߐ߲߫ ߞߎߡߊ ߟߊ߲ߞߣߍߡߊ߫، ߊ߬ ߣߌ߫ ߖߐ߲ ߦߋ߫ ߛߌ߬ߟߊ߬ߡߊ ߘߌ߫، ߊ߬ ߣߵߌ ߦߋ߫ ߞߍ߫ ߟߊ߫ ߛߌ߬ߟߊ߬ߡߊ ߖߍ߬ߘߍߖߍ߬ߘߍ ߘߌ߬ ߘߌ߫، ߦߴߊ߬ ߦߋ߫ ߟߞߊ߬ߝߏ߬ߟߌ ߞߍ߫ ߟߊ߫ ߢߊ߫ ߡߍ߲߫ ߛߌ߬ߟߡߊ߬ߦߊ ߟߊ߫ ߢߌ߬ߡߊ ߣߵߊ߬ ߘߊߖߏ߮ ߓߘߍ߫ ߞߘߐߕߊ߬ߣߍ߲߬ߓߊ ߟߎ߬ ߟߊ߫، ߊ߬
ߣߌ߫ ߡߏ߬ߛߏ ߟߐ߬ߦߌߟߊ، ߊ߬ ߣߌ߫ ߞߙߎߘߐ߫ ߛߌ߰ߢߐ߲߯ ߛߎߘߎ߲ ߠߎ߬، ߤ ߞߵߊ߬ ߟߊ߲ߞߣߍߡߊ߫ ߕߎ߲߯ ߞߏ߫ ߛߌ߬ߟߡߊ߬ߦߊ ߦߋ߫ ߖߊ߰ߡߊ߬ߙߟߌ ߣߌ߫ ߥߟߋߟߌ ߞߍ߫ ߟߊ߫ ߞߊ߬ ߕߊ߯ ߟߊ߲߬ߓߋ߬ ߓߘߍ߫ ߓߍ߯ ߟߋ߬ ߡߊ߬߸ ߊ߬ ߕߍ߫ ߝߊߕߊ߲ߕߟߌ ߞߍ߫ ߛߌ߫ ߡߊ߬ ߝߏ߫ ߞߎ߲߬ߣߊ߬ߖߌ߰ ߞߏ߫ ߟߎ߫.
***
